ⵉⴽⴽⴰ ⵜⵜ ⵉⵏⵏ ⵎⴰⵙⵙ ⵄⴱⵙⵙⵍⴰⵎ ⴱⵍⵇⵛⵓⵔ ⵉⵜⵜⵓⵙⵜⴰⵢ ⴳ ⵢⵓⵏⵢⵓ ⵉⵣⵔⵉⵏ ⴰⴷ ⵉⴳ ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵡⵡⵓⵔⴰⵏⵜ ⵙ ⵓⵎⵙⴰⵙⴰ,ⴳ ⵓⴷⵖⴰⵔ ⵏ ⵙⴰⵄⵉⴷ ⵏⵏⴰⵚⵉⵕⵉ, ⴳ ⵓⴳⵔⴰⵡ ⴰⵎⴰⵜⴰⵢ ⵏ ⵓⵏⵎⴰⵍⵍⵓ, ⵏ ⵉⵎⵉⵔ ⵏ 2020-2021 ⵏⵏⴰ ⵉⵜⵜⵓⵙⴽⴰⵔⵏ ⴳ ⵓⴷⴷⵉⵙ ⵏ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵍⵎⵄⵎⵓⵕⴰ ⵏ ⵙⵍⴰ, ⵉⵡⵙⵏ ⴳ ⵓⴳⵔⴰⵡ ⴰⴷ 43 ⵏ ⵉⵎⵙⵜⴳⴳⴰⵔⵏ ⵏ ⵉⵙⵉⵔⴰⵜⵏ( ⴳ 53 ) .
ⵉⵜⵜⵓⵙⴽⴰⵔ ⵓⵙⵉⵔⴰ ⴰⵎⵀⵍⴰⵏ ⵙ ⵜⵣⵎⵎⴰⵔ ⵏ ⵓⵏⵙⵙⵉⵅⴼ ⴷ ⵉⴷ ⵎⴰⵙⵙ ⵄⴰⵣⵉⵣ ⵍⴱⴷⵕⴰⵡⵉ ⵏⵏⴰ ⵉⴳⴰⵏ ⴰⵎⴰⵡⴰⵙ ⴰⵎⵣⵡⴰⵔⵓ ⴷ ⵙⴰⵄⵉⴷ ⴷⴷⵔⵉⴷ ⵏⵏⴰ ⵉⴳⴰⵏ ⴰⵎⴰⵡⴰⵙ ⵡⵉⵙⵙ ⵙⵉⵏ ⵏ ⵓⵏⵙⵙⵉⵅⴼ .
ⴰⵙⵉⵔⴰ ⴰⵎⵀⵍⴰⵏ ⴳⵉⵙ ⵎⴰⵙⵙ ⵃⴰⴽⵉⵎ ⴱⵏⵄⴱⴷⵓⵍⵍⴰⵀ, ⵙⵎⴰⵄⵉⵍ ⵣⵣⵉⵜⵓⵏⵉ, ⵄⴰⴷⵉⵍ ⵜⵜⵡⵉⵊⵔ,ⵄⴱⴷⵍⵃⴰⵇ ⵔⵉⵣⵇ ⵍⵍⴰⵀ , ⵕⴹⵡⴰⵏ ⵍⵖⴰⵣⵉ,ⵎⵓⵃⵎⵎⴰⴷ ⴰⵎⵉⵏ ⴱⵏⵀⴰⵛⵎ ⵏⵏⴰ ⵉⵙⴰⵡⵍ ⵙ ⵉⵙⵎ ⵏ ⵉⵎⵙⵙⴰⵏⵓⵏⵏ ⵉⵎⵖⵔⵉⴱⵉⵏ ⴷ ⵎⵓⵕⴰⴹ ⵃⴷⵉⵡⴷ ⵏⵏⴰ ⵉⵙⴰⵡⵍⵏ ⵙ ⵉⵙⵎ ⵏ ⵓⵎⵓⵔⴰⵔⵏ ⵉⵎⴰⴹⵍⴰⵏⵏ ⴷ ⵓⴷⵓⴽⵜⵓⵕ ⵄⴱⴷⵔⵔⵣⵣⴰⵇ ⵀⵉⴼⵜⵉ ⵏⵏⴰ ⵉⵙⴰⵡⵍⵏ ⵙ ⵉⵙⵎ ⵏ ⵉⵎⵙⴳⵏⴰⴼⵏ ⵉⵎⵖⵔⵉⴱⵉⵏ ⴷ ⵃⵎⴰⴷ ⵍⵇⵏⴷⵉⵛⵉ ⵏⵏⴰ ⵉⵙⴰⵡⵍⵏ ⵙ ⵉⵙⵎ ⵏ ⵉⵎⵙⴰⵏⵓⵏⵏ ⵉⵎⵖⵔⵉⴱⵉⵏ .
ⵉⵏⵏⴰ ⵎⴰⵙⵙ ⴱⵍⵇⵛⵓⵔ ⴳ ⵜⴳⵓⵔⵉ ⵏ ⵓⵙⴽⴽⵉⵔ ⵏ ⵓⵙⵉⵔⴰ ⴷⴷⵅ ⵎⴰⵙ ⵔⴰⴷ ⵉⴱⵓⵖⵍⵓ ⵉⵎⴰⵍ ⴳ ⵎⴰⴷ ⵉⵥⵍⵉⵏ ⵙ ⵜⵡⵊⵊⴰ ⵏ ⵓⴹⴰⵕ ⴷ ⵉⵙⵍⴳⴰⵏⵏ ⵏⵏⵙ ⵉⵜⵉⵇⵏⵉⵢⵢⵏ .
ⵉⵣⴰⵢⴷ ⵉⵏⵏⴰ ⵎⴰⵙⴷ ⴰⵏⴱⴱⵕ ⵉⴷⵓⵙⵏ ⴰⴷ ⵉⵙⴽⴰⵔⵏ ⴰⵖⵓⴷⵓ ⵉⵏⵏⴰ ⴷⴰⵖ ⵎⴰⵙ ⵔⴰⴷ ⵉⵙⵡⵡⵓⵔⵉ ⵙ ⵜⴷⵔⴰⵡⵉⵏ ⵜⵓⵏⵏⵓⵏⴰⵏⵉⵏ ⵏⵏⴰ ⵉⵜⵜⵓⵙⴽⴰⵔⵏ, ⴷ ⵔⴰⴷ ⵉⵙⵡⵡⵓⵔⵉ ⵓⵏⵎⴰⵍⵍⵓ ⵙ ⵉⵜⴳⴰⵔⵏ ⴰⴷ ⴷ ⵉⵙⵍⴳⴰⵏⵏ ⴰⴷ ⵉⵎⴰⵢⵏⵓⵜⵏ .
ⵉⵙⵎⴷ ⴱⵍⵇⵛⵓⵔ ⵉⵏⵏⴰ ⵎⴰⵙⴷ ⴰⵏⵎⴰⵍⵍⵓ ⴰⵏⴰⵎⵓⵔ ⵉⵙⵓⵍ ⴳ ⵜⵡⵡⵓⵔⵉⵡⵉⵏ ⵏⵏⵙ ⴼ ⵉⵙⵏⴼⴰⵕⵏ ⵢⴰⴹⵏ ⴰⴼⴰⴷ ⴰⴷ ⵉⵔⵣⵓ ⵅⴼ ⵉⵙⵓⴳⴰⵎ ⵢⴰⴷⵏⵉⵏ ⵏ ⵜⴷⵔⵉⵎⵜ ⴰⴼⴰⴷ ⴰⴷ ⵉⵙⵓⵍ ⵉⴳ ⴰⵏⵙⵉⵎⴰⵏ .
ⵉⵜⵜⵓⵙⴽⴰⵔ ⵡⴰⵙⵙ ⵏ 2 ⵛⵓⵜⴰⵏⴱⵉⵔ ⴷ ⵢⵓⵛⴽⴰⵏ ⴰⴷ ⵉⴳ ⴰⵙⵏⵜⵉ ⵏ ⵓⵏⴰⵥⴰⵕ ⵏ ⵜⴱⵔⵣⴰ ⵜⴰⵏⴰⵎⵓⵔⵜ ⵜⴰⵡⵡⵓⵔⴰⵏⵜ -ⵉⵏⵡⵉ- ⴷ ⵜⵡⵉⵍⴰ ⵏⵏⵙ ⵜⴰⵎⵣⵡⴰⵔⵓⵜ ⴷ ⵜⵉⵙⵙ ⵙⵏⴰⵜ ⵏ ⵉⵎⵉⵔ ⵏ 2022-2023 .