Published on MAPNews (https://www.mapnews.ma/am)

Accueil > ⵜⵉⴽⴰⴹ 8..ⵡⴰⵔ ⴰⵎⵙⴰⵙⴰ ⴳ ⵓⵙⵏⵎⴰⵍⴰ ⴷ ⵓⵎⵓⴽⵔⵉⵙ ⴰⵙⵔⵜⴰⵏ ⴷⴰⵔ ⵜⵎⴰⵣⵉⵔⵜ ⵏⵏⴰ ⵉⵙⵏⵓⴱⴳⵏ

ⵜⵉⴽⴰⴹ 8..ⵡⴰⵔ ⴰⵎⵙⴰⵙⴰ ⴳ ⵓⵙⵏⵎⴰⵍⴰ ⴷ ⵓⵎⵓⴽⵔⵉⵙ ⴰⵙⵔⵜⴰⵏ ⴷⴰⵔ ⵜⵎⴰⵣⵉⵔⵜ ⵏⵏⴰ ⵉⵙⵏⵓⴱⴳⵏ

29 ⵖⵓⵛⵜ 2022 Version Imprimable
ⵜⵓⵏⵙ - ⵙⴳ ⵓⵙⵏⵓⴱⴳ ⵏⵏⵙ ⴳ ⵓⴱⵔⴰⴳⵔⴰⵡ ⵡⵉⵙⵙ 8 ⵏ ⵓⵎⵢⴰⵡⴰⵙ ⵏ ⵍⵍⵢⴰⴱⴰⵏ ⴰⴼⵔⵉⵇⵉ ⵓⵙⵙⴰⵏ ⵏ 27 ⴷ 28 ⵖⵓⵛⵜ ⴰⴷ,ⵜⵔⴰ ⵜⵓⵏⵙ ⴰⴷ ⵜⴰⵎⵥ ⵜⴰⴼⵍⵙⵜ ⵏ ⵍⵢⴰⴱⴰⵏ, ⵏⵏⴰ ⵎⵓ ⵉⴳⴰ ⵓⵙⵏⴼⴰⵕ ⴰⴷ ⵡⵉⵏⵏⵙ,  ⴷ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵏⵏⴰ ⵉⵃⴰⴹⵕⵏ ⵙ ⵓⵎⵓⵙⵙⵓ ⴰⴷ ,

ⵡⴰⵔ ⴰⵎⵙⴰⵙⴰ ⵏ ⵓⵡⵏⵏⵉ ⴰⴷ ⵏ ⵜⵓⵏⵙ, ⵉⵙⵔⴳ ⵉ ⵡⴰⵔ ⵜⵉⵍⵉⵜ ⵏ ⵍⵎⵖⵔⵉⴱ ⴳ ⵓⴱⵔⴰⴳⵔⴰⵡ ⴰⴷ ⵍⵍⵉⵖ ⴼⴼⴰⵖⵏ ⵉⵎⵙⵏⵎⴰⵍⴰⵜⵏ ⵅⴼ ⵉⵙⵍⴳⴰⵏⵏ ⵏ ⵓⵙⵏⵎⴰⵍⴰ ⵏ ⵜⵉⴽⴰⴹ .

ⵜⵙⴽⵔ ⵜⵓⵏⵙ ⵢⴰⵏ ⵓⵎⵓⴽⵔⵉⵙ ⵏⵏⴰ ⵉⴳⴰⵏ ⵎⴳⴰⵍ ⵏ ⵓⵎⵣⵔⵓⵢ ⴳ ⵎⴰⴷ ⵉⵥⵍⵉⵏ ⵙ ⵓⴼⵙⵙⴰⵢ ⵏ ⵓⵎⵓⴽⵔⵉⵄⵙ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵉⴳ ⵓⵡⵏⵏⵉ ⴰⵏⵏ ⵎⴳⴰⵍ ⵏ ⵉⵙⵙⵓⵜⵓⵔⵏ ⵏ ⵡⴰⵎⵓⵏ ⴰⵎⴰⴹⵍⴰⵏ .

ⵍⵍⵉⵖ ⵜⵖⵔⴰ ⵜⵓⵏⵙ ⵉ ⵍⴱⵓⵍⵉⵣⴰⵕⵢⵓ ⵙ ⵓⴱⵔⴰⴳⵔⴰⵡ ⴰⴷ, ⵉⴳⴰ ⴰⵎⵓⴽⵔⵉⵙ ⴰⴷⵉⴱⵍⵓⵎⴰⵙⵉ ⴷ ⵡⴰⵔ ⴰⵎⵙⴰⵙⴰ ⴷ ⵉⵄⵜⴳⴰⵔⵏ ⵉⵎⴰⴹⵍⴰⵏⵏ ⵏⵏⴰ ⵉⵜⵜⵓⵙⵎⵔⴰⵔⴰⵏ ⴳ ⵉⴳⵔ ⴰⴷ .

ⵎⵔⴰⵔⴰⵏ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⵏ ⵜⵓⵏⵙ ⵅⴼ ⵎⴰⴷ ⵔⴰⴷ ⵜⴰⵡⵉ ⵜⵓⵏⵙ ⵍⵍⵉⵖ ⵜⴼⴽⴰ ⵜⴰⵙⵖⵔⵜ ⵉ ⴱⵓⵍⵉⵣⴰⵕⵢⵓ .

ⵓⵔ ⵉⵎⵓⵔⵙ ⵓⴱⵔⴰⴳⵔⴰⵡ ⴰⴷ ⵍⵍⵉⵖ ⴳⵉⵙ ⴼⴼⴰⵖⵏ ⴽⵉⴳⴰⵏ ⵏ ⵉⵡⴰⵏⴽⵏ ,ⵜⵓⵎⴰ ⴳⵉⵙ 38 ⵏ ⵜⵎⴰⵣⵉⵔⵜ ⴳ 54 ⴳ ⵎⴰⴷ ⵉⵥⵍⵉⵏ ⵙ ⵜⵎⴰⴳⵔⴰⵡⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵏⵏⴰ ⵉⴳⴰⵏ 10 ⵏ ⵜⵎⵉⵣⴰⵔ ⴳ ⵎⴰⴷ ⵉⵥⵍⵉⵏ ⵙ ⵉⵏⵙⵙⵉⵅⴼⵏ ⵏⵏⵙⵏ, ⵣⵓⵏⴷ ⵉⴼⴼⵓⵙ ⵏ ⵙⵙⵓⴷⴰⵏ , ⴳ ⵓⵎⴰⵡⴰⵙ ⵏ ⵓⵏⵙⵙⵉⵅⴼ ⵏⵏⵙ  ⴷ ⵜⵜⴰⵎ ⵏ ⵜⵎⵉⵣⴰⵔ ⴳ ⵎⴰⴷ ⵉⵥⵍⵉⵏ ⵙ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵍ ⵏⵏⵙⵏⵜ ⴷ ⵉⵏⵖⵍⴰⴼⵏ ⴷ 19 ⵏ ⵜⴰⵎⵓⵔⵜ ⴳ ⵎⴰⴷ ⵉⵥⵍⵉⵏ ⵙ ⵉⵏⵖⵍⴰⴼⵏ .

ⵉⵏⵏⴰ ⵓⴷⵡⴰⵍ ⵏ ⵍⵢⴰⴱⴰⵏ ⵎⴰⵙⴷ ⴰⴱⵔⴰⴳⵔⴰⵡ ⴰⴷ ⵏ ⵜⵉⴽⴰⴹ ⵉⴳⴰ ⵢⴰⵏ ⵡⴰⵢⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴳⵔ ⵜⵎⵓⵔⴰ ⵏ ⵉⴼⵔⵉⵇⵢⴰ, ⵜⵣⴰⵢⴷ ⵜⵏⵏⴰ ⵎⴰⵙⴷ ⴽⵔⴰ ⵏ ⵜⵎⴰⵣⵉⵔⵜ ⵢⴰⴹⵏ ⵏⵏⴰ ⵓⵔ ⵉⵎⵙⴰⵙⴰⵏ ⵓⵔ ⵙⵉⵙ ⵜⵙⵙⵖⵥⵏ ⵍⵢⴰⴱⴰⵏ .

ⵜⴽⴽⴰ ⵜⵜ ⵉⵏⵏ ⵍⵢⴰⴱⴰⵏ ⵜⵏⵏⴰ ⵙ ⵜⵖⴰⵔⴰⵙⵜ ⵜⵓⵙⵍⵉⴷⵜ ⴳ 19 ⵖⵓⵛⵜ 2022 ⵎⴰⵙ ⵜⵓⴳⵉ ⵜⴰⵙⵖⵔⵜ ⵏⵏⴰ ⵉⵜⵜⵓⵙⴽⴰⵔⵏ ⵉ ⵍⴱⵓⵍⵉⵣⴰⵕⵢⵓ ⴰⴼⴰⴷ ⴰⴷ ⵜⴰⵡⵙ ⴳ ⵓⴱⵔⴰⴳⵔⴰⵡ ⴰⴷ, ⴳ ⵓⵙⴰⵜⵉ ⵍⵍⵉⵖ ⵉⴳⴰ ⵎⴰ ⴰⵏⵏ ⵎⴳⴰⵍ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ ⵉⴳ ⵎⴰ ⴰⴷ ⴰⵡⵏⵏⵉ ⵏ ⵍⵢⴰⴱⴰⵏ ⵓⵙⵍⵉⴷ ⵅⴼ ⵓⵎⵓⴽⵔⵉⵙ ⴷⴷⵅ .

ⵉⴳ ⵓⵎⵓⴽⵔⵉⵙ ⴰⴷ ⵏⵏⴰ ⵉⵙⴽⵔ ⵓⵏⵙⵙⵉⵅⴼ ⵏ ⵜⵓⵏⵙ ⵡⴰⵍⵍⵉ ⵢⵓⵎⵥⵏ ⴽⵉⴳⴰⵏ ⵏ ⵓⵣⴰⵡⴰⵔ ⵙⴳ ⴷⴰⵔ ⵜⵎⵓⵔⴰ ⵏ ⵉⴼⵔⵉⵇⵢⴰ ⵙ ⵓⵎⴰⵢⴰ, ⴳ ⵜⵙⴳⴰ ⵏⵏⵙ ⵉⵏⵏⴰ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ ⵎⴰⵙⵙ ⵎⴰⴽⵉ ⵙⴰⵍ,ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ,ⵎⴰⵙ ⵉⵖⵓⵍⴼ ⵍⵍⵉⵖ ⵓⵔ ⵉⵍⵍⵉ ⵍⵎⵖⵔⵉⴱ ⴳ ⵓⴱⵔⴰⴳⵔⴰⵡ ⴰⴷ ⴰⴼⵔⵉⵇⵉ ⵏⵏⴰ ⵉⴳⴰⵏ ⴰⴳⵎⴰⵎ ⵉⴷⵓⵙⵏ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ .

ⴳ ⵜⵙⴳⴰ ⵏⵏⵙ, ⵉⴼⴼⴰⵖ ⵎⴰⵙⵙ ⴰⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵓⴱⵔⴰⴳⵔⴰⵡ ⴰⴷ ⵏⵏⴰ ⵉⵏⵏⵓⵕⵥⵎⵏ ⴳ ⵜⵎⴰⵣⵏⵜ ⵏ ⵜⵓⵏⵙ ⴳ ⵡⴰⵙⵙ ⵏ ⵓⵙⵉⴹⵢⴰⵙ ⵍⵍⵉⵖ ⴳⵉⵙ ⵜⴷⵔⴰ ⵍⴱⵓⵍⵉⵣⴰⵕⵢⵓ ⵏⵏⴰ ⵜⵙⵔⵙ ⵜⵓⵏⵙ .

ⵜⵉⵎⵓⵔⴰ ⵢⴰⴹⵏ ⵜⵉⴼⵔⵉⵇⵉⵢⵉⵏ ⵣⵓⵏⴷ ⴱⵓⵔⵏⴷⵉ ⴷ ⵔⵔⴰⵙ ⵍⴰⵅⴹⴰⵕ ⴷ ⵖⴰⵎⴱⵢⴰ , ⵖⵉⵏⵢⴰ ⴱⵉⵙⴰⵡ, ⵜⵉⴳⵣⵉⵔⵉⵏ ⵏ ⵍⵇⴰⵎⴰⵕ, ⵍⵉⴱⵉⵔⵢⴰ ⴷ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ, ⵙ ⵜⵖⴰⵔⴰⵙⵜ ⵜⴰⵎⴰⴷⴷⵓⴷⵜ ⵏⵏⴰⵏⵜ ⵎⴰⵙⴷ ⵍⵍⵉⵖ ⵓⵔ ⵉⴷⵔⵉ ⵍⵎⵖⵔⵉⴱ ⵉⴳⴰ ⵢⴰⵏ ⵡⴰⵔ ⴰⵎⵙⴰⵙⴰ ⴷ ⴼⵖⵏⵉⵜ ⴼ ⵉⵙⵍⴳⴰⵏⵏ ⵏ ⵓⵙⵏⵎⴰⵍⴰ ⵏ ⵜⵙⵙⵓⵜⵍⵜ ⴰⴷ ⵜⵉⵙⵙ 8 ⵏ ⵓⴱⵔⴰⴳⵔⴰⵡ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ .

ⴳ ⵜⵎⴰⵣⵉⵔⵜ ⵏ ⵜⵓⵏⵙ ⴰⵡⴷ ⵏⵏⴰⵏ ⵉⵎⵙⵜⴳⴳⴰⵔⵏ ⴷ ⵉⵙⵔⵜⴰⵏⵏ ⵎⴰⵙ ⵜⵏ ⵓⵔ ⵉⵙⵙⵓⵙⵎ ⵍⵍⵉⵖ ⵓⵔ ⵜⵜⵓⵙⴽⴰⵔ ⵜⵙⵖⵔⵜ ⵉ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⴷⵔⵓ ⴰⵡⴷ ⵏⵜⵜⴰⵏ ⴳ ⵓⴱⵔⴰⴳⵔⴰⵡ ⴰⴷ ⴰⴼⵔⵉⵇⵉ .

ⵢⵓⵔⴰ ⵓⵏⵙⵙⵉⵅⴼ ⵏ ⵓⴽⴰⴱⴰⵔ ⵏ ⵍⵎⴰⵊⴷ ⴳ ⵜⴰⵙⵏⴰ ⵏⵏⵙ ⴳ ⵓⴼⴰⵢⵙⴱⵓⴽ, ⵎⴰⵙ ⴷ ⵎⴰ ⴰⴷ ⵏⵏⴰ ⵜⵙⴽⵔ ⵜⵓⵏⵙ ⵔⴰⴷ ⴰⵙ ⵜⵙⵔⴳ ⵉ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴳ ⵓⵙⵡⵉⵔ ⴰⴷⵉⴱⵍⵓⵎⴰⵙⵉ ⴷ ⵓⵙⵔⵜⴰⵏ ⵎⵏⵉⴷ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ .

ⴰⵡⴷ ⴰⴷⵉⴱⵍⵓⵎⴰⵙⵉ ⴰⵜⵓⵏⵙⵉ ⵎⴰⵙⵙ ⵉⵍⵢⴰⵙ ⵇⴰⵢⵙ ⵉⵙⴰⵡⵍ ⴼ ⵓⵎⵓⴽⵔⵉⵙ ⴰⴷ ⵉⵏⵏⴰ ⵎⴰⵙ ⵔⴰⴷ ⵜⵙⵔⴳ ⵉ ⵉⵎⵓⴽⵔⵉⵙⵏ ⵏ ⵡⴰⵔ ⴰⵎⵙⴰⵙⴰ ⴳⵔ ⵍⵎⵖⵔⵉⴱ ⴷ ⴷⴷⵣⴰⵢⵔ .

ⵢⵓⵔⴰ ⵓⵎⴰⵡⵙⴰⵙ ⵛⵛⵡⴰⵛⵉ ⴳ ⵡⴰⵏⵙⴰ ⵏ ⵓⵎⵢⴰⵡⴰⴹ ⴰⵏⴰⵎⵓⵏ -ⵎⴰⴷ ⵜⵙⴽⴰⵔ ⵍⴱⵓⵍⵉⵣⴰⵕⵢⵓ ⴳ ⵓⴳⵔⴰⵡ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ ⴳ ⵍⵢⴰⴱⴰⵏ, ⵙⵍⴰⵡⴰⵏ ⴰⴽⴽⵯ ⵎⴰⵙⴷ ⵍⵢⴰⴱⴰⵏ ⵓⵔ ⵜⵙⵙⵖⵥⵏ ⵙ ⵍⴱⵓⵍⵉⵣⴰⵕⵢⵓ - ?

ⴳ ⵜⵙⴳⴰ ⵏⵏⵙ , ⵉⵏⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴳⵔⴰⵡⵜ ⵏ ⵜⵡⵡⵓⵔⵉ ⴳ ⵜⵓⵏⵙ, ⵎⵓⵃⵎⵎⴰⴷ ⵍⴰⵙⵄⴰⴷ ⵄⴰⴱⵉⴷ, ⵎⴰⵙⴷ ⴰⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵍⴱⵓⵍⵉⵣⴰⵕⵢⵓ ⵔⴰⴷ ⵢⴰⵡⵉ ⵙ ⵜⵡⵍⴰⵡⴰⵍⵜ ⵏ ⵜⵎⴰⵣⵉⵔⵜ ⵏ ⵜⵓⵏⵙ ⴳ ⵓⵙⵡⵉⵔ ⴰⴼⵔⵉⵇⵉ ⵢⵉⵏⵉ ⵎⴰⵙⴷ ⴰⵙⵜⴰⵢ ⴰⴷ ⵓⵔ ⵉⵍⵍⴰ ⴳ ⵓⴷⵖⴰⵔ ⵏⵏⵙ ⵏⵏⴰ ⵔⴰⴷ ⵢⴰⵡⵉ ⵙ ⵢⴰⵜ ⵜⴰⵙⵙⴰⵙⵜ ⵜⴰⵙⵔⵜⴰⵏⵜ .

ⵜⴼⴼⴰⵖⴷ ⵜⵓⵏⵙ ⵏⵏⴰ ⴷ ⴷⴰⵔ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴷ ⵓⵏⵅⵉⴱⴱⵍ ⵙ ⵓⵡⵏⵏⵉ ⴰⴷ ⵏⵏⴰ ⵉⵍⴰⵏ ⴽⵉⴳⴰⵏ ⵏ ⵓⴼⵔⴰⵏ ⵙⴳ ⴷⴰⵔ ⵉⵡⴰⵏⴽⵏ ⴰⴽⴽⵯ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B5%89%E2%B4%BD%E2%B4%B0%E2%B4%B9-8%E2%B5%A1%E2%B4%B0%E2%B5%94-%E2%B4%B0%E2%B5%8E%E2%B5%99%E2%B4%B0%E2%B5%99%E2%B4%B0-%E2%B4%B3-%E2%B5%93%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B4%B7-%E2%B5%93%E2%B5%8E%E2%B5%93%E2%B4%BD%E2%B5%94%E2%B5%89%E2%B5%99-%E2%B4%B0%E2%B5%99%E2%B5%94%E2%B5%9C%E2%B4%B0%E2%B5%8F-%E2%B4%B7%E2%B4%B0%E2%B5%94-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C-%E2%B5%8F%E2%B5%8F%E2%B4%B0-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3%E2%B5%8F