Published on MAPNews (https://www.mapnews.ma/am)

Accueil > ⵎⴰⵙⵙ ⴱⵏⵎⵓⵙⴰ : ⵉⵇⵇⴰⵏ ⴷ ⴰⴷ ⵜⴰⵎⵥ ⵜⵏⵎⴰⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⴷⵖⴰⵔ ⵏⵏⵙ ⴷ ⵢⵓⵙⴰⵏ ⴳ ⵓⵙⵏⴼⴰⵕ ⴰⵏⴰⵎⵓⵏ

ⵎⴰⵙⵙ ⴱⵏⵎⵓⵙⴰ : ⵉⵇⵇⴰⵏ ⴷ ⴰⴷ ⵜⴰⵎⵥ ⵜⵏⵎⴰⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⴷⵖⴰⵔ ⵏⵏⵙ ⴷ ⵢⵓⵙⴰⵏ ⴳ ⵓⵙⵏⴼⴰⵕ ⴰⵏⴰⵎⵓⵏ

20 ⵛⵓⵜⴰⵏⴱⵉⵔ 2022 Version Imprimable
ⵚⵚⵅⵉⵕⴰⵜ - ⵉⵏⵏⴰ ⵓⵎⴰⵡⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴰⵙⵙ ⴰⴷ ⴰⵢⵏⴰⵙ ⴳ ⵚⵚⵅⴰⵢⵕⴰⵜ, ⵎⴰⵙ ⴷ ⵉⵇⵇⴰⵏ ⵓⵙⴳⴰⴷⴷⴰ ⵏ ⵜⵏⵎⴰⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴰⴷ ⵜⴰⵎⵥ ⴰⴷⵖⴰⵔ ⵏⵏⵙ ⴷ ⵢⵓⵙⴰⵏ ⴳ ⵓⵙⵏⴼⴰⵔ ⴰⵏⴰⵎⵓⵏ .

ⵉⵏⵏⴰ ⴷⴰⵖ ⵎⴰⵙⵙ ⴱⵏⵎⵓⵙⴰ ⴳ ⵢⴰⵜ ⵜⴳⵓⵔⵉ ⴳ ⵢⴰⵏ ⵓⴼⵉⴷⵢⵓ ⴳ ⵜⴳⵉⵡⵔⵜ ⵜⴰⵎⴳⴳⴰⵔⵓⵜ ⵏ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵜⵙⵎⴰⵇⵇⵍⵜ ⵜⴰⵏⴰⵎⵓⵔ ⵏ ⵓⴱⵓⵖⵍⵓ ⴰⵏⴼⴳⴰⵏ ⵍⵍⵉ ⵉⵏⵎⴰⵍⴰⵏ ⵙ ⵓⴱⴷⴷⴰⴷ ⴰⵎⴰⵜⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵎⴰⵙ ⴷ ⵉⵇⵇⴰⵏ ⴰⴷ ⵥⵉⴹⵕⵏ ⵉⵏⵍⵎⴰⴷⵏ ⴷ ⵜⵏⵍⵎⴰⴷⵉⵏ ⵙⴳ ⴰⵎⵎⴰⵥ ⵏ ⵜⵙⵓⴳⴰⵔ ⴷ ⵜⵣⵣⴰⵔ ⵜⵉⴷⵙⵍⴰⵏⵉⵏ, ⵍⵍⵉ ⵔⴰⴷ ⴰⵙⵏ ⵢⴰⵡⵙ ⴳ ⵓⵙⵉⴷⴼ ⴳ ⵜⵓⴷⵔⵜ ⵜⴰⵏⴰⵎⵓⵏⵜ.

ⵎⴽ ⵍⵍⵉ ⵙ ⵉⴱⵔⵣ ⵎⴰⵙ ⴷ ⴰⴱⵓⵖⵍⵓ ⵏ ⵔⴰⵙⵍⵎⴰⵍ ⴰⵏⴼⴳⴰⵏ ⵙⴳ ⵜⵉⵏⵍⵎ ⴷⴰⵔ ⵜⵉⵕⵡⵉ, ⴰⵔ ⵉⵣⵔⴰⵢ ⵙⴳ ⵓⵙⵎⴰⵜⴰ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵙⵍⴰⵏⵉⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵜⵖⵔⵉ ⴷ ⵜⵉⵔⵔⴰ ⴷ ⵓⵙⵖⵉⵡⵙ ⴷ ⵓⵙⵉⵟⵟⵏ, ⵉⵏⵏⴰ ⵎⴰⵙ ⵜⵙⵔⵙ ⵜⵎⴰⵡⴰⵙⵜ ⵢⴰⵜ ⵜⵖⴰⵔⴰⵙⵜ ⴰⴼⴰⴷ ⵢⴰⵜⵜⵓⵢ ⵓⵙⴳⵎⵉ , ⵜⴰⵖⴰⵔⴰⴷⵜ ⴰⴷ ⴰⵔ ⵔⴰⴷ ⵜⵙⵡⵡⵓⵜⵜⵓ ⵜⵉⵖⴰⵡⵙⵉⵡⵉⵏ ⵜⵉⴷⵙⵍⴰⵏⵉⵏ ⴳⵔ 2022 ⴷ 2026 , ⴰⵡⵜⵜⴰⵙ ⵏⵏⵙ ⵉⴳⴰⵜ ⴰⵙⵡⴰⵍⴰ ⵏ ⵉⵥⵎⵎⵓⵥⵣⴰⵍ ⵙ ⵜⵎⴳⴳⵉⵜⵉⵏ ⵍⵍⵉ ⵔⴰⴷ ⵢⴰⵡⵙ ⵉ ⵓⵏⵍⵎⴰⴷ.

ⵉⵙⴰⵡⵍ ⵎⴰⵙⵙ ⴱⵏⵎⵓⵙⴰ ⵅⴼ ⵉⵎⴷⵉⵡⴰⵍ ⵍⵍⵉ ⵜⵙⴽⵔ ⵜⵎⴰⵡⴰⵙⵜ , ⵏ ⵓⵙⵏⴼⴰⵔ ⵏ ⵜⴽⵕⴹⴰ ⵏ ⵓⴱⵔⵉⴷ ⴳ ⵓⵙⴰⵜⵉ ⵏ ⵓⵙⴰⵍⴽⴰ ⴰⴷⵔⴰⵡⴰⵏ, ⵎⴽ ⵍⵍⵉ ⵙ ⵉⴱⴷⵔ ⵜⴰⵙⵏⵜⴰⵢⵜ ⵜⴰⵏⴰⵎⵓⵏⵜ ⵏ ⵓⴱⵓⵖⵍⵓ ⴰⵏⴼⴳⴰⵏ ⵎⴰⵙ ⵜⵉⵡⵙ ⴳ ⵓⵎⵓⵔⵙ ⵏ ⵜⵉⵕⵡⵉ ⵏ ⵜⵏⵎⴰⵍⵜ ⵜⴰⵏⵎⵍⴰⵏⵜ ⴳ ⵓⵣⵣⵓⴳⵣ ⵏ ⵜⵖⴰⵡⵙⵉⵡⵉⵏ ⵜⵉⴷⵙⵍⴰⵏⵉⵏ ⵏ ⵜⴽⵕⴹⴰ ⵏ ⵓⴱⵔⵉⴷ.

ⵉⵙⴰⵡⵍ ⴰⵡⴷ ⵎⴰⵙ ⴷ ⵜⴰⵙⵏⵜⴰⵢⵜ ⵜⴰⵏⴰⵎⵓⵏⵜ ⵜⵉⵡⵙ ⴳ ⵓⵙⴷⵓⵙ ⵏ ⵜⵡⵉⵔⵉⵡⵉⵏ ⵏ ⵓⵙⵏⴰⵍ ⴰⵏⴰⵎⵓⵏ ⴷ ⵓⵙⵏⴰⵍ ⴰⵏⵎⵍⴰⵏ ⴳ ⵓⵖⴰⵡⴰⵙ ⵏⵏⵙ ⵏⵏⴰ ⵉⵥⵍⵉⵏ ⵙ ⵓⵙⴱⵖⵙ ⴷ ⵓⵙⵎⴽⵍ ⵏ ⵢⵎⵏⵜⴰⵍ ⵜⵉⴷⵙⵍⴰⵏⵉⵏ ⵏ ⵡⴰⵕⵕⴰⵣ ⴰⵏⵎⵍⴰⵏ ⴳ ⵜⵙⴳⴳⵡⵉⵏ ⵜⵉⵎⵥⵍⴰⴹ ⴷ ⵜⵉⴷ ⵉⵜⵜⴰⵡⵅⵚⵚⴰⵏ , ⵎⴽ ⵍⵍⵉ ⵙ ⵜⵉⵡⵙ ⴰⵡⴷ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⴷ ⵜⵙⵓⴳⴰⵔ ⵜⵉⵎⵎⴰⵙⵙⴰⵏⵉⵏ ⵏ ⵉⵏⵍⵎⴰⴷⵏ ⴷ ⵜⵏⵍⵎⴰⴷⵉⵏ ⵏ ⵓⵙⵍⵎⴷ ⴰⵎⵏⵣⵓ,ⵙ ⵜⴷⵔⴰⵡⵜ ⴷ ⵜⵏⵎⵀⴰⵍ ⵜⴰⵙⴳⴰⵡⴰⵏⵉⵏ ⵏ ⵜⵎⴰⵡⴰⵙⵜ.

ⵉⵏⵏⴰ ⵓⵎⴰⵡⴰⵙ ⴰⵎⴰⵍⴰⵍ ⴷⴰⵔ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ ⴼⴰⵡⵣⵉ ⵍⵇⵊⵄ, ⵎⴰⵙ ⵓⵔ ⵏⵥⴹⴰⵕ ⴰⴷ ⵏⵙⴳⴰⴷⴷⴰ ⴰⵏⵎⴰⵍⴰ ⵏ ⵓⵙⵙⵍⵎⴷ ⴱⵍⴰ ⵓⵔ ⵏⵙⴰⵡⵍ ⵅⴼ ⵉⵙⵇⵇⵙⵉⵜⵏ ⵏⵏⴰ ⵉⵣⴷⵉⵏ ⴷ ⵉⵎⵓⴽⵔⵉⵙⵏ ⵉⵏⴰⵎⵓⵏ ⴷ ⵉⴷⵎⵙⴰⵏⵏ ⵍⵍⵉ ⵉⵍⵍⴰⵏ ⴷⴰⵔ ⵜⴰⵡⵊⵉⵡⵉⵏ.

ⵉⵏⵏⴰ ⵎⴰⵙⵙ ⵍⵇⵊⵄ ⴳ ⵜⴳⵓⵔⵉ ⵏⵏⵙ ⴳ " ⵢⴰⵜ ⵜⴳⵉⵡⵔⵜ ⵏ ⵜⵙⵔⵜⴰⵏ ⵜⵉⴳⴷⵓⴷⴰⵏⵉⴱ ⴷ ⵓⵙⴱⵓⵖⵍⵓ ⵏ ⵔⴰⵙⵍⵎⴰⵍ ⴰⵏⴼⴳⴰⵏ ⴳ ⵍⵎⵖⵔⵉⴱ" ⵎⴰⵙ ⵓⵔ ⵏⵥⴹⴰⵔ ⴰⴷ ⵏⵙⴳⴰⴷⴷⴰ ⴰⵏⵎⴰⵍⴰ ⴰⵏⵎⵍⴰⵏ ⴱⵍⴰ ⴷ ⵏⵙⴰⵡⵍ ⵅⴼ ⵜⵥⵉⴹⴰⵕ ⴷ ⵜⵡⵏⵏⴰⴹⵜ ⵍⵍⵉ ⴳ ⴷⴷⵔⵏ ⵜⵉⵡⵊⵉⵡⵉⵏ, ⵙⵍⴰⵡⴰⵏ ⴰⴽⴽⵯ ⵜⵉⴷ ⵉⵍⵍⴰⵏ ⴳ ⵓⵙⵓⵏⵏ, ⵉⵏⵏⴰ ⵎⴰⵙ ⴷ ⴰⵎⵓⵔⵙ ⵏⵉⵖ ⴰⵙⴳⴰⴷⴷⴰ ⴳ ⵢⵉⴳⵔ ⵏ ⵓⵙⵙⵍⵎ ⵉⵇⵇⴰⵏ ⴷ ⴰⴷ ⵉⵎⵓⵏ ⴷ ⵎⴰⵢⵣⴷⵉⵏ ⵙ ⵡⴰⵎⵓⵏ ⵍⵍⵉ ⵅⴼ ⵉⴱⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⵙ ⵎⵉⵃⵎⵎⴰⴷ ⵡⵉⵙⵙ ⵚⴹⵉⵚ.

ⵎⴽ ⵍⵍⵉ ⵙ ⵉⵏⵏⴰ ⵎⴰⵙ ⴷ ⵜⵉⵔⵎⵉⵜⵉⵏ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵏⵜ ⵜⴳⴰ ⵢⴰⵏ ⵓⵣⵎⵣ ⵏ ⵜⵏⴽⵔⴰ ⵙ ⵓⵏⵎⴰⵍⴰ ⴰⵏⵎⵍⴰⴱ ⴳ ⵍⵎⵖⵔⵉⴱ , ⴰⵡⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ , ⵉⵙⴰⵡⵍ ⴳ ⵜⵓⴳⵜⵜ ⵏ ⵉⵏⴰⵡⵏ ⵏⵏⵙ ⵉⵎⴰⵜⵜⴰⵢ ⵎⴰⵙ ⴷ ⴰⴱⵓⵖⵍⵓ ⵏ ⵓⵏⵎⴰⵍⴰ ⴰⵏⵎⵍⴰⵏ ⵏⵜⵜⴰⵏ ⴰⴳ ⵉⴳⴰⵏ ⵜⴰⵙⴰⵔⵓⵜ ⵏ ⵓⴱⵓⵖⵍⵓ ⴰⵏⴼⴳⴰⵏ.

ⵉⵙⴰⵡⵍ ⵎⴰⵙⵙ ⵍⵇⵊⵄ ⴰⵡⴷ ⵎⴰⵙ ⴷ ⵉⵙⵓⴳⴰⵎ ⵉⵏⵥⵕⴰⴼⵏ ⵍⵍⵉ ⵉⵥⵍⵉⵏ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⵣⵓⵢⴷⵏ ⵙ ⵓⵎⵏⴰⵚⴼ ⴳ ⵜⴰⵙⵓⵜⵉⵏ ⴰⴷ ⵙ ⵙⵏⴰⵜ ⵉⵣⵔⵉⵏ, ⴷ ⵎⵇⵇⴰⵔ ⴱⵉⴽⵙⵏ ⵙⴽⵔ ⵜⵓⴳⵜⵜ , ⵎⴰⵛⵛ ⴰⴷⴰⵜⵉ ⴰⴷ ⵓⵔ ⴱⴰⵀⵔⴰ ⵉⵎⵓⵔⵙ.

ⵜⴻⵜⵜⴰⵡⵙⵙⴰⵏ ⵜⴳⵉⵡⵔⵜ ⵜⴰⵎⴳⴳⴰⵔⵓⵜ ⵍⵍⵉ ⵉⵏⵎⴰⵍⴰⵏ ⵙⴳ ⴷⴰⵔ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵓⴱⵓⵖⵍⵓ ⴰⵏⴼⴳⴰⵏ , ⵙ ⵜⵉⵍⵉⵜ ⵏ ⵜⵓⴳⴳⵜ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵏ ⵜⵙⵏⵜⴰⵢⵜ ⴰⴷ, ⴷ ⵡⵉⴷ ⵉⵙⵎⴷⵢⴰⵏ ⵜⵉⵏⵎⴰⵍⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⴱ ⴷ ⵉⴷⵉⴱⵍⵓⵎⴰⵙⵉⵢⵏ, ⴷ ⵜⵓⴳⵜⵜ ⵏ ⵉⵎⵙⴽⴰⵔⵏ ⵉⴳⴷⵓⴷⴰⴱ ⴷ ⵉⵎⵥⵍⴰⵢⵏ. ⵎⴽ ⵍⵍⵉ ⵙ ⵜⴻⵜⵜⴰ‍ⵙⵙⴰⵏ ⵜⴳⵉⵡⵔⵜ ⴰⴷ ⴰⵙⴼⵙⵔ ⵏ ⵜⵉⵔⵎⵉⵜⵉⵏ ⵜⵉⵏⵎⵍⴰⵏⵉⵏ ⵍⵍⵉ ⵙⴽⵔⵏ ⵉⵎⴷⵔⴰⵡⵏ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%8F%E2%B5%8E%E2%B5%93%E2%B5%99%E2%B4%B0-%E2%B5%89%E2%B5%87%E2%B5%87%E2%B4%B0%E2%B5%8F-%E2%B4%B7-%E2%B4%B0%E2%B4%B7-%E2%B5%9C%E2%B4%B0%E2%B5%8E%E2%B5%A5-%E2%B5%9C%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B5%89-%E2%B4%B7-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B4%B0%E2%B4%B7%E2%B5%96%E2%B4%B0%E2%B5%94-%E2%B5%8F%E2%B5%8F%E2%B5%99-%E2%B4%B7-%E2%B5%A2%E2%B5%93%E2%B5%99%E2%B4%B0%E2%B5%8F-%E2%B4%B3-%E2%B5%93%E2%B5%99%E2%B5%8F%E2%B4%BC%E2%B4%B0%E2%B5%95