Published on MAPNews (https://www.mapnews.ma/am)

Accueil > ⵍⴼⵉⵍⵎ ⴰⵎⵖⵔⵉⴱⵉ "ⴰⵣⵔⵡⴰⵍ ⵍⵇⴼⵟⴰⵏ" ⵙⴳ ⵜⴰⵍⴳⴰⵎⵜ ⵜⴰⴳⵣⵍⴰⵏⵜ ⵏ ⵜⵙⵎⵖⵓⵔⵉⵏ ⵏ ⵍⵓⵙⴽⴰⵕ

ⵍⴼⵉⵍⵎ ⴰⵎⵖⵔⵉⴱⵉ "ⴰⵣⵔⵡⴰⵍ ⵍⵇⴼⵟⴰⵏ" ⵙⴳ ⵜⴰⵍⴳⴰⵎⵜ ⵜⴰⴳⵣⵍⴰⵏⵜ ⵏ ⵜⵙⵎⵖⵓⵔⵉⵏ ⵏ ⵍⵓⵙⴽⴰⵕ

22 ⴷⵓⵊⴰⵏⴱⵉⵔ 2022 Version Imprimable
ⵕⵕⴱⴰⵟ - ⵜⴱⵔⵔⵃ ⵜⴽⴰⴷⵉⵎⵉⵢⵜ ⵏ ⵜⵥⵓⵕⵉ ⴷ ⵜⵎⴰⵙⵙⴰⵏⵉⵏ ⵏ ⵜⵡⵍⴰⴼⵜ ⵙ ⵓⵙⵜⴰⵢ ⵏ ⵍⴼⵉⵍⵎ ⴰⵎⵖⵔⵉⴱⵉ "ⴰⵣⵕⵡⴰⵍ ⵍⵇⴼⵟⴰⵏ" ⵏ ⵜⵎⵙⴼⴼⵓⵖⵜ ⵏⵏⵙ ⵎⴰⵔⵢⴰⵎ ⵜⵜⵓⵣⴰⵏⵉ ⵙⴳ ⵜⵍⴳⴰⵍⵜ ⵜⴰⴳⵣⵍⴰⵏⵜ ⵏ ⵜⵙⵎⵖⵓⵔⵉⵏ ⵏ ⵍⵓⵙⴽⵕ ⵏ ⵓⵙⴳⴳⵯⴰⵙ ⵏ 2023 ⵍⵍⵉ ⴷ ⵜⵎⵍⴰ ⵜⴽⴰⴷⵉⵎⵉⵢⵜ.

ⵉⴳⴰ ⵍⴼⵉⵍⵎ ⴰⴷ ⵢⴰⵜ ⵜⵡⵓⵔⵉ ⵏ ⵙⵉⵏⵉⵎⴰ ⵜⴰⴼⵔⵉⵇⵇⵉⵢⵜ ⴷ ⵜⵄⵔⴰⴱⵜ ⵍⵍⵉ ⵉⵍⵍⴰⵏ ⴳ ⵜⵍⴳⴰⵎⵜ ⵜⴰⴳⵣⵍⴰⵏⵜ ⵏ ⵜⵙⵎⵖⵓⵔⵉⵏ ⵏ ⵍⵓⵙⴽⴰⵕ, ⴳ ⵡⴰⵏⴰⵡ ⵏ ⵍⴼⵉⵍⵎ ⴰⵖⵣⵣⴰⴼ ⵓⵍⵍⵓⵙ ⴰⴳⵔⴰⵖⵍⴰⵏ, ⴳ ⵓⵎⵃⵉⵣⵡⴰⵔ ⴰⴷ ⵜⴰⴳⵔⴰⵖⵍⴰⵏⵜ ⵏⵏⴰ ⵔⴰⴷ ⵉⵜⵜⴰⵡⵙⴽⴰⵔ ⴳ 12 ⵎⴰⵕⵚ 2023 ⴳ ⵀⵓⵍⵉⵡⵓⴷ.

ⴳ ⵛⵓⵜⴰⵏⴱⵉⵔ ⴰⴷ ⵉⵣⵔⵉⵏ ⵉⵜⵜⴰⵡⵙⵜⴰⵢ ⵍⴼⵉⵍⵎ "ⴰⵣⵔⵡⴰⵍ ⵍⵇⴼⵟⴰⵏ ⵏⵉⵖ ⴰⵣⵔⴰⵇ ⵍⵇⵓⴼⵟⴰⵏ ⵙⴳ ⵜⵙⵇⵇⵉⵎⵜ ⵏⵏⴰ ⴳ ⵍⵍⴰⵏ ⵉⵎⵙⵡⵓⵔⵉⵢⵏ ⵏ ⵙⵙⵉⵏⵉⵎⴰ ⵜⴰⵎⵖⵔⵉⴱⵉⵢⵜ ⴰⴷ ⵙⵎⴷⵢⴰⵏ ⵜⴰⴳⵍⴷⵉⵜ ⴳ ⵜⵙⵎⵖⵓⵔⵉⵏ ⵏ ⵍⵓⵙⴽⴰⵕ.

ⵜⵏⵏⴰ ⵎⴰⵔⵢⴰⵎ ⵜⵜⵓⵣⴰⵏⵉ ⵎⴰⵙ ⵜⵎⵎⵔ ⵙ ⵓⵏⵖⵎⵉⵙ ⴰⴷ ⴷ ⵉⴳⴰ ⴰⵙ ⴰⴷⴷⵓⵔ ⴰⴷ ⵜⵙⵎⴷⵢⴰ ⵍⵎⵖⵔⵉⴱ .

ⴳ ⵜⵙⴳⴰ ⵢⴰⴹⵏⵉⵏ ⵉⵏⵏⴰ ⵉⵏⵏⴰ ⵓⵎⵙⵢⴰⴼⵓ ⵏⴰⴱⵉⵍ ⵄⵢⵢⵓⵛ ⵎⴰⵙ ⵉⴳⴰ ⵓⵙⵜⴰⵢ ⴰⴷ ⵉⴳⴰ ⵢⴰⵜ ⵜⵙⵓⵔⵉⴼⵜ ⵉⵥⵉⵍⵏ ⵉ ⵙⵙⵉⵏⵉⵎⴰ ⵜⴰⵎⵖⵔⵉⴱⵉⵢⵜ ⴳ ⵓⵙⴰⵜⵉ ⴰⴳⵔⴰⵖⵍⴰⵏ, ⵉⵙⵏⵉⵎⵎⵔ ⵎⴰⵕⵕⴰ ⵎⴰⴷ ⵢⵓⵎⵏⵏ ⵙ ⵍⴼⵉⵍⵎ ⵙⴳ ⵜⵎⴰⵡⵙⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵙⴰⵡⴰⴹ, ⴷ ⵡⴰⵎⵎⴰⵙ ⴰⵙⵉⵏⵉⵎⴰⵉ ⴰⵎⵖⵔⵉⴱⵉ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵍⵓⵙⴽⴰⵕ ⵏⵏⴰ ⵉⵙⵜⵉⵏ ⵍⴼⵉⵍⵎ ⴰⴷ ⵉⵙⵎⴷⵢⴰ ⵜⴰⵎⴰⵣⵉⵔⵜ ⵏⵏⵖ.

ⵙⴳ ⵎⴰⴷ ⵉⴱⴰⵢⵏ ⵉⵙⵎ ⵏ ⵍⴼⵉⵍⵎ ⵙ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵓⵙⵜⴰⵢ ⵓⵏⵚⵉⴱ ⴳ ⵓⵏⵎⵓⴳⴳⴰⵔ "ⴽⴰⵏ" , ⵢⴰⵡⵉ ⵜⴰⵙⵎⵖⵓⵔⵜ ⵏ ⵉⵣⵖⴰⵏ ⵉⴳⵔⴰⵖⵍⴰⵏ , ⵉⴳⴰ ⵍⴼⵉⵍⵎ ⴰⴷ ⵢⴰⵜ ⵜⵉⴼⴰⵡⵜ ⴳ ⵓⵙⴰⵢⵔⵓⵔ ⵏ ⵙⵙⵉⵏⵉⵎⴰ, ⵎⵉⵏⵣⵉ ⵉⵜⵜⴰⵡⵙⵜⴰⵢ ⴳ ⵉⵏⵎⵓⴳⴳⴰⵔⵏ ⵎⵇⵇⵓⵔⵏⵉⵏ ⴷ ⵉⵜⵜⵎⵏⵣⴰ ⴳ ⵜⵓⴳⵜⵜ ⵏ ⵜⵎⵉⵣⴰⵔ , ⵎⴽ ⵍⵍⵉ ⵙ ⵢⵉⵣⵡⵉ 21 ⵏ ⵜⵙⵎⵖⵓⵔⵜ ⵙ ⵖⵉⵍⴰⴷ, ⴰⵎ ⵜⴰⵙⵍⵖⵓⵔⵜ ⵏ ⵜⵙⵇⵇⵉⵎⵜ ⵜⴰⵏⴱⴹⴰⵏⵜ ⴳ ⵜⵙⵓⵜⵍⵜ ⵜⵉⵙⵙ 19 ⴳ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵍⴼⵉⵍⵎ ⴳ ⵎⵔⵔⴰⴽⵛ.

ⴰⵔ ⵉⵙⴰⵡⴰⵍ ⵍⴼⵉⵍⵎ ⵅⴼ ⵜⵓⵍⵍⵉⵙⵜ ⵏ ⵓⵏⴱⵔⴰⵣ ⵃⴰⵍⵉⵎ ⴷ ⵎⵉⵏⴰ , ⴳⴰⵏ ⵢⴰⵏ ⵓⵔⴳⴰⵣ ⴷ ⵜⵎⵖⴰⵔⵜ ⵏⵏⵙ ⴰⵔ ⵙⵡⵓⵔⵉⵏ ⴳ ⵜⵃⴰⵏⵓⵜ ⵏ ⵜⴳⵏⵉ ⵜⴰⴳⴱⵓⵔⵜ ⴳ ⵜⵎⴷⵉⵏⵜ ⵏ ⵙⵍⴰ ⵉ ⵉⵙⵖⴰⵙⵙⴰⵜⵏ ⵏ ⵉⵎⵣⴷⴰⵖⵏ, ⵙⵅⴷⵎⵏ ⵢⴰⵏ ⵓⵄⵔⵔⵉⵎ ⵢⵓⵙⴼ, ⵉⴳⴰ ⴰⵎⴰⵏⵓⵏ ⴷ ⴰⵎⵙⵏⴼⵍⵓⵍ ⵉⵔⴰ ⴰⴷ ⵉⵍⵎⴷ ⵉ ⵜⴳⵏⵉ ⴷ ⵟⵟⵕⵣ ⴷⴰⵔ ⵓⵙⵍⵎⴰⴷ ⵏⵏⵙ ⵃⴰⵍⵉⵎ ⴰⴼⴰⴷ ⴰⴷ ⴷⵉⵙ ⵉⴷⵔⵓ ⵜⴰⵢⵔⵉ ⵏ ⵜⴳⵏⵉ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%B0%E2%B5%A3%E2%B5%94%E2%B5%A1%E2%B4%B0%E2%B5%8D-%E2%B5%8D%E2%B5%87%E2%B4%BC%E2%B5%9F%E2%B4%B0%E2%B5%8F-%E2%B5%99%E2%B4%B3-%E2%B5%9C%E2%B4%B0%E2%B5%8D%E2%B4%B3%E2%B4%B0%E2%B5%8E%E2%B5%9C-%E2%B5%9C%E2%B4%B0%E2%B4%B3%E2%B5%A3%E2%B5%8D%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%99%E2%B5%8E%E2%B5%96%E2%B5%93%E2%B5%94%E2%B5%89%E2%B5%8F-%E2%B5%8F-%E2%B5%8D%E2%B5%93%E2%B5%99%E2%B4%BD%E2%B4%B0%E2%B5%95