ⴳ ⵓⵙⴰⵜⵉ ⴰⴷ, ⵙⴳ ⵍⵍⵉⵖ ⵜⵜⵓⵙⴽⴰⵔ ⵜⴱⴰⴷⵓⵜ ⵏ ⵉⵏⵖⵎⵉⵙⵏ ⵎ 24 ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⴰⴼⴰⴷ ⴰⴷ ⵜⵙⵎⴰⵢⵏⵓ ⵉⵜⴳⴰⵔⵏ ⵏ ⵉⵏⵖⵎⵉⵙⵏ ⵉⵎⵢⴰⵏⴰⵡⵏ ⵍⵍⵉⵖ ⵜⴳⴰ ⵢⴰⵏ ⵡⴰⵏⵙⴰ ⵏ ⵉⵏⵖⵎⵉⵙⵏ ⵏⵏⴰ ⵢⵓⵎⴰⵏ ⴰⵎⵓⵏ ⴰⴽⴽⵯ .
ⵍⵍⴰⵏ ⴳⵉⵙ ⵉⵖⴰⵡⴰⵙⵏ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵎⵓ ⵎⵢⴰⵏⴰⵡⵏ ⵉⵣⵡⵉⵍⵏ ⵏⵏⵙⵏ .
ⴰⵡⵜⵜⴰⵙ ⵏ ⵓⵖⴰⵡⴰⵙ - ⴼⵉⴽⵔ ⵡⴰ ⵃⵉⵡⴰⵕ- ⵏⵏⴰ ⵉⵙⵙⵎⵏⵉⴷ ⵓⵎⵔⵣⵓ ⵄⴱⴷⵍⵡⴰⵀⴰⴱⵔⴰⴼⵉⵇⵉ,ⵏⵏⴰ ⵉⵣⵣⵔⴰⵢⵏ ⴽⵓ ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⵓⵢⵏⴰⵙ, ⴰⴼⴰⴷ ⴰⴷ ⵉⵙⵙⴷⵓⵙ ⵉⴳⵔ ⵏ ⵓⵙⵏⵖⵎⵙ ⵙ ⴽⵉⴳⴰⵏ ⵏ ⵉⵙⵏⵜⴰⵍ ⵏⵏⴰ ⵢⴰⵣⴹⵏ ⵉ ⵓⵎⴰⵏⵏⴰⵢ, ⵢⴰⵡⵙ ⴰⵡⴷ ⴳ ⵓⵙⴱⵓⵖⵍⵓ ⵏ ⵓⵙⵡⵉⵏⴳⵎ ⵏⵏⵙ , ⴰⵔ ⵉⵙⴽⴰⵔ ⴰⵙⵏⵓⴱⴳ ⵏ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⵉⴷⵍⵙⴰⵏⵏ, ⵅⴼ ⵉⵙⵏⵜⴰⵍ ⵏ ⵜⵎⴰⵙⵙⴰⵏⵉⵏ ⵜⵉⵏⴰⴼⴳⴰⵏⵉⵏ , ⴰⴼⴰⴷ ⴰⴷ ⵙⵙⴷⵔⵓⵏ ⵜⵓⵙⵙⵏⴰ ⵏⵏⵙⵏ ⴳ ⵜⵓⵥⵍⴰⵢⵉⵏ ⵏⵏⵙⵏ ⴰⴽⴽⵯ ⴰⴼⴰⴷ ⴰⴷ ⴼⴽⵉⵏ ⵉ ⵓⴳⴷⵓⴷ ⴽⵉⴳⴰⵏ ⵏ ⵜⵓⵎⵍⴰⵢⵉⵏ ⵏⵏⴰ ⵖ ⵔⴰⴷ ⴰⵡⵉⵏ ⵍⴼⴰⵢⵜⵜ ⴼⴽⵉⵏ ⴰⵡⴷ ⴽⵉⴳⴰⵏ ⵏ ⵉⴼⵙⵙⴰⵢⵏ ⵏ ⵉⵎⵓⴽⵉⵔⵉⵙⵏ ⵏⵏⴰ ⵉⵜⵜⵉⵍⵉⵏ ⴳ ⵉⴳⵔ ⵏⵏⵙⵏ .
ⴰⵡⵜⵜⴰⵙ ⵏ ⵓⵖⴰⵡⴰⵙ ⴰⴷ ⵏⵏⴰ ⵖ ⵜⵍⵍⴰ 26 ⵏ ⵜⵙⵔⴰⴳⵜ, ⴰⴷ ⵉⵙⵓⵙⵙⵏ ⵙ ⴽⵉⴳⴰⵏ ⵏ ⵜⵓⴷⵎⴰⵡⵉⵏ ⵜⵉⵎⴰⵙⵙⴰⵏⵉⵏ ⴳ ⵍⵎⵖⵔⵉⴱ, ⵏⵏⴰ ⵉⵙⴽⵔⵏ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⴷ ⵉⵡⵙⵏ ⵙ ⴽⵉⴳⴰⵏ ⴳ ⵜⵓⵥⵍⴰⵢⵉⵏ ⵏⵏⵙⵏ .
ⴰⵖⴰⵡⴰⵙ ⵏ - ⵄⴰⵍⴰ ⵎⴰⵕⵎⴰ ⵅⴰⴱⴰⵕ- ⵉⴳⴰ ⵢⴰⵏ ⵓⵖⴰⵡⴰⵙ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⴰ ⵉⵜⵜⵉⵍⵉⵏ ⴽⵓⵏ ⵉⵎⴰⵍⴰⵙⵙ ⴰⵔ ⵜ ⵜⵙⵙⵎⵏⵉⴷ ⵜⵏⴰⵖⵎⴰⵙⵏ ⵙⴰⵏⴰ ⵍⵄⴰⵊⵉ, ⵜⵍⵍⴰ ⴳⵉⵙ 26 ⵏ ⵜⵓⵙⴷⵉⴷⵜ ⴰⵔ ⵉⵙⴰⵡⴰⵍ ⵅⴼ ⵉⵙⵏⵜⴰⵍ ⵏ ⵉⵣⵔⴼⴰⵏ ⵏ ⵉⵏⵎⵓⵔⵉⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵡⴰⵣⵣⴰⵏ , ⴰⵔ ⵜⵜⵎⴰⴳⴳⴰⵔ ⵜⵏⴰⵖⵎⴰⵙⵜ ⵙⴰⵏⴰ ⵍⵄⴰⵊⵉ ⴷ ⵓⴳⴷⵓⴷ ⵏⵏⵙ ⴰⴼⴰⴷ ⴰⴷ ⴷⵉⵙⵏ ⵜⵎⵔⴰⵔⴰ ⴰⵡⴰⵍ ⵜⴼⴽ ⴰⵙⵏ ⴽⵉⴳⴰⵏ ⵏ ⵜⵓⵎⵍⴰⵢⵉⵏ ⵣⴷⵉⵏⵉⵏ ⴷ ⵜⵙⵓⵙⵢⵓⵍⵓⵊⵉⵜ ⴷ ⵡⴰⵎⵓⵏ ⵍⵍⵉⵖ ⴰⵔ ⵜⵙⴽⴰⵔ ⴰⵙⵏⵓⴱⴳ ⵏ ⴽⵉⴳⴰⵏ ⵏ ⵓⵥⵍⴰⵢⵏ .
ⵎⴽⵍⵍⵉ ⵢⴰⴽⴽⴰ ⵓⵖⴰⵡⴰⵙ ⵉ ⵉⵄⵔⵔⵉⵎⵏ ⴰⴼⴰⴷ ⴰⴷ ⵙⴱⴰⵢⵢⵏⵏ ⵙⵙⴷⵓⵙⵏ ⵜⵉⵏⴼⴽⵉⵜⵉⵏ ⵏⵏⵙⵏ ⴷ ⵉⴳⵔⴰⵏ ⵏ ⵜⵡⵡⵓⵔⵉ ⵏⵏⵙⵏ ⴰⴼⴰⴷ ⴰⴷ ⴰⵡⵙⵏ ⴳ ⵓⵎⵔⴰⵔⴰ ⴰⵏⴰⵎⵓⵏ ⵉⵙⵙⴰⵜⵉⴳⵏ .
ⵔⴰⴷ ⵎⵎⴰⴳⴳⴰⵔⵏ ⴰⵡⴷ ⵉⵎⴰⵏⵏⴰⵢⵏ ⵏ ⵜⴱⴰⴷⵓⵜ ⵎ 24 ⴷ ⵓⵖⴰⵡⴰⵙ -ⴱⴰⵚⴰⵎⴰⵜ- ⵜⴳ ⴰⵡⴷ ⵏⵜⵜⴰⵜ ⵢⴰⵏ ⵓⵖⴰⵡⴰⵙ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⴰ ⵖ ⵜⵍⵍⴰ 26 ⵏ ⵜⵓⵙⴷⴰⴷⵜ ⴰⵔ ⵜ ⵜⵙⵙⵎⵏⵉⴷ ⵜⵎⴷⵢⴰⵣⵜ ⵡⵉⴷⴰⴷ ⴱⵏⵎⵓⵙⴰ .
ⴰⵡⵜⵜⴰⵙ ⵏ ⵓⵖⴰⵡⴰⵙ ⴰⴼⴰⴷ ⴰⴷ ⵉⵙⴽⵓ ⵉⵜⴳⴰⵔⵏ ⵏ ⵜⵎⴰⵜⵔⴰⵔⵜ ⴷ ⵓⵙⵙⴼⵔⴽ ⴳ ⵜⵎⴰⵣⵉⵔⵜ ⵏⵏⵖ, ⵙⴳ ⵓⵙⵏⵓⴱⴳ ⵏ ⴽⵉⴳⴰⵏ ⵏ ⵉⵡⵔⵉⴽⵏ ⵉⵙⵔⵜⴰⵏⵏ ⵏⵏⴰ ⵉⴳⴰⵏ ⵉⵏⵎⵎⴰⵙⵙⵓⵜⵏ ⴳ ⵉⴳⵔ ⴰⴷ , ⴰⵡⵙⵏ ⴰⵡⴷ ⴳ ⵓⵙⴽⵓ ⵏ ⵍⵎⵖⵔⵉⴱ ⴰⵎⴰⵢⵏⵓ , ⴰⴼⴰⴷ ⴰⴷ ⵙⵔⵙⵏ ⴰⵏⵎⵓⵔⵉ ⴷ ⵓⵎⴰⵏⵏⴰⵢ ⴳ ⵜⵡⵍⴰⴼⵜ ⵉⴼⴰⵡⵏ ⴳ ⵎⴰⴷ ⵉⵣⵍⵉⵏ ⵙ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ ⵜⵉⵏⴰⵎⵓⵔⵉⵏ .
ⵎⴽⵏⵏⴰ ⵉⴳⴰ ⵓⵡⵜⵜⴰⵙ ⵏ ⵓⵖⴰⵡⴰⵙ ⴰⴷ ⴰⵍⵜⵜⵓⵖ ⵏ ⵜⴱⴰⴷⵓⵔ ⵎ 24 ⴳ ⵓⵙⴰⵜⵉ ⵏ ⵓⵎⵔⴰⵔⴰ ⴰⵏⴰⵎⵓⵔ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ ⵏ ⵓⵙⵡⵉⵏⴳⵎ , ⴷ ⵜⵉⵍⴰⵍ ⵏ ⴽⵉⴳⴰⵏ ⵏ ⵜⵓⴷⵎⴰⵡⴰⵏⵉⵏ ⵜⵉⵏⵎⵎⴰⵙⵙⵓⵜⵉⵏ ⴳ ⵓⵙⴽⵓ ⵏ ⵍⵎⵖⵔⵉⴱ ⵏ ⵡⴰⵙⵙ ⴰⴷ .
ⴳ ⵜⵙⴳⴰ ⵏⵏⵙ ⵉⴳⴰ ⵓⵡⵜⵜⴰⵙ ⵏ ⵓⵖⴰⵡⴰⵙ -ⵛⴰⴱⴰⴱ ⵜⴰⵍⴽ- ⵏⵏⴰ ⵉⵙⵙⵎⵏⵉⴷ ⵎⴰⵙⵙ ⵃⵎⴰⴷ ⵍⴱⵣⵉⵡⵉ ⴰⴼⴰⴷ ⴰⴷ ⵉⵙⵔⵙ ⵜⵉⵟⵟ ⵅⴼ ⵉⵙⵏⵜⴰⵍ ⵏ ⵉⵄⵔⵔⵉⵎⵏ ⴳ ⴽⵉⴳⴰⵏ ⵏ ⵉⵎⵏⴰⴷⵏ .
ⴰⵔ ⵉⵙⴽⴰⵔ ⵓⵖⴰⵡⴰⵙ ⴰⴷ ⴰⵙⵏⵓⴱⴳ ⴽⵓⵏ ⵉⵎⴰⵍⴰⵙⵙ ⵉ ⵉⵡⵡⵓⵔⴰⵏⵏ ⵏ ⵓⵙⵏⴼⵍⵓⵍ ⴰⵄⵔⵎⴰⵏ ⴳ 26 ⵏ ⵜⵓⵙⴷⵉⴷⵜ ⴰⴼⴰⴷ ⴰⴷ ⴼⴽⵉⵏ ⵉ ⵓⵎⴰⵏⵏⴰⵢ ⴽⵉⴳⴰⵏ ⵏ ⵜⵓⵎⵍⴰⵢⵉⵏ ⵉⵣⴷⵉⵏ ⴷ ⵉⵄⵔⵔⵉⵎⵏ .
ⵜⴰⴱⴰⴷⵓⵜ ⵏ ⵎ 24 ⴰⵔ ⵜⵙⴽⴰⵔ ⵉⵏⵖⵎⵉⵙⵏ ⴽⵓ ⵜⴰⵙⵔⴰⴳⵜ ⵙⴳ ⵍⵍⵉⵖ ⵜⵙⵙⵏⵜⴰ ⴳ ⵓⵙⴳⴳⵯⴰⵙ ⵏ 2021 ⵍⵍⵉⵖ ⴰⵔ ⵜⵙⵙⵎⵏⴰⴷ ⴰⵡⴷ ⴽⵉⴳⴰⵏ ⵏ ⵉⵖⴰⵡⴰⵙⵏ ⵣⵓⵏⴷ -ⴱⵉⴽⵓⵍⵍ ⵀⵓⴷⵓ- ⵏⵏⴰ ⵉⵙⵙⵎⵏⵉⴷ ⵓⵏⴰⵖⵎⴰⵙ ⵙⴰⵎⵉⵔ ⴱⵏ ⵃⵟⵟⴰ, ⵉⴳ ⵢⴰⵏ ⵡⴰⵢⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵙⵏⵜⴰⵍ ⵏ ⵜⵙⵔⵜⵉⵜ ⴷ ⵜⴷⵍⵙⴰ ⴷ ⵜⴷⵎⵙⴰ ⴷ ⵜⵥⵓⵕⵉ ⵓⵍⴰ ⵜⵓⵏⵏⵓⵏⵜ, ⴷ ⵓⵖⴰⵡⴰⵙ ⵏ -ⵍⵎⴰⵛⵀⴰⴷ ⵜⵜⴰⵇⴰⴼⵉ - ⵏⵏⴰ ⵜⵙⵙⵎⵏⵉⴷ ⵡⵉⴷⴰⴷ ⴱⵏⵎⵓⵙⴰ ⵏⵏⴰ ⵉⵙⴰⵡⴰⵍⵏ ⴼ ⵉⵙⵏⵜⴰⵍ ⵏ ⵜⴷⵍⵙⴰ ⵜⴰⵎⵖⵔⵉⴱⵉⵜ ⵙⴳ ⴽⵉⴳⴰⵏ ⵏ ⵉⵎⵏⴰⴷⵏ , ⴷ -M AUTO ⵏⵏⴰ ⵉⵙⵙⵎⵏⵉⴷ ⵓⵏⴰⵖⵎⴰⵙ ⵊⴰⵍⵉⵍ ⴱⵏⵏⴰⵏⵉ ⵏⵏⴰ ⵉⵣⴷⵉⵏ ⴷ ⵓⵎⴰⵢⵏⵓ ⵏ ⵓⵎⴰⴹⴰⵍ ⵏ ⵜⵀⵉⵔⵔⵉⵜⵉⵏ .
ⵎⴽⵍⵍⵉ ⵜⵙⵙⵏⵜⴰ ⵜⴱⴰⴷⵓⵜ ⵏ ⵎ 24 ⴰⵖⴰⵡⴰⵙ ⵏ -ⵃⴰⵔⴰⵜ- ⵏⵏⴰ ⵜⵙⵙⵎⵏⵉⴷ ⵜⵏⴰⵖⵎⴰⵙⵜ ⵄⵉⵛⴰ ⵣⵣⴰⵄⵉⵎ ⵙⵙⵅⵕⵉ ⵉⴳ ⵢⴰⵏ ⵡⴰⵢⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵙⵏⵜⴰⵍ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⵎⴳⵉⴷⴷⵉ ⴳⵔ ⵡⴰⵏⴰⵡⵏ , ⴷ ⵓⵖⴰⵡⴰⵙ ⵏ -ⵙⴱⴱⵓ ⵟⵟⴰⵢⵎ- ⵏⵏⴰ ⵉⵙⵙⵎⵏⵉⴷ ⵎⴰⵙⵙ ⵎⵓⵕⴰⴹ ⵎⵓⵜⴰⵡⴰⴽⴽⵉⵍ ⵏⵏⴰ ⵉⵙⴰⵡⴰⵍⵏ ⵅⴼ ⵉⵙⵏⵜⴰⵍ ⵏ ⵜⵓⵏⵏⵓⵏⵜ ⴷ ⴽⵓ ⵎⴰⴷ ⵉⵣⵍⵉⵏ ⵙ ⵜⵓⵏⵏⵓⵏⵜ ⵙ ⵓⵎⴰⵜⴰ .
ⴰⵡⵜⵜⴰⵙ ⵏ ⵜⴱⴰⴷⵓⵜ ⵎ 24 ⵙⴳ ⴽⵉⴳⴰⵏ ⵏ ⵉⵖⴰⵡⴰⵙⵏ ⵏⵏⴰ ⵜⵙⵙⵎⵏⵉⴷ ⴰⴼⴰⴷ ⴰⴷ ⵜⵙⵙⴷⵓⵙ ⵜⴰⵡⵍⴰⴼⵜ ⵏ ⵓⵏⵖⵎⵉⵙ ⴳ ⵜⵎⴰⵣⵉⵔⵜ ⵏⵏⵖ , ⵜⴳ ⴰⵡⴷ ⴰⵜⴳⴰⵔ ⵏ ⵉⵏⵖⵎⵉⵙⵏ ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ , ⵢⴰⵡⵙ ⴰⵡⴷ ⴳ ⵜⵙⵜⴳⴳⴰⵔⵏ ⴳ ⵉⴳⵔ ⵏ ⵓⵙⵏⵖⵎⵙ ⴰⵏⴰⵎⵓⵔ .