ⴰⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵉⵙⴽⵔ ⵜⴰⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⴳ ⵓⵣⵎⵣ ⵡⵉⵙⵙ ⵙⵉⵏ ⴰⵙⵙ ⵏ ⴰⵢⵏⴰⵙ ⴷ ⴰⵙⵉⵏⴰⵙ ⴰⴷ ⵢⵓⵛⴽⴰⵏ

06 ⵉⵏⵏⴰⵢⵔ 2023 Version Imprimable

ⵕⵕⴱⴰⵟ - ⵉⵙⴽⵔ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵜⴰⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⴳ ⵓⵣⵎⵣ ⵡⵉⵙⵙ ⵙⵉⵏ ⴰⵙⵙ ⵏ ⴰⵢⵏⴰⵙ ⴷ ⵓⵙⵉⵏⴰⵙ ⴰⴷ ⴷ ⵢⵓⵛⴽⴰⵏ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵕⵕⴱⴰⵟ.

ⴳ ⵓⵙⵉⵡⴹ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ , ⵜⵉⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵔⴰⴷ ⵜⵏⵜ ⵉⵏⵏⵓⵔⵣⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ, ⵜⵉⴼⴰⵡⵜ ⵏ ⴰⵢⵏⴰⵙ 09 ⵉⵏⵏⴰⵢⵔ ,ⵔⴰⴷ ⵉⵙⵙⵏⴽⴷ ⵜⴰⴳⵓⵔⵉ ⵏ ⵓⵏⵏⵓⵔⵣⵎ ⴹⴰⵕⵜ ⵏ ⵎⴰ ⴰⴷ, ⵔⴰⴷ ⵉⵍⵉⵏ ⵉⵙⴼⵙⴰⵔⵏ ⵏ ⵉⵎⴰⵡⵙⴰⵙⵏ ⵅⴼ ⵉⵚⵏⴼⴰⵕ ⵏ ⵓⵙⴳⴰⴷⴷⴰ ⵏ ⵜⵙⵏⵎⴰⵍⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ ⵏⵏⴰ ⵜⵙⵙⵏⵜⵉ ⵜⵏⴱⴰⴹⵜ.

ⴳ ⵓⵙⴰⵜⵉ ⴰⴷ , ⵔⴰⴷ ⵔⴰⴷ ⵢⵉⵍⵉ ⵓⵙⵙⵏⴽⴷ ⵏ ⵓⵙⴼⵙⵔ ⵅⴼ " ⴰⵙⵖⵉⵡⵙ ⵏ ⵓⴱⵔⵉⴷ 2022-2026 ⵏ ⵜⵉⵏⵍⵎ ⵜⴰⴳⴷⵓⴷⴰⵏⵜ ⵉⵥⵉⵍⵏ ⵉ ⵓⴳⴷⵓⴷ ⵏ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⴷ ⵓⵙⵙⵏⴽⴷ ⵅⴼ ⵓⵙⵖⵉⵡⵙ ⴰⵏⴰⵎⵓⵔ ⵏ ⵓⵙⵔⴱⵉ ⵏ ⵓⵙⵏⴼⵍ ⵏ ⵜⵙⵏⵎⴰⵍⵜ ⵏ ⵓⵙⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⵏ ⵓⵎⴰⵡⵙⴰⵙ ⵏ ⵓⵙⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⴷ ⵓⵙⵏⵏⴽⴷ ⵏ ⵓⵙⵖⵉⵡⵙ ⵏ ⵓⴱⵔⵉⴷ ⵏ ⵓⵙⴱⵓⵖⵍⵓ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵏ ⴰⵎⴰⵡⵙⴰⵙ ⵏ ⵓⵙⵉⴷⴳ ⴰⴷⵎⵙⴰⵏ ⴷ ⵜⵙⵏⵜⴰⵢⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ.

ⵉⵍⵍⴰ ⴳ ⵓⵙⵉⵡⴹ ⵎⴰⵙ ⴷ ⵜⴰⵔⴰⵜⵙⴰ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⴰⵙⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⴷ ⵓⵙⴽⴰⵔ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵓⵙⵙⵖⵣⵏ ⵅⴼ ⵉⴼⵔⴷⵉⵙⵏ ⵏⵏⵙ, ⴰⵡⴷ ⴰⵙⵙⵜⴰⵢ ⵏ ⵉⵏⵙⵙⵉⵅⴼⵏ , ⴷ ⵜⵔⵓⴱⴱⴰ ⵅⴼ ⵓⵙⴽⴰⵔ ⵏ ⵜⴰⵙⵜⵔⴰⵜⵉⵊⵉⵢⵜ ⵏ ⵓⵙⵇⵇⵉⵎ 2023-2027 ⴷ ⵓⵏⵇⵇⵉⵙ ⴰⵙⴳⴳⵙⴰⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B5%9C%E2%B5%9C%E2%B4%B0%E2%B5%A2-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89-%E2%B4%B7-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B4%B7-%E2%B5%93%E2%B5%94%E2%B5%A3%E2%B5%A3%E2%B5%93%C2%A0-%E2%B4%B0%E2%B5%8E%E2%B4%B0%E2%B5%99%E2%B5%99%E2%B4%B0%E2%B5%8F-%E2%B5%89%E2%B5%99%E2%B4%BD%E2%B5%94-%E2%B5%9C%E2%B4%B0%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%8F%E2%B5%8F%E2%B5%99-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B3