Published on MAPNews (https://www.mapnews.ma/am)

Accueil > ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵜⵙⵙⵉⵅⴼ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵙⵏⵜⵉ ⵏ ⵓⵥⵥⵓ ⵏ ⵡⴰⵎⵎⴰⵙ ⵏ ⵓⵎⵣⵣⵓⵖ ⴳ ⵜⴰⴳⵓⵜ ⵏ ⵉⴼⵔⵉⵇⵢⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵜⵙⵙⵉⵅⴼ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵙⵏⵜⵉ ⵏ ⵓⵥⵥⵓ ⵏ ⵡⴰⵎⵎⴰⵙ ⵏ ⵓⵎⵣⵣⵓⵖ ⴳ ⵜⴰⴳⵓⵜ ⵏ ⵉⴼⵔⵉⵇⵢⴰ

17 ⴽⵟⵓⴱⵕ 2022 Version Imprimable
ⵕⵕⴱⴰⵟ -  ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ, ⵏⵏⴰ ⵉⴳⴰⵏ ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵍⴰⵍⵍⴰ ⴰⵙⵎⴰ ⵏ ⵉⵛⴰⵔⵔⴰⵏ ⵉⴹⵔⴹⵓⵔⵏ , ⴰⵙⵙ ⵏ ⵓⵢⵏⴰⵙ ⴳ ⵓⵙⴳⵏⴰⴼ ⵏ ⵜⵓⵥⵍⴰⵢⵉⵏ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵓⵙⵏⵜⵉ ⵏ ⵓⵥⵥⵓ ⵏ ⵡⴰⵎⵎⴰⵙ ⵏ ⵓⵎⵣⵣⵓⵖ ⴳ ⵜⴰⴳⵓⵜ ⵏ ⵉⴼⵔⵉⵇⵢⴰ, ⴳ ⵓⵙⴰⵜⵉ ⵏ ⵡⴰⵀⵉⵍ -ⴰⴷ ⵏⵙⵙⴼⵍⴷ- .

ⴳ ⵜⵙⴳⵓⵔⵉ ⴳ ⵓⵣⵎⵎⵣⵓ ⵉⵙⴷⴷⵉⴷ ⵓⵏⵎⵀⴰⵍ ⵏ ⵏ ⵜⵎⵔⵙⵍⵜ ⵏ ⵍⴰⵍⵍⴰ ⴰⵙⵎⴰ ⵏ ⵉⵛⴰⵔⵔⴰⵏ ⵉⴹⵔⴹⵓⵏ ⵄⴱⴰⵙ ⴱⵓⵀⵍⴰⵍ ⵎⴰⵙ ⴰⵙⵙⵓⵙⵄⵓ ⵏ ⵓⵖⴰⵡⴰⵙ ⴰⵏⴰⵎⵓⵔ " ⵏⵙⵙⴼⵍⴷ" ⵉ ⴰⴽⴽⵯ ⵜⵎⵉⵣⴰⵔ ⵜⵉⴼⵔⵉⵇⵢⵉⵏ ⴳ ⵓⵙⴰⵜⵉ ⵏ ⵓⵎⵣⵣⵉⵣⵍ "ⵙⵙⵉⵏⵖ ⴰⴷ ⵏⵙⵙⴼⵍⴷ ⴳ ⵜⵡⵍⴰⴼ ⵜⴰⵖⵓⴷⴰⵏⵜ" ⵉⴽⵛⵎ ⴳ ⵓⵙⴰⵜⵉ ⵏ ⵜⴰⵏⴰⵢⵜ ⵜⴰⴳⵍⴷⴰⵏⵜ ⵎⴰⵢⴰⴷ ⵜⵙⴽⵔ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵢⴰⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵜⵏⵙⵙⵉⵅⴼⵜ ⵜⴰⵖⵓⴷⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵙⵕⵕⴱⴱⵉ ⴷ ⵜⴰⵏⴰⵢⴰⵜ ⵜⴰⵖⵣⵓⵔⴰⵜ ⴰⴼⴰⴷ ⵏ ⵜⴳⵎⵉ ⴳ ⵓⵎⵏⵣⴰⵡ 

ⴳ ⵓⵎⵣⵣⵓ ⴷⵖ ⵜⴹⴼⴰⵕ  ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⴰⴼⵙⴰⵔ ⵅⴼ ⵓⵖⴰⵡⴰⵙ " ⴰⴷ ⵏⵙⵙⴼⵍⴷ" ⵍⵍⵉ ⵜⵙⵎⵏⵉⴷ ⵜⴰⵎⵙⵓⴳⵔⵜ ⵏ ⵓⵖⴰⵡⴰⵙ ⴷ ⵓⵏⴼⵍⵓⵙ ⵏ ⵉⴷⵔⵉⵎ ⵏ ⵜⵎⵔⵙⴰⵍⵜ ⵎⴰⵙⵙ ⴽⴰⵔⵉⵎ ⵚⵚⵇⵍⵉ .

ⴷⴼⴼⵉⵔ ⵍⵍⵉⵖ ⵉⵙⴰⵡⵍ ⵅⴼ ⴰⴷⴷⵓⵔ ⵏ ⵓⴽⴰⵣ ⵏ ⵉⴹⵔⴹⵓⵔⵏ ⵉⵙⴷⴷⵉⵙ ⵎⴰⵙⵙ ⵚⵚⵇⵍⵉ ⵎⴰⵙ ⵜⴰⵎⴰⵔⵙⴰⵍⵜ ⵍⵍⴰⵍ ⴰⵙⵎⴰ ⵜⵍⵜⵖ ⴳ ⵜⴰⵏⴰⵢⵜ ⵜⴰⴳⵍⴷⴰⵏⵜ ⵏ ⵓⵙⵙⵓⵙⵄⵓ ⵏ ⵓⵖⴰⵡⴰⵙ "ⵏⵙⵙⴼⵍⴷ" ⵎⵔⴰ ⴰⴷ ⵉⵣⴷⵉ ⵎⵏⵏⴰⵡⵜ ⵏ ⵜⵎⵉⵣⴰⵔ ⵜⵉⴼⵔⵉⵇⵢⵉⵏ ⵎⴰⵢⴰⴷ ⵉⴳⴰⵏ ⵙⵉⵏⵉⴳⴰⵍ ⴷ ⴽⵓⵟⴷⵉⴼⵡⴰⵕ ⴷ ⵍⴱⵉⵏⵉⵏ ⴷ ⵜⵓⴳⵓ ⴷ ⴱⵓⵔⴽⵉⵏⴰⴼⴰⵙⵓⴷ ⵍⴳⴰⴱⵓⵏ ⴷ ⵏⵉⵊⵉⵔ .

ⵉⵙⵓⵍ ⵉⵏⵏⴰ ⵎⴰⵙ ⵍⵃⴰⵡⴰⵍ ⵏ 20 ⵓⴼⵔⵓⵅ ⵢⵓⵜⵏ ⴰⵎⵎⵓⵄⴹⵔ ⵏ ⵓⴹⵔⴹⵓ ⵙⴳ ⵜⵎⵉⵣⴰⵔ ⴰⴷ ⵡⵉⵏⵏⴰ  ⵉⵣⵔⵉⵏ ⵉ ⵍⵎⵖⵔⵉⴱ ⴷ ⵢⴰⵏ ⵓⴼⵔⴷⵉⵙ ⵏ ⵜⵡⵊⴰ ⵏⵙⵏⵏ ⵎⵔⴰ ⴰⴷ ⵉⵙⴱⵓⵖⵔⵏ ⵙⴳ ⵓⵙⵏⵜⵉ ⵏ ⵓⵥⵥⵓ ⵏ ⵡⴰⵎⵎⴰⵙ ⵏ ⵓⵎⵣⵣⵓⵖ ⴳ ⵓⵙⵡⵉⵔ ⵏ ⵉⵎⴰⵙⵙⵏ ⵏ ⵉⵙⴳⵏⴰⴼⵏ ⵉⵎⵙⴷⵡⵏ ⴳ ⵜⴳⵍⴷⵉⵜ ⴷ ⵚⵚⴱⵉⵟⴰⵕⵏ ⵉⵄⵚⴽⵔⵉⵏ 

 ⴷⴼⴼⵉⵔ ⴰⴷ ⵜⴹⴼⴰⵕ  ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⴰⵙⴼⵙⴰⵔ ⵏ ⵜⵎⵢⵓⵏⵉⵜⵏ ⵜⵓⵜⵉⴽⵏⵓⵍⵓⵊⵉⵏ ⴳ ⵜⵏⴰⴼⵓⵜ ⵏ ⵎⵉⴷⴷⵏ ⵉⴹⵔⴹⵓⵔⵏ ⵍⵍⵉ ⵜⵙⵎⵏⵉⴷ ⵜⵎⴰⵡⴰⵙⵜ ⵏ ⵜⴱⴷⴰⴷⵜ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ ⵎⴰⵙⵙⴰ ⵄⵡⴰⵟⵉⴼ ⵃⵢⵢⴰⵔ 

ⴷⴼⴼⵉⵔ ⵍⵍⵉⵖ ⵜⵣⵓⵍ ⴰⵍⵜⵖ ⵏ  ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵉ ⵎⵉⴷⴷ ⴷ ⵉⵄⵄⵔⵉⵎⵏ ⵉⴹⵔⴹⵓⵔⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵉⴼⵔⵉⵇⵢⴰ ⵜⵎⵍⴰ ⵎⴰⵙⵙ ⵃⵢⵢⴰⵔ ⵏ ⵓⵙⴳⵓⵏⴼⵓ ⵏⵏⵙ ⵏ ⵓⵖⴰⵡⴰⵙ ⴰⴷ ⵖⵓⵔⵙ ⴰⵎⵏⵉⴷ ⴰⵎⵏⵣⴰⵡ ⴷ ⵓⵍⴰⵢ ⵏⵙⵏ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⴼⵔⵉⵇⵉ .

ⴳ ⵜⴰⴼⵓⵍⵜ ⵏⵏⵙ ⵉⵙⴷⴷⵉⴷ ⵓⵏⵎⵀⴰⵍ ⴰⴰⵎⴰⴹⵍⴰⵏ ⵏ ⵓⵙⴳⵔⴰⵡ ⵍⵢⵓⵏⵙ ⴰⵎⴰⴹⵍⴰⵏ-ⵉⴼⵔⵉⵇⵢⴰ -ⴼⴰⵏⵙⵓⵏ ⴳⵓⵎⵉⵣ ⵎⴰⵙ " ⵜⵉⵔⴰⵜ ⵏ ⵜⵎⵔⵙⴰⵍⵜ ⵍⴰⵍⵍⴰ ⴰⵙⵎⴰ ⴰⴷ ⵜⵙⵙⵓⵙⵄⵓ ⵓⵖⴰⵡⴰⵙ ⵏⵏⵙ "ⵏⵙⴼⵍⴷ ⵉ ⵎⵏⵏⴰⵡ ⵏ ⵜⵉⵎⵉⵣⴰⵔ ⵜⵉⴼⵔⵉⵇⵉⵏ ⵖⵓⵔⵙ ⵎⵏⵏⴰⵡ ⵏ ⵜⵣⴷⵉⵏ ⵉⵖⵓⴷⴰⵏ ⴷ ⵉⵎⵍⴰ ⴰⵕⵥⵥⵓⵎ ⵏ ⵜⴳⵍⴷⵉⵜ ⵅⴼ ⵓⵎⵉⵙⵏ ⴷ ⵉⵍⵉⵙⵏ ⴳ ⵉⴼⵔⵉⵇⵢⴰ . 

ⵍⵍⵉⵖ ⵜⵍⴽⵎ  ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵜⵙⵣⵉ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵙⵉ ⵍⵍⵉ ⵢⴼⴽⴰⵏ ⴰⵣⵓⵍ ⴷ ⵉⵣⵓⵍⴰⵏⵜ ⵎⴰⵙⵙ ⵄⴱⴷ ⵍⵟⵟⵉⴼ ⵡⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴰⴼⵜ ⴷ ⵛⴰⴽⵉⴱ ⴱⵏ ⵎⵓⵙⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⵉⵣⵔⵓⵔ ⴷ ⵜⵓⵏⵏⵓⵏⵜ ⴷ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵎⵏⵏⴰⵡ ⵏ ⵎⵉⴷⴷⵏ ⵢⴰⴹⵏ .

 

 

 

Dernière modification : 18 ⴽⵟⵓⴱⵕ 2022
Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B4%B0%E2%B5%99%E2%B5%8E%E2%B4%B0-%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%A5%E2%B5%A5%E2%B5%93-%E2%B5%8F