Published on MAPNews (https://www.mapnews.ma/am)

Accueil > ⴰⵙⴷⵓⵙ ⵏ ⵜⵏⴰⴼⵓⵜⵉⵏ ⵏ ⵓⵙⵏⵓⴱⴳ ⴷ ⵓⵙⵡⴰⵍⴰ ⵙ ⵜⵎⴰⵣⵉⵖⵜ ⴰⴷ ⵉⴳⴰⵏ ⴰⵙⵏⵜⵍ ⵏ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴳⵔ ⵜⵎⴰⵡⵙⴰⵙⵉⵏ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵜⵎⴰⵡⵙⴰⵙⵜ ⵏ ⵜⵖⴹⵎⵜ

ⴰⵙⴷⵓⵙ ⵏ ⵜⵏⴰⴼⵓⵜⵉⵏ ⵏ ⵓⵙⵏⵓⴱⴳ ⴷ ⵓⵙⵡⴰⵍⴰ ⵙ ⵜⵎⴰⵣⵉⵖⵜ ⴰⴷ ⵉⴳⴰⵏ ⴰⵙⵏⵜⵍ ⵏ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴳⵔ ⵜⵎⴰⵡⵙⴰⵙⵉⵏ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵜⵎⴰⵡⵙⴰⵙⵜ ⵏ ⵜⵖⴹⵎⵜ

11 ⵉⵏⵏⴰⵢⵔ 2023 Version Imprimable
ⵍⵅⵎⵉⵙⴰⵜ - ⵜⵜⵓⵙⴳⵎⴹ ⵢⴰⵜ ⵜⵎⵢⴰⵇⵇⴰⵏⵜ ⴳ ⵓⵙⵙⴰⵏ ⵣⵔⵉⵏ  ⴳ ⵍⵅⵎⵉⵙⴰⵜ ⴳⵔ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵜⵎⴰⵡⵙⴰⵙⵜ ⵏ ⵜⵖⴹⵎⵜ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵓⵙⴷⵓⵙ ⵏ ⵜⵏⴰⴼⵓⵜⵉⵏ ⵏ ⵓⵙⵏⵓⴱⴳ ⴷ ⵓⵙⵡⴰⵍⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⴰⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⵉⵜⵜⵓⴳⴰⵏ ⴳⵔ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵓⵟⵟⵓⵏⴰⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵜⵎⴰⵡⵙⴰⵙⵜ ⵏ ⵜⵖⴹⵎⵜ ⴰⴼⴰⴷ ⴰⴷ ⵢⵉⵍⵉ ⵓⵙⵡⴰⵍⴰ ⴷ ⵓⵙⵏⵓⴱⴳ ⴳ ⵜⵎⵙⵙⵓⴳⵓⵔⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵣⵓⵏⴷ ⴰⵙⵓⵖⵍ ⵏ ⵜⴼⵍⵡⵉⵜⵉⵏ ⵏ ⵓⵙⵓⵙⵙⵏ ⴷ ⵓⵙⵎⵓⵜⵜⴳ ⵏ ⵉⵎⵛⵛⵉⵡⵕⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⵜⵜⵓⵙⴳⵎⴰⴹ ⵜⵎⵢⴰⵇⵇⴰⵏⵜ ⴰⴷ ⴳ ⵜⴼⵓⴳⵍⴰ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵜⵎⵍⴷⴰ ⵏ ⵓⵙⵏⵜⵉ ⵏ ⵉⵙⵏⴼⴰⵕⵏⵉⵣⴷⵉⵏ ⴷ ⵓⵙⴷⵓⵙ ⵏ ⵓⵙⵏⵚⴱ ⵏ ⵜⵎⴰⵣⵉⵖⵜ ⴳ ⵜⵎⵙⵙⵓⴳⵓⵔⵜ ⵢⵉⵡⵙ ⴳⵉⵙ ⵎⴰⵙⵙ ⵄⴰⵣⵉⵣ ⴰⵅⵏⵓⵛⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵏ ⵜⵏⴱⴰⴹⵜ .

ⴳ ⵜⴳⵓⵔⵉ ⵏⵏⵙ ⵉⵏⵏⴰ ⵎⴰⵙⵙ ⵡⴰⵀⴱⵉ ⵎⴰⵙ ⴷ ⴰⵙⴷⵓⵙ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⵜⵜⵓⵙⴽⴰⵔ ⵙ ⵡⴰⵏⵏⴰⵍ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵍⵍⵉ ⴳ ⵔⴰⴷ ⵜⵜⵓⵙⴽⴰⵔ 100 ⵏ ⵜⵎⵍⴷⴰ ⵏ ⵜⵡⵓⵔⵉ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⴰⵏⴰⵎⵓⵏ ⵙ ⵜⴼⴰⴷⴰ ⵏ ⵜⵓⵙⵙⵏⴰ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵍⵍⵉ ⵔⴰⴷ ⵉⵜⵜⵓⵙⵜⴰⵢ ⴳ ⴽⵉⴳⴰⵏ ⵏ ⵜⵎⵏⴰⴹⵉⵏ .

ⵉⵣⴰⵢⴷ ⵉⵏⵏⴰ ⵎⴰⵙ ⴷ ⵔⴰⴷ ⵜⵜⵓⴼⴽⴰⵏⵜ ⵜⵎⵍⴷⵉⵡⵉⵏ ⴰⴷ ⴳ ⵉⵎⴰⵍⴰⵙⵙ ⴰⴷ ⴷ ⵉⴷⴷⴰⵏ ⴰⴼⴰⴷ ⴰⴷ ⴰⴷ ⵉⵥⴹⵓⵔⵏⵜ ⵜⵓⵡⵜⵎⵉⵏ ⵏⵏⴰ ⵓⵔ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵉⵏ ⵏⵏⵉⴹⵏ ⴰⴷ ⵎⵢⴰⵡⴰⴹⵏⵜ ⴰⴽⴷ ⵉⵎⵙⵜⴳⴳⴰⵔⵏ.

ⵔⴰⴷ ⵉⵜⵜⵓⵙⴽⴰⵔ ⴰⵡⴷ ⵢⴰⵏ ⵓⵏⵎⴰⵍⴰ ⵏ ⵓⵙⴰⵥⴹ ⵏ ⵜⵏⴰⴼⵓⵜⵉⵏ ⵏ ⵜⵏⵣⵣⴰⵔⴼⵓⵜⵉⵏ ⵉ ⵉⵏⵎⵓⵔⵉⵏ ⵏⵏⴰ ⵉⵙⴰⵡⴰⵍⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏⵏⴰ ⴳ ⵔⴰⴷ ⵉⵜⵜⵓⵔⵥⵎ ⵢⴰⵏ ⵓⵏⵎⴰⵍⵍⵓ ⵏ ⵓⵙⵓⵖⵍ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⵄⵔⴰⴱⵜ.

ⵉⵏⵏⴰ ⴰⵡⴷ ⵎⴰⵙ ⵜⴰⵎⴰⵡⴰⵙⵜ ⵜⵙⵡⵓⴽⵔⵉ ⵅⴼ ⵜⵖⵜⵙⵜ ⵏ ⵜⵙⴱⴰⴷⵜ ⵜⴰⴷⵓⵙⵜⵓⵔⵉⵢⵜ ⵍⵍⵉ ⴳ ⵉⴼⴼⵖ ⴳ ⵛⵓⵜⴰⵏⴱⵉⵔ 2019, ⵏⵏⴰ ⵉⵙⴷⴷⵉⴷⵏ ⵅⴼ ⵓⵙⴽⵛⵓⵎ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵏⵎⴰⵍⴰ ⴰⵏⴱⴹⴰⵏ ⴷ ⵜⵏⴱⴰⴷⵜ ⵜⴰⵙⵏⴱⴹⴰⵢⵜ, ⵉⵇⵇⴰⵏ ⴷ ⴰⴷ ⵉⵍⵉⵏ ⵉⵎⵙⵓⵖⵍⵏ ⵏ ⵜⵓⵜⵍⴰⵢⵜ ⵜⴰⵎⵣⵉⵖⵜ ⴳ ⵎⴰⵕⵕⴰ ⵜⵉⵙⵏⴱⴹⴰⵢⵉⵏ ⴰⵡⴷ ⴰⵙⴷⵓⵙ ⵏ ⵜⵉⵔⵔⴰ ⴷ ⵓⵙⵓⵖⵍ ⴳ ⴽⵉⴳⴰⵏ ⵏ ⵉⴳⵔⴰⵏ .

ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴼ ⵓⵙⵍⴳⵏ ⴷⴰⵔ ⵓⴽⴰⴱⴰⵕ ⵏ ⵜⵙⵉⵎⴰⵏⵜ ⵍⵍⵉⵖ ⵔⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵏⵎⴰⵍⵍⵓ ⵏ ⵜⴼⴰⴷⴰ ⵏ ⵜⵓⵙⵙⵏⴰ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⴼⴰⴷ ⴰⴷ ⵢⵉⵍⵉ ⵡⴰⵎⵎⴰⵥ ⵏ ⵜⴷⵓⴳⴰⵎⵜ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%9C%E2%B5%8F%E2%B4%B0%E2%B4%BC%E2%B5%93%E2%B5%9C%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B7-%E2%B5%93%E2%B5%99%E2%B5%A1%E2%B4%B0%E2%B5%8D%E2%B4%B0-%E2%B5%99-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B4%B7-%E2%B5%89%E2%B4%B3%E2%B4%B0%E2%B5%8F-%E2%B4%B0%E2%B5%99%E2%B5%8F%E2%B5%9C%E2%B5%8D-%E2%B5%8F-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B4%B7%E2%B5%94%E2%B4%B0%E2%B5%A1%E2%B5%9C-%E2%B4%B3%E2%B5%94