ⵉⵙⵙⵔⵖⵓⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵢⴰⵏ ⵓⵎⵙⴰⵡⴰⵍ ⵏ ⵜⵉⵍⵉⴼⵓⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵍⵍⵉⵖ ⵜⵣⵔⵉ ⵙ ⵜⵙⵓⵔⵉⴼⵜ ⵢⴰⴹⵏⵉⵏ ⴳ ⵍⵎⵓⵏⴷⵢⴰⵍ

06 ⴷⵓⵊⴰⵏⴱⵉⵔ 2022 Version Imprimable

ⵕⵕⴱⴰⵟ - ⴳ ⵓⵎⵃⵉⵣⵡⴰⵔ ⵏⵏⴰ ⵉⵙⵎⴰⵏⵏ ⵜⵔⴰⴱⴱⵓⵜ ⵏⵏⵖ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵙⴱⵍⵢⵓⵏ ⵏ ⵜⵛⴰⵎⵎⴰ ⵏ ⵓⴹⴰⵕ ⴰⵙⵙ ⴰⴷ ⴰⵙⵉⵏⴰⵙ, ⵉⵙⵙⵔⵖⵓⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵓⵙⵡⵉⵔ ⵏⵏⴰ ⵉⵡⴹⵏ ⴷ ⵓⵎⵓⵔⵙ ⵏⵏⵙⵏ ⴰⵣⵓⵔⴰⵏ ⵙ ⵜⵙⵓⵔⵉⴼⵜ ⵢⴰⴹⵏⵉⵏ ⵏ ⵎⵓⵏⴷⵉⵢⴰⵍ ⵇⴰⵟⴰⵕ 2022.

ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴳ ⵓⵎⵙⴰⵡⴰⵍ ⵏ ⵜⵉⵍⵉⴼⵓⵏ ⵙ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⵛⴰⵎⵎⴰ ⵏ ⵓⴹⴰⵕ ⵎⴰⵙⵙ ⴼⴰⵡⵣⵉ ⵍⵇⵊⵄ ⴷ ⵓⵎⵙⵙⴰⵏⵓⵏ ⴰⵏⴰⵎⵓⵔ ⵡⴰⵍⵉⴷ ⵔⵔⴳⵔⴰⴳⵉ, ⵉⵙⵙⵔⵖⵓⴷ ⴱⴰⴱ ⵏ ⵡⴰⴷⴷⵓⵔ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵉⵙⵉⵎⵖⵓⵔ ⵙⵉⵙⵏ ⵙ ⵎⴰⴷ ⴼⴽⴰⵏ ⵏ ⵜⵣⵣⵎⵎⴰⵔ ⴷ ⵜⵓⴳⴳⴰⵙ ⵏⵏⵙⵏ ⴰⴼⴰⴷ ⴰⴷ ⵉⵡⴹⵏ ⴰⵙⵡⵉⵔ ⴰⴷ.

ⵉⵙⵙⵉⵎⵖⵓⵔ ⴱⴰⴱ ⵏ ⵡⴰⴷⴷⵓⵔ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏⵏⵖ ⵙ ⵜⵡⵉⵔⵉ ⴰⴷ ⵏⵏⵙⵏ, ⵎⴽ ⵍⵍⵉ ⵙ ⵍⵍⴰⵏ ⴳ ⵓⵙⵡⵉⵔ ⴷ ⵉⵙⵙⵓⵜⵓⵔⵏ ⵏ ⵓⴳⴷⵓⴷ ⴰⵎⵖⵔⵉⴱⵉ ⵏⵏⴰ ⵉⵙⴱⵖⵙⵏ ⴳ ⵇⴰⵟⴰⵕ ⴷ ⵓⵎⴰⴹⴰⵍ ⵎⴰⵕⵕⴰ, ⴰⵔ ⵉⵙⵙⵓⵜⵓⵔ ⴰⴷ ⵖⴰⵎⴰⵏ ⴳ ⵓⵙⵡⵉⵔ ⴰⴷ ⴰⵍⵍ ⵏ ⴰⵛⵏⵢⴰⵍ ⴰⵏⴰⵎⵓⵔ ⵙ ⵓⴼⵍⵍⴰ.

Dernière modification : 06 ⴷⵓⵊⴰⵏⴱⵉⵔ 2022

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%94%E2%B5%96%E2%B5%93%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B5%99%E2%B4%B0%E2%B5%A1%E2%B4%B0%E2%B5%8D-%E2%B5%8F-%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F-%E2%B5%89%E2%B4%B3%E2%B5%8E%E2%B4%B0%E2%B5%8E%E2%B5%8F-%E2%B5%8F-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%8D%E2%B5%8D%E2%B5%89%E2%B5%96