ⵎⴰⵙⵙ ⴱⵓⵕⵉⵟⴰ : ⴰⵡⵏⵏⵉ ⵏ ⵍⵎⵖⵔⵉⴱ ⴳ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵜⵓⵏⵙ ⵏⵏⴰ ⵓⵔ ⵉⵎⵙⴰⵙⴰⵏ ⵉ ⵓⵏⵙⵙⵉⵅⴼ ⵏ ⵍⴱⵓⵍⵉⵣⴰⵕⵢⵓ ⵓⵔ ⵉⵏⴼⴰⵍⴰⵍ

07 ⵛⵓⵜⴰⵏⴱⵉⵔ 2022 Version Imprimable

ⵍⵇⴰⵀⵉⵕⴰ - ⵉⵏⵏⴰ ⵓⵎⴰⵡⵙⴰⵙ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⵎⴰⵙⴷ ⴰⵡⵏⵏⵉ ⵏ ⵍⵎⵖⵔⵉⴱ ⵙⴳ ⵓⵏⵓⴱⴳ ⵏ ⵓⵏⵙⵙⵉⵅⴼ ⵏ ⵜⵓⵏⵙ ⵉ ⵡⵉⵏⵍⴱⵓⵍⵉⵣⴰⵕⵢⵓ ⵓⵔ ⵉⵏⴼⴰⵍⴰⵍ

ⴳ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴷ ⴷ ⵓⵙⵏⵖⵎⵙ ⴳ ⵍⵇⴰⵀⵉⵕⴰ ⵎⴰⵙⴷ ⴰⵡⵏⵏⵉ ⵏ ⵍⵎⵖⵔⵉⴱ ⴳ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵜⵓⵏⵙ ⵉ ⵓⵏⵙⵙⵉⵅⴼ ⵏ ⵍⴱⵓⵍⵉⵣⴰⵕⵢⵓ ⵓⵔ ⵉⵏⴼⵍ,ⴰⵡⵏⵏⵉ ⴰⴷ ⵏⵏⴰ ⵅⴼ ⵜⵙⵙⴳⵎⴹ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴳ ⵢⴰⵏ ⵓⵙⵉⵡⴹ ⵏⵏⵙ ⵏ 26 ⵖⵓⵛⵜ 2022 ⵏⵏⴰ ⵅⴼ ⵎⵙⴰⵙⴰⵏ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⵉⵎⵖⵔⵉⴱⵉⵏ ⴷ ⵉⵎⵙⵜⴳⴳⴰⵔⵏ

ⵉⵏⵏⴰ ⵓⵎⴰⵡⵙⴰⵙ ⵎⴰⵙⴷ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵓⵔⴰ ⵏ ⵉⵣⵣⵍⵎⴷ ⵏ ⵉⴼⵔⵉⵇⵢⴰ ⵎⴰⵙⵙ ⵃⵎⴰⴷ ⴱⵓⵍⵖⵉⵟ ⴳ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵓⵙⵏⵖⵎⵙ ⴳ ⵓⵙⴰⵜⵉ ⵏ ⵜⴳⵉⵔⴰ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 158 ⵏ ⵓⵙⵇⵉⵎ ⵏ ⵜⵙⴷⴰⵡⵉⵜ , ⵎⴰⵙⴷ ⴰⴼⵙⵙⴰⵢ ⵏ ⵉⵎⵓⴽⵔⵉⵙⵏ ⴳⵔ ⵍⵎⵖⵔⵉⴱ ⴷ ⵜⵓⵏⵙ ⴳ ⵓⵙⴰⵜⵉ ⵏ ⵓⴱⵔⴰⴳⵔⴰⵡ ⵏ ⵜⵉⴽⴰⴹ ⵏⵏⴰ ⵢⵓⴳⵉ ⵍⵎⵖⵔⵉⴱ ⵙ ⵓⵎⵙⴰⵙⴰ

ⵉⵣⴰⵢⴷ ⵎⴰⵙⵙ ⴱⵓⵕⵉⵟⴰ ⵎⴰⵙⴷ ⴰⵡⵏⵏⵉ ⵏ ⴽⵉⴳⴰⵏ ⵏ ⵉⵡⴰⵏⴽⵏ ⵙⵍⴰⵡⴰⵏ ⴰⴽⴽⵯ ⵍⵓⵕⴹⵓⵏ ⵉⵖⵉ ⴰⴷ ⵉⴼⴼⴰⵖ ⵙ ⵢⴰⵏ ⵓⴷⵕⵉⵚ ⴰⵎⵢⴰⴷⴰⵙ ⴳ ⵓⵙⴰⵜⵉ ⴳⵔ ⵍⵢⴰⴱⴰⵏ ⴷ ⵜⵎⵓⵔⴰ ⵏ ⵉⴼⵔⵉⵇⵢⴰ ⴳ ⵎⴰⴷ ⵉⵣⵍⵉⵏ ⵙ ⵓⴱⵔⴰⴳⵔⴰⵡ ⵏ ⵜⵉⴽⴰⴹ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B4%B0%E2%B5%A1%E2%B5%8F%E2%B5%8F%E2%B5%89-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B3-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%93%E2%B5%8F%E2%B5%99-%E2%B5%8F%E2%B5%8F%E2%B4%B0-%E2%B5%93%E2%B5%94-%E2%B5%89%E2%B5%8E%E2%B5%99%E2%B4%B0%E2%B5%99%E2%B4%B0%E2%B5%8F-%E2%B5%89-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F