ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⵙⵉⵏⴰⴳ ⵉⵥⵍⵉⵏ ⵙ ⵉⵎⴰⵡⴰⵏ ⵏ ⵜⴰⵢⵍⴰⵍⵉⵏ ⴷ ⵍⵓⵊⵉⵙⵜⵉⴽ ⵏ ⵉⵣⴰⴳⵯⵣⵏ ⴳ ⵏⵡⴰⵚⵕ

11 ⵛⵓⵜⴰⵏⴱⵉⵔ 2013 Version Imprimable

ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⴳⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵕⴰⵙ ⴰⵙⵉⵏⴰⴳ ⵉⵥⵍⵉⵏ ⵙ ⵉⵎⴰⵡⴰⵏ ⵏ ⵜⴰⵢⵍⴰⵍⵉⵏ ⴷ ⵍⵓⵊⵉⵙⵜⵉⴽ ⵏ ⵉⵣⴰⴳⵯⵣⵏ ⴳ ⵏⵡⴰⵚⵕ.

ⵎⴰⵢⴰⴷ ⴰⵔ ⵉⵎⵎⴰⵍ ⴰⵏⴼⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵓⵙⵉⴷⴼ ⴰⵣⵣⵓⵍⴰⵏ ⵏ ⵜⵉⵄⵄⵓⵔⵎⴰ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⵣⵣⵓⵍⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵎⴰⵢⵏⵓⵜⵉⵏ ⵏ ⵍⵎⵖⵔⵉⴱ.

ⴰⵙⵉⵏⴰⴳ ⴰⴷ ⵍⵍⵉ ⵢⵉⵜⵜⵓⵙⴽⴰⵔⵏ ⵙ 72,2 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵉⵎⵓⵏ ⴷ ⵜⵉⴳⵎⵉ ⵏ ⵉⴳⵔ ⵏ ⵉⵎⴰⵡⴰⵏ ⵏ ⵜⴰⵢⵍⴰⵍⵉⵏ ⴷ ⵍⵓⵊⵉⵙⵜⵉⴽ ⵏ ⵉⵣⴰⴳⵯⵣⵏ ⴷ ⵜⵙⵏⵙⵉ ⵏ ⵓⵎⵉⵔⵓ ⴰⵏⴰⵎⵓⵔ ⵏ ⵜⴳⵎⵉ ⵜⴰⵎⴳⵓⵔⴰⵏⵜ. ⴰⵔ ⵉⴼⵙⵙⵉ ⵓⵍⴰ ⵜⴰⵎⵓⴽⵔⵉⵙⵜ ⵏ ⵉⵙⴰⴳⵎⵏ ⵉⵏⴼⴳⴰⵏⵏ ⵏ ⵉⴳⵉⵔⵏ ⴰⴷ ⵖ ⵍⵎⵖⵔⵉⴱ.

ⴰⴳⵊⴷⵉ ⵢⴰⴷ ⵏ ⵓⵙⵎⵓⵜⵜⴳ ⵍⵍⵉ ⵢⵉⵜⵜⵓⵙⴽⴰⵔⵏ ⵉⴳⴳⵉ ⵏ 15.000 ⵏ ⵓⵎⵉⵜⵔⵓ ⴰⵎⴽⴽⵓⵣ, ⵉⵔⴰ ⴷ ⵉⴳ ⵢⴰⵜ ⵜⵎⵙⵙⵉⵍⵉⵜ ⵜⴰⵎⵙⵜⴳⴳⴰⵔⵜ ⴳ ⵉⴳⵉⵔⵏ ⵏ ⵓⵙⵏⴰⵢ ⴷ ⵓⵎⴰⵡⴰ ⵏ ⵜⴰⵢⵍⴰⵍⵉⵏ.

ⴰⵙⵏⵜⵉ ⵢⴰⴷ ⵍⵍⵉ ⵖ ⵍⵍⴰⵏ ⵉⴷⵖⴰⵔⵏ ⵏ ⵓⵙⵎⵓⵜⵜⴳ ⵖⵎⴽⵍⵍⵉ ⵙⴰ ⵜⵜⵉⵏⵉⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏ, ⵔⴰⴷ ⵢⴰⵙⵉ 2.000 ⵏ ⵓⵎⵃⴹⴰⵕ, ⵍⵍⵉ ⵔⴰⴷ ⵉⵖⵔ ⵜⴰⵜⵉⴽⵏⵓⵍⵓⵊⵉⵜ ⵏ ⴰⴽⴽⵯ ⵜⴰⵡⵔⵉⵡⵉⵏ ⵏ ⵍⴰⵢⵏⵓⵕⵓⵜⵉⴽ.

ⵙ ⵓⵣⵎⵓⵣⵣⵓ ⵢⴰⴷ, ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴳⵔ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵡⵉⵏ ⵜⵏⴽⵔⴰ ⵙ ⵜⵡⵓⵔⵉ ⴷ ⵓⵙⵉⵔⴰ ⴷ « ⵍⴰⵕⴰⵎ » ⴷ ⵓⵙⵉⵔⴰ ⴰⵏⴰⵎⵓⵔ ⵏ ⵉⵙⴰⴳⵯⵣⵏ ⵓⵏⴹⴰ.

Dernière modification : 11 ⵛⵓⵜⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B5%99%E2%B5%89%E2%B5%8F%E2%B4%B0%E2%B4%B3-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%89%E2%B5%8E%E2%B4%B0%E2%B5%A1%E2%B4%B0%E2%B5%8F-%E2%B5%8F-%E2%B5%9C%E2%B4%B0%E2%B5%A2%E2%B5%8D%E2%B4%B0%E2%B5%8D%E2%B5%89%E2%B5%8F-%E2%B4%B7-%E2%B5%8D%E2%B5%93%E2%B5%8A%E2%B5%89%E2%B5%99%E2%B5%9C%E2%B5%89%E2%B4%BD-%E2%B5%8F-%E2%B5%89%E2%B5%A3%E2%B4%B0%E2%B4%B3%E2%B5%AF%E2%B5%A3%E2%B5%8F-%E2%B4%B3-%E2%B5%8F%E2%B5%A1%E2%B4%B0%E2%B5%9A%E2%B5%95#comment-0