ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⵜⴰⵎⵍⴷⴰ ⵏ ⵜⵡⵡⵓⵔⵉ ⴳ ⵉⴷⵖⴰⵔⵏ ⵏ ⵜⵎⴰⵙⴰⵢⵜ ⴳ ⵜⵙⵏⵏⴱⴹⴰⵢⵉⵏ ⵏ ⵜⴷⵔⵉⵎⵜ

01 ⵏⵓⵡⴰⵏⴱⵉⵔ 2022 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵜⵓⵎⵍⴰⵢⵉⵏ ⵏⵏⵙ ⵜⵉⵎⴰⵜⴰⵢⵉⵏ ⵉ ⵜⵉⴽⴽⵉ ⵏ ⵜⵎⴰⵙⴰⵢⵜ ⵉ ⵉⵏⵖⴹⴰⴼⵏ ⴳ ⵜⵙⵏⵏⴱⴹⴰⵢⵉⵏ ⵏ ⵜⴷⵔⵉⵎⵜ .

ⵉⵏⵏⴰ ⵓⵙⵉⵡⴹ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵙⵉⴹⴰⵏ ⵎⴰⵙ ⵉⴳⴰ ⵍⵃⴰⵍ 16 ⵏ ⵓⵏⵙⵙⵉⵅⴼ ⵏ ⵡⴰⵢⵢⴰⵡ ⵏ ⵓⵙⵇⵇⵉⵎ ⴰⵎⴰⵜⴰⵢ ⵏ ⵜⵙⵉⴹⴰⵏ ⴷ 14 ⵏ ⵓⵏⵙⵙⵉⵅⴼ ⵏ ⵡⴰⵢⵢⴰⵡ ⵏ ⵉⵙⵇⵇⵉⵎⵏ ⵉⵙⴳⴰⵡⴰⵏⵏ ⵏ ⵜⵙⵉⴹⴰⵏ .

ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙⴷ ⵜⴰⵡⵡⵓⵔⵉ ⴰⴷ ⵜⴳⴰ ⴳ ⵓⵙⴰⵜⵉ ⵏ ⵓⵙⵎⵔⵙ ⵏ ⵜⵓⵎⵍⴰⵢⵉⵏ ⵜⵉⵎⴰⵜⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵏⵏⴰ ⵉⵙⴽⴰⵏ ⴼ ⵜⵉⴽⴽⵉ ⵏ ⵜⵎⴰⵙⴰⵢⵜ ⵉ ⵓⵙⴷⵓⵙ ⵏ ⵜⵡⵡⵓⵔⵉ ⵏ ⵓⵙⵇⵇⵉⵎ ⴰⴷ , ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵜⵉⴹⴰⴼ ⵏ ⵜⴷⵔⵉⵎⵜ ,ⴷ ⵡⴰⵔⴰⵢ ⵏ ⵜⵡⵡⵓⵔⵉ ⵉⵖⵓⴷⴰⵏ , ⴷ ⴰⵢⵏⵏⴰ ⴰⴽⴽⵯ ⵉⴳⴰⵏ ⵙⴳ ⵜⵏⴰⴼⵓⵜⵉⵏ ⵏ ⵓⵙⵇⵇⵉⵎ .

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵙⵉⵡⴹ ⵎⴰⵙⴷ ⵜⴰⵡⴰⵍⴰ ⵜⴰⵎⵣⵡⴰⵔⵓⵜ ⴰⴷ ⵜⵜⵓⴼⴽⴰ ⵜⵎⴰⵙⴰⵢⵜ ⵉ 27 ⵏ ⵓⵏⵖⴹⴰⵎ ⴰⵢⵍⵍⵉ ⵉⴳⴰⵏ 90 ⴳ ⵜⵎⵉⴹⵓ ⴳ ⵓⵜⵓⵢ ⵏ ⵜⵉⴽⴽⵉ ⵏ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⵏ ⵜⵎⴰⵙⴰⵢⵜ, ⵎⴽⵍⵍⵉ ⴳⵉⵙ ⵍⵍⴰⵏⵜ 6 ⵏ ⵜⵓⵜⵎⵉⵏ ⵏⵏⴰ ⵉⴳⴰⵏ 20 ⴳ ⵜⵎⵉⴹⵉ ⴷ 16 ⵏ ⵓⵏⵖⴹⴰⴼ ⴷ ⵜⵏⵖⴹⴰⴼⵜ ⵓⵔ ⵉⵣⵔⵉⵏ 45 ⵏ ⵓⵙⴳⴳⵯⴰⵙ, ⴰⵢⵍⵍⵉ ⵉⴳⴰⵏ 53 ⴳ ⵜⵎⵉⴹⵉ , ⴰⵢⴰⴷ ⴰⴼⴰⴷ ⴰⴷ ⵙⵙⵎⵖⵕⵏ ⵜⴰⵡⵜⵎⵜ ⵜⴰⵏⵖⴹⴰⵎⵜ ⴷ ⵉⵄⵔⵔⵉⵎⵏ ⴰⴼⴰⴷ ⴰⴷ ⴰⵙⵉⵏ ⵜⴰⵎⴰⵙⴰⵢⵜ ⵏ ⵜⵙⵏⵏⴱⴹⴰⵢⵉⵏ ⵏ ⵜⴷⵔⵉⵎⵜ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B4%BC%E2%B4%BD%E2%B4%B0-%E2%B5%9C%E2%B4%B0%E2%B5%8E%E2%B5%8D%E2%B4%B7%E2%B4%B0-%E2%B5%8F-%E2%B5%9C%E2%B5%A1%E2%B5%A1%E2%B5%93%E2%B5%94%E2%B5%89-%E2%B4%B3-%E2%B5%89%E2%B4%B7%E2%B5%96%E2%B4%B0%E2%B5%94%E2%B5%8F-%E2%B5%8F-%E2%B5%9C%E2%B5%8E%E2%B4%B0%E2%B5%99%E2%B4%B0%E2%B5%A2%E2%B5%9C-%E2%B4%B3-%E2%B5%9C%E2%B5%99%E2%B5%8F%E2%B5%8F%E2%B4%B1%E2%B4%B9%E2%B4%B0%E2%B5%A2%E2%B5%89%E2%B5%8F-%E2%B5%8F-%E2%B5%9C%E2%B4%B7%E2%B5%94%E2%B5%89%E2%B5%8E%E2%B5%9C