Published on MAPNews (https://www.mapnews.ma/am)

Accueil > ⵜⴰⵇⴱⴱⵓⵛⵜ ⵏ ⵓⵎⴰⴹⴰⵍ 2022: ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵙⵙⵔⵖⵓⴷⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴼⴼⵉⵔ ⵏ ⵜⵔⵏⵏⴰⵡⵜ ⵜⴰⵎⵣⵔⵓⵢⴰⵏⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵙ ⵓⵣⴳⵏ ⵏ ⵜⵏⴳⵉⵔⴰ
  1. Accueil
  2. Activités royales

ⵜⴰⵇⴱⴱⵓⵛⵜ ⵏ ⵓⵎⴰⴹⴰⵍ 2022: ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵙⵙⵔⵖⵓⴷⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴼⴼⵉⵔ ⵏ ⵜⵔⵏⵏⴰⵡⵜ ⵜⴰⵎⵣⵔⵓⵢⴰⵏⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ ⵙ ⵓⵣⴳⵏ ⵏ ⵜⵏⴳⵉⵔⴰ

13 ⴷⵓⵊⴰⵏⴱⵉⵔ 2022 Version Imprimable
ⵕⵕⴱⴰⵟ - ⵙⵙⵔⵖⵓⴷⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵙⴳ ⵜⵜⵉⵍⵉⴼⵓⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴼⴼⵉⵔ ⵏ ⵜⵔⵏⵏⴰⵡⵜ ⵜⴰⵎⵣⵔⵓⵢⴰⵏⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵡⴰⵙⵙ ⵏ ⵓⵙⵉⴹⵢⴰⵙ ⵙ ⵓⵣⴳⵏ ⵏ ⵜⵏⴳⵉⵔⴰ ⵏ ⵜⴱⵔⵣⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ (ⵇⴰⵟⴰⵕ 2022).

ⵉⵏⵢⴰⵍⴽⴰⵎ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴳⴰⴱⵓⵏ ⵄⴰⵍⵉ ⴱⵓⵏⴳⵓ ⵓⵏⴷⵉⵎⴰ ⵙⴳ ⵜⵜⵉⵍⵉⴼⵓⵏ ⴷ ⴱⴰⴱ ⵏ ⵡⴰⴷⴷⵓⵔ, ⴷ ⵓⵏⵙⵙⵉⵅⴼ ⵏ ⴼⵕⴰⵏⵙⴰ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ, ⴷ ⵓⴳⵍⴷⵓⵏ ⵏ ⵜⵎⴰⵣⵉⵔⵜ ⵏ ⵇⴰⵟⴰⵕ ⵎⴰⵙⵙ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⵡⵉⵙⵙ ⵙⵉⵏ.

ⵎⴽⵍⵍⵉ ⴷ ⵉⴷⴷⴰ ⵢⴰⵏ ⵓⵎⵙⴰⵡⴰⴹ ⵙⴳ ⵜⵜⵉⵍⵉⴼⵓⵏ ⵉ ⴱⴰⴱ ⵏ ⵡⴰⴷⴷⵓⵔ ⵙⴳ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵄⴰⴱⴷⵓⵍⵍⴰ ⵡⵉⵙⵙ ⵙⵉⵏ ⵏ ⵍⵓⵕⴹⵓⵏ, ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵎⵓⵕⵉⵟⴰⵏⵢⴰ ⵎⴰⵙⵙ ⵎⵓⵃⵎⵎⴰⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ, ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴰⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ ⴰⵏⵙⵙⵉⵅⴼ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⴰⵏⵏ, ⴷ ⵓⴳⵍⴷⵓⵏ ⵎⵓⵃⵎⵎⴰⴷ ⴱⵏ ⵙⵍⵎⴰⵏ ⴱⵏ ⵄⴱⴷⵍⵄⴰⵣⵉⵣ ⴰⵍ ⵙⴰⵄⵓⴷ.

ⵙⵙⵔⵖⵓⴷⵏ ⴰⴽⴽⵯ ⵉⵏⵙⵙⵉⵅⴼⵏ ⴰⴷ ⵉ ⴱⴰⴱ ⵏ ⵡⴰⴷⴷⵓⵔ ⵙ ⵜⵔⵏⵏⴰⵡⵜ ⵜⴰⵎⵣⵔⵓⵢⴰⵏⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ, ⵉⴳ ⵍⵎⵖⵔⵉⴱ ⵙ ⵜⵣⵎⵎⴰⵔ ⵏ ⵉⴼⵔⵉⵇⵢⴰ ⵜⴰⵎⴰⵣⵉⵔⵜ ⵜⴰⴼⵔⵉⵇⵉⵜ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵍⵉⵏ ⵙ ⵓⵣⴳⵏ ⵏ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵏ ⵜⵡⵊⵊⴰ ⵏ ⵓⴹⴰⵕ.

 

 

Dernière modification : 13 ⴷⵓⵊⴰⵏⴱⵉⵔ 2022
Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%87%E2%B4%B1%E2%B4%B1%E2%B5%93%E2%B5%9B%E2%B5%9C-%E2%B5%8F-%E2%B5%93%E2%B5%8E%E2%B4%B0%E2%B4%B9%E2%B4%B0%E2%B5%8D-2022-%E2%B5%89%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%8F-%E2%B5%8F-%E2%B5%89%E2%B5%A1%E2%B4%B0%E2%B5%8F%E2%B4%BD%E2%B5%8F-%E2%B5%99%E2%B5%99%E2%B5%94%E2%B5%96%E2%B5%93%E2%B4%B7%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F