Published on MAPNews (https://www.mapnews.ma/am)

Accueil > ⴷⴱⴷⵓ ..ⴰⵙⵏⵜⵉ ⵏ ⵜⵙⵙⵓⵜⵍⵜ ⵜⵉⵙⵙ 10 ⵏ ⵓⵏⵎⵓⴳⴳⴰⵔ ⵏ ⵜⴼⵕⵕⴰⵏⵜ ⴰⵎⴰⵣⵉⵖ ⴷ ⵡⵉⵙⵙ 16 ⵏ ⵓⵏⵎⵓⴳⴳⴰⵔ ⵏ ⵍⵄⵍⵍⴰⵡⵉ

ⴷⴱⴷⵓ ..ⴰⵙⵏⵜⵉ ⵏ ⵜⵙⵙⵓⵜⵍⵜ ⵜⵉⵙⵙ 10 ⵏ ⵓⵏⵎⵓⴳⴳⴰⵔ ⵏ ⵜⴼⵕⵕⴰⵏⵜ ⴰⵎⴰⵣⵉⵖ ⴷ ⵡⵉⵙⵙ 16 ⵏ ⵓⵏⵎⵓⴳⴳⴰⵔ ⵏ ⵍⵄⵍⵍⴰⵡⵉ

09 ⵛⵓⵜⴰⵏⴱⵉⵔ 2022 Version Imprimable
ⵜⴰⵡⵔⵉⵔⵜ - ⵜⵙⵙⵏⵜⴰ ⵉⴳⴹⴰⵎ ⵏ ⵓⴽⵡⴰⵙ ⴳ ⵜⴳⵔⴰⵡⵜ ⵏ ⴷⴱⴷⵓ ⴳ ⵜⵏⵉⵍⴰ ⵏ ⵜⵡⵔⵉⵔⵜ ⵜⴰⵙⵙⵓⵜⵍⵜ ⵜⵉⵙⵙ 10 ⵏ ⵓⵏⵎⵓⴳⴳⴰⵔ ⵏ ⵜⴼⵕⵕⴰⵏⵜ ⴰⵎⴰⵣⵉⵖ ⴷ ⵜⵙⵙⵓⵜⵍⵜ ⵜⵉⵙ 16 ⵏ ⵓⵏⵎⵓⴳⴳⴰⵔ ⴰⵏⴰⵎⵓⵔ ⵏ ⵍⵄⵍⵍⴰⵡⵉ, ⴷⴷⵓ ⵜⵎⴰⵜⴰⵔⵜ ⴰⵎⵢⴰⵏⴰⵡ ⴰⴷⵍⵙⴰⵏ ⵉ ⵜⵏⴰⴼⵓⵜ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ⴷ ⵉⵜⴳⴰⵔⵏ ⵏ ⵓⵖⵓⴷⵓ ⴰⵎⵖⵔⵉⴱⵉ .

ⴰⵡⵜⵜⴰⵙ ⵏ ⵓⵎⵓⵙⵙⵓ ⴰⴷ ⴰⴷⵍⵙⴰⵏ ⵏⵏⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵄⵉⵏ ⵉⵛⴱⵉⵍⵢⴰ ⵉ ⵜⵣⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵏⵏⴰ ⵉⴽⴽⴰⵏ ⴽⵕⴰⴹ ⵏ ⵓⵙⵙⴰⵏ , ⵙ ⵜⴷⵔⴰⵡⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵡⴰⵏⵏⴰⵍ ⵏ ⵜⵎⴰⵡⵙⴰⵙⵜ ⵏ ⵜⴷⵍⵙⴰ ⴷ ⵜⵄⵓⵔⵎⴰ ⴷ ⵓⵎⵢⴰⵡⴰⴷ-ⵉⴳⵔ ⵏ ⵜⴷⵍⵙⴰ ⴷ ⵜⵙⵏⵓⵔⴰⵢⵜ ⵏ ⵜⵙⴳⴰ ⵏ ⵓⵏⵇⵇⵔ ⴰⴼⴰⴷ ⴰⴷ ⴰⵡⵙⵏ ⴳ ⵉⴳⵔ ⵏ ⵓⵙⴱⵓⵖⵍⵓ ⵏ ⵜⴷⵍⵙⴰ ⵙⵍⴰⵡⴰⵏ ⴰⴽⴽⵯ ⴰⵙⵏⴼⵍⵓⵍ ⴰⵎⴰⵣⵉⵖ ⴷ ⵓⵙⴽⴽⵉⵔ ⵏ ⵉⵎⵓⵙⵙⵓⵜⵏ ⵏ ⵓⴼⵡⵡⵊ ⵉ ⵉⵎⵣⴷⴰⵖ ⴰⴽⴽ ⵎⴽⵏⵏⴰ ⵜⵙⵙⴷⵓⵙ ⵜⴰⵎⴰⵍⵍⴰⵢⵜ ⴳ ⵜⵙⴳⴰ ⴰⴷ .

ⵉⵏⵏⴰ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ, ⵎⴰⵙⵙ ⵄⵍⵉ ⵃⵎⴷⴰⵡⵉ ⴳ ⵜⴳⵓⵔⵉ ⵏ ⵓⵙⵏⵜⵉ ⵏ ⵓⵏⵎⵓⴳⴳⴰⵔ ⵎⴰⵙ ⵔⴰⴷ ⵢⴰⵡⵙ ⴳ ⵓⵙⵓⵙⵙⵏ ⵙ ⵜⴷⵍⵙⴰ ⴷ ⵜⵥⵓⵕⵉ ⵜⵉⵎⴰⵣⵉⵖⵉⵏ ⴷ ⵓⵙⵙⴷⵓⵙ ⵏ ⵜⵣⵎⵎⴰⵔ ⵏ ⵉⵏⴰⵣⵓⵕⵏ ⴰⴽⴽⵯ,ⴷ ⵓⵙⵎⵓⵙⵙⵓ ⵏ ⵜⵙⴳⴰ ⴳ ⵉⴳⵔ ⵏ ⵜⴷⵍⵙⴰ ⴷ ⵜⵥⵓⵕⵉ .

ⴳ ⵜⴳⵓⵔⵉ ⵏⵏⵙ ⵙ ⵉⵙⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵏⵏⴰ ⵎⴰⵙⵙ ⵃⵎⴰⴷ ⵍⵎⵓⵏⴰⴷⵉ ⵎⴰⵙⴷ ⴰⵎⵓⵙⵙⵓ ⴰⴷ ⵔⴰⴷ ⵉⵙⵙⴷⵓⵙ ⵉⴳⵔ ⵏ ⵜⴷⵍⵙⴰ ⴷ ⵜⵥⵓⵕⵉ ⵍⵍⵉⵖ ⵉⴳⴰ ⵢⴰⵏ ⵓⵙⵏⴼⴰⵔ ⵏ ⵜⵏⴼⵍⵉⵜ ⵜⴰⴷⵍⵙⴰⵏⵜ ⴷ ⵜⴰⵍⵍⵉ ⵉⵙⴽⴰⵔⵏ ⴰⵎⵓⵙⵙⵓ ⴳ ⵓⴳⵏⵙ ⵏ ⵡⴰⵎⵓⵏ,ⵎⴽⵍⵍⵉ ⵉⵏⵏⴰ ⵎⴰⵙⴷ ⴰⵙⵉⵏⴰⴳ ⴰⵔ ⵉⵜⵜⴰⵡⵙ ⵉ ⵣⵓⵏⴷ ⵉⵎⵓⵙⵙⵓⵜⵏ ⴰⴷ ⴷ ⴰⵔ ⵉⵙⴽⴰⵔ ⴰⵏⵏⴰⵍ ⵉ ⵜⴷⵍⵙ ⴷ ⵉⵏⴰⵥⵓⵕⵏ ⴰⴼⴰⴷ ⴰⴷ ⵙⵙⴷⵓⵙⵏ ⵜⴰⴷⵍⵙⴰ ⴷ ⵜⵥⵓⵕⵉ ⵜⵉⵎⴰⵣⵉⵖⵉⵏ .

ⴰⵙⵏⵜⵉ ⵏ ⵓⵎⵓⵙⵓ ⴰⴷ ⵉⵜⵜⵓⵙⴽⴰⵔ ⴳⵉⵙ ⵓⵙⵎⵖⵔ ⵉ ⴽⵔⴰ ⵏ ⵉⵏⵎⵎⴰⵙⵙⵓⵜⵏ , ⵎⴽⵍⵍⵉ ⴳⵉⵙ ⵍⵍⴰⵏⵜ ⴽⵉⴳⴰⵏ ⵏ ⵜⴳⵟⵟⵓⵎⵉⵏ ⵢⴰⴷⵏ ⵏ ⵜⵥⵓⵔⵉ ⵙⴳ ⴷⴰⵔ ⵜⵔⵓⴱⴱⴰ ⵏ ⵓⵥⴰⴰⵡⴰⵏ ⴰⵎⴰⵣⵉⵖ .

ⵙ ⵜⵎⵍⴷⴰ ⴰⴷ ⵉⵜⵜⵓⵙⴽⴰⵔ ⵓⵏⴰⵥⴰⵔ ⴰⴼⴰⴷ ⴰⴷ ⵜⵉⵍⵉ ⵢⴰⵜ ⵜⴱⵔⵣⴰ ⵏ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ , ⵏ ⵓⵙⴳⴳⵯⴰⵙ ⵏ 2021 ⴰⵏⴰⵡ ⵏ ⵔⵔⴽⵣ ⵏ ⵓⵃⵉⴷⵓⵙ ⵙ ⵜⵡⵉⵙⵉ ⵏ 34 ⵏ ⵜⵔⴰⴱⴱⵓⵜ ⵙⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ .

ⴰⵀⵉⵍ ⵏ ⵜⵙⵙⵓⵜⵍⵜ ⴰⴷ ⴳⵉⵙ ⴽⵉⴳⴰⵏ ⵏ ⵉⵎⵓⵙⵓⵜⵏ ⵉⴷⵍⵙⴰⵏⵏ ⵙⴳ ⴳⵉⵙⵏ ⴰⵙⵏⵎⴰⵍⴰ ⵏ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵅⴼ ⵜⴰⵢⵙⵉ ⵜⴰⵎⴰⵉⵖⵜ ⵏ ⵓⵃⵉⴷⵓⵙ ⴳ ⵡⴰⵟⵍⴰⵚ ⴷ ⵓⵎⵣⵔⵓⵢ ⵏ ⵓⴷⴰⵢⵏ ⴳ ⵜⵎⵏⴰⴹⵜ ⴰⴷ ⴳⵔ ⵜⴰⵙⵓⵜⵉⵏ ⵜⵉⵙⵙ 18 ⴷ 19 ⴷ ⵓⵙⴼⵔⵙ ⵏ ⵜⵎⴳⵓⵔⵉ ⵜⴰⵇⵇⴱⵓⵔⵜ ⴷ ⵉⴼⴰⵔⵙⵏ ⵏ ⵜⴽⵔⵣⴰ ⴷ ⵜⵥⵓⵕⵉⵡⵉⵏ ⵏ ⵉⴽⵯⵍⴰⵏ ⴷ ⵜⵡⵍⴰⴼⵉⵏ ⵜⵉⵇⵇⴱⵓⵕⵉⵏ ⴷ ⵔⵔⵛⵎ ⵅⴼ ⵓⴽⵛⵛⵓⴹ ⴷ ⴽⵉⴳⴰⵏ ⵏ ⵓⵎⴰⵔⴳ ⴷ ⵜⵓⵏⵏⵓⵏⵜ ⵉⵎⵢⴰⵏⴰⵡⵏ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B7%E2%B4%B1%E2%B4%B7%E2%B5%93-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-10-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%B5%9C%E2%B4%BC%E2%B5%95%E2%B5%95%E2%B4%B0%E2%B5%8F%E2%B5%9C-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B7-%E2%B5%A1%E2%B5%89%E2%B5%99%E2%B5%99-16-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F