ⵉⵏⵏⴰ ⵎⴰⵙⵙ ⵃⴷⴷⴰⴷ, ⵍⵍⵉ ⴷ ⵢⵓⵙⴰⵏ ⴷ ⴰⵏⴱⴳⵉ ⴰⵙⵙ ⵏ ⵓⵙⵉⵏⴰⵙ ⵖⵔ ⵓⵎⵙⴰⴳⴰⵔ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵉ ⵉⵏⵖⵎⵉⵙⵏ, ⵃⵎⴰ ⴰⴷ ⵉⵙⵙⵡⵍ ⵅⴼ ⵓⵙⵏⵜⵍ ⵏ « ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵡⵔⵓⴱⴱⵉ… ⵉ ⴷ ⵢⵓⵏⵓⴹⵏ ⵅⴼ ⵎⴰⵔⵔⴰ ⵉⵎⴰⵙⵙⵏ ⵉⵎⵔⵙⴰⵍⵏ ⵏ ⵓⵎⵙⴰⵡⴰⵍ ⴷ ⵓⵣⴷⴷⵓⵢ, ⴷ ⵓⵙⵔⵜⵏ ⵏ ⵜⵖⴰⵡⵙⵉⵡⵉⵏ ⵉ ⵉⵜⵜⴰⴷⴼⵏ ⴳ ⵜⵓⵥⵍⴰⵢⵉⵏ ⵏ ⵜⵣⵔⴼⵜ » ⵉⵍⴰ « ⵍⵎⵖⵔⵉⴱ ⵓⵔ ⵖⵔⵙ ⴰⵎⵓⴽⵔⵉⵙ ⴷ ⵜⵎⵓⵏⵉ ⵜⴰⵡⵔⵓⴱⴱⵉⵜ ⴷ ⵜⵎⵔⵙⴰⵍ ⵏⵏⵙ » ⵎⴰⵛⴰ ⴰⵎⵓⴽⵔⵉⵙ ⵏⵏⵙ ⴰⴽⴷ ⵓⴱⵕⵍⴰⵎⴰⵏ ⴰⵡⵕⵓⴱⴱⵉ ⵎⵉⵏ ⵖⴰ ⵉⵍⵍⴰ ⴽⵔⴰ ⵏ ⵜⵓⵥⵍⴰⵢⵉⵏ ⵉⵇⵇⵏⵏ ⵙ ⵜⵖⵜⴰⵙⵉⵏ ⵖⵔ ⵉⵣⵔⴼⴰⵏ, ⵙ ⵜⴷⵔⴰⵡⵜ ⴰⴽⴷ ⵉⵙⵇⵇⵉⵎⵏ ⵏ ⵉⵎⴰⵡⵙⴰⵙⵏ ⴷ ⵓⵙⴷⵜⵜⴻⵜ ⵅⴼ ⵜⵎⵙⴰⵙⵜⵍⵜ.
ⵉⵔⵏⴰ ⴱⵓ ⵉⵔⵉⵎ ⴰⴷ ⴰⴳⵔⴰⵖⵍⴰⵏ ⵉⵍⴰ ⴰⵎⵓⴽⵔⵉⵙ ⵏ ⵍⵎⵖⵔⵉⴱ ⵜⵍⵍⴰ ⴰⴽⴷ « ⴽⵔⴰ ⵏ ⵉⵎⵓⵔⴰ ⵉⵡⵔⵓⴱⴱⴰⵡⵢⵏ ⵉ ⵜⵜⵓⵖⴰ ⵉⵍⵍⴰⵏ ⵍⴱⴷⴰ ⵎⴳⴰⵍ ⵉ ⵍⵎⵖⵔⵉⴱ, ⵙⵢⴰⴼⵓⵏ ⵜⴰⵙⵙⴰⵙⵜ ⵏ ⵓⵙⴳⵓⴼⵙⵓ » ⴳ ⵓⴳⵏⵙ ⵏ ⵜⵎⵔⵙⵍⵜ ⵜⴰⵣⵔⴼⴰⵏⵜ ⵜⴰⵡⵔⵓⴱⴱⵉⵜ ⴱⴰⵛ ⴰⴷ ⵣⵣⵔⵉⵏ ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵡⵔⵓⴱⴱⵉ, ⵉⵜⵜⴱⵀⴹ ⵙ ⵓⵙⴱⴷⴰⴷ « ⵉⵛⵕⴹⵏ » ⵏ ⴽⵔⴰ ⵉⵍⵉⴱⵉⵕⴰⵍⵉⵢⵏ ⵉⴼⵔⴰⵏⵙⵉⵙⵏ.
ⴹⴰⵕⵜ ⵍⵍⵉⴳ ⵉⵙⴷⵜⵜⴻⵜ ⵅⴼ ⵓⵙⵎⴰⴷ ⵏ ⵜⵖⵓⵏⵉⵡⵉⵏ ⴳⵔ ⵍⵎⵖⵔⵉⴱ ⴷ ⵜⵎⵓⵏⵉ ⵜⴰⵡⵔⵓⴱⴱⵉⵜ, ⵉⵙⵙⵎⵖⵔ ⵓⵎⵙⵙⴼⴰⵡ ⴰⴳⵔⴰⵖⵍⴰⵏ ⴳ ⵜⵏⴼⵍⵉⵜ ⵜⴰⵏⴰⵎⵓⵏⵜ ⵙ « ⵓⵏⵇⵇⵉⵙ ⴰⵚⴱⵃⴰⵏ » ⵉ ⴷ ⵉⴼⴼⵖⵏ ⵅⴼ ⵜⵙⵇⵇⵉⵎⵜ ⵜⴰⵡⵔⵓⴱⴱⵉⵜ, ⵉ ⵉⵇⵇⴰⵔⵏ ⵉⵍⴰ ⵉⵎⵣⴷⴰⵖ ⵏ ⵜⵙⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵜⵜⵙⵜⴰⴼⴷⵏⵜ ⵙ ⵜⴷⵔⴰⵡⵜ ⵏⵏⴰ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⵜⵎⵓⵏⵉ ⵜⴰⵡⵔⵓⴱⴱⵉⵜ.
ⴳ ⵜⵖⵓⵏⵉ ⵏⵏⵙ ⴰⴽⴷ ⵜⵎⵔⵙⴰⵍ ⵏⵏⵉⴹⵏ ⵏ ⵜⵎⵓⵏⵉ ⵜⴰⵡⵔⵓⴱⴱⵉⵜ, ⵉⵎⵍ ⴷ ⵓⵙⵍⵎⴰⴷ ⴰⵙⴷⴰⵡⴰⵏ ⵉⵍⴰ ⵍⵎⵖⵔⵉⴱ ⴰⵇⵇⴰ ⵉⵜⵜⵙⵎⴰⴷ ⵜⴰⵡⵓⵔⵉ ⴷ ⵓⵣⴷⴷⵓⵢ ⴰⴽⴷ ⵓⵙⵇⵇⵉⵎ ⵏ ⵜⵇⵉⵛⵛⵉⵜ ⵏ ⵉⵏⵙⵙⵉⵅⴼⵏ ⴷ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵉⵏ, ⵉ ⵉⵙⵔⵓⵙⴰⵏ ⵜⵉⵙⵔⵜⴰⵢ ⵜⵉⵎⴰⵜⵓⵜⵉⵏ ⴷ ⵜⵉⵏⵏⵉ ⵜⵉⵎⵣⵡⵓⵔⴰ, ⴷ ⴰⴽⴷ ⵉⵙⵇⵇⵉⵎⵏ ⵏ ⵉⵎⴰⵡⵙⴰⵙⵏ ⵉⴳⵔⴰⵏⵏ ⵉⵅⴷⴷⵎⵏ ⵙ ⵉⵣⵔⴼⴰⵏ ⵣⴷⴷⵢⵏ ⵙ ⵜⵙⵔⵜⴰⵢ ⴷ ⵜⵙⵇⵇⵉⵎⵜ ⵜⴰⵡⵔⵓⴱⴱⴰⵡⵉⵜ ⵉⵙⵙⴰⵡⴰⵎⵏ ⵙ ⵢⵉⵙⵎ ⵙ ⵉⴱⵖⵓⵔⵏ ⵉⴷⵔⵓⵏ ⵏ ⵜⵎⵓⵏⵉ ⵜⴰⵡⵔⵓⴱⴱⴰⵡⵉⵜ ⵜⵥⴹⴰⵔ ⴰⴷ ⵜⵓⴳⵓⵔ ⵙ ⵉⵣⵔⴼⴰⵏ.