ⴳ ⵓⵙⵙⵏⵜⵉ ⵏ ⵜⵡⵓⵔⵉⵡⵉⵏ ⵏⵏ ⵉⵜⵜⴰⵡⵙⴽⴰⵔⵏ ⵙ ⵜⵉⵍⵉⵜ ⵏ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ , ⴷ ⵉⴳⵎⴰⵎⵏ ⵏ ⵓⵙⴳⴳⵉⵎ ⴰⵎⵙⵙⴰⴳⵓⵔ ⴷ ⵓⵏⴰⵎⵎⴰⵙ ⵏ ⵜⵙⵏⵓⵔⴰⵢⵜ ⵎⴰⵙⵙ ⴷⵔⵉⵙ ⴰⵊⴱⴰⵍⵉ, ⵉⵙⵙⵖⵥⵏ ⵅⴼ ⵙⵉⵏ ⵉⵏⵇⵇⵉⵙⵏ ⴰⵙⴽⵍⴰⵏ ⴷ ⵓⵥⵕⴼⴰⵏ ⴳ ⵓⵙⴳⴳⵯⴰⵙ ⵏ 2021 ,ⴷ ⵓⵏⵇⵇⵉⵏ ⵏ ⵓⵏⴰⵎⵎⴰⵙ ⵏ ⵜⵙⵏⵓⵔⴰⵢⵜ.
ⵙ ⵜⵎⵍⴷⴰ ⴰⴷ ⵉⵙⴱⵖⵙ ⵎⴰⵙⵙ ⵎⵀⴷⵉ ⴱⵏⵙⵄⵉⴷ ⵅⴼ ⵜⵡⵓⵔⵉ ⵜⴰⵣⵣⵓⵍⴰⵏⵜ ⵉⵥⵉⵍⵏ ⵍⵍⵉ ⵙⴽⴰⵔⵏ ⵉⵏⵖⵎⴰⵙⵏ ⵏ ⵜⵙⵏⵓⵔⴰⵢⵜ ⴳ ⵓⵙⴰⵜⵉ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵉⵏⵏⴰ ⵎⴰⵙ ⴷ ⵜⴰⵡⵓⵔⵉ ⵏ ⵉⵏⵖⵎⴰⵙⵏ ⵉⵇⵇⴰⵏ ⴷ ⴰⴷ ⵜⵏ ⵏⵙⴱⵖⵙ ⴰⵡⴷ ⴷ ⵡⴰⵏⵏⴰⵍ.
ⵉⵙⴰⵡⵍ ⴰⵡⴷ ⵅⴼ ⴽⵔⴰ ⵏ ⵜⴰⵏⵏⴰⵢⵉⵏ ⵜⵉⵣⵔⴼⴰⵏⵉⵏ ⵏⵏⴰ ⵉⵣⴷⵉⵏ ⵙ "ⵉⵎ 24" ⵜⴰⴷⴰⴱⵓⵜ ⵜⴰⵏⵖⵍⴰⵙⵜ ⵍⵍⵉ ⵉⵣⴷⵉⵏ ⴷ ⵜⵙⵏⵓⵔⴰⵢⵜ ⴷ "ⵔⵉⵎ ⵔⴰⴷⵢⵓ" ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⵓⵙ ⵏ ⵍⵎⵛⴰⵡⵔⵜ ⴰⴽⴷ ⵜⵓⴳⵜⵜ ⵏ ⵉⴳⵔⴰⵏ ⴷ ⵉⵎⵙⴽⴰⵔⵏ ⴰⴼⴰⴷ ⴰⴷ ⵙⵎⴽⵍⵏ ⴰⴷⴷⴰⴷ ⴰⴷ.
ⴳ ⵜⵙⴳⴰ ⵏⵏⵉⴹⵏ, ⵉⵙⴰⵡⵍ ⵓⵏⵎⵀⴰⵍ ⴰⵎⴰⵜⵓ ⵏ ⵜⵙⵏⵓⵔⴰⵢⵜ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ , ⵅⴼ ⵉⵙⵏⴼⴰⵍⵏ ⵍⵍⵉ ⵉⵍⵍⴰⵏ ⴳ ⵜⵙⵏⵓⵔⴰⵢⵜ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ, ⵙⵍⴰⵡⴰⵏ ⴰⴽⴽⵯ ⴰⵙⵙⵏⵜⵉ ⵏ " ⵉⵎ 24" ⴷ "ⵔⵉⵎ ⵔⴰⴷⵢⵓ", ⵉⵙⴰⵡⵍ ⴰⵡⴷ ⵅⴼ ⵜⵓⵥⵍⴰⵢⵜ ⵜⵎⴰⵎⴽⵜ ⵏ ⵜⵡⵓⵔⵉ ⵏ ⵜⵙⵏⵓⵔⴰⵢⵜ.
ⵉⵏⵏⴰ ⵎⴰⵙⵙ ⵍⵀⴰⵛⵉⵎⵉ ⵎⴰⵙ ⴷ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ , ⵍⵍⵉ ⵉⴳⴰⵏ ⵢⴰⵏ ⵓⵖⴱⴰⵍⵓ ⵏ ⵉⵏⵖⵎⵉⵙⵏ ⵜⴳⴰ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ ⵢⴰⵜ ⵜⴰⴷⵍⴰ ⵜⴰⵏⵖⵎⴰⵙⵜ ⵏⵏⴰ ⵉⵜⵜⴰⵡⵙⵙⴰⵏ ⵙ ⵓⵙⵏⵓⵃⵢⵓ.
ⵉⵙⵎⴷ ⵎⴰⵙⵙ ⵍⵀⴰⵛⵉⵎⵉ " ⵏⴽⵏⵉ ⵏⵔⵡⵓⵔⵉ ⵅⴼ ⵜⵓⵙⴽⵉⵡⵜ ⵏ ⵜⴰⴷⵍⴰ ⵜⴰⵏⵖⵎⴰⵙⵜ ⵜⴰⴳⴷⵓⴷⴰⵏⵜ ⵙ ⵓⵎⵢⴰⵡⴰⵙ ⴰⴽⴷ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵙⴳ ⵜⴰⵎ ⵉⵙⴳⴳⵯⴰⵙⵏ ⵜⵎⵎⴰⵖ ⵅⴼ ⵓⵙⵙⵕⵚⵓ ⵏ ⵜⵏⵎⵎⴰⵙⵉⵏ ⵜⵉⵏⵖⵎⴰⵙⵉⵏ ⵜⵉⵎⴰⵢⵏⵓⵜⵉⵏ, ⵉⵏⵏⴰ ⴰⵡⴷ " ⵏⵎⵎⴰⵜⵜⵉ ⵙⴳ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵙ ⵢⴰⵏ ⵓⵢⴰⴼⵓ, ⴰⵔ ⵢⴰⵏ ⵡⴰⵎⵎⴰⵙ ⴰⴳⴷⵓⴷⴰⵏ ⵏⵏⴰ ⴳ ⵉⵍⵍⴰⵏ ⵜⵓⴳⵜⵜ ⵏ ⵉⴳⵔⴰⵏ".
ⵉⵣⵎⴻⵎⵎ ⵎⴰⵙ ⴷ "ⴰⵎⵎⴰⵙ ⴰⴷ ⵉⵎⵎⴰⵖ ⴰⴼⴰⴷ ⴰⴷ ⵉⴳ ⵢⴰⵏ ⵉⵎⴰⵍ ⵉⵥⵉⵍⵏ ⵏ ⵓⵏⵖⵎⵙ ⴳ ⵍⵎⵖⵔⵉⴱ ⴳ ⵓⵙⴰⵜⵉ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ" , "ⵉⵙⵏⵉⵎⵎⵔ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴷ ⵜⵡⵓⵔⵉ ⵏⵏⵙⵏ ⴷ ⵜⵉⵍⵉⵜ ⵏⵏⵙⵏ ⴳ ⵜⵙⵏⵓⵔⴰⵢⵜ, ⵍⵍⵉ ⵉⴽⵛⵎⵏ ⵙ ⵢⴰⵏ ⵓⵙⵏⴼⵍ ⵉⴷⵓⵙⵏ ⴳ 12 ⵏ ⵓⵙⴳⴳⵯⴰⵙ ⵉⵣⵔⵉⵏ ⴳ ⵓⵙⵎⴰⴷ ⵏ ⵜⵎⵀⵍⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵙ ⵓⵎⵓⵔⵙ, ⴷ ⵓⵙⴳⴰⴷⴷⵉ ⵏ ⵓⵙⵏⵎⴰⵍⴰ ⵏⵏⵙ, ⴷ ⵓⵙⵔⵓⵙ ⵢⴰⵏ ⵓⵣⵔⴼ ⴰⵜⵔⴰⵔ ⵏⵏⴰ ⵔⴰⴷ ⵉⴳ ⴰⵙⵙ ⴰⴷ ⵢⴰⵏ ⵓⵎⴷⵢⴰ ⴳ ⵓⵙⴰⵜⵉ ⴰⵎⵔⵙⵍⴰⵏ ,ⵙ ⵡⴰⵍⵍⴰⵙ ⵏ ⵓⴼⵙⵔ ⵏ ⵉⵙⵓⴳⴰⵎ ⵏⵏⵙ ⴱⵍⴰ ⴽⵔⴰ ⵏ ⵡⴰⵜⵉⴳ ⵢⴰⴹⵏ ⴳ ⵜⵎⵙⴰⵙⵜⵍⵜ ⴰⵡⴰⵏⴽ.
ⴳ ⵜⵙⴳⴰ ⵏⵏⵓⴹⵏ , ⵉⵙⵙⵏⴽⴷ ⵓⵎⴰⵔⴰ ⵎⴰⵜⵓ ⵏ ⵜⵙⵏⵓⵔⴰⵢⵜ ⵎⴰⵙⵙ ⵔⴰⵛⵉⵙ ⴱⵓⵎⵃⵉⵍ ⴳ ⵢⴰⵏ ⵓⵙⴼⵙⵔ ⴳ ⵜⵎⵍⴷⴰ ⴰⴷ , ⵜⵉⵎⵙⴽⴰⵔⵉⵏ ⴷ ⵉⵎⵓⵔⵙⵏ ⵏ ⵜⵙⵏⵓⵔⴰⵢⵜ ⴳ ⵓⵙⴳⴳⵯⴰⵙ ⵏ 2021, ⵙⵍⴰⵡⴰⵏ ⴰⴽⴽⵯ ⵍⵍⵉ ⴳ ⵜⴳⴰ ⵜⵙⵏⵓⵔⴰⵢⵜ ⴰⴷ ⴷⵖⵉ ⴰⵎⵎⴰⵙ ⴰⴳⴷⵓⴷⴰⵏ ⵏ ⵓⵏⵖⵎⵙ ⴳ ⵍⵎⵖⵔⵉⴱ , ⵎⴰ ⴰⴷ ⵙ ⵓⵙⵙⵓⴳⵓⵜ ⵏ ⵜⵉⵣⵣⵓⵍⴰⵏⵉⵏ ⴳ ⵡⴰⵎⵎⴰⵙ ⵏⵏⵙ ⴰⵙⴳⴳⵯⴰⵙ ⴰⴷ.
ⵉⵙⵙⴽⵜⵉⴷ ⵎⴰⵙⵙ ⴱⵓⵎⵃⵓⵍ ⵎⴰⵙ ⴷ ⵜⵙⵙⴼⴼⵓⵖ ⵜⵙⵏⵓⵔⴰⵢⵜ ⵜⵓⴳⵜⵜ ⵏ ⵓⴷⵍⵉⵙⵏ ⵏⵏⴰ ⵉⴳⴰⵏ ⵉⴳⵣⵎⴰⵏ ⵏ ⵉⵏⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵓⴷ ⵎⵓⵃⵎⵎⴰⵙ ⵡⵉⵙⵙ ⵚⴹⵉⵚ , ⵙⵍⴰⵡⴰⵏ ⴰⴽⴽⵯ ⵍⵍⵉⴳ ⵜⴳⴰ ⴽⴽⵓⵥⵜ ⵜⵓⵜⵍⴰⵢⵉⵏ , ⴷ ⵓⴷⵍⵉⵙ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵍⵉⵙⵏ , ⴰⵎⵣⵔⵓⵢ ⴱ ⵍⵎⵖⵔⵉⴱ ⵙⴳ 1959 ⴰⵔ 2020, ⴷ ⵎⴰⴱ ⴷⴰⵟⴰ , ⵍⵍⵉ ⵉⴼⵙⵙⵉⵏ ⵜⵉⵎⴰⵜⴰⵔⵉⵏ ⵏ ⵉⵣⵡⵉⵍⵏ, ⴷ ⵎⴰⴱ ⵍⴰⴱ, ⴰⵙⴰⵎⵔ ⵏ ⵓⵙⵏⵓⴱⴱⵛ ⴷ ⵓⵙⴱⵓⵖⵍⵓ ⵏ ⵜⵙⵏⵓⵔⴰⵢⵜ " ⴷ " ⴷⵉⴱ ⵏⵢⵓⵣ" ⴰⵙⵙⴼⵍⴷ ⵉ ⵉⵄⵔⵔⵉⵎⵏ , ⴰⵡⴷ ⴳ ⵉⵎ 24 ⴷ ⵔⵉⵎ ⵔⴰⴷⵢⵓ ⴷ ⵜⵉⴷⴰⴱⵓⵜⵉⵏ ⵜⵉⵍⵙⵏⵜⴰⵍⵉⵏ.
ⴳ ⵓⵙⵡⵉⵔ ⵏ ⵓⴼⴰⵔⵙ ⵏ ⵜⵙⵖⴰⵏ, ⵉⴱⵔⵣ ⵓⵎⴰⵔⴰ ⴰⵎⴰⵜⵓ ⵎⴰⵙ ⴷ ⵉⵍⵍⴰ ⵎⴰⴷ ⵉⴳⴰⵏ 290 ⵉⴼⴹ ⵏ ⵜⵙⵖⴰⵏⵜ ⴳ ⵓⵙⴳⴳⵯⴰⵙ ⵏ 2021, ⵎⴰ ⴰⴷ ⴰⵔ ⵉⵎⵎⴰⵍ ⵎⴰⵙ ⵜⵙⴽⵔ ⵜⵙⵏⵓⵔⴰⵢⵜ ⵜⴰⵏ ⵓⵟⵟⵓⵏ ⵎⵇⵇⵓⵔⵏ ⴰⵎⴰⵢⵏⵓ , ⴰⵡⴷ ⴰⵏⴰⵎⵎⴰⵙ ⵏ ⵓⴼⴰⵔⵙ ⵢⵉⵡⴹ 7,51 ⵏ ⵜⴳⵣⵣⵓⵎⵜ ⴳ ⵡⴰⵙⵙ ⵉ ⴽⵔⴰ ⵉⴳⴰⵜ ⴰⵏⵖⵎⴰⵙ, ⵙ ⵓⵙⵏⵓⵃⵢⵓ ⵏ ⵉⵙⵏⵜⴰⵍ ⵏⵏⵙ ⵢⵉⵡⵙ ⴰⵙ ⵎⴰ ⴰⴷ ⴰⴷ ⵜⵉⵡⴹ ⵢⴰⵏ ⵓⵎⵓⵔⵙ ⴳ ⵓⵙⴰⵜⵉ ⵏ ⵉⵏⵖⵍⵉⵙⵏ ⵉⵏⴰⵎⵓⵔⵏ ⴳ ⵉⴼⵔⴷⵉⵙⵏ ⵏⵏⵙ ⵎⴰⵕⵕⴰ.
ⵉⵙⵎⴷ ⵎⴰⵙ ⴷ ⴰⴳⴷⵓⴷ ⵍⵍⵉ ⵉⵜⵜⵣⵎⵎⴰⵎⴱ ⴰⴹⴼⵓⵔ ⵏ ⵉⵖⴰⵡⴰⵙⵏ ⵏ ⵜⵙⵏⵓⵔⴰⵢⵜ, ⵉⵣⵎⴻⵎⵎ ⵢⴰⵏ ⵓⵟⵟⵓⵏ ⵉⵥⵉⵍⵏ ⵙ ⵎⴰⴷ ⵉⴳⴰⵏ 8 ⵉⴷ ⵎⵍⵢⵓⵏ ⵏ ⵡⵉⵍⵍⵉ ⵉⵣⵔⵔⴰⵏ ⵜⴰⵙⵏⵉⵡⵉⵏ ⵏⵏⵙⵏ ⴳ 2021.
ⴳ ⵎⴰⴷ ⵉⵥⵍⵉⵏ ⵙ ⵓⵖⴳⴳⵯⴰⵙ ⵏ ⵜⵡⵓⵔⵉ ⴳ ⵓⵙⴳⴳⵯⴰⵙ ⵏ 2023,ⵉⵙⴷⴷⵉⴷ ⵎⴰⵙⵙ ⴱⵓⵎⵃⵉⵍ ⵎⴰⵙ ⴷ ⵜⴰⵙⵏⵓⵔⴰⵢⵜ ⵜⵙⵡⵓⵔⵉ ⵅⴼ ⵓⵖⴳⴳⵯⴰⵙ ⵏⵏⴰ ⵉⴳⴰⵏ ⴽⵔⴰⴹⵜ ⵜⵙⵔⴰⵙ ⵏⵏⴰ ⵉⴳⴰⵏ ⴰⵙⵙⵖⵍⵉ ⵙ ⵜⵙⵏⵓⵔⴰⵢⵜ ⴰⴷ ⵜⴳ ⵜⴰⵎⴰⴹⵍⴰⵏⵜ ⴰⴷ ⵙ ⵜⵜ ⵥⵔⵔⴰⵏ ⴳ ⵓⵎⴰⴹⴰⵍ, ⴰⵡⴷ ⴰⵙⵡⵉⵏⴳⵎ ⵅⴼ ⵓⴼⴰⵔⵙ ⵏ ⵉⵙⵖⴰⵡⵙⴰⵜⵏ ⵏ ⵓⴳⴷⵓⴷ ⵉⵍⴰⵢⵏⵓⵜⵏ.
ⵉⵙⴰⵡⵍ ⴰⵡⴷ ⵎⴰⵙⵙ ⵉⴷⵔⵉⵙ ⴰⵊⴱⴰⵍⵉ ⴳ ⵢⴰⵜ ⵜⴽⵛⵛⵓⵎⵜ ,ⵉⴼⴽ ⴰⵏⵇⵇⵉⵙ ⵏ 2020-2022 , ⴷ ⵓⵙⵙⵏⵜⵉ ⵏ ⵡⴰⵏⵙⴰ ⴰⵍⵉⴽⵜⵔⵓⵏⵉ ⵏ ⵡⴰⵏⴰⵎⵎⴰⵙ ⵏ ⵜⵙⵏⵓⵔⴰⵢⵜ.
ⴰⵡⵜⵜⴰⵙ ⵏ ⵡⴰⵏⵙⴰ ⴰⴷ ⵏⵏⴰ ⵉⵍⵍⴰⵏ ⴳ http://lemedialogue.map.ma ⵉⴳⴰⵜ ⴰⴷ ⵢⵉⴳⵓⵜ ⵓⵏⵢⴰⵍⴽⴰⵎ ⴷ ⵜⵓⵙⵙⵏⴰ ,ⵓⵔ ⴷ ⵖⴰⵙ ⴳ ⵍⵎⵖⵔⵉⴱ ⵎⴰⵛⵛ ⴰⵡⴷ ⴳ ⴱⵕⵕⴰ ⵏ ⵍⵎⵖⵔⵉⴱ, ⵜⵉⵍⵉ ⵢⴰⵜ ⵜⵔⴰⵜⵙⴰ ⵏ ⵉⵏⵖⵎⴰⵙⵏ ⵏ ⵜⵙⵏⵓⵔⴰⵢⵜ ⴷ ⵉⵎⵖⵔⵉⴱⵉⵢⵏ ⵏ ⵓⵎⴰⴹⴰⵍ.