Published on MAPNews (https://www.mapnews.ma/am)

Accueil > ⵡⴰⵍⵉⴷ ⵔⵔⴳⵔⴰⴳⵉ..ⵜⴰⴳⴳⵓⵔⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⵏⵏⵓⵕⵥⵎ ⵉ ⴽⵓ ⴰⵎⵓⵔⴰⵔⴰ ⵉⵖⵉⵏ ⴰⴷ ⵉⵣⴰⵢⴷ ⴰⴷⴷⵓⵔ ⵉ ⵜⵔⴰⴱⴱⵓⵜ ⴰⴷ

ⵡⴰⵍⵉⴷ ⵔⵔⴳⵔⴰⴳⵉ..ⵜⴰⴳⴳⵓⵔⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⵏⵏⵓⵕⵥⵎ ⵉ ⴽⵓ ⴰⵎⵓⵔⴰⵔⴰ ⵉⵖⵉⵏ ⴰⴷ ⵉⵣⴰⵢⴷ ⴰⴷⴷⵓⵔ ⵉ ⵜⵔⴰⴱⴱⵓⵜ ⴰⴷ

01 ⵛⵓⵜⴰⵏⴱⵉⵔ 2022 Version Imprimable
ⵙⵍⴰ - ⵉⵏⵏⴰ ⵓⵎⵙⵜⴳⴳⴰⵔ ⴰⵎⴰⵢⵏⵓ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵎⴰⵙⵙ ⵡⴰⵍⵉⴷ ⵔⵔⴳⵔⴰⴳⵉ ⵎⴰⵙ ⵜⵏⵏⵓⵕⵥⵎ ⵜⴰⴳⴳⵓⵔⵜ ⵏⵏⵙ ⵉ ⴽⵓ ⴰⵎⵓⵔⴰⵔ ⵏⵏⴰ ⵉⵖⵉⵏ ⴰⴷ ⵉⵙⵎⴷ ⴰⵜⵉⴳⵏ ⴷ ⵡⴰⴷⴷⵓⵔ ⵉ ⵜⵔⴰⴱⴱⵓⵜ ⴰⴷ .

ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⵏⵏⴰ ⵉⵣⴷⵉⵏ ⴷ ⵓⵙⵜⴰⵢ ⵏ ⵓⵎⵙⵜⴳⴳⴰⵔ ⴰⵎⴰⵢⵏⵓ,ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵓⴷⴷⵉⵙ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⵍⵎⵄⵎⵓⵕⴰ ⴳ ⵙⵍⴰ ⵎⴰⵙ ⵓⵔ ⵉⴱⴰⴹ ⴳ ⵎⴰⴷ ⵉⵙⴰⵕⵏ ⴳ ⵜⵉⵣⵉ ⵏⵏⴰ ⵉⵣⵔⵉⵏ ⴷ ⴽⵓ ⵉⵎⵓⵔⴰⵔⴰⵏ ⴳⴰⵏ ⴷⴰⵔⵙ ⵢⴰⵏ , ⵣⵓⵏⴷ ⵣⵉⵢⵢⴰⵛ ⵣⵓⵏⴷⵃⵎⴷ ⵍⵍⴰⵀ ⵏⵖⴷ ⴱⴰⵏⵓⵏ ⵏⵖⴷ ⵍⵃⵓⵙⵏⵉ, ⵡⴰⵏⵏⴰ ⵉⵣⴹⴰⵕⵏ ⴰⴷ ⵉⵙⵎⴷ ⴰⴷⴷⵓⵔ ⵉ ⵜⵔⴰⴱⴱⵓⵜ ⵏⵜⵜⴰⵏ ⴰⵔⴰⴷ ⴳⵉⵙ ⵢⵉⵍⵉ .

ⵉⵣⴰⵢⴷ ⵎⴰⵙⵙ ⵔⵔⴳⵔⴰⴳⵉ ⵏⵏⴰ ⴷⴰⵔ ⵜⴰⵎⵢⴰⵇⵇⴰⵏⵜ ⴷ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⴰⵔ ⴰⵙⴳⴳⵯⴰⵙ ⵏ 2026 ⵉⵏⵏⴰ ⵎⴰⵙ ⵉⵔⴰ ⴰⵏⴰⵥⴰⵕ ⴰⴷ ⵍⵍⵉⵖ ⵔⴰⴷ ⵉⵙⴽⵔ ⵜⴰⵡⵡⵓⵔⵉ ⵏⵏⵙ ⵉ ⵡⴰⵎⵓⵏ ⵢⵉⵔⵉ ⴰⴷ ⵉⵙⴽⵔ ⴽⵉⴳⴰⵏ ⵏ ⵜⴱⵔⵣⵉⵡⵉⵏ ⴷ ⵉⵔⵏⵏⵓⵜⵏ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ, ⵉⵙⵙⵓⵜⵔ ⴰⵡⴷ ⴳ ⵉⵎⵓⵔⴰⵔⴰⵏ ⴰⴽⴽⵯ ⴰⴷ ⴷⴰⵔⵙⵏ ⵢⵉⵍⵉ ⵓⵏⵣⴳⵓⵎ ⴰⴷ ⴷ ⵓⵏⴰⵥⴰⵕ ⴰⴷ ⴰⵏⴰⵎⵓⵔ .

ⵉⵏⵏⴰ ⴷⴰⵖ ⴳ ⵜⵙⴳⴰ ⴰⴷ ⵏⵉⵜ,ⵓⵛⴽⵉⵖⴷ ⵙ ⵜⵔⴰⴱⴱⵓⵜ ⴰⴼⴰⴷ ⴰⴷ ⴰⵙ ⵙⵎⴷⵖ ⴰⴷⴷⵓⵔⴷ ⵉⵣⴹⴰⵕ ⵉ ⵜⵎⴰⵙⴰⵢⵜ ⵏⵏⴰ ⴼⵍⵍⴰⵙ ⵉⵍⵍⴰⵏ ⴷ ⵜⴰⵍⵍⵉ ⴰⴽⴽⵯ ⵉⵍⵍⴰⵏ ⴼ ⵜⵔⴰⴱⴱⵓⵜ ⴷ ⵓⴽⴰⴱⴰⵕ ⴰⵜⵉⵇⵏⵉ, ⴰⴼⴰⴷ ⴰⴷ ⵉⵙⵙⴽⵛⵎ ⵜⵓⵎⵔⵜ ⵉ ⵓⴳⴷⵓⴷ ⵏⵏⴰ ⵉⵜⵜⵇⵇⵍⵏ ⵙ ⵜⵢⴰⴼⵓⵜⵉⵏ ⵉⵣⴷⴷⵉⴳⵏ .

ⵉⵔⴰ ⵎⴰⵙⵙ ⵔⵔⴳⵔⴰⴳⵉ ⴰⴷ ⵉⵙⵎⴷ ⴰⴷⴷⵓⵔ ⵉⴷⵓⵙⵏ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ,ⴰⴼⴰⴷ ⴰⴷ ⵉⵙⴰⵜⵜⵓⵢ ⴰⵛⵏⵢⴰⵍ ⵏ ⵜⵎⴰⵣⵉⵔⵜ ⵏⵏⵖ , ⴷ ⵔⴰⴷ ⵉⵙⵙⴽⵛⵎ ⵜⵓⵎⵔⵜ ⵙ ⵡⵓⵉⵍⴰⵡⵏ ⵏ ⵓⴳⴷⵓⴷ,ⵓⵔ ⵉⵔⵉ ⴰⴷ ⵉⵙⴰⵡⵍ ⵅⴼ ⵎⴰⴷ ⵉⵙⴰⵕⵏ ⴷ ⵓⵎⵙⵙⴰⵏⵓⵏ ⵃⴰⵍⵉⵍⵓⵣⵉⵜⵛ,ⵎⴰⵛⴰⵏ ⵉⵙⵏⵉⵎⵎⵔⵜ ⵍⵍⵉⵖ ⵉⵙⵙⵖⵍⵉ ⵜⴰⵔⴰⴱⴱⵓⵜ ⵉ ⵍⵎⵓⵏⴹⵢⴰⵍ, ⴷⵖⵉ ⵉⵍⵍⴰ ⴷⴰⵔⵙ ⵓⵏⴰⵔⵓⵣ ⴰⴼⴰⴷ ⴰⴷ ⵉⵙⴱⵓⵖⵍⵓ ⵜⴰⵢⴰⴼⵓⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ .

ⵉⵣⴰⵢⴷ ⵓⵎⵙⵙⴰⵏⵓⵏ ⴰⵎⴰⵢⵏⵓ ⵔⵔⴳⵔⴰⴳⵉ ⵉⵏⵏⴰ ⵎⴰⵙ ⵉⵇⵇⵍ ⵙ ⵜⵎⵢⴰⵇⵇⴰⵏⵜ ⴷ ⵓⵎⵙⴰⵙⴰ ⴷ ⵉⵎⵓⵔⴰⵔⵏ ⴰⴽⴽⵯ,ⵏⵜⵜⵏⵉ ⴰⴷ ⵉⵙⵙⵏⵏ ⵎⴰⵙ ⵉⵇⵇⵍ ⵓⴳⴷⵓⴷ, ⴽⵓ ⴰⵎⵓⵔⴰⵔⴰ ⵉⴷⴷⴰⴷ ⵙ ⵜⵔⴰⴱⴱⵓⵜ ⵉⵇⵇⴰⵏⴷ ⴰⴷ ⵉⵙⴽⵔ ⵜⴰⵡⵡⵓⵔⵉ ⵉⴷⵓⵙⵏ ⴰⴼⴰⴷ ⴰⴷ ⵉⵍⵉⵏ ⴽⵉⴳⴰⵏ ⵏ ⵉⵔⵏⵏⵓⵜⵏ .

ⵢⵉⵔⵉ ⴰⴷ ⵉⵙⴳⵓⵍⵓ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵉ ⵉⵙⵡⵉⵔⵏ ⴱⵓⵖⵍⴰⵏⵉⵏ ⴳ ⵉⴳⵔ ⵏ ⵜⴱⵔⵣⵉⵡⵉⵏ ⵜⵉⵏⴰⵎⵓⵔⵉⵏ ⴷ ⵜⵎⴰⴹⵍⴰⵏⵉⵏ, ⵉⵍⵍⴰ ⴷⴰⵔⵙ ⵓⵏⴰⵔⵓⵣ ⵉⴷⵓⵙⵏ ⴳ ⵎⴰⴷ ⵉⵥⵍⵉⵏ ⵙ ⵜⵎⴰⵙⴰⵢⵜ ⵏⵏⴰ ⴼⵍⵍⴰⵙ ⵉⵍⵍⴰⵏ .

ⵉⵣⴰⵢⴷ ⵔⵔⴳⵔⴰⴳⵉ ⵎⴰⵙ ⵔⴰⴷ ⵉⵙⵡⵡⵓⵔⵉ ⴷ ⵓⴽⴰⴱⴰⵕ ⴰⵜⵉⵇⵏⵉⴷ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⴰⴼⴰⴷ ⴰⴷ ⵜⴳ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵓⴼⴰⵢⵜ ⴳ ⵉⴼⵔⵉⵇⵢⴰ, ⴷ ⵓⵎⴰⴹⴰⵍ ⴰⴽⴽⵯ, ⵉⵔⴰ ⴰⴷ ⵉⵙⵡⵡⵓⵔⵉ ⴷ ⵜⵔⴰⴱⴱⵓⵜ ⴷ ⵓⴽⴰⴱⴰⵕ ⴰⵜⵉⵇⵏⵉ ⵣⵓⵏⴷ ⵢⴰⵜ ⵜⵔⴰⴱⴱⵓⵜ ⵉⵎⵙⴰⵙⴰⵏ ⴽⵉⴳⴰⵏ ⵉⵖ ⵔⴰⵏ ⵉⵎⵓⵔⴰⵔⵏ ⴰⴷ ⵙⴽⵔⵏ ⴰⴷⵖⴰⵔ ⵏⵏⵙⵏⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⵏ ⵜⵡⵊⵊⴰ ⵏ ⵓⴹⴰⵕ .

ⴰⵏⵎⵓⵇⵇⴰⵔ ⴰⵎⵣⵡⴰⵔⵓ ⵏ ⵓⵎⵙⵙⴰⵏⵓⵏ ⴰⵎⴰⵢⵏⵓ ⵔⴰⴷ ⵜ ⵉⵙⵎⵓⵏ ⴷ ⵙⵉⵏ ⵉⵏⵎⵓⵇⵇⴰⵔⵏ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵡⴰⵙⵙ ⵏ ⵓⵙⵉⵎⵡⴰⵙ 23 ⵛⵓⵜⴰⵏⴱⵉⵔ ⵎⵏⵉⴷ ⵏ ⵜⵔⴰⴱⴱⵓⵜ ⵏ ⵛⵛⵉⵍⵉ ⴳ ⴱⴰⵕⵛⴰⵍⵓⵏⴰ ⴷ ⵡⴰⵙⵙ ⵏ ⵓⵙⵉⵏⴰⵙ 27 ⴳ ⵡⴰⵢⵢⵓⵔ ⴰⵏⵏ ⵏⵉⵜ,ⴷ ⵜⵔⴰⴱⴱⵓⵜ ⵏ ⵍⴱⴰⵕⴰⴳⵡⴰⵢ ⴳ ⵜⵖⵔⵎⵜ ⵏ ⵉⵛⴱⵉⵍⵢⴰ ⴳ ⵓⵙⴰⵜⵉ ⵏ ⵓⵃⵢⵢⵍ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵉ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵇⴰⵟⴰⵕ ⴳ ⵢⵉⵔⵏ ⵏ ⵏⵓⵡⴰⵏⴱⵉⵔ ⴷ ⴷⵓⵊⴰⵏⴱⵉⵔ ⴷ ⵢⵓⵛⴽⴰⵏ .

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%A1%E2%B4%B0%E2%B5%8D%E2%B5%89%E2%B4%B7-%E2%B5%94%E2%B5%94%E2%B4%B3%E2%B5%94%E2%B4%B0%E2%B4%B3%E2%B5%89%E2%B5%9C%E2%B4%B0%E2%B4%B3%E2%B4%B3%E2%B5%93%E2%B5%94%E2%B5%9C-%E2%B5%8F-%E2%B5%9C%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%9C%E2%B5%8F%E2%B5%8F%E2%B5%93%E2%B5%95%E2%B5%A5%E2%B5%8E-%E2%B5%89-%E2%B4%BD%E2%B5%93-%E2%B4%B0%E2%B5%8E%E2%B5%93%E2%B5%94%E2%B4%B0%E2%B5%94%E2%B4%B0-%E2%B5%89%E2%B5%96%E2%B5%89%E2%B5%8F-%E2%B4%B0%E2%B4%B7-%E2%B5%89%E2%B5%A3%E2%B4%B0%E2%B5%A2%E2%B4%B7-%E2%B4%B0%E2%B4%B7%E2%B4%B7%E2%B5%93%E2%B5%94