ⵉⴳⴰ ⵓⵏⵎⵓⵇⵇⴰⵔⵖⴰⴷ ⵢⴰⵜ ⵜⵎⵍⴷⴰ ⵍⵍⵉⵖ ⵉⴼⵙⵔ ⵎⴰⵙⵙ ⵍⵀⴰⵛⵉⵎⵉ ⵍⵉⴷⵔⵉⵙⵉ ⴷ ⵎⴰⵙⵙⵇ ⴱⴰⵜⵔⵉⵙⵢⴰ ⵢⵓⵎⴱⴰⵔⵜ ⴽⵓⵙⴰⵜ ⵜⵉⵎⵙⴰⵔⵉⵏ ⵜⵉⵙⴳⵡⴰⵏⵉⵏ ⴷ ⵜⵉⴳⵔⴰⵖⵍⴰⵏⵉⵏ, ⵎⴽ ⵍⵍⵉ ⵙ ⵉⵙⴷⵓⵙ ⵜⵉⵣⴷⴰⵢⵉⵏ ⵏ ⵜⴷⵔⴰⵡⵜ ⴳⵔ ⵍⵎⵖⵜⵉⴱ ⴷ ⵓⵎⵓⵏ ⵍⵓⵕⵓⴱⴱⵉ.
ⵉⵙⴰⵡⵍ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⵖ ⴰⵄⵕⴰⴱ ⵅⴼ ⵡⴰⴷⴷⵓⵔ ⵍⵍⵉ ⵉⵍⵍⴰ ⴷⴰⵔ ⵍⵎⵖⵔⵉⴱ ⴳ ⵓⴱⴰⵔⴰⵣ ⴰⴳⵔⴰⵖⵍⴰⵏ ⴷ ⵓⵏⵎⵏⴰⴹ , ⴷ ⵍⴰⵙ ⵉⴳⴰ ⵢⴰⵏ ⵓⵎⵙⴽⴰⵔ ⴰⴼⴰⴷ ⴰⴷ ⵉⴳ ⵓⴼⵔⴰ ⴰⵎⵎⴰⵙ ⵏ ⵓⵙⴱⵓⵖⵍⵓ ⵏ ⵜⴷⵔⴰⵡⵜ ⴳ ⵜⴼⵔⵉⵇⵜ.
ⴳ ⵓⵙⴰⵜⵉ ⴰⴷ ⵉⵏⵏⴰ ⵎⴰⵙ ⵜⴳⴰ ⵓⵕⵓⴱⴱⴰ ⵍⵍⵉ ⵜⵜ ⵢⵉⵡⵉⵏ ⵖⵉⵍⴰⴷ ⴳ ⵜⵓⴳⵜⵜ ⵏ ⵜⵎⵏⵜⴰⵍ ⵍⵍⵉ ⵉⵣⴷⵉⵏ ⴷ ⵓⵃⵟⵟⵓ ⴷ ⵓⴼⵔⴰⵏ ⴰⴷⵓⵙⴰⵏ, ⵓⵔ ⵉⵅⵚⵚ ⴰⴷ ⵜⴻⵜⵜⵓ ⵜⴰⵎⴰ ⵏⵏⵙ ⵏ ⵢⵉⴼⴼⵓⵙ ⵍⵍⵉ ⵙ ⵉⵥⴹⴰⵕ ⴰⴷ ⴷⵉⵙ ⵜⵙⴽⵓ ⵢⴰⵏ ⵓⵙⴰⵢⵔⵓⵔ ⵏ ⵓⴱⵓⵖⵍⵓ ⴰⴷⵔⴰⵡⴰⵏ, ⵉⵏⵏⴰ ⴰⵡⴷ ⵎⴰⵙ ⵙ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴷ ⵉⵙⴳⵉⴷⴷⵉⵜⵏ ⵍⵍⵉ ⵉⵙⴽⴰⵔ ⴳ ⵜⵓⴳⵜⵜ ⵏ ⵉⴳⵔⴰⴱ ⴷ ⵜⴷⵎⵙⴰ ⴷ ⵢⵓⵙⴰⵏ ⴷ ⵜⴰⵥⵉⴹⵕⴰ ⵏⵏⵙ ⵅⴼ ⵉⴼⵙⵙⴰⵢⵏ ⵏ ⵉⵎⵓⴽⵔⵉⵙⵏ, ⴰⵡⴷ ⵜⴰⵙⵓⵍⵜ ⵜⴰⵔⵙⵍⴰⵏⵜ ⵍⵍⵉ ⴳⵉⵙ ⵉⵍⵍⴰⵏ, ⵍⵎⵖⵔⵉⵖ ⴷⴰⵔⵙ ⵎⴰⴷ ⵔⴰⴷ ⵜ ⵢⴰⵊ ⴰⴷ ⵉⴱⵓⵖⵍⵓ ⵖ ⵜⵙⴳⴰ ⴰⴷ.
ⴳ ⵓⵙⴼⵙⵔ ⵍⵍⵉ ⴳ ⵉⴷⴰⵡⵍ ⵅⴼ ⵉⵎⵏⵉⴷⵏ ⵏ ⵓⴱⵓⵖⵍⵓ ⵏ ⵢⵉⴳⵔ ⵏ ⵜⵏⵖⵎⴰⵙⵜ ⵜⴰⵎⵖⵔⴰⴱⵉⵢⵜ, ⵉⵏⵏⴰ ⵓⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵄⵕⴰⴱ ⵎⴰⵙ ⴷ ⵜⴰⵡⵓⵔⵉ ⴰⴷ ⴰⵙⵙ ⴰⴷ , ⴷ ⵢⵙⴰⵜⵉ ⵏ ⵢⴰⵏ ⵓⴳⵓⴷⵉ ⵏ ⵡⴰⵏⴷⴰⵜⵏ ⵉⵍⵉⴽⵜⵔⵓⵏⵉⵢⵜ , ⵜⴳⴳⵯⵔⴰⴷ ⴰⵡⴷ ⵎⴰⴷ ⵉⴳⴰⴱ ⴰⵏⵖⵎⴰⵙ-ⴰⵏⵎⵓⵔⵉ,ⵜⵉⵡⵔⵜⵉⴷ ⵜⴳⴰ ⵡⴰⵔ ⵜⵉⵏⴷⵉⵜⵉⵏ, ⴷ ⵉⴹⵕ ⵓⵎⴷⵢⴰ ⵏⵏⵙ ⴰⴷⵎⵙⴰⵏ, ⵎⴰ ⴰⵏ ⴰⴼ ⴷ ⵉⵇⵇⴰⵏ ⴰⴷ ⵏⵙⵉⴳⴳⵍ ⵙ ⴽⵔⴰ ⵏ ⵜⴰⵏⵏⴰⵢⵜ ⵜⴰⴷⵜⵔⴰⵜⵉⵊⵉⵢⵜ ⵍⵍⵉ ⵔⴰⴷ ⴷⴰⵖ ⵉⵙⴱⵓⵖⵍⵓ ⵜⴰⵏⵖⵎⴰⵙⵜ ⴳ ⵍⵎⵖⵔⵉⴱ .
ⴳ ⵜⵙⴳⴰ ⴰⴷ, ⵜⵙⴱⵔⵔⴽ ⵜⴷⵉⴱⵍⵓⵎⴰⵙⵉⵢⵜ ⵜⵓⵕⵓⴱⴱⵉⵢⵜ ⴷ ⵓⵙⵡⵉⵔ ⴰⵎⴰⵜⵜⴰⵏ ⵜⴷⵔⴰⵡⵜ ⴷ ⵍⵎⵖⵔⵉⴱ, ⴰⵡⴷ ⵙ ⵉⵙⴳⵉⴷⴷⵉⵜⵏ ⵏⵏⵇ ⵜⴷⴽⴰⵔ ⵜⴳⵍⴷⵉⵜ ⴳ ⵜⵓⴳⵜⵜ ⵏ ⵉⴳⵔⴰⵏ , ⵙ ⵓⴱⴷⴷⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.
ⴷ ⵜⵏⵏⴰ ⴳ ⵢⴰⵏ ⵓⵎⵙⴰⵡⴰⵍ ⵉ ⵜⴱⴰⴷⵓⵜ ⵜⴰⵏⵖⵎⴰⵙⵜ (M24) ⵍⵍⵉ ⵉⴹⴼⵕⵏ ⵜⴰⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵄⵕⴰⴱ ⵏ ⵉⵏⵖⵎⵉⵙⵏ , ⵎⴰⵙ ⴷ ⵓⵎⵓⵏ ⵓⵕⵓⴱⴱⵉ ⵉⴳⴰ ⵢⴰⵏ ⵓⵎⴷⵔⴰⵡ ⵉⵥⵉⵍⴱ ⵉ ⵍⵎⵖⵔⵉⵖ ⵎⵉⵏⵣⵉ ⴰⵔ ⵉⵜⵜⴰⵡⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⵖ ⴳ ⵓⵎⵓⵔⵙ ⵏ ⵜⵓⴳⵜⵜ ⵏ ⵉⵙⵏⴼⴰⵔ.
ⴷ ⵉⵏⵏⴰ ⵎⴰⵙ ⴷ " ⵜⴰⴷⵔⴰⵡⵜ ⴳⵔ ⵍⵎⵖⵔⵉⴱ ⴷ ⵓⵎⵓⵏ ⵓⵕⵓⴱⴱⵉ ⵉⴼⵍⵜ ⵉⴷ ⵓⵎⵣⵔⵓⵢ ⴷ ⵜⴷⵍⵙⴰ ⴷ ⵔⵣⴷⴰⵢⵉⵏ ⵜⵉⵏⴼⴳⴰⵏⵉⵏ, ⴰⵡⴷ ⵜⵉⵙⵏⵜⴰⵢ ⵜⵉⴷⵎⵙⴰⵏⵉⵏ ⵙⵜⴰⵡⵀⵎⵎⴰⵏⵉⵏ, ⵜⵍⵍⴰ ⴷⴰⵔ ⵙⵏⴰⵜ ⵜⵎⵉⵣⴰⵔ ⴰⴷ ⵢⴰⵜ ⵜⴰⵏⵏⴰⵢⵜ ⵜⴰⴷⵔⴰⵡⴰⵏⵜ ⵉ ⵢⵉⵎⴰⵍ", ⵉⵏⵏⴰ ⴷⴰⵔ ⵎⴰⵙ ⵙ ⵉⵓⴽⵔⵉⵙⵏ ⵏⵏⴰ ⵉⵍⵍⴰⵏ ⴷⴰⵔ ⵓⵕⵓⴱⴱⴰ ⵖⵉⵍⴰⴷ ⴳ ⵢⵉⴳⵔ ⵏ ⵓⵃⵟⵟⵓ ⴷ ⵓⴼⵔⴰ ⴰⴷⵓⵙⴰⵏ ⵜⴱⵔⵣ ⵅⴼ ⵜⴷⵔⴰⵡⵜ ⴷ ⵜⴰⵎⴰ ⵏⵏⵙ ⵏ ⵢⵉⴼⵓⵙ ⵙ ⵜⴰⵏⵏⴰⵢⵜ ⵜⴰⵎⴰⵢⵏⵓⵜ.
ⵎⴽ ⵍⵍⵉ ⵙ ⵜⵏⵏⴰ ⴰⵡⴷ ⵎⴰⵙ ⴷ ⵉⵎⵏⵖⵉ ⵏ ⵓⴽⵕⴰⵏⵢⴰ, ⴷ ⵉⵎⵓⴽⵔⵉⵙⵏ ⵏⵏⵙ ⵏ ⵓⵙⴷⵓⵙ ⴷ ⵓⴼⵔⴰ ⵏ ⵓⵜⵜⵛⵉ, ⴳⴰⵏ ⴽⵓⵍⵍⵉ ⵉⵎⵓⴽⵔⵉⵙⵏ ⵍⵍⵉ ⵙ ⴷ ⵉⵇⵇⴰⵏ ⴰⴷ ⴳⵉⵙ ⵏⴳ ⵉⵎⵢⴰⵡⴰⵙⵏ ⴳⵔⴰⵜⵏⵖ , ⵏⴰⵡⵙ ⵙ ⵢⴰⵜ ⵜⴱⵔⵉⴷⵜ ⵉⴷⵓⵙⵏ, ⵎⵉⵏⵣⵉ ⵍⵎⵖⵔⵉⵖ ⴷ ⵓⵕⵓⴱⴱⴰ ⴷⴰⵔⵙⵏⵜ ⵜⵓⴳⵜⵜ ⵏ ⵉⵣⵎⴰⵣ ⴰⴼⴰⴷ ⴰⴷ ⵙⴽⵔⵏ ⵢⴰⵜ ⵜⴷⵔⴰⵡⵜ ⴷ ⵉⴼⵔⵉⵇⵢⴰ ⴰⵔ ⵏⵏ ⵜⵎⵏⵉⴷ ⴳ ⵢⵉⵎⴰⵍ ⵙ ⵍⴰⵡⴰⵏ ⴰⴽⴽⵯ ⴰⵢⵍⵍⵉ ⵉⵣⴷⵉⵏ ⴷ ⵓⵙⵏⴼⵍ ⵏ ⵜⵥⵉⴹⵕⴰ.
ⵜⵙⴰⵡⵍ ⵜⵎⵙⵇⴰⴷⵜ ⴳ ⵎⴰⴷ ⵉⵥⵍⵉⵏ ⵙ ⵓⴱⴰⵔⴰⵣ ⵏ ⵜⵏⵖⵎⴰⵙⵜ ,ⵜⵏⵏⴰ ⵎⴰⵙ ⴷ ⵜⴰⵎⵀⴰⵡⴰⴹⵜ ⵜⵓⵕⵓⴱⴱⵉⵢⵜ ⵜⵙⴽⵔ ⵉⵣⵔⴼⴰⵏ ⵉⵎⴰⵢⵏⵓⵜⵏ, ⵍⵍⵉ ⵉⴳⴰⵏ ⵜⵓⴳⵜⵜ ⵏ ⵉⵍⴳⴰⵎⵏ, ⴰⵡⵜⵜⴰⵙ ⵏⵏⵙⵏ ⵉⴳⴰⵜ ⴰⴼⵔⴰⴳ ⵏ ⵓⵙⵏⵓⵃⵢⵓ ⴰⵏⵖⵎⴰⵙ ⴷ ⵓⴼⴰⵡ ⴷ ⵜⵙⵓⵍⵜ ⵏ ⵜⵏⵖⵎⴰⵙⵜ ⴰⴳⵏⵙ ⵏ ⵓⵎⵓⵏ ⵓⵕⵓⴱⴱⵉ.
ⴷ ⵜⵏⵏⴰ ⵎⴰⵙ ⴷ ⵜⵎⵀⴰⵡⴰⴹⵜ ⵜⵓⵕⵓⴱⴱⵉⵢⵜ ⵔⴰⴷ ⵜⵙⵙⵏⵜⵉ ⴳ ⵎⴰⴷ ⵢⴰⵥⵏ ⵢⴰⵏ ⵓⵖⴰⵡⴰⵙ ⵏ ⵓⵙⵏⴰⵍ ⴷ ⵓⵙⵉⵔⵎ ⵉ ⵜⵏⵖⵎⴰⵙⵜ ⵜⴰⵎⵖⵔⵉⴱⵉⵢⵜ ⵍⵍⵉ ⵙ ⵉⵥⴹⴰⵕ ⴰⴷ ⴳⵉⵙ ⵜⴰⵡⴷ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⴰⵄⵕⴰⴱ ⵏ ⵉⵏⵖⵎⵉⵙⵏ.