Published on MAPNews (https://www.mapnews.ma/am)

Accueil > ⴰⵙⴱⵓⵖⵍⵓ ⵏ ⵡⴰⵏⵙⴰ ⴰⵎⵓⵟⵟⵓⵏ ⵏ ⵓⵍⵎⵎⵓⴷ ⵏ ⵜⵎⴰⵣⵉⵖⵜ ⴳ ⵜⴰⴳⴳⵓⴳⵜ ⴰⵎⵎⴰⵙ ⵏ ⵜⵎⵢⴰⵇⵇⴰⵏⵜ ⵊⴰⵔ ⵜⵎⴰⵡⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ

ⴰⵙⴱⵓⵖⵍⵓ ⵏ ⵡⴰⵏⵙⴰ ⴰⵎⵓⵟⵟⵓⵏ ⵏ ⵓⵍⵎⵎⵓⴷ ⵏ ⵜⵎⴰⵣⵉⵖⵜ ⴳ ⵜⴰⴳⴳⵓⴳⵜ ⴰⵎⵎⴰⵙ ⵏ ⵜⵎⵢⴰⵇⵇⴰⵏⵜ ⵊⴰⵔ ⵜⵎⴰⵡⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ

11 ⵉⵏⵏⴰⵢⵔ 2023 Version Imprimable
ⵍⵅⵎⵉⵙⴰⵜ - ⵉⴳⴰ ⵓⵙⴱⵓⵖⵍⵓ ⵏ ⵡⴰⵏⵙⴰ ⴰⵎⵓⵟⵟⵓⵏ ⵏ ⵓⵍⵎⵎⵓⴷ ⵏ ⵜⵎⴰⵣⵉⵖⵜ ⴳ ⵜⴰⴳⴳⵓⴳⵜ , ⵢⴰⵏ ⵡⴰⵎⵎⴰⵙ ⵏ ⵜⵎⵢⴰⵇⵇⴰⵏⵜ ⵏⵏⴰ ⵜⵙⴳⵎⴹ ⵜⵎⴰⵡⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵓ ⵓⵙⴳⴰⴷⴷⵉ ⵏ ⵜⵎⵙⵙⴰⴳⵓⵔⵜ ⴰⴽⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴰⵙⵙ ⵏ ⴰⵙⵉⵏⴰⵙ ⴳ ⵍⵅⵎⵉⵙⴰⵜ.

ⵜⴰⵎⵢⴰⵇⵇⴰⵏⵜ ⵜⴰⴷⵔⴰⵡⵏⵜ ⴰⴷ ⵏⵏⴰ ⵜⵙⴳⵎⴹ ⵜⵎⴰⵡⵙⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵎⴰⵙⵙⴰ ⵖⵉⵜⴰ ⵎⵣⵡⴰⵔ, ⴷ ⵓⵎⴰⵡⵙⴰⵙ ⵏ ⵓⴷⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ , ⴰⵡⵜⵜⴰⵙ ⵏⵏⵙ ⵉⴳⴰⵜ ⴰⵙⴱⵓⵖⵍⵓ ⵏ ⵡⴰⵏⵙⴰ ⴰⵎⵓⵟⵟⵓⵏ ⵏ ⵓⵍⵎⵎⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⴰⴳⴳⵓⴳⵜ, ⴰⵏⵙⴰ ⴰⴷ ⴰⵔ ⴰⴷ ⵢⴰⴷⵊ ⵜⵓⴳⵜⵜ ⵏ ⵉⵏⵎⵓⵔⴰⵏ ⴷ ⵜⵉⵏⵎⵓⵔⵉⵏ ⴳ ⵓⴳⵏⵙ ⵏ ⵍⵎⵖⵔⵉⴱ ⵓⵍⴰ ⴱⵔⵔⴰ ⵏⵏⵙ , ⴰⴷ ⵍⵎⴷⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⵉⵜⵜⴰⵡⵙⴽⴰⵔ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⴷ ⴳ ⵢⴰⵜ ⵜⴼⵓⴳⵍⴰ ⵏ ⵓⵙⵙⵏⵜⵉ ⵓⵏⵚⵉⴱ ⵏ ⵉⵚⵏⴼⴰⵕ ⵏⵏⴰ ⵉⵣⴷⵉⵏ ⵙ ⵓⵙⴷⵓⵙ ⵏ ⵓⵙⵎⵔⵙ ⵏ ⵜⵍⴰⵣⵉⵖⵜ ⴳ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ , ⵉⵍⵍⴰ ⴷⵉⴳⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴷ ⵜⵓⴳⵜⵜ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⵎⴰⵙⴰⵢⵏ ⴷ ⵉⵎⵙⵜⴰⵢⵏ.

ⵙ ⵜⵎⵍⴷⴰ ⴰⴷ ⵉⴼⴽⴰ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⵜⴰⴳⵓⵔⵉ ⵏⵏⵙ ⵉⵏⵏⴰ ⴳⵉⵙ ⵎⴰⵙ ⴷ ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵜⴰⴷⵔⴰⵡⵏⵜ ⵊⴰⵔ ⵜⵎⴰⵡⵙⴰⵙⵉⵏ ⵔⴰⴷ ⴱⴰⵀⵔⴰ ⵢⴰⵡⵙ ⴳ ⵓⵍⵎⵎⵓⴷ ⵏ ⵜⵎⴰⵣⵉⵖⵜ ⵙⴳ ⴷⴰⵔ ⵉⵏⵍⵎⴰⴷⵏ ⴷ ⵜⵏⵍⵎⴰⴷⵉⵏ , ⴷ ⵔⴰⴷ ⵢⴰⵡⵙ ⴰⵡⴷ ⴳ ⵡⴰⵏⵏⴰⵍ ⵏ ⵎⴰⴷ ⵉⵙⵡⵓⵔⵉⵏ ⴰⴳⵏⵙⵓ ⵏ ⵢⵉⴳⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⴷ ⵉⵣⵣⵉⴳⵣ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⴳ ⵎⴰⵕⵕⴰ ⵉⵙⵡⵉⵔⵏ ⵏ ⵓⵙⵙⵍⵎⴷ.

ⵉⵙⵎⴷ ⵎⴰⵙⵙ ⴱⵏⵎⵓⵙⴰ ⴳ ⵓⵙⴰⵜⵉ ⴰⴷ , ⵎⴰⵙ ⴷ ⴰⵚⵏⴼⴰⵕ ⴰⴷ ⵉⵍⵍⴰ ⴳ ⵓⵙⵖⵉⵡⵙ ⴰⴱⵔⵉⴱ (ⵅⴰⵕⵉⵟⴰⵜ ⵟⴰⵔⵉⵇ) 2022 - 2026 ⵍⵍⵉ ⵉⴳⴰⵏ ⵉⴼⵙⵙⴰⵢⵏ ⵉⵎⵓⵟⵟⵓⵏ ⵏⵏⴰ ⵔⴰⴷ ⵉⵙⵏⴼⵍ ⴳ ⵜⵙⵏⵎⴰⵍⴰⵏⵜ ⵜⴰⵙⴳⵎⴰⵏⵜ.

ⵉⵏⵏⴰ ⴰⵡⴷ ⵎⴰⵙ ⴷ ⵉⴳ ⴰⵔ ⵉⵣⵣⵉⴳⵉⵣ ⵓⵙⴱⵓⵖⵍⵓ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴽⵜⵓⵔ ⵏ ⵜⵓⴳⵜⵜ ⵏ ⵜⵎⵙⵙⵓⴳⴰⵔ ⵔⵉⴳⴷⵓⴷⴰⴱⵉⵏ ⴰⴼⴰⴷ ⴰ ⵜⴽⵛⵎ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵜⵓⴳⵜⵜ ⵏ ⵉⴳⵔⴰⵏ ⵉⴳⴷⵓⴷⴰⵏ ⴷ ⵓⵙⵔⵅⵓ ⵏ ⵜⵡⵓⵔⵉⵡⵉⵏ , ⵉⴳⵔ ⵏ ⵓⵙⵙⵍⵎⴷ ⴷ ⵓⵍⵎⵎⵓⴷ ⵉⴳⴰ ⵢⴰⵏ ⵜⵖⴰⵡⵙⴰ ⵜⴰⴷⵙⵍⴰⵏⵜ ⵍⵍⵉ ⵅⴼ ⵔⴰⴷ ⵉⵜⵜⵓⵚⴽⴰ ⵓⴱⵓⵖⵍⵓ ⵏ ⵜⵓⵜⵍⴰⵢⵜ ⴰⴷ , ⴷ ⵓⵙⴷⵓⵙ ⵏ ⵓⵙⵎⵔⵙ ⵏⵏⵙ .

ⵉⵏⵏⴰ ⴰⵡⴷ ⵎⴰⵙ ⴷ ⵎⴰ ⴰⴷ ⴰⴷ ⵉⵍⵍⴰⵏ ⴳ ⵓⴳⵏⵙ ⵏ ⵜⵙⵏⵎⴰⵍⵜ ⵜⴰⵙⴳⵎⴰⵏⵜ ⴷ ⵓⵙⵎⵓⵜⵜⴳ , ⵙ ⵎⴰⴷ ⵉⵍⵍⴰⵏ ⴳ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵢⵜ ⵏ ⵓⵙⴳⴰⴷⴷⵉ ⴷ ⵓⵙⴱⵓⵖⵍⵓ ⵏ ⵓⵙⵔⵓⵙ ⵏ ⵜⵓⵜⵍⴰⵢⵜ ⵜⴰⵍⴰⵣⵉⵖⵜ ⴳ ⵜⵉⵏⵎⵍ , ⵎⴽ ⵍⵍⵉ ⵉⵍⵍⴰⵏ ⴳ ⵓⵙⵍⴳⵏ ⴰⵙⴰⵜⵉ ⵏⵏⴰ ⵉⵣⴷⵉⵏ ⴰⴽⴷ ⵓⵙⴳⵎⵉ ⴷ ⵓⵙⵎⵓⵜⵜⴳ , ⴰⵡⴷ ⴰⵢⵍⵍⵉ ⵉⵍⵍⴰⵏ ⴳ ⵓⵙⵖⵉⵡⵙ ⴰⴱⵔⵉⴷ (ⵅⴰⵕⵉⵟⴰ ⵜⴰⵕⵉⵇ) 2022-2026 ⵏⵏⴰ ⵉⵙⴰ‍ⵡⵍⵏ ⵅⴼ ⵓⵙⴷⵓⵙ ⵏ ⵓⵍⵎⵎⵓⴷ ⵏ ⵜⵎⴰⵣⵉⵖⵜ ⴳ ⵜⵙⵓⵍⵜ ⵉⵥⵍⵉⵏ ⵙ ⵜⵓⵜⵍⴰⵢⵜ ⵙⵍⴰⵡⴰⵏ ⴰⴽⴽⵯ ⴰⴷ ⵜⵉⵍⵉ ⴳ ⵓⵙⵙⵍⵎⴷ ⴰⵎⵏⵣⵓ

ⵎⴽ ⵍⵍⵉ ⵙ ⵉⵙⵙⵏⴽⴷ ⴳ ⵜⵎⵍⴷⴰ ⴰⴷ ⵎⴰⵕⵕⴰ ⵉⵎⵓⵔⵙⵏ ⵏⵏⴰ ⵉⵜⵜⴰ‍ⵙⴽⴰⵔⵏ ⴳ ⵢⵉⴳⵔ ⴰⴷ ⴳ ⵓⵙⴰⵜⵉ ⵏ ⵜⵙⵏⵎⴰⵍⵜ ⵜⴰⵙⴳⵎⴰⵏⵜ ⵏⵉⵖ ⴰⵙⴳⵎⵉ ⴷ ⵓⵙⵎⵓⵜⵜⴳ , ⵎⵉⵏⵣⵉ ⵙⵡⵓⵔⵉⵏ ⵓⵙⴳⴳⵯⴰⵙⵏ ⴰⴷ ⵉⵣⵔⵉⵏ ⴳ ⵢⵉⴳⵔ ⴰⴱⵉⴷⴰⵖⵓⵊⵉ ⵅⴼ ⵓⵙⴽⴰⵔ ⵏ ⵉⵖⴰⵡⴰⵙⵏ ⵉⵏⵎⵍⴰⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵍⵎⴷ ⴰⵎⵏⵣⵓ , ⴷ ⵉⴷⵍⵉⵙⵏ ⵉⵏⵎⵍⴰⵏ ⵏⵏⴰ ⵅⴼ ⵜⵙⵙⵖⵣⵏ ⵜⵎⴰⵡⴰⵙⵜ ⵏ ⵉⵙⵡⵉⵔⵏ ⵏ ⵓⵙⵙⵍⵎⴷ ⴰⵎⵏⵣⵓ ⵙ ⵓⵎⵢⴰⵡⴰⵙ ⴰⴽⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴽ ⵍⵍⵉ ⵙ ⵜⵙⵡⵓⵔⵉ ⵜⵍⴰⵡⴰⵙⵜ ⴰⴷ ⵜⵣⵣⵔⵉ ⵅⴼ ⵓⵖⴰⵡⴰⵙ ⴰⵏⵎⵍⴰⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵍⵍⵉ ⵜⵙⵙⴽⵛⵎ ⴳ ⵓⵙⴽⴰⵔ ⵏ ⵉⴷⵍⵉⵙⵏ ⵉⵏⵎⵍⴰⵏ ⵉⵍⴰⵢⵏⵓⵜⵏ ⴳ ⵉⵙⵡⵉⵔⵏ ⵎⴰⵕⵕⴰ ⵓⵙⵍⵎⴷ ⴰⵎⵏⵣⵓ , ⴰⵡⴷ ⵉⵙⵎⵔⴰⵙ ⵉⴱⵉⴷⴰⵖⵓⵊⵉⵢⵏ ⴷ ⵉⵙⵓⴳⴰⵎ ⵉⵎⵓⵟⵟⵓⵏ ⵏ ⵓⵖⴰⵡⴰⵙ ⵏ ⵓⵙⵙⵍⵎⴷ ⴰⵍⵏⵣⵓ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B4%B1%E2%B5%93%E2%B5%96%E2%B5%8D%E2%B5%93-%E2%B5%8F-%E2%B5%A1%E2%B4%B0%E2%B5%8F%E2%B5%99%E2%B4%B0-%E2%B4%B0%E2%B5%8E%E2%B5%93%E2%B5%9F%E2%B5%9F%E2%B5%93%E2%B5%8F-%E2%B5%8F-%E2%B5%93%E2%B5%8D%E2%B5%8E%E2%B5%8E%E2%B5%93%E2%B4%B7-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%9C%E2%B4%B0%E2%B4%B3%E2%B4%B3%E2%B5%93%E2%B4%B3%E2%B5%9C-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8A%E2%B4%B0%E2%B5%94-%E2%B5%9C%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C