Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 13 ⵏ ⵓⵙⴼⵙⵔ ⵏ ⵓⵢⵢⵉⵙ ⴳ ⵊⵊⴷⵉⴷⴰ 
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⴰⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ 13 ⵏ ⵓⵙⴼⵙⵔ ⵏ ⵓⵢⵢⵉⵙ ⴳ ⵊⵊⴷⵉⴷⴰ 

17 ⴽⵟⵓⴱⵕ 2022 Version Imprimable
ⵊⵊⴷⵉⴷⴰ -  ⵉⵙⵙⵉⵅⴼ  ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙⵙ 13 ⵏ ⵓⵙⴼⵙⵔ ⵏⵓⵢⵢⵉⵙ ⵜⵜⵓⵙⵏⵎⴰⵍⴰ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴰⴱⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵣⵎⵣ ⴳⵔ 18 ⴰⵔ 23 ⴽⵟⵓⴱⵕ ⴰⴷ .

ⵍⵍⵉⵖ ⵉⵍⴽⵎ ⵉ ⵓⵎⵎⴰⵙ ⵏ ⵉⵙⴼⵙⵔⵏ ⵎⵓⵃⵎⵎⴷ ⵡⵉⵙⵙ ⵙⴹⵉⵚ ⴳ ⵊⵊⴷⵉⴷ ⵢⴰⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⴳ ⵓⵙⵏⵓⴱⴳ ⵏⵙⵏⵏ ⵎⵓⵍⴰⵢ ⵄⴱⴷ ⵍⵍⴰⵀ ⵍⵄⴰⵍⴰⵡⵉ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⴰⵖⵔⵉⴱⵉⵜ ⵏ ⵜⵓⵏⵏⵓⵏⵜ ⵏ ⵜⴰⵖⵣⵓⵜ .

ⴷⴼⴼⵉⵔ ⵍⵍⵉⵖ ⵉⵙⵣⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⴰⴳⵔⴰⵡ ⵏ ⵓⵏⴹⴰⴼ ⴰⴳⴷⴰⵏ ⵍⵍⵉ ⵢⴼⴽⴰⵏ ⴰⵣⵓⵍ ⵉⵣⵓⵍⴰⵏⵜ ⴰⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⵔⴰⵏⵜ ⴷ ⵡⴰⵎⴰⵏ ⴷ ⵡⴰⵍⵉ ⵏ ⵜⵎⵏⴰⴹⵜ ⵏ ⴹⴹⵕⵍⴱⵉⴹⴰ-ⵚⵚⵟⴰⵜ ⴷ ⵎⵏⵏⴰⵡ ⵏ ⵎⵉⴷⴷ ⵢⴰⴹⵏ .

ⴷⴼⴼⵉⵔ ⴰⴷ ⵉⵣⵔⵉ  ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⵏ ⵎⵏⵏⴰⵡ ⵏ ⵉⵏⵙⴰⵏ ⵏ ⵓⵙⴼⵙⴰⵔ ⵉⵣⴷⵉⵏ ⵏ ⵜⴰⴼⵔⴰⵏⵜ ⵏ ⵡⴰⵏⵏⴰⵍ ⴷ ⴷⴷⴰⵔ ⵚⵚⴰⵏⵉⵄ ⴷ ⵜⴰⴼⵔⴰⵏⵜ ⵏ ⵜⵎⵔⵙⴰⵍⵉⵏ ⴷ ⵜⴰⴼⵔⴰⵏⵜ ⵜⴰⵎⴰⴹⵍⴰⵏⵜ ⴷ ⵜⴰⴼⵔⴰⵏⵜ ⵏ ⵜⵙⴱⴰⴱⵜ ⴷ ⵜⴰⵥⵓⵔⵉ ⴷ ⵜⴷⵍⵙⴰ ⴷ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵜⵉⵊⴹⵕⵎⵜ , ⴷ ⵓⵏⴹⴰⴼ ⴰⴳⵍⴷⴰⵏ ⴷ ⵜⵎⵀⵍⴰ ⵜⴰⵎⴰⵢⴰⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⴳⴳⴰⵍⵉⵏ ⵏ ⵜⵡⵙⵉ .

ⴷⴼⴼⵉⵔ ⴰⴷ ⵉⴹⴼⴰⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰ ⵉⵙⴼⵙⴰⵔⵏ ⵉⵏⴰⵥⵓⵔⵏ ⵏ ⵜⵖⵣⵓⵜ ⴼⴽⴰⵏ ⵜⵉⵔⵓⴱⴰ ⵏ ⵉⵢⵢⵉⵙⵏ ⵉⵎⵖⵔⵉⴱⵢⵉⵏ ⴷ ⵉⴱⵕⵕⴰⵏⵢⵉⵏ ⵙⴰⵍⴰⵡⵏ ⴰⴽⴽⵯ ⵜⵉⵔⵓⴱⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵏⴹⴰⴼ ⴰⴳⵍⴷⴰⵏ ⴷ ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ .

ⴷ ⵉⴷⵔⴰ ⴳ ⵉⵙⴼⵙⴰⵔⵏ ⴰⴷ ⵜⴰⴽⴰⴷⵉⵎⵉⵜ ⵏ ⵜⴰⵖⵣⵓⵜ ⴳ ⵎⵕⵕⴰⴽⵛ ⴷ ⵓⵎⵏⴰⵢ ⵎⴰⵔⵢⵓ ⵍⵓⵔⴰⵛⵉ ⴷ ⵓⵎⵏⴰⵢ ⵙⴰⵏⵜⵉ ⵙⵉⵔⴰ ⴽⴰⵎⴱⵙ ⴷⴼⴼⵉⵔ ⵍⵍⵉⵖ ⵜⵇⵇⵏ ⵙ ⵓⵙⴽⵔ ⵏ ⵉⵎⵏⴰⵢⵏ ⵏ ⵜⵉⵊⴹⵕⵎⵜ

 

 

Dernière modification : 18 ⴽⵟⵓⴱⵕ 2022
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC%C2%A0%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%BD%E2%B5%93%E2%B5%99%E2%B5%99%E2%B5%93-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F