Published on MAPNews (https://www.mapnews.ma/am)

Accueil > ⵍⴼⵉⵍⵎ ⴰⵎⵖⵔⵉⴱⵉ "ⵉⵙⵍⵎⴰⵏ ⵉⵣⴳⴳⵯⴰⵖⵏ ⵏⵖⴷ ⴰⵙⵎⴰⴽ ⵃⴰⵎⵔⴰ" ⵢⵉⵡⵉ ⵜⴰⵙⵎⵖⵓⵔⵜ ⵏ ⵍⴼⵉⵍⵎ ⴰⵎⴰⴼⴰⵢ ⵏ ⵙⴷⵉⵏⵉⵎⴰ ⴳ ⵓⵏⵎⵓⴳⴳⴰⵔ ⴰⴷⴷⵓⵔ ⵏ ⵍⴰⴼⵍⴰⵎ ⵏ ⵉⴻⵔⴼⴰⵏ ⵏ ⵓⴼⴳⴰⵏ ⴳ ⵍⵓⵕⴹⵓⵏ

ⵍⴼⵉⵍⵎ ⴰⵎⵖⵔⵉⴱⵉ "ⵉⵙⵍⵎⴰⵏ ⵉⵣⴳⴳⵯⴰⵖⵏ ⵏⵖⴷ ⴰⵙⵎⴰⴽ ⵃⴰⵎⵔⴰ" ⵢⵉⵡⵉ ⵜⴰⵙⵎⵖⵓⵔⵜ ⵏ ⵍⴼⵉⵍⵎ ⴰⵎⴰⴼⴰⵢ ⵏ ⵙⴷⵉⵏⵉⵎⴰ ⴳ ⵓⵏⵎⵓⴳⴳⴰⵔ ⴰⴷⴷⵓⵔ ⵏ ⵍⴰⴼⵍⴰⵎ ⵏ ⵉⴻⵔⴼⴰⵏ ⵏ ⵓⴼⴳⴰⵏ ⴳ ⵍⵓⵕⴹⵓⵏ

22 ⴷⵓⵊⴰⵏⴱⵉⵔ 2022 Version Imprimable
ⵄⴰⵎⵎⴰⵏ -  ⵢⵉⵡⵉ ⵍⴼⵉⵍⵎ ⵏ "ⵉⵙⵍⵎⴰⵏ ⵉⵣⴳⴳⵯⴰⵖⵏ ⵏⵖⴷ ⴰⵙⵎⴰⴽ ⵃⵎⵔⴰ" ⵜⴰⵙⵎⵖⵓⵔⵜ ⵏ ⵍⴼⵉⵍⵎ ⴰⵎⴰⴼⴰⵢ ⵏ ⵙⵙⵉⵏⵉⵎⴰ ⵏ ⵓⵎⵙⴼⴼⵓⵖ ⵏⵏⵙ ⵄⴰⴱⴷ ⵙⵍⴰⵎ ⵍⴽⵍⴰⵄⵉ , ⵏⵏⴰ ⵉⵙⵎⴽⵍⵏ ⵜⵉⵎⵏⵜⴰⵍ ⵏ ⵉⵣⵔⴰⴼⴰⵏ, ⴳ ⵓⵏⵎⵓⴳⴳⴰⵔ ⵏ ⵡⴰⴷⴷⵓⵔ (ⴽⴰⵔⴰⵎⴰ) ⵏ ⵍⴰⴼⵍⴰⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ 13 ⵏⵏⴰ ⵉⵙⵎⴷⵏ ⵉⴹⴳⴰⵎ ⴰⴽⵕⴰⵙ ⴳ ⵄⴰⵎⵎⴰⵏ.

ⴰⵔ ⵉⵙⴰⵡⴰⵍ ⵍⴼⵉⵍⵎ ⴰⴷ ⵅⴼ ⵢⴰⵜ ⵜⵍⵖⴰⵔⵜ ⵏⵏⴰ ⴷ ⵉⴼⴼⵖⵏ ⴳ ⵓⴱⵏⵉⵇ ⵍⵍⵉ ⴳ ⵜⵣⵣⵔⵉ ⵢⴰⵜ ⵜⵉⵣⵉ ⵉⴳⴳⵓⵜⵏ , ⵜⵉⵡⵔⵔⵉ ⵙ ⵉⵍⵍⵉ ⴳ ⴷ ⵜⵍⵓⴽ, ⵜⴰⴼⵏ ⵉⵅⴼ ⵏⵏⵙ ⴳ ⵡⴰⵏ ⵡⴰⵎⵎⴰⵙ ⵍⵍⵉⴳ ⵜⵜ ⵓⵔ ⵉⵔⴰ ⴳⵎⴰⵙ ⵎⵉⵏⵣⵉ ⵉⴽⵚⵓⴹ ⵜⵓⴽⴽⴰⵙⵜ ⵍⵄⴰⵔⴰⴹⴰ.

ⵍⴼⵉⵍⵎ ⴰⴷ ⵢⵉⵡⵉ ⵢⴰⴷⵍⵍⵉ ⵜⴰⵙⵎⵛⵓⵔⵜ ⵜⴰⵎⵇⵇⵔⴰⵏⵜ ⴳ ⵓⵏⵎⵓⴳⴳⴰⵔ ⵏ ⴱⵔⵓⴽⵙⵉⵍ ⴰⴳⵔⴰⵖⵍⴰⵏ ⵏ ⵍⴼⵉⵍⵎ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ ⵙⴰⵜ, ⵎⴽ ⵍⵍⵉ ⴷ ⵢⵉⵡⵉ ⴰⵡⴷ ⵜⴰⵙⵎⵖⵓⵔⵜ ⵏ ⵙⵉⵏⴰⵔⵢⵓ ⴰⵎⴰⴼⴰⵢ ⴷ ⵜⴰⵎⵍⵍⴰⵜ ⵜⴰⵎⴰⴼⴰⵢⵜ ⵏ ⵜⴰⵡⵜⵎⵜ ⵏⵏⴰ ⵜⵉⵡⵉ ⵊⴰⵍⵉⵍⴰ ⵜⵜⵍⵎⵙⵉ, ⴰⵡⴷ ⵢⵉⵡⵉ ⵢⴰⵏ ⵓⵙⴱⵖⵙ ⵖⵓⵔ ⵉⵏⴼⵔⴰⵏⵏ ⴳ ⵓⵏⵎⵓⴳⴳⴰⵔ ⴰⵏⴰⵎⵓⵔ ⵏ ⵍⴼⵉⵍⵎ ⴳ ⵟⴰⵏⵊⴰ ⴳ ⵜⵙⵉⵜⵍⵜ ⵏⵏⵙ ⵜⵉⵙⵙ 22.

ⵢⴰⵡⵉ ⵍⴼⵉⵍⵎ ⴰⴳⵔⴰⵏⵙⴰⵅⵉ "ⵢⵓⴳⵓ" ⵏ ⵓⵎⵙⴼⴼⵓⵖ ⵏⵏⵙ ⴰⵔⵍⵓⴷ ⴳⵓⵎⵉⵣ ⵙⴰⵍⴰⵎⴰⵏⴽⴰ ⵜⴰⵙⵎⵖⵓⵔⵜ ⵏ ⵜⴼⵔⴰⵡⵜ ⵏ ⵡⴰⴷⴷⵓⵔ "ⵔⵉⵛⴰⵜ ⵍⴽⵔⴰⵎⴰ" ⵏ ⵍⴼⵉⵍⵎ ⴰⵎⴰⴼⴰⵢ ⴰⵎⵓⵙⵙⴰⵏ , ⵎⴽ ⵍⵍⵉ ⵙ ⵢⵉⵡⵉ ⵍⴼⵉⵍⵎ ⴰⴽⵔⵡⴰⵜⵉ "ⵎⴰⵔⴽⵓ" ⵏ ⵓⵎⵙⴼⴼⵓⵖ ⵏⵏⵙ ⵎⴰⵔⴽⵓ ⵛⴰⵏⵜⵉⵛ ⵜⴰⴷⵎⵖⵓⵔⵜ ⵏ ⵍⴼⵉⵍⵎ ⴰⵎⴰⴼⴰⵢ ⵏ ⴰⵍⵍⴰⵙ ⴰⴳⵯⵣⵣⴰⵍ, ⵢⴰⵡⵉ ⵍⴼⵉⵍⵎ ⵍⵉⵕⵍⴰⵏⴷⵉ ⴰⴼⴰⵔⴰⵏⵙⵉ ⴰⴱⵉⵍⵊⵉⴽⵉ "ⴰⴼⵍⴰⵟⵓⵏ ⴰⵎⵥⵥⴰⵏ" ⵜⴰⵙⵎⵖⵓⵔⵜ ⵏ ⵍⴼⵉⵍⵎ ⵡⴰⵜⴰⵉⵇⵉ ⴰⵎⴰⴼⴰⵢ, ⵎⴽ ⵍⵍⵉ ⵙ ⵜⵜⵓⴼⴽⴰ ⵜⵙⵎⵖⵓⵔⵜ ⵏ ⵍⴼⵉⵍⵎ ⴰⵖⵣⵣⴰⴼ ⴰⵎⴰⴼⴰⵢ ⵉ ⵍⴼⵉⵍⵎ ⴰⴽⴰⵏⴰⴷⵉ ⵍⵉⵔⴰⵏⵉ "ⴱⵓⵜⴽⵙ".

ⵜⵙⴱⵖⵙ ⵜⵎⵙⵙⵓⴳⵓⵔⵜ ⵏ ⵓⵏⵎⵓⴳⴳⴰⵔ ⵉ ⵍⴼⵉⵍⵎ "ⵜⵓⵜⵍⴰⵢⵜ ⵜⴰⵢⵎⵎⴰⵜ ⵜⴰⵎⵜⵜⴰⵏⵜ " ⵙⴳ ⴱⴰⴽⵉⵙⵜⴰⵏ , ⴷ ⵍⴼⵉⵍⵎ "ⵉⵎⵎⵓⵜ ⵉⴷⴷⵔ " ⵏⵏⴰ ⵉⵛⵛⴰⵔⵏ ⵉⴳ ⴰⴼⵔⴰⵏⵙⵉ ⴷ ⵓⵇⴰⵟⴰⵕⵉ ⴷ ⵓⵜⵓⵏⵙⵉ.

ⵉⵍⵍⴰ ⴳ ⵓⵏⵎⵓⴳⴳⴰⵔ ⴰⴷ ⵏⵏⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⴰⵎⵙⴽⴰⵔ ⵏ 612 ⵏ ⵉⵙⵡⵉⵏⴳⵉⵎⵏ, ⴷⴷⵓ ⵜⵎⴰⵜⴰⵔⵜ ⵉⵙⵏⴼⴰⵍⵏ ⴳ ⵉⵣⵔⴼⴰⵏ ⵏ ⵓⴼⴳⴰⵏ , ⵎⴰⴷ ⵉⴳⴰⵏ 65 ⵏ ⵍⴼⵉⵍⵎ ⴳ 50 ⵏ ⵜⵎⴰⵣⵉⵔⵜ ⵜⴰⵄⵔⴰⴱⵜ ⴷ ⵜⴱⵔⵔⴰⵏⵉⵢⵜ.

ⵜⵍⵍⴰ ⵜⵖⵏⵏⴰⵏⵜ ⵅⴼ ⵜⵙⵎⵖⵓⵔⵜ ⵏ ⵜⴼⵔⴰⵡⵜ ⵏ ⵡⴰⴷⴷⵓⵔ "ⵔⵓⵛⴰⵜ ⴽⴰⵔⴰⵎⴰ ⴳ ⵜⴷⵉⵜⵍⵜ ⴰⴷ ⴳⵔ ⵜⵓⴳⵜⵜ ⵏ ⵍⴰⴼⵍⴰⵎ ⵉⵍⵍⴰ ⴳⵉⵙ 5 ⵏ ⵍⴰⴼⵍⴰⵎ ⵏⵏⴰ ⵉⴳⴰⵏ ⵉⵎⴰⴼⴰⵢⵏ ⵉⵖⵣⵣⴰⴼⵏ , ⴷ 11 ⵏ ⵍⴼⵉⵍⵎ ⴰⴳⵯⵣⵣⴰⵍ ⴰⵎⴰⴼⴰⵢ   , ⴷ 5 ⵏ ⵍⴰⴼⵍⴰⵎ ⵏⵏⴰ ⵉⴳⴰⵏ ⴰⵎⴰⴳⴰⵢ ⴰⵎⵓⵙⵙⴰⵏ.

ⵉⵎⵏⴰⵇⴰⵛ ⵓⵏⵎⵓⴳⴳⴰⵔ ⵏⵏⴰ ⵉⵜⵜⴰⵡⵙⴽⴰⵔⵏ ⴳⵔ 15 ⴷ 21 ⴷⵓⵊⴰⵏⴱⵉⵔ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 75 ⵏ ⵓⵙⵉⵡⴹ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵏⴼⴰⵍⵏ ⵙⴳ ⵎⴰⴷ ⵉⵣⵡⴰⵔⵏ ⴷ ⵜⴰⵙⵙⴰⵙⵉⵏ ⵏⵏⴰ ⵉⵣⵔⵉⵏ ⴳ ⵓⴱⵔⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ.

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B5%89%E2%B5%99%E2%B5%8D%E2%B5%8E%E2%B4%B0%E2%B5%8F-%E2%B5%89%E2%B5%A3%E2%B4%B3%E2%B4%B3%E2%B5%AF%E2%B4%B0%E2%B5%96%E2%B5%8F-%E2%B5%8F%E2%B5%96%E2%B4%B7-%E2%B4%B0%E2%B5%99%E2%B5%8E%E2%B4%B0%E2%B4%BD-%E2%B5%83%E2%B4%B0%E2%B5%8E%E2%B5%94%E2%B4%B0-%E2%B5%A2%E2%B5%89%E2%B5%A1%E2%B5%89-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8F-%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B4%B0%E2%B5%8E%E2%B4%B0%E2%B4%BC%E2%B4%B0%E2%B5%A2-%E2%B5%8F