ⵎⴰⵢⴰⴷ ⵢⵓⵛⴽⴰⴷ ⴳ ⵓⵙⴼⵙⵔ ⵏ ⵜⵎⵔⴰⵔⵓⵜⵉⵏ ⵏ ⵎⴰⵙⵙ ⵍⵇⵊⵄ ⴰⴽⴷ ⵉⵙⵇⵙⵉⵜⵏ ⵏ ⵉⵏⵖⵍⴰⵙⵏ ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵉⵛⵛⴰⵔⵏ ⴰⴽⴷ ⴷ ⵓⵎⴰⵡⵙⴰⵙ ⴰⵎⴰⵍⴰⵍ ⵏ ⵜⵣⴷⴰⵢⵉⵏ ⴰⴽⴷ ⴷ ⵓⴱⴰⵕⵍⴰⵎⴰⵏ ⴷ ⵡⴰⵎⵓⵏ ⵓⵖⵔⵉⵎ, ⵡⴰⵍⵍⵉ ⵉⵙⴰⵡⵍ ⵙ ⵜⵉⵙⵎ ⵏ ⵜⵏⴱⴰⴹⵜ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ, ⴳ ⵓⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴷ ⵎⴰⴷ ⵉⵥⵍⵉⵏ ⵙ ⵜⵖⵜⴰⵙⵜ ⵏ ⵓⵙⵉⵔⴰ ⴰⵎⵀⵍⴰⵏ ⵏ ⵜⵙⴷⴰⵡⵉⵜ, ⵙ ⵓⵎⴰⵜⴰ, ⵓⵔ ⴰⴷ ⴷⵔⵓⵏ ⴰⵢⵜ ⵜⵔⴰⴱⴱⵓⵜ ⵜⴰⵎⵓⵔⴰⵏⵜ ⴳ ⵜⴱⵔⵣⴰ ⵏ ⵉⴼⵔⵉⵇⵢⴰ ⵍⵍⵉ ⵔⴰⴷ ⵢⵉⵍⵉ ⴳ ⴷⵣⴰⵢⵔ ⴳⵔ 13 ⵢⵉⵏⵏⴰⵢⵔ ⴷ 4 ⴱⵔⴰⵢⵔ 2023 ⵉⴳ ⵓⵔ ⵜⵎⵓⴷⴷⴰ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵙ ⵜⵎⴷⵉⵏⵜ ⵏ ⵇⵓⵙⴰⵏⵟⵉⵏⴰ ⴳ ⵢⴰⵏ ⵓⵎⵓⴷⴷⵓ ⵓⵙⵔⵉⴷ ⵙⴳ ⵜⵎⴷⵉⵏⵜ ⵏ ⵕⵕⴱⴰⵟ.
ⵉⵙⴷⴷⵉⴷ ⵎⴰⵙⵙ ⵍⵇⵊⵄ ⵎⴰⵙ ⵔⴰⴷ ⵉⵖⵜⵙ ⵜⴰⵖⵜⴰⵙⵜ ⴰⴼⴰⴷ ⴰⴷ ⵓⵔ ⴷⵔⵓⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵓⵔⴰⵏⵜ ⴳ ⵜⴱⵔⵣⴰ ⵏ ⵜⴼⵔⵉⵇⵜ, ⵜⵓⵙⴽⵉⵡⵜ ⵅⴼ ⵜⵎⵔⴰⵔⵓⵜ ⵏ ⵡⴰⵎⵓⵏ ⴰⴼⵔⵉⵇⵉ ⵏ ⵜⵡⵊⵊⴰ ⵏ ⵓⴹⴰⵕ (ⵍⴽⴰⴼ) ⵅⴼ ⵜⵓⵜⵔⴰ ⵏ ⵜⵙⴷⴰⵡⵉⵜ.
ⴰⵡⴷ ⵎⴳⴰⵍ ⵏ ⵎⴰⴷ ⵉⵜⵜⴰⵡⵏⵏⴰⵏ ⴳ 24 ⵏ ⵜⵙⴰⵔⴰⴳⵜ ⵉⵣⵔⵉⵏ,ⵏⴽⵏⵉ ⵓⵔ ⵏⵜⵜⵔ ⵉ ⵜⵎⴰⵣⵉⵔⵜ ⵜⴰⵙⵏⵎⴰⵍⴰⵏⵜ ⴰⴷ ⵜⴼⴽ ⴰⵎⵓⴷⴷⵓ ⵓⵥⵍⴰⵢ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ, ⵎⴰⵛⵛ ⵏⵔⴰ ⵖⴰⵙ ⴰⵙ ⵉⵜⵜⵓⴼⴽⴰ ⵉ ⵜⴰⵢⵍⴰⵍⵜ ⵏ ⵉⵣⵔⵉⵔⵉⴳⵏ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵓⵢⵜ ⵍⵍⵓ ⵔⴰⴷ ⵢⴰⵙⵉ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⴰⵣⵔⴼ ⴰⴷ ⴳⴳⵓⵣⵏ ⴰⵙⵙ ⵏ 10 ⵉⵏⵏⴰⵢⵔ ⴳ ⵜⵙⴰⵔⴰⴳⵜ ⵜⵉⵙⵙ ⵙⵏⴰⵜ ⴷ 45 ⴱ ⵜⵓⵙⴷⴰⴷⵜ ⴳ ⵓⵣⴰⴳⵯⵣ ⵏ ⵜⵎⴷⵉⵏⵜ ⵏ ⵇⵓⵙⴰⵏⵟⵉⵏⴰ ⵍⵍⵉ ⴳ ⵔⴰⴷ ⵉⵍⵉⵏ ⵉⵎⵃⵉⵣⵡⴰⵔⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ.
ⴳ ⵢⴰⵜ ⵜⵙⴳⴰ ⵏⵏⵉⴹⵏ, ⵉⴼⴽⴰ ⵎⴰⵙⵙ ⵍⵇⵊⵄ ⵏⵏⴰ ⵉⴳⴰⵏ ⴰⵎⴰⵡⵙⴰⵙ ⴰⵎⴰⵍⴰⵍ ⵏ ⵜⵎⵙⴰⵙⵜⴽⵜ ⴽⵔⴰ ⵏ ⵉⵙⵉⵙⴼⵉⵏ ⵅⴼ ⵉⵎⵢⴰⵙⵏ ⵉⴷⵎⵙⴰⵏ ⵏ ⵓⵙⴳⴳⵯⴰⵙ ⵏ 2022, ⵉⵙⴷⴷⵉⴷ ⵎⴰⵙ ⴷ ⴰⴷⴷⴰⴷ ⴰⵥⵕⴼⴰⵏ ⴳ ⵜⴳⵍⴷⵉⵜ ⴳ ⵓⵙⴳⴳⵯⴰⵙ ⴰⴷ, ⵎⵇⵇⴰⵔ ⵍⵍⴰⵏ ⵜⵓⴳⵜⵜ ⵏ ⵉⵎⵓⴽⵔⵉⵙⵏ ⴳ ⵓⵙⴰⵜⵉ ⴰⴳⵔⴰⵖⵍⴰⵏ, ⵜⵙⴽⵔ ⵎⴰⵎⵉ ⵜⵥⴹⴰⵔ ⴰⴼⴰⴷ ⴰⴷ ⵉⴽⴽⵙ ⵜⵉⵎⴽⵕⴰⴹ ⵏⵏⴰ ⵔⴰⴷ ⵢⵉⵍⵉ.