Published on MAPNews (https://www.mapnews.ma/am)

Accueil > ⴳ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵜⴰⴳⴷⵓⴷⴰⵏⵜ ⵏ ⴽⵉⵏⵢⴰ ⵜⵙⴱⴷ ⴰⵙⵖⵣⵏ ⵙ "ⵜⴳⴷⵓⴷⴰⵏⵜ ⵜⴰⵚⵃⵕⴰⵡⵉⵢⵜ ", ⵜⵙⵙⵏⵜⵉ ⴰⴷ ⵜⵇⵇⵏ ⴰⵙⵎⴷⵢⴰ ⵏⵏⵙ ⴳ ⵏⵢⵓⵔⵓⴱⵉ

ⴳ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵜⴰⴳⴷⵓⴷⴰⵏⵜ ⵏ ⴽⵉⵏⵢⴰ ⵜⵙⴱⴷ ⴰⵙⵖⵣⵏ ⵙ "ⵜⴳⴷⵓⴷⴰⵏⵜ ⵜⴰⵚⵃⵕⴰⵡⵉⵢⵜ ", ⵜⵙⵙⵏⵜⵉ ⴰⴷ ⵜⵇⵇⵏ ⴰⵙⵎⴷⵢⴰ ⵏⵏⵙ ⴳ ⵏⵢⵓⵔⵓⴱⵉ

14 ⵛⵓⵜⴰⵏⴱⵉⵔ 2022 Version Imprimable
ⵏⵢⵓⵔⵓⴱⵉ - ⴳ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵓⵣⵏ ⵉ ⵓⵙⵍⵡⴰⵢ ⴰⵎⴰⵢⵏⵓ ⵏ ⵜⴳⴷⵓⴷⴰⵏⵜ ⵏ ⴽⵉⵏⵉⵢⴰ ⵎⴰⵙⵙ ⵡⵉⵍⵢⴰⵎ ⵔⵓⵜⵓ, ⵜⵖⵜⵙ ⵜⴳⴷⵓⴷⴰⵏⵜ ⵏ ⴽⵉⵏⵢⴰ ⵅⴼ ⴰⵙⴱⴷ ⵏ ⵓⵙⵖⵣⵏ ⵏ "ⵜⴳⴷⵓⴷⴰⵏⵜ ⵜⴰⵚⵃⵕⴰⵡⵉⵢⵜ " ⴷ ⵓⵙⵙⵏⵜⵉ ⵏ ⵓⵙⴱⴷⴷ ⵏ ⵓⵙⵎⴷⵜⴰ ⵏⵏⵙ ⴳ ⵏⵢⵓⵔⵓⴱⵉ.

ⵉⵏⵏⴰ ⵓⵏⵎⴰⵍⴰ ⴰⵎⴰⴷⵔⴰⵡ ⵎⴰⵙ ⵉⵍⵍⴰ ⴳ ⵜⴱⴰⴷⵓⵜ ⵜⴰⵍⵉⴽⴽⵜⵔⵓⵏⵉⵢⵜ ⵉ ⵓⴱⵔⴳⵎⵎⵉ ⵏ ⵏ ⵜⵙⵍⵡⴰⵢⵜ ⵏⴰⴳⴷⵓⴷⴰⵏⵜ ⵏ ⴽⵉⵏⵢⴰ ⵜⵉⵙⴷⴷⴰⵔⵉⵏ ⵙⴳ ⴳⵉⵙ , ⴷ ⵡⴰⵎⵎⴰⵥ ⵏ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙⵚⴷⵉⵙ ⵉ ⵓⵙⵍⵡⴰⵢ ⴰⴽⵉⵏⵉ, ⵏ ⵡⴰⵙⵙ ⵏ ⴰⴽⵕⴰⵚ ⵎⴰⵙ ⴷ ⵜⴰⴳⴷⵓⴷⴰⵏⵜ ⵜⴰⴽⵉⵏⵉⵢⵜ ⵜⵖⵜⵙ ⴰⵙⴱⴷⴷ ⵏ ⵓⵙⵖⵣⵏ ⵙ ⵜⴳⴷⵓⴷⴰⵏⵜ ⵜⴰⵙⵃⵕⴰⵡⵉⵢⵜ ⴷ ⵓⵙⵙⵏⵜⵉ ⵏ ⵓⵙⴱⴷⴷ ⵏ ⵓⵙⵎⴷⵢⴰ ⵏⵏⵙ ⴳ ⵔⵎⴰⵣⵉⵔⵜ ⵏ ⴽⵉⵏⵢⴰ.

ⵉⵏⵏⴰ ⵓⵏⵎⵍⴰ ⴰⵎⴰⴷⵔⴰⵡ ⵎⴰ ⵙ ⴷ  “ ⵙ ⵡⵓⵇⵇⵔ ⵏ ⵜⴰⵎⵓⵏⵜ ⵜⴰⵎⵓⵔⴰⵏⵜ , ⴷ ⵡⴰⵔ ⴰⴽⵛⵛⵓⵎ , ⵜⴼⴽⴰ ⴽⵉⵏⵢⴰ ⴰⵎⵢⴰⵡⴰⵙ ⵏⵏⵙ ⵉ ⵓⵙⵖⵉⵡⵙ ⵏ ⵜⴱⴰⴹⵜ ⴰⵙⵖⵣⴰⵏ ⵍⵍⵉ ⵜⴼⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⵎⴰⵙ ⵉⴳⴰ ⵢⴰⵏ ⵓⴼⵙⵙⴰⵢ ⵏ ⵜⴰⵎⵓⵏⵜ ⵜⴰⵎⵓⵔⴰⵏⵜ ⵉ ⵍⵎⵖⵔⵉⴱ ⴰⴼⴰⴷ ⴰⴷ ⵙⴳⴰⴷⴷⴰⵏ ⴰⵎⵢⴰⵙⴰⵢ.

ⴳ ⵓⵙⴰⵜⵉ ⴰⴷ ⵏⵉⵜ, ⵉⵏⵏⴰ ⵎⴰⵙ ⴷ ⴽⵉⵏⵢⴰ ⵜⵉⵡⵙ  ⵉ ⵓⵙⴰⵜⵉ ⵏ ⵉⴳⴷⵓⴷⵏ ⵉⵎⵓⵏ (UN)   ⴰⴼⴰⴷ ⴰⴷ ⵍⴽⵎⵏ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴰⵙⵓⵍⴰⵏ ⵉ ⵓⵎⵢⴰⵙⴰⵢ ⵅⴼ ⵜⵎⵜⵉⵍⵜ ⵏ ⵜⵏⵣⵔⵓⴼⵜ.

ⴳ ⵜⴱⵔⴰⵜ ⵏⵏⵙ, ⵉⵙⵙⵔⵖⵓⴷ ⴱⴰⴱ ⵏ ⵡⴰⴷⴷⵓⵔ  ⵎⵓⵃⵎⵎⴰⴷ ⵡⵉⵙⵙ ⵚⴹⵉⵙ ⵎⴰⵙⵙ ⵡⵉⵍⵢⴰⵎ ⵙⴰⵎⵡⵉⵢ ⵔⵓⵜⵓ ⵅⴼ ⵓⵙⵜⴰⵢ ⵏⵏⵙ ⵡⵉⵙⵙ ⵙⵎⵎⵓⵙ, ⵎⵉⵏⵣⵉ ⵉⴳⴰ ⴰⵙⵍⵡⴰⵢ ⵏ ⵜⴳⴷⵓⴷⴰⵏⵜ ⵜⴰⴽⵉⵏⵉⵢⵜ, ⵉⵙⵙⵔⵖⵓⴷ ⴰⵙ ⴰⵡⴷ ⵅⴼ ⵓⵎⵓⵔⵙ ⴳ ⵉⵙⵜⴰⵢⵏ ⵉⴷⵉⵎⵓⵇⵇⵕⴰⵟⵉⵢⵏ ⴳ ⵜⵎⴰⵣⵉⵔⵜ ⵏⵏⵙ ⴳ ⵖⵓⵛⵜ 2022, ⵉⵏⵏⴰ ⵎⴰⵙ ⴷ ⵉⵎⵓⵔⵙⵏ ⴰⴷ ⴼⴽⴰⵏ ⵢⴰⵏ ⵡⴰⵜⵉⴳ ⴰⵎⵇⵇⵔⴰⵏ ⵉ ⵜⵎⴰⵣⵉⵔⵜ ⵏ ⴽⵉⵏⵢⴰ ⵖ ⵢⵉⴳⵔ ⵏ ⵜⴷⵉⵎⵓⵇⵇⵕⴰⵟⵉⵢⵜ .

ⵉⴼⴽⴰ ⵓⴳⵍⵍⵉⴷ ⴰⴼⵓⵙ ⵉ ⵓⵙⵍⵡⴰⵢ ⴰⴽⵉⵏⵉⵢ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵙⴱⵓⵖⵍⵓ ⵉ ⵜⵣⴷⴰⵢⵉⵏ ⵏⴳⵔ ⵜⵎⴰⵣⵉⵔⵜ ⵏⵏⵙ ⴷ ⵜⵎⵉⵣⴰⵔ ⵏⵏⵉⴹⵏ ⴳ ⴰⴼⵔⵉⵇⵇⵢⴰ.

ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵎⴰⵙⵙ ⵡⵉⵍⵢⴰⵎ ⵔⵓⵜⵓ ⵎⴰⵙ ⵉⵔⴰ ⴰⴷ ⵉⵙⵡⵓⵔⵉ ⴷ ⵓⴳⵍⵍⵉⴷ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵙⴰⵙⴰ ⵏ ⵜⵣⴷⴰⵢⵉⵏ ⴳⵔ ⵜⵎⵉⵣⴰⵔ, ⴷ ⵔⴰⴷ ⵜⵉⵍⵉ ⵢⴰⵜ ⵜⵏⴽⵔⴰ ⵙ ⵜⵙⵔⵜⴰⵏ ⵏ ⵓⵎⵙⴰⵙ ⴷ ⵓⵎⵙⵓⵔⵓⴼ ⴳ ⵜⵙⴳⴰ ⵜⴰⵎⵖⵔⵉⴱⵉⵢⵜ,  ⴷ ⵓⵎⵢⴰⵡⴰⵙ ⵏⵏⵙ ⴳ ⵜⵍⴽⴰⵎⵜ ⵏ ⵓⴼⵔⴰ.

ⵉⵏⵏⴰ ⵓⵏⵎⴰⵍⴰ ⵎⴰⵙ ⴷ ⵜⵉⵎⵉⵣⴰⵔ ⴰⴷ ⵉⵍⵍⴰ ⴷⴰⵔⵙⵏⵜ ⵢⴰⵏ ⵓⵎⵙⴰⵙⴰ ⵅⴼ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴳⵔⴰⵜⵙⵏ ⵙ ⵓⵙⵡⵉⵔ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵢⵜ ⴳ ⵚⴹⵉⵚ ⵢⵉⵔⵏ ⵏⵏⴰ ⴷ ⵉⴷⴷⴰⵏ, ⵉⵏⵏⴰ ⴷⴰⵖ ⵎⴰⵙ ⵜⴰⴳⴷⵓⴷⴰⵏⵜ ⵜⴰⴽⵉⵏⵉⵢⵜ ⵎⴰ ⵙⵔⴰⴷ ⵜⵕⵥⵎ ⵜⴰⵎⵙⵇⵇⴰⴷⵜ ⵏⵏⵙ ⴳ ⵕⵕⴱⴰⵟ.

ⵎⴽ ⵍⵍⵉ ⵙ ⵉⵍⵍⴰ ⵢⴰⵏ ⵓⵎⵙⴰⵙⴰ ⴳ ⵓⵙⵔⴱⵉ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴷ ⵜⵙⴱⴱⴰⴱⵜ ⴷ ⵜⵏⴰⵎⵓⵜ ⴳⵔ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⴰⵏ ⵏ ⵜⴰⴳⵎⵔⵜ ⵏ ⵢⵉⵍ ⴷ ⵜⴼⵍⵍⴰⵃⵜ  ⴷ ⵓⴼⵔⴰ ⵏ ⵓⵜⵛⵛⵉ.

ⵎⴰ ⴰⴷ ⵉⵣⴷⵉ ⴰⵡⴷ ⴷ ⵉⴳⵔⴰⵏ ⵏ ⵜⴷⵓⵙⵉ ⴷ ⵜⵎⴰⵍⵍⴰⵢⵜ ⴷ ⵜⵉⵥⵉⴹⴰⵕ ⵜⵉⵎⴰⵢⵏⵓⵜⵉⵏ  ⴷ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⴼⵔⴰ , ⴰⵡⴷ ⴰⵎⵔⴰⵔ ⴰⴷⵍⵙⴰⵏ ⴷ ⵓⵙⵖⴰⵏ ⴳⵔ ⵉⵡⴷⴰⵏ.

ⵎⴽ ⵍⵍⵉ ⵙ ⵢⵓⵎⵥ ⵜⴰⴱⵔⴰⵜ ⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ, ⴰⴽⴰⴱⴰⵕ ⵏ ⵓⵎⴰⵡⴰⵙ ⵏⴰⵚⵔ ⴱⵓⵕⵉⵟⴰ ⵜⵉⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B3-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%9C%E2%B4%B0%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B4%BD%E2%B5%89%E2%B5%8F%E2%B5%A2%E2%B4%B0-%E2%B5%9C%E2%B5%99%E2%B4%B1%E2%B4%B7-%E2%B4%B0%E2%B5%99%E2%B5%96%E2%B5%A3%E2%B5%8F-%E2%B5%99