ⵉⵏⵏⴰ ⵎⴰⵙⵙ ⴱⵉⵔⴷⵢⵉⴳⵓ ⴰⵡⴷ ⴳ ⵢⴰⵏ ⵓⵎⵙⴰⵡⴰⵍ ⴰⴽⴷ ⵜⴷⴰⴱⵓⵜ ⵜⴰⵏⵖⵎⴰⵙⵜ (ⵎ24, m24) ⵏⵏⴰ ⵉⴹⴼⵕⵏ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ , ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⴷⴷⵔ ⵏ ⵉⵏⴳⵉⵙⵏ ⵏ ⵍⵀⵓⵍⵓⴽⵓⵙⵜ , ⵎⴰⵙ ⴷ ⵙⴳ ⵎⴰⵙ ⵢⵓⵍⵉ ⴱⴰⴱ ⵏ ⵡⴰⴷⴷⵓⵔ ⵙ ⵓⴷⴰⴱⵓ ⵏ ⵜⵏⴱⴰⴹⵜ ⴰⴷ ⵉⵙⵔⵙ ⵜⴰⵏⵏⴰⵢⵜ ⵏ ⵍⵎⵖⵔⵉⴱ ⵃⵙⴰⴷⵏ ⴰⵖ ⴰⴽⴽⵯ ⴳⵉⵙ...ⵜⴰⵏⵏⴰⵢⵜ ⵏ ⵓⵙⵙⵓⵔⴼ ⴷ ⵓⵡⵇⵇⵔ ⵏ ⵉⵎⴷⵔⵓⵙⵏ."
ⵉⵙⵎⴷ ⵎⴰⵙ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵜⴰⵏⵏⴰⵢⵜ ⴰⴷ ⵏⵏⴰ ⵉⵜⵜⵓⵙⴽⴰⵏ ⵅⴼ ⵓⵎⵙⴰⵙⴰ ⵊⴰⵔ ⵎⴰⵕⵕⴰ ⵉⴼⵔⴷⵉⵙⵏ ⵏ ⵓⴳⴷⵓⴷ ⴰⵎⵖⵔⵉⴱⵉ ⴳ ⵓⵙⴰⵜⵉ ⵏ ⵓⴷⵓⵙⵜⵓⵔ, ⵉⵙⵙⴽⵯⵜⵉ ⴷ ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⵉⵙⴽⵔ ⵢⴰⵜ ⵜⵎⵀⵍⵜ ⵜⴰⵎⵇⵇⵔⴰⵏⵜ ⵉⵥⵉⵍⵏ ⵏⵏⴰ ⵉⴳⴰⵏ ⴰⵍⵍⴰⵙ ⵏ ⵓⵙⵙⴷⵔ ⵏ ⵡⴰⵢⴷⴰ ⵏ ⵓⴷⴰⵢⵏ ⵏ ⵍⵎⵖⵔⵉⴱ, ⵎⴽ ⵍⵍⵉ ⵙ ⵉⵙⵡⵓⵔⵉ ⵅⴼ ⵓⵥⴹⴰⵕ ⵏⵏⵙ ⴷ ⵓⵙⵎⴰⵢⵏⵓ ⵏⵏⵙ ⴰⴼⴰⴷ ⴰⴷ ⵉⵎⵙⴰⵙⴰ ⴰⴽⴷ ⵢⵉⵙⵎ ⴰⴷ, ⵙⵍⴰⵡⴰⵏ ⴰⴽⴽⵯ ⴰⵙⵎⴰⵢⵏⵓ ⵏ ⵎⴰⴷ ⵉⴳⴰⵏ 190 ⵏ ⵓⵄⵎⵎⴰⵔ.
ⵉⵙⴷⴷⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵜⴳⵔⴱⴰⵣⵉⵏ ⵏ ⵓⴷⴰⵢⵏ ⵏ ⵍⵎⵖⵔⵉⴱ ⵎⴰⵙ ⴷ ⵜⵉⵡⵓⵔⵉⵡⵉⵏ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵙⴽⵔⵏⵜ ⵜⵉⵣⴷⴰⵢⵉⵏ ⴰⴽⴷ 800ⵉⴼⴹ ⵏ ⵓⴷⴰⵢ ⴰⵎⵖⵔⵉⴱⵉ ⵏⵏⴰ ⵉⵍⵍⴰⵏ ⴳ ⴱⵕⵕⴰ, ⴰⴼⴰⴷ ⴰⴷ ⵉⵙⵙⴰⵏ ⵉⵥⵓⵔⴰⵏ ⵏⵏⵙⵏ ⴷ ⵡⴰⵏⵙⵉⵏ ⵏ ⵍⴰⵊⴷⵓⴷ ⵏⵏⵙⵏ, ⵙⴽⵔⵏ ⵜⵉⵣⴷⴰⵢⵉⵏ ⴰⴽⴷ ⴷ ⴰⵢⵜ ⵎⴰⵜⵙⵏ ⵉⵎⵓⵙⵍⵎⵏ.
ⵎⴽ ⵍⵍⵉ ⵙ ⵉⵏⵏⴰ ⵎⴰⵙⵙ ⴱⵉⵔⴷⵢⵉⴳⵓ, ⵜⴰⵡⵓⵔⵉ ⴰⴷ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵜⴳⴰ ⵜⵓⵇⵍⵉⴷ, ⵙⴳ ⵎⴰⴷ ⵢⵓⵍⵉ ⵙ ⵜⵏⴱⴰⴹⵜ , ⴷ ⵎⴰ ⴰⴷ ⵉⴳⴰ ⵢⴰⵏ ⵓⵎⴷⵢⴰ ⴰⵖⵔⵎⴰⵏ ⵃⵙⴰⴷⵏ ⴰⵖ ⴳⵉⵙ ⴰⴽⴽⵯ."
ⴳ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵙⴷⵔ ⵏ ⵉⵏⴳⵉⵙⵏ ⵏ ⵍⵀⵓⵍⵓⴽⵓⵙⵜ, ⵉⵏⵏⴰ ⵓⵏⴼⵍⵓⵙ ⵎⴰⵜⴰⵢ ⵏ ⵓⵙⵇⵇⵉⵎ ⵏ ⵜⴳⵔⴱⴰⵣⵉⵏ ⵏ ⵓⴷⴰⵢⵏ ⵏ ⵍⵎⵖⵔⵉⴱ, ⵎⴰⵙ ⴳ ⴷⴰⵔ ⵡⵓⴷⴰⵢⵏ ⵏ ⵍⵎⵖⵔⵉⴱ ⵜⵎⵍⴷⴰ ⴰⴷ ⵜⴳⴰ ⵢⴰⵜ ⵜⵉⵣⵉ ⵏ ⵓⵙⵙⵉⵎⵖⵓⵔ ⴷ ⵓⵙⵏⵉⵎⵎⵔ ⵏ ⵉⴳⵍⴷⴰⵏ ⵉⵄⴰⵍⴰⵡⵉⵏ ⴰⴽⴽⵯ ⵏⵏⴰ ⵉⵏⴹⴼⴰⵕⵏ ⵅⴼ ⵓⵏⴱⴰⴹ ⵏ ⵍⵎⵖⵔⵉⴱ.
ⵎⴽ ⵍⵍⵉ ⵙ ⴷ ⵎⵍⴰⵏ ⵓⴷⴰⵢⵏ ⵉⵎⵖⵔⵉⴱⵉⵢⵏ ⵏⵏⴰ ⵉⵍⵍⴰⵏ ⴳ ⴱⵕⵕⴰ ⵏ ⵜⵎⴰⵣⵉⵔⵜ ⴰⵙⵏⵏⵉⵎⵔ ⵏⵏⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⵎⵇⵇⵔⴰⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴰⴷ ⵜ ⵉⵡⴰⵍⴰ ⵕⴱⴱⵉ ⵙ ⵔⵔⵃⵎⵜ ⵍⵍⵉ ⴳ ⴰⵙ ⵏⵏ ⵢⵉⵡⵙⵏ ⵙⴳ ⴷⴰⵔ ⵍⵀⵓⵍⵓⴽⵓⵙⵜ ⵏ ⵓⵏⵎⴰⵍⴰ ⵏⵏⴰⵣⵉ".
ⵜⵉⵎⴽⵜⵉⵜ ⴰⴷ ⵜⵜⵓⵙⵏⵎⴰⵍⴰ ⴳ ⴽⵏⵉⵙⵜ ⴳ ⵜⵎⴰⵥⵓⵏⵜ ⵜⴰⴷⵎⵙⴰⵏⵜ ⵙⴳ ⴷⴰⵔ ⵜⵎⵙⵎⵓⵏⵜ ⵏ ⵎⵉⵎⵓⵏⴰ ⴷ ⵓⵙⵇⵇⵉⵎ ⵏ ⵓⴷⴰⵢⵏ ⴳ ⵍⵎⵖⵔⵉⴱ ⴷ ⵡⴰⵎⵎⴰⵙ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⵏⵖⵎⵙ ⵙ ⵜⴷⵔⴰⵡⵜ ⵏ ⴽⵉⴳⴰⵏ ⵏ ⵉⵡⵔⵉⴽⵏ ⵉⵎⵖⵔⵉⴱⵉⵏ ⴷ ⵡⵉⵏ ⴱⵕⵕⴰ .