Published on MAPNews (https://www.mapnews.ma/am)

Accueil > ⵉⵏⴰⵡ ⴰⴳⵍⴷⴰⵏ -ⵜⴰⴱⵔⴰⵜⵜ ⵉⴷⵓⵙⵏ- ⵉ ⵓⵡⴰⵏⴽ ⵏⵏⴰ ⵙⵓⵍ ⴷⴰⵔ ⵜⵓⵔⴷⴰ ⴳ ⵜⵎⵖⵔⵉⴱⵉⵜ ⵏ ⵜⵏⵣⵔⵓⴼⵜ

ⵉⵏⴰⵡ ⴰⴳⵍⴷⴰⵏ -ⵜⴰⴱⵔⴰⵜⵜ ⵉⴷⵓⵙⵏ- ⵉ ⵓⵡⴰⵏⴽ ⵏⵏⴰ ⵙⵓⵍ ⴷⴰⵔ ⵜⵓⵔⴷⴰ ⴳ ⵜⵎⵖⵔⵉⴱⵉⵜ ⵏ ⵜⵏⵣⵔⵓⴼⵜ

22 ⵖⵓⵛⵜ 2022 Version Imprimable
ⵕⵕⴱⴰⵟ - ⵉⵏⵏⴰ ⵓⵙⵏⵏⴼⵙⴰⵢ ⴰⵙⵔⵜⴰⵏ ⴷ ⵓⵙⵍⵎⴰⴷ ⴰⵙⴷⴰⵡⴰⵏ, ⵎⴰⵙⵙ ⵎⵓⵚⵟⴰⴼⴰ ⵙⵙⵃⵉⵎⵉⵎⴰⵙⴷ ⵉⵏⴰⵡ ⴰⴳⵍⴷⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ , ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 69 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ, ⵢⵓⵙⵉ ⵜⴰⴱⵔⴰⵜⵜ ⵉⴷⵓⵙⵏ  ⵎⵏⵉⴷ ⵏ ⵉⵡⴰⵏⴽⵏ ⵏⵏⴰ ⵉⵜⵜⵉⵏⵉⵏ ⵎⴰⵙ ⵓⵔ ⵜⴳⵉ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵜⵉⵍⵉ ⵙⵓⵍ ⴷⴰⵔⵙⵏ ⵜⵓⵔⴷⴰ ⴳ ⵉⴳⵔ ⴰⴷ .

ⵉⵣⴰⵢⴷ ⵎⴰⵙⵙ ⵙⵙⵃⵉⵎⵉ, ⵉⵏⵏⴰ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵎⴰⵙⴷ ⵉⵏⴰⵡ ⴰⴳⵍⴷⴰⵏ  ⵉⵙⵙⴷⵓⵙ ⴰⵎⵢⴰⴷⴰⵙ ⵏ ⵡⴰⵎⵓⵏ ⴰⵎⵖⵔⵉⴱⵉ ⴷ ⵜⵏⵣⵔⵓⴼⵜ ⵏⵏⵙ ⴷ ⵜⵣⴷⴰⵢⵉⵏ ⴰⴽⴽⵯ ⵉⵎⵙⴰⵙⴰⵏ ⴳ ⵓⵙⴰⵜⵉ ⴷⴷⵖ, ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⴰⵔ ⵜⵜⵎⵔⴰⵔⴰ ⴰⵡⴰⵍ ⵅⴼ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⴷ ⵓⵎⴰⴹⴰⵍ ⴰⴽⴽⵯ .

ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵉⵎⵓⵔⵙ ⴳ ⵉⴳⵔⴰⵏ ⵉⵏⴰⵎⵓⵔⵏ ⴷ ⵉⵎⴰⴹⵍⴰⵏⵏ, ⴷ ⵍⵍⵉⵖ ⵜⵙⵏⴰⵍ ⵎⴰⵔⵉⴽⴰⵏ ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵎⴰⵙ ⵜⵡⴰⵍⴰ ⵉ ⵉⴽⴰⵍⵉⵡⵏ ⵏ ⵍⵎⵖⵔⵉⴱ,ⴷⴷⵓ ⵓⵜⵓⵢ ⵏ ⵓⵏⵙⵙⵉⵅⴼ ⵊⵓ ⴱⴰⵢⴹⵏ .

ⵉⵏⵏⴰ ⴰⵡⴷ ⵎⴰⵙⴷ ⵙⴱⴱⴰⵏⵢⴰ ⴰⵡⴷ ⵏⵜⵜⴰⵜ ⴷⴰⵔⵙ ⴰⵎⵣⵔⵓⵢ ⵅⴼ ⵎⴰⴷ ⵉⵥⵍⵉⵏ ⵙ ⵜⵣⴷⴰⵢⵉⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ,ⵉⵙⴰⵡⵍ ⴰⵡⴷ ⴱⴰⴱ ⵏ ⵡⴰⴷⴷⵓⵔ ⵅⴼ ⵓⵙⵏⴱⴹ ⴰⵏⵉⵎⴰⵏ  ⵏⵏⴰ ⵙ ⵙⵙⵖⵥⵏⵏ ⴽⵉⴳⴰⵏ ⵏ ⵜⵎⵓⵔⴰ ⵏ ⵓⵔⵓⴱⴱⴰ ⴷ ⵉⵡⴰⵏⴽⵏ ⵏⵏⴰ ⵉⵕⵥⵎⵏ ⵜⵉⵎⵙⵇⴰⴷⵉⵏ ⵏⵏⵙⵏ ⴳ ⵍⵄⵢⵓⵏ ⴷ ⴷⴷⴰⵅⵍⴰ .

ⴳ ⵓⵎⵏⵉⴷ ⵢⴰⴷⵏ, ⵉⵏⵏⴰ ⵎⴰⵙⵙ ⵙⵙⵃⵉⵎⵉ ⵎⴰⵙⴷ ⵉⵏⴰⵡ ⴰⴳⵍⴷⴰⵏ  ⵉⵙⴰⵡⵍ ⵅⴼ ⵡⴰⴷⴷⴰⴷ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ,ⵉⵏⵏⴰ ⵎⴰⵙ ⴳⴰⵏ ⵓⴳⴳⴰⵔ ⵏ 5 ⵉⴷⵎⵍⵢⵓⵏ ⵏ ⵓⵏⵎⵎⴰⴷⴷⵓ, ⴳⵉⵙⵏ ⵉⴼⴹⵉⵡⵏ ⵏ ⵡⵓⴷⴰⵢⵏ  ⵉⵎⵖⵔⵉⴱⵉⵏ ⵏⵏⴰ ⵜⵜⵓⴱⴹⴰⵏⵉⵏ ⵅⴼ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⴱⵕⵕⴰ  .

ⵉⵏⵏⴰ ⵎⴰⵙⴷ ⴱⴰⴱ ⵏ ⵡⴰⴷⴷⵓⵔ ⵉⵙⵙⵎⵖⵕ ⵙ ⵜⵣⴷⴰⵢⵉⵏ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ ⵎⵏⵉⴷ ⵏ ⵜⵎⴰⵣⵉⵔⵜ ⵏⵏⵙⵏ ⴷ ⵡⴰⵎⵓⵔ ⵏⵏⵙⵏ,  ⵍⵍⵉⵖ ⴰⵔ ⵏⵣⵣⵖⵏ ⴼ ⵜⵎⵏⵜⴰⵍ ⵏ ⴷⴰⵔⵙⵏ , ⴷ ⴰⵡⴷ ⵜⵉⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ ⵏⵏⴰ ⵅⴼ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⵜⵉⵍⵍⵉ ⵔⴰⴷ ⵉⵙⵙⴷⵓⵙ ⴽⵉⴳⴰⵏ ⵏ ⵉⵜⴳⴰⵔⵏ ⵏ ⵜⵏⴼⵍⵉⵜ .

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%89%E2%B4%B7%E2%B5%93%E2%B5%99%E2%B5%8F-%E2%B5%89-%E2%B5%93%E2%B5%A1%E2%B4%B0%E2%B5%8F%E2%B4%BD-%E2%B5%8F%E2%B5%8F%E2%B4%B0-%E2%B5%99%E2%B5%93%E2%B5%8D-%E2%B4%B7%E2%B4%B0%E2%B5%94-%E2%B5%9C%E2%B5%93%E2%B5%94%E2%B4%B7%E2%B4%B0-%E2%B4%B3-%E2%B5%9C%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C