Published on MAPNews (https://www.mapnews.ma/am)

Accueil > ⵍⵓⵕⴹⵓⵏ ⵉⵙⵎⴰⵢⵏⵓ ⵜⴰⵙⵡⵉⵏⴳⵎⵜ ⵏⵏⵙ ⵏ ⵡⴰⵏⵏⴰⵍ ⵏ ⵜⴰⵎⵓⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

ⵍⵓⵕⴹⵓⵏ ⵉⵙⵎⴰⵢⵏⵓ ⵜⴰⵙⵡⵉⵏⴳⵎⵜ ⵏⵏⵙ ⵏ ⵡⴰⵏⵏⴰⵍ ⵏ ⵜⴰⵎⵓⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

06 ⵛⵓⵜⴰⵏⴱⵉⵔ 2022 Version Imprimable
ⵄⴰⵎⵎⴰⵏ - ⵜⵙⵎⴰⵢⵏⵓ ⵜⴳⵍⴷⵉⵜ ⵏ ⵍⵓⵕⴹⵓⵏ ⵜⴰⵀⴰⵛⵉⵎⵉⵜ ⴰⵙⵙ ⵏ ⵓⵢⵏⴰⵙ,ⵜⴰⵙⵡⵉⵏⴳⵎⵜ ⵏⵏⵙ ⴷ ⵡⴰⵏⵏⴰⵍⵍ ⵏⵏⵙ ⵉ ⵜⴰⵎⵓⵏⵜ ⵏ ⵜⵔⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

ⵉⴷⴷⴰⴷ ⵎⴰ ⴰⵏⵏ ⴳ ⵓⵏⵎⵓⵇⵇⴰⵔ ⵓⵏⴱⵉⴹ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵔⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵔ ⴱⵓⵕⵉⵟⴰ ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳ ⵓⵕⴹⵓⵏⵉⵎⴰⵙⵙ ⴰⵢⵎⴰⵏ ⵚⵚⴼⴹⵉ ⴰⵙⵙ ⴷⴷⵅ ⴳ ⵄⴰⵎⵎⴰⵏ ⵍⵍⵉⵖ ⵙⵎⴰⵢⵏⵓⵏ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⴳ ⴽⵉⴳⴰⵏ ⵏ ⵉⴳⵔⴰⵏ ⵏⵏⴰ ⵉⵎⵎⴰⵍⴰⵏ ⵜⵉⵣⴷⴰⵢⵉⵏ ⵉⴷⵔⴰⵏ ⴷ ⵜⴰⴳⵯⵎⴰⵜⵜ ⵏⵏⴰ ⵅⴼ ⵉⴱⵉⴷⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ ⴷ ⴳⵎⴰⵙ ⴰⴳⵍⵍⵉⴷ ⵄⴱⴷⵓⵍⵍⴰⵀ ⵡⵉⵙⵙ ⵙⵉⵏ

ⵉⵏⵏⴰ ⵎⴰⵙ ⵙ ⵙⵙⴼⴹⵉ ⴳ ⵓⴱⵔⴰⴳⵔⴰⵡ ⴰⵏⴰⵖⵎⴰⵙ ⵏ ⵉⵔⵣⵣⵓⵜⵏ ⴷⴷⵖ ⵎⴰⵙⴷ ⴰⵡⵏⵏⵉ ⵏ ⵜⴳⵍⴷⵉⵜ ⵏ ⵍⵓⵕⴹⵓⵏ ⵓⵔ ⴰⵔ ⵉⵜⵜⵏⴼⴰⵍ ⴳ ⵎⴰⴷ ⵉⵣⵍⵉⵏ ⵙ ⵜⴰⵎⵓⵏⵜ ⵏ ⵉⴽⴰⵍⵉⵡⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵓⵕⴹⵓⵏ ⵉⵍⵍⴰ ⴰⵙ ⵡⴰⴷⴷⵓⵔ ⵙ ⵜⵣⴷⴰⵢⵉⵏ ⴷⵓⵙⵏⵉⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ , ⵍⵍⵉⵖ ⵔⴰⴷ ⵙⵡⵡⵓⵔⵉⵏ ⴰⴼⴰⴷ ⴰⴷ ⵜⵏⵜ ⵙⴱⵓⵖⵍⵓⵏ ⴷⴷⵓ ⵜⵏⴰⵍⵉⵜ ⵏ ⵉⴳⵍⴷⴰⵏ ⵏ ⵜⵎⵉⵣⴰⵔ ⴰⴷ ⵙ ⵙⵏⴰⵜ

ⵉⵏⵏⴰ ⵓⵙⵍⵡⴰⵢ ⵏ ⵍⵓⵕⴹⵓⵏ ⵎⴰⵙ ⵉⵙⴽⵔ ⴽⵉⴳⴰⵏ ⵏ ⵉⵔⵣⵣⵓⵜⵏ ⴷ ⵎⴰⵙⵙ ⴱⵓⵕⵉⵟⴰ ⴰⴼⴰⴷ ⴰⴷ ⵙⴱⵓⵖⵍⵓⵏ ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⴰⴷ ⴰⴼⴰⴷ ⴰⴷ ⵙⴷⴷⵉⴷⵏ ⴰⵏⵎⵓⴳⴳⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵡⵉⵏ ⵍⵓⵕⴹⵓⵏ ⴳ ⵜⴳⵎⵎⵉ ⵜⵓⵎⵍⵉⵍⵜ ⴰⵙⴳⴳⵯⴰⵙ ⵏ 2019 ⵍⵍⵉⵖ ⴷ ⵜⴼⴼⴰⵖ ⵜⴰⵢⵎⵓⵏⵜ ⵜⴰⵎⴰⵜⴰⵢⵜ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⵜⵎⵓⵏ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2016 ⴰⴼⴰⴷ ⴰⴷ ⵜⵜⵓⵙⴽⴰⵔ ⴳ ⵄⴰⵎⵎⴰⵏ ⴳ ⵎⴰⴷ ⴷ ⵢⴰⵣⴹⵏ

ⵎⵢⴰⴷⴰⵙⵏ ⴰⵡⴷ ⵉⵎⵙⵜⴳⴳⴰⵔⵏ ⵅⴼ ⵓⵎⵎⵓⵜⵜⵉ ⴷ ⵓⵎⵓⴷⴷⵓ ⵏ ⵉⵎⵣⵡⴰⴳ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ ⴳ ⵢⴰⵏ ⵡⴰⴷⴷⴰⴷ ⵉⵀⵉⵢⵢⴰⵏ

ⴳ ⵎⴰⴷ ⵉⵣⵍⵉⵏ ⵙ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ ⵉⵏⵏⴰ ⵎⴰⵙⵙ ⵙⵙⴼⴹⵉ ⵎⴰⵙ ⵉⵎⵙⴰⵙⴰ ⵎⴰⵙ ⵜⴳⴰ ⵜⴰⵎⵏⵜⵉⵍⵜ ⵜⴰⵏⴰⵎⵎⴰⵙⵜ ⴰⴼⵙⵙⴰⵢ ⵏ ⵓⵙⴷⴷⵉⴷ ⵏ ⵓⴼⵔⴰⵓⵔ ⵔⴰⴷ ⵢⵉⵍⵉ ⴰⴱⵍⴰ ⵙ ⵓⴼⵙⵙⴰⵢ ⵏ ⵜⵎⴰⵣⵉⵔⵜ ⵏ ⴼⵉⵍⵉⵙⵟⵉⵏ ⵜⴰⵏⵙⵉⵎⴰⵏⵜ ⵜⴰⵎⴰⵥⵓⵏⵜ ⵏⵏⵙ ⵍⵇⵓⴷⵙ ⵜⴰⴳⵯⵔⵔⴰⵎⵜ ⵙⴳ ⵓⵜⴳⴰⵔ ⵏ ⵢⵓⵏⵢⵓ 1967 ⴰⴼⴰⴷ ⴰⴷ ⵜⴷⴷⵔ ⴳ ⵓⴼⵔⴰ ⴳ ⵎⵏⵉⴷ ⵏ ⵉⵙⵕⴰⵢⵉⵍ

ⵉⵏⵏⴰ ⴷⴰⵖ ⵎⴰⵙ ⵔⴰⴷ ⵢⴰⵡⵙ ⴳ ⵉⵎⵔⴰⵔⴰⵜⵏ ⵉⵙⵔⵜⴰⵏⵏ ⴰⴼⴰⴷ ⴰⴷ ⵢⵓⵣⵣⵔ ⵓⴼⵔⴰⵜⵉⵍⵉ ⵜⵏⴼⵔⵓⵜ ⴰⴼⴰⴷ ⴰⴷ ⴰⴼⵏⵜ ⵙⵏⴰⵜ ⵜⵎⵉⵣⴰⵔ ⴰⴷ ⴰⴼⵔⴰ ⵉⴷⵓⵙⵏ

ⵎⴽⵍⵍⵉ ⵙⴽⵔⵏ ⵉⵎⴰⵡⵙⴰⵙⵏ ⵙ ⵙⵉⵏ ⵉⵔⵣⵣⵓⵜⵏ ⴳ ⵎⴰⴷ ⵉⵥⵍⵉⵏ ⵙ ⵓⵏⵎⵓⴳⴳⴰⵔ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵍⵇⴰⵀⵉⵕⴰ ⴰⵙⴽⴽⴰ,ⴰⴼⴰⴷ ⴰⴷ ⴰⴼⵉⵏ ⵉⴼⵙⵙⴰⵢⵏ ⵉ ⵜⵓⵎⴰⵏⵉⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⵉⵏ ⵜⵎⵓⵔⴰ ⵏ ⵡⴰⵄⵕⴰⴱⵏ ⵙ ⵓⵎⴰⵜⴰ ⴷ ⵜⵓⵎⴰⵏⵜ ⵏ ⴼⵉⵍⵉⵙⵟⵉⵏ

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%93%E2%B5%95%E2%B4%B9%E2%B5%93%E2%B5%8F-%E2%B5%89%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%9C%E2%B4%B0%E2%B5%99%E2%B5%A1%E2%B5%89%E2%B5%8F%E2%B4%B3%E2%B5%8E%E2%B5%9C-%E2%B5%8F%E2%B5%8F%E2%B5%99-%E2%B5%8F-%E2%B5%A1%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%8E%E2%B5%93%E2%B5%8F%E2%B5%9C-%E2%B5%8F-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1