Published on MAPNews (https://www.mapnews.ma/am)

Accueil > ⵎⵙⵄⵓⴷⴰ ⵜⴰⵡⵥⴳⵉⵜⵉⵜ ⵙⴳ ⵜⵡⵡⵓⵔⴰⵏⵉⵏ ⵏ ⵉⴳⵔ ⵏ ⵜⵙⵔⵜⵉⵜ ⴷ ⵡⴰⵎⵓⵏ ⴳ ⵍⵎⵖⵔⵉⴱ ⴳ ⵜⴰⵙⵓⵜ ⵜⵉⵙⵙ ⵙⴹⵉⵙⵜ ⴷ ⵎⵔⴰⵡⵜ ( ⴰⵎⵣⵔⴰⵡ)

ⵎⵙⵄⵓⴷⴰ ⵜⴰⵡⵥⴳⵉⵜⵉⵜ ⵙⴳ ⵜⵡⵡⵓⵔⴰⵏⵉⵏ ⵏ ⵉⴳⵔ ⵏ ⵜⵙⵔⵜⵉⵜ ⴷ ⵡⴰⵎⵓⵏ ⴳ ⵍⵎⵖⵔⵉⴱ ⴳ ⵜⴰⵙⵓⵜ ⵜⵉⵙⵙ ⵙⴹⵉⵙⵜ ⴷ ⵎⵔⴰⵡⵜ ( ⴰⵎⵣⵔⴰⵡ)

12 ⴽⵟⵓⴱⵕ 2022 Version Imprimable
ⵕⵕⴱⴰⵟ -  ⵉⵏⵏⴰ ⵓⵎⵔⵣⵓ ⴳ ⵜⴰⵢⵙⵉ ⵜⴰⵎⵖⵔⵉⴱⵉⵜ ⵎⴰⵙⵙ ⵄⴱⴷⵍⵉⵍⴰⵀ ⵍⵖⵣⵣⴰⵡⵉ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ ⵎⴰⵙⴷ ⵎⴰⵙⵙⴰ ⵍⴰⵍⵍⴰ ⵎⵙⵄⵓⴷⴰ ⵜⴰⵡⵥⴳⵉⵜⵉⵜ ⵜⴳⴰ ⵢⴰⵜ ⴳ ⵜⵡⵡⵓⵔⴰⵏⵉⵏ ⵏ ⵉⴳⵔ ⵏ ⵜⵙⵔⵜⵉⵜ ⴷ ⵓⵙⴳⴷ ⴷ ⵜⴷⵍⵙⴰ ⴷ ⵡⴰⵎⵓⵏ ⴳ ⵍⵎⵖⵔⵉⴱ ⴳ ⵜⴰⵙⵓⵜ ⵜⵉⵙⵙ ⵙⴹⵉⵙⵜ ⴷ ⵎⵔⴰⵡⵜ .

ⴳ ⵢⴰⵜ ⵜⵉⵏⴰⵡⵜ ⵏⵏⴰ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵜⵣⵔⴰⵡⵉⵏ ⵏ ⵓⵎⵣⵔⵓⵢ ⴷ ⵜⵡⵏⵏⴰⴹⵜ ⵏⵏⴰ ⵉⵡⴰⵍⵏ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵅⴼ ⵓⵙⵏⵜⵍ ⵏ ⵍⴰⵍⵍⴰ ⵎⵙⵄⵓⴷⴰ ⵜⴰⵡⵥⴳⵉⵜⵉⵜ ⵜⵉⴽⴽⵉ ⵏⵏⵙ ⵙ ⵓⵙⴼⵓⴳⵍⵓ ⵙ ⵡⴰⵙⵙ ⴰⵏⴰⵎⵓⵔ ⵏ ⵜⵎⵖⴰⵔⵜ ⴳ ⵓⵙⴰⵜⵉ ⵏ ⵉⵏⵎⵓⵇⵇⴰⵔⵏ ⵅⴼ ⵓⵎⵣⵔⵓⵢ ⴷ ⵜⵡⵏⵏⴰⴹⵜ , ⵉⵏⵏⴰ ⵎⴰⵙⵙ ⵍⵖⵣⵣⴰⵡⵉ ⵎⴰⵙⴷ ⵎⴰⵙⵙⴰ ⵍⴰⵍⵍⴰ ⵎⵙⵄⵓⴷⴰ ⵜⵙⴽⵔ ⵜⴰⵡⵡⵓⵔⵉ ⵉⴷⵓⵙⵏ ⴳ ⵓⵣⵎⵣ ⵏⵏⵙ ⴳ ⵎⴰⴷ ⵉⵥⵍⵉⵏ ⵙ ⵓⴱⵔⵉⴷ ⵏⵏⵙ ⴰⵡⵡⵓⵔⴰⵏ .

ⵜⵍⴰ ⵜⵓⴷⵎⴰⵡⴰⵏⵜ ⴰⴷ ⵢⴰⵏ ⵡⴰⵜⵉⴳ ⴷ ⵜⵉⵍⴰⵍⵜ ⵜⴰⵎⵇⵔⴰⵏⵜ ⴳ ⵉⴳⵔ ⵏ ⵜⵙⵔⵜⵉⵜ ⵜⴰⵎⵖⵔⵉⴱⵉⵜ, ⵍⵍⵉⵖ ⵜⴳⴰ ⵎⴰⵙ ⵏ ⵓⴳⵍⴷⵓⵏ ⵃⵎⴰⴷ ⵍⵎⵏⵚⵓⵕ ⴷⴷⵀⴱⵉ, ⵜⵉⵡⵙ ⴰⵡⴷ ⴳ ⵉⴳⵔ ⴰⴷⵍⵙⴰⵏ ⴷⴼⴼⵉⵔ ⵍⵍⵉⵖ ⵜⵙⴽⴰ ⵜⵉⵏⵎⵍ ⵜⴰⵎⴰⵙⵙⴰⵏⵜ ⴷ ⵓⵙⴷⵓⵙ ⴷ ⵡⴰⵏⵏⴰⵍ ⵏ ⵜⵎⴰⵙⵙⴰⵏⵜ ⴳ ⵜⵎⴰⵣⵉⵔⵜ ⵏⵏⵖ .

ⵉⵣⴰⵢⴷ ⵎⴰⵙⵙ ⵍⵖⵣⵣⴰⵡⵉ ⵉⵏⵏⴰ ⵎⴰⵙⴷ ⵍⴰⵍⵍⴰ ⵎⵙⵄⵓⴷⴰ ⴷⴰⵔⵙ ⴰⵡⴷ ⵜⵉⵍⴰⵍ ⴳ ⵉⴳⵔ ⴰⵏⴰⵎⵓⵏ ⵣⵓⵏⴷ ⴰⵏⵏⴰⵍ ⵏ ⵜⴰⵢⵎⵎⴰⵜⵉⵏ ⴷ ⵡⵉⵏⵏⴰ ⵉⵙⵖⴰⵡⵙⴰⵏ ⴷ ⵜⵉⵍⴰⵍ ⵏ ⵓⵔⵏⵏⵓ ⴳ ⵉⵎⵉⵖ ⵏ ⵡⴰⴷ ⵍⵎⴰⵅⴰⵣⵉⵏ ⵙⴳ ⵓⵙⴷⵓⵙ ⵏ ⵜⵣⵎⵎⴰⵔ ⵉ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵏⵏⴰ ⵜⵙⴽⵔ ⵙ ⵉⵅⴼ ⵏⵏⵙ .

ⴳ ⵉⴳⵔ ⵢⴰⴷⵏ ⵜⵍⵍⴰ ⵜⵉⵍⴰⵍⵜ ⴷⴰⵔ ⵍⴰⵍⵍⴰ ⵎⵙⵄⵓⴷⴰ ⴳ ⵓⵓⵙⴽⵓ ⵏ ⵜⵉⵏⵎⴰⵍ ⴷ ⵜⵎⵣⴳⵉⴷⵉⵡⵉⵏ ⴷ ⵉⵔⴰⴷⴰⴱⵏ ⴷ ⵓⵙⴽⵓ ⵏ ⵡⴰⵎⵎⴰⵙⵏ ⵏ ⵜⵉⴹⴰⴼ ⴷ ⵜⵓⵖⵣⴰ ⵏ ⵉⵖⴱⵓⵍⴰ .

ⵉⵏⵏⴰ ⵎⴰⵙⵙ ⵍⵖⵣⵣⴰⵡⵉ ⵎⴰⵙⴷ ⵍⴰⵍⵍⴰ ⵎⵙⵄⵓⴷⴰ ⵜⴳⴰ ⵉⵍⵍⵉⵙ ⵏ ⵛⵛⵉⵅ ⵃⵎⴰⴷ ⴱⵏⵄⴱⴷⵓⵍⵍⴰⵀ ⵍⵡⵣⴳⵉⵟⵉ ⵍⵡⴰⵔⵣⴰⵣⵉ, ⴰⴳⵍⴷⵓⵏ ⵏ ⵍⵇⵚⴱⵜ ⵏ ⵜⴰⵡⵔⵉⵔⵜ, ⵏⵏⴰ ⵉⵙⵏⵉⵍⵏ ⴰⵡⴰⵏⴽ ⵏ ⵉⵙⵄⴷⵉⵢⵢⵏ ⴳ ⵙⵓⵙ ⴷ ⴷⵕⵄⴰ, ⵉⵏⵏⴰ ⴰⵡⴷ ⵎⴰⵙ ⵜⵍⴰ ⴽⵉⴳⴰⵏ ⵏ ⵡⴰⵙⵙⴰⵖⵏ ⵉⵍⵍⴰ ⵎⴰⴷ ⴰⵙ ⵉⵜⵜⵉⵏⵉⵏ ⵜⴰⴳⵍⴷⵓⵏⵜ ⵜⴰⵎⴰⵙⵙⴰⵏⵜ, ⴷ ⵎⴰⴷ ⴰⵙ ⵉⵙⵙⴰⵖⵏ ⵎⴰⵙⵙⴰ ⵜⵉⴷⵔⴼⵉⵜ ⴰⵢⵜ ⵉⴼⴼⵓⵙ ⴰⵔ ⴰⵙ ⵜⵜⵉⵏⵉⵏ ⵎⵙⵄⵓⴷⴰ ⵜⴰⵡⵣⴳⵉⵟⵉⵜ .

ⴰⵙⵎⴹⵍ ⵏ ⵍⴰⵍⵍⴰ ⵜⴰⵡⵣⴳⵉⵜⵉⵜ ⵉⵍⵍⴰ ⴳ ⵉⵙⵎⴹⴰⵍ ⵏ ⵉⵙⵄⴷⵉⵢⵢⵏ ⴳ ⵍⵇⵚⴱⵜ ⴰⴳⵯⵏⵙ ⵏ ⵉⵖⵔⵎⴰⵏ ⵏ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⵜⴰⵇⵇⴱⵓⵕⵜ ⴷ ⵓⵙⵎⴹⵍ ⵏ ⵓⴳⵍⴷⵓⵏ ⵏⵏⴰⴳ ⵍⵍⴰⵏ ⴽⵉⴳⴰⵏ ⵏ ⵉⵙⵎⴹⴰⵍ ⵏ ⵉⵡⵔⵉⴽⵏ ⵏ ⵓⵡⴰⵏⴽ ⵏ ⵉⵙⵄⴷⵉⵢⵢⵏ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%8E%E2%B5%99%E2%B5%84%E2%B5%93%E2%B4%B7%E2%B4%B0-%E2%B5%9C%E2%B4%B0%E2%B5%A1%E2%B5%A5%E2%B4%B3%E2%B5%89%E2%B5%9C%E2%B5%89%E2%B5%9C-%E2%B5%99%E2%B4%B3-%E2%B5%9C%E2%B5%A1%E2%B5%A1%E2%B5%93%E2%B5%94%E2%B4%B0%E2%B5%8F%E2%B5%89%E2%B5%8F-%E2%B5%8F-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%99%E2%B5%94%E2%B5%9C%E2%B5%89%E2%B5%9C-%E2%B4%B7-%E2%B5%A1%E2%B4%B0%E2%B5%8E%E2%B5%93%E2%B5%8F-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%9C%E2%B4%B0%E2%B5%99%E2%B5%93%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B9%E2%B5%89%E2%B5%99%E2%B5%9C-%E2%B4%B7