Published on MAPNews (https://www.mapnews.ma/am)

Accueil > ⴰⵙⴳⴳⴰⵯⴰⵙ 2022...ⵜⵉⵙⵓⵔⴰⴼ ⵜⵉⵎⴰⵢⵏⵓⵜ ⵏ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵓⴳⵜⵜ ⵏ ⵜⵙⴳⴳⵡⵉⵏ ⴳ ⵜⵓⴷⵔⵜ

ⴰⵙⴳⴳⴰⵯⴰⵙ 2022...ⵜⵉⵙⵓⵔⴰⴼ ⵜⵉⵎⴰⵢⵏⵓⵜ ⵏ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵓⴳⵜⵜ ⵏ ⵜⵙⴳⴳⵡⵉⵏ ⴳ ⵜⵓⴷⵔⵜ

23 ⴷⵓⵊⴰⵏⴱⵉⵔ 2022 - par : ⵢⵓⵔⴰⵜ ⵍⵎⵚⵟⴰⴼⴰ ⵄⵢⵢⴰⵛ) Version Imprimable
ⵕⵕⴱⴰⵟ -  ⵉⴳⴰ 2022 ⵢⴰⵏ ⵓⵙⴳⴳⵯⴰⵙ ⵏⵏⴰ ⴳ ⵍⵍⴰⵏⵜ ⴽⵔⴰ ⵜⵙⵓⵔⵉⴼⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴷⵓⵙ ⵏ ⵜⵉⵍⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵓⴳⵜⵜ ⵏ ⵉⴳⵔⴰⵏ, ⵙⴳ ⴰⵙⴽⴰⵔ ⵏ ⵉⵙⵡⵓⴷⴷⵓⵜⵏ ⵅⴼ ⵜⵉⵍⵉⵜ ⵏⵏⵙ ⵜⵉⵏⵚⵉⴱⵜ ⴳ ⵜⵓⴳⵜⵜ ⵏ ⵉⴳⵔⴰⵏ ⵉⵎⴰⵡⴰⵙⵏ ⴷ ⵉⵎⵔⵙⴰⵍⵏ , ⴰⵡⴷ ⴰⵏⵏⴰⵍ ⵏ ⵜⵉⵍⴰⵍ ⵎⴰⵕⵕⴰ ⵏ ⵓⴼⵔⴰⴳ ⴷ ⵓⵃⵢⵟⵓ ⵏ ⵏ ⵓⴽⴽⵓⵙ ⴰⴷ ⴰⴷⵍⵙⴰⵏ ⴷ ⵓⵖⵔⵎⴰⵏ ⵙ ⵜⵓⴳⵜⵜ ⵏ ⵉⵙⵏⵓⵃⵢⵓⵜⵏ ⵏⵏⵙ.

ⵜⵉⵡⵣ ⵜⵏⴱⴰⴹⵜ ⴳ ⵓⵙⴳⴳⵯⴰⵙ ⴰⴷ ⵅⴼ ⵓⴽⵜⵓⵔ ⵏ ⵜⵣⵎⵎⴰⵔ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵉⵍⵓⵊⵉⵙⵜⵉⴽⵉⵢⵏ ⴷ ⵉⵥⵕⴼⴰⵏⵏ ⵏⵏⴰ ⵔⴰⴷ ⵉⵣⵣⵓⴳⵣ ⴰⵣⵔⴼ ⴰⵙⵏⵎⴰⵍⴰⵏ ⵏⵏⴰ ⵉⵥⵍⵉⵏ ⵙ ⵓⵙⵎⵀⵍ ⵏ ⵓⵙⵙⵉⴳⵣ ⵓⵏⵚⵉⵏ ⵏ ⵜⵎⴰⵣⵉⵖⵜ , ⵎⴽ ⵍⵍⵉ ⴷ ⵉⴳⴰ ⵓⵙⵎⵀⵍ ⵏⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴳⴳⵡⵉⵏ ⵏ ⵜⵓⴷⵔⵜ ⵎⴰⵕⵕⴰ ⵢⴰⵏ ⴳ ⵜⵎⵙⵉⵔⵉⵏ ⵏ ⵜⵏⴱⴰⴹⵜ.

ⵎⴰⵢⴰⴷ ⴰⴼ ⵉⵍⵍⴰ ⵢⴰⵏ ⵓⵙⴳⵎⴹ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⴳⵔ ⵜⵎⴰⵡⴰⵙⵜ ⵏ ⵏ ⵉⵣⵔⴼ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵏⵏⴰ ⵜⴰⵎⴰⵣⵉⵖⵜ, ⵏⵏⴰ ⵉⵎⵎⴰⵍⴱ ⴰⵙⴰⵜⵉ ⴰⵎⴰⵜⵓ ⵏ ⵓⵎⵢⴰⵡⴰⵙ ⵊⴰⵔⴰⵜⴷⵏ ⵅⴼ ⵢⵙⵓⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵢⵉⴳⵔ ⵏ ⵓⵣⵔⴼ.

ⵎⴽ ⵍⵍⵉ ⵙ ⵜⵙⴳⵎⴹ ⵜⵎⴰⵡⵙⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⴳⴰⴷⴷⵉ ⵏ ⵜⵎⵙⵙⵓⴳⵓⵔⵜ ⵎⴰⵙⵙⴰ ⵖⵉⵜⴰ ⵎⵣⵡⴰⵔ ⵢⴰⴱ ⵓⵙⴼⵙⵔ ⵏⵏⴰ ⵜⵙⵡⴰⵍⴰ ⵉ ⵉⵎⴰⵡⵙⴰⵙⵏ ⴷ ⵉⵙⵎⵉⵔⵉⵜⵏ ⵉⵎⴰⵜⵜⴰⵢⵏ ⵏⵏⴰ ⵉⴳⴰⵏ ⴰⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴰⴼⴰⴷ ⴰⴷ ⵉⵔⵅⵓ ⵅⴼ ⵜⵉⵏⵎⵓⵔⵉⵏ ⴷ ⵉⵏⵎⵓⵔⴰⵏ ⴰⴷ ⴰⴷ ⵇⵚⵓⵏ ⵉⵙⵖⴰⵡⵙⴰⵜⵏ ⵏⵙⵏ , ⵎⴰⵢⴰⴷ ⵉⴳⴰ ⵜⵉⵔⵉⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⴰⵢⵜ ⴷ ⵓⵙⵎⴽⵍ ⵏⵏⴰ ⵉⵥⵍⵉⵏ ⵙ ⵜⵓⵜⵍⴰⵢⵜ ⴷ ⵎⴰⴷ ⵉⵍⵍⴰⵏ ⴳ ⵜⵏⴱⴰⴹⵉⵏ ⵏ ⵓⴷⵓⵙⵜⵓⵔ.

ⴰⵙⴼⵙⵔ ⴰⴷ ⵉⵍⵍⴰ ⴳⵉⵙ ⴰⴷ ⵜⵉⵍⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵡⴰⵎⵎⴰⵙⵏ ⵏ ⵓⵏⵢⴰⵍⴽⴰⵎ ⴷ ⵜⵓⴹⴽⴰ ⵏ ⵓⵙⵏⴱⴳ ⴷ ⵓⵙⵡⴰⵍⴰ ⴷ ⵡⴰⵏⵙⴰⵜⴱ ⵉⵍⵉⴽⵜⵔⵓⵏⵉⵢⴱ ⵓⵏⵚⵉⴱⵏ ⵏ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ , ⴰⵡⴷ ⵉⵍⵖⵓⵜⵏ ⴷ ⵉⵏⵎⵎⴰⵍⵏ ⵉ ⵓⴳⴷⵓⴷ, ⴷ ⵜⵉⵀⵉⵔⵔⵉⵜⵉⵏ ⴷ ⵜⵎⵙⵙⵓⴷⵓⵜⵉⵏ ⵏⵏⴰ ⵢⴰⴽⴽⴰⵏ ⵜⵉⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵏⵉⵖ ⵜⵉⵏⵏⴰ ⵉⴹⴼⵕⵏ ⵎⴰⴷ ⵉⵥⵍⵉⵏ ⵙ ⵓⴳⴷⵓⴷ ⵙ ⵓⵎⴰⵜⴰ .

ⴳ ⵓⵙⴰⵜⵉ ⴰⴷ, ⵉⵙⴳⵎⴹ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⴷ ⵜⵏⴼⵍⵉⵜ ⵜⵓⵙⵓⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ , ⵎⴰⵙⵙ ⵎⵓⵃⵎⵎⴰⴷ ⵙⴰⴷⵓⵇⵉ ⵜⴰⵎⵢⴰⵇⵇⴰⵏⵜ ⴰⵙⴰⵜⵉ ⴰⴽⴷ ⵓⵙⵍⵡⴰⵢ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙⵙ ⴰⵃⵎⴰⴷ ⴱⵓⴽⵓⵙ , ⵜⴰⵎⵢⴰⵇⵇⴰⵏⵜ ⴰⴷ ⵜⴳⴰ ⴰⵙⵎⵀⵍ ⵏ ⵏ ⵓⵙⴳⴳⵣ ⵓⵏⵚⵉⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ , ⴳ ⵢⴰⵔ ⵜⵙⵏⵜⴰⵢⵜ ⵏⵏⴰ ⵉⴳⴰⵏ ⴰⴽⵛⵛⵓⵎ ⵏ ⵜⵎⵔⵙⴰⵍ ⵏ ⵜⵏⴱⴰⴹⵜ ⴰⴼⴰⴷ ⴰⴷ ⵜⵎⵓⵔⵙ ⵜⵡⵓⵔⵉ ⴰⴷ.

ⴰⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⵉⴳⴰ ⵜ ⴰⵙⵙⵔⵅⵓ ⵏ ⵓⵏⵢⴰⵍⴽⴰⵎ ⵊⴰⵔ ⵉⴼⵍⵍⴰⵃⵏ ⴷ ⵉⵏⵎⵓⵔⴰⵏ, ⵙⵍⴰⵡⴰⵏ ⴰⴽⴽⵯ ⵡⵉⴷⴷⴰ ⵉⵙⵙⵏ ⵖⴰⵙ ⵉ ⵜⵎⴰⵣⵉⵖⵜ, ⴰⴼⴰⴷ ⴰⴷ ⵥⴹⴰⵕⵏ ⴰⵡⴷ ⵏⵜⵜⵏⵉ ⴰⴷ ⴽⵛⵎⵏ ⵙ ⵜⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ.

ⴳ ⵜⵙⴳⴰ ⵏⵏⵉⴹⵏ, ⵉⵣⵎⴻⵎⵎ ⵢⴰⴷⵍⵍⵉ ⵓⵙⵇⵇⵉⵎ ⵏ ⵉⵎⴰⵔⴰⵏ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵢⵜ, ⴰⵙⵓⵖⵍ ⴳ ⵜⴳⵓⵡⵔⵉⵏ ⵏ ⵓⵙⵇⵇⵙⵓⵜⵏ ⵉⵎⵉⵡⴰⵏⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⴰⵡⵓⵔⵉ ⴰⴷ ⴰⵔ ⵜⴰⴽⴽⴰ ⴰⵣⵎⵣ ⵉ ⵡⵉⵏⵏⴰ ⵉⵙⴰⵡⴰⵍⵏ ⵜⴰⵎⴰⵣⵉⵖⵜ ⴰⴷ ⵜ ⴹⴼⵕⵏ ⵙ ⴽⵕⴰⴹⵜ ⵜⴰⵏⵜⴰⵍⵉⵡⵉⵏ: ⵜⴰⵛⵍⵃⵉⵢⵜ, ⵜⴰⵔⵉⴼⵉⵢⵜ, ⵜⴰⵎⴰⵣⵉⵖⵜ, ⴰⴼⴰⴷ ⴰⴷ ⴰⴼⵏ ⴰⴷ ⵙⵙⵏ ⴰⵡⴷ ⵏⵜⵏⵏⵉⵏ ⴳ ⵎⴰⴷ ⵉⵜⵊⵔⵓⵏ ⴷ ⴰⴷ ⵙⵙⵏ ⵜⵉⵎⵏⵜⴰⵍ ⵏⵏⴰ ⵅⴼ ⵙⴰⵡⴰⵍⵏ ⴳ ⵓⴳⵏⵙ ⵏ ⵓⴱⵕⵍⴰⵎⴰⵏ ⴷ ⵓⵙⵏⵜⵍ ⴰⴳⵏⵙ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏⵉⵖ ⵜⴰⵏⵎⵏⴰⴹⵜ.

ⵉⵙⴽⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵡⴷ ⵏⵜⵜⴰ ⴳ ⵓⵙⴳⴳⵯⴰⵙ ⵏ 2022 ⵜⵓⴳⵜⵜ ⵏ ⵜⵉⵍⴰⵍ ⵏⵏⴰ ⵢⴰⴽⴽⴰⵏ ⵜⵉⴼⴰⵡⵜ ⵉ ⵜⵎⴰⵣⵉⵖⵜ ⴰⴼⴰⴷ ⴰⴷ ⵉⵙⴼⵓⴳⵍⵓ ⵙ ⵜⵓⵜⵍⴰⵢⵜ ⴷ ⵢⵉⵍⵙ ⴰⵎⴰⵣⵉⵖ.

ⵙ ⵜⵉⴷⵜ, ⵉⴳⴰ ⵓⵙⴳⴳⵯⴰⵙ ⴰⴷ ⵢⴰⵜ ⵜⵙⵓⵍⴰⵏⵜ ⵏ ⵜⵉⴳⴳⴰⵙ ⵏⵏⴰ ⵔⴰⴷ ⵉⵙⵙⵖⵍⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ,ⴰⵡⴷ ⵎⴰⵙ ⵜⴳⴰ ⵢⴰⴱ ⵓⴼⵔⴷⵉⵙ ⴰⴷⵙⵍⴰⵏ ⴳ ⵜⵎⴰⴳⵉⵜ ⵏ ⵍⵎⵖⵔⵉⴱ,ⴷ ⵓⵙⴷⴼ ⵏⵏⵙ ⴳ ⵜⵓⴷⵔⵜ ⵜⴰⵎⴰⵜⵓⵜ ⵎⴽ ⵍⵍⵉ ⵉⵍⵍⴰⵏ ⴳ ⵓⵣⵔⴼ ⴰⵙⵏⵎⴰⵍ 26.16 ⵏⵏⴰ ⵉⵥⵍⵉⵏ ⵙ ⵓⵙⵡⵓⵜⵜⵉ ⵏ ⵜⵙⵓⵔⴰⴼ ⵏ ⵓⵙⵎⵀⵍ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵜⵎⴰⵎⴽⵜ ⵏ ⵓⵙⵉⴷⴼ ⵏⵏⵙ ⴳ ⵓⵙⵙⵍⵎⴷ ⴷ ⵉⴳⵔⴰⵏ ⵢⴰⴹⵏ .

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B4%B3%E2%B4%B3%E2%B4%B0%E2%B5%AF%E2%B4%B0%E2%B5%99-2022%E2%B5%9C%E2%B5%89%E2%B5%99%E2%B5%93%E2%B5%94%E2%B4%B0%E2%B4%BC-%E2%B5%9C%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%9C-%E2%B5%8F-%E2%B5%93%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%9C%E2%B5%89%E2%B5%8D%E2%B5%89%E2%B5%9C-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%9C%E2%B5%93%E2%B4%B3%E2%B5%9C%E2%B5%9C-%E2%B5%8F-%E2%B5%9C%E2%B5%99%E2%B4%B3%E2%B4%B3%E2%B5%A1%E2%B5%89%E2%B5%8F