Published on MAPNews (https://www.mapnews.ma/am)

Accueil > ⴰⵙⵏⵎⴰⵍⴰ ⵏ ⵜⵙⵙⵓⵜⵍⵜ ⵜⵉⵙⵙ 11 ⵏ ⵓⵏⵎⵓⴳⴳⴰⵔ -ⵙⴰⵎⴰⵄ ⵎⵕⵕⴰⴽⵛ-ⴳ ⴽⵜⵓⴱⵕ ⴷ ⵢⵓⵛⴽⴰⵏ

ⴰⵙⵏⵎⴰⵍⴰ ⵏ ⵜⵙⵙⵓⵜⵍⵜ ⵜⵉⵙⵙ 11 ⵏ ⵓⵏⵎⵓⴳⴳⴰⵔ -ⵙⴰⵎⴰⵄ ⵎⵕⵕⴰⴽⵛ-ⴳ ⴽⵜⵓⴱⵕ ⴷ ⵢⵓⵛⴽⴰⵏ

17 ⵖⵓⵛⵜ 2022 Version Imprimable
ⴰⵎⵓⵔ ⵏ ⵡⴰⴽⵓⵛ : - ⵔⴰⴷ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵎⵓⵏⵉⵢⵢⴰ ⵎⵕⵕⴰⴽⵛ ⵏ ⵓⵙⴷⴷⵔ ⵏ ⵜⴰⵢⵙⵉ ⵜⴰⵎⵖⵔⵉⴱⵉⵜ ⴷ ⵓⵃⵟⵟⵓ ⵏⵏⵙ ⵙⴳ 19 ⴰⵔ 23 ⴽⵜⵓⴱⵕ 2022 ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵢⴰⴽⵓⵛ, ⵜⴰⵙⵙⵓⵜⵍⵜ ⵜⵉⵙⵙ 11 ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵙⴰⵎⴰⵄ ⵎⵕⵕⴰⴽⵛ ⵏ ⵓⵥⴰⵡⴰⵏ ⵏ ⵉⵎⴰⵏ,ⴷⴷⵓ ⵏ ⵜⵎⴰⵜⴰⵔⵜ ⵜⵉⵍⵍⴰⵡⵜ ⴷ ⵉⵎⴰⵍ ⵏ ⵜⵖⵔⵎⵉⵏ ⵜⵉⵣⴰⵢⴽⵓⵜⵉⵏ.. ⵜⵓⵙⵙⵏⴰ ⵏ ⵜⴰⵢⵙⵉ ⵏ ⵜⵓⵙⴽⵉⵡⵜ ⴷ ⵜⵎⴽⵜⵉⵜ ⵏⵏⵙ ⴳ ⵍⵎⵖⵔⵉⴱ ⴰⵎⵇⵔⴰⵏ.

ⵜⵏⵏⴰ ⵜⵎⵙⵎⵓⵏⵜ ⴳ ⵢⴰⵏ ⵓⵙⵉⵡⴹ ⵏⵏⵙ ⵎⴰⵙⴷ ⵜⵉⵡⵡⵓⵔⵉⵡⵉⵏ ⵏ ⵓⵏⵎⵓⴳⴳⴰⵔ ⴰⴷ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⵙ ⵜⴷⵔⴰⵡⵜ ⴷ ⵉⴳⵔⴰⵏ ⵢⴰⴹⵏ ⵓⵏⴱⵉⴹⵏ ⴷ ⵉⵙⵇⵇⵉⵎⵏ ⵉⵙⴳⴰⵡⴰⵏⵏ, ⴷ ⵜⵎⵔⵙⴰⵍ ⵜⵉⵎⴰⵙⵙⴰⵏⵉⵏ ⴷ ⵜⵉⵏ ⵜⴷⵍⵙⴰ, ⵍⵍⴰⵏⵜ ⵅⴼ ⵉⵙⵏⵜⴰⵍ ⵏ ⴷ ⵡⴰⵜⵉⴳⵏ ⵏⵏⴰ ⴷ ⵉⵙⵡⴰⵏ ⴳ ⵜⵡⵡⵓⵔⵉⵡⵉⵏ ⵏ ⵉⵎⴰⵏ ⴰⵎⵖⵔⵉⴱⵉ ⴷ ⵉⵎⴰⵍ ⵏⵏⵙ ,ⵎⴽⵍⵍⵉ ⵉⵏⵏⴰ ⵎⴰⵙⴷ ⴰⵏⵎⵓⴳⴳⴰⵔ ⴰⴷ ⵔⴰⴷ ⵉⴼⵔⴽ ⵉⵃⴹⵓ ⵜⴰⵥⵓⵕⵉ ⵜⴰⵚⵓⴼⵉⵜ ⵏⵏⴰ ⵉⴳⴰⵏ ⵢⴰⵜ ⵜⵥⵓⵕⵉ ⵜⴰⵎⴰⴹⵍⴰⵏⵜ ⵙⴳ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵏ ⵜⵖⵔⵉ ⵏ ⵜⵎⴷⵢⴰⵣⵜ ⴷ ⵓⵔⴰⵔⵏ ⵏ ⵉⵎⴰⵏ .

ⵉⵡⵜⵜⴰⵙ ⵏ ⵙⴰⵎⴰⵄ ⵎⵕⵕⴰⴽⵛ ⴰⴷ ⵉⵙⵓⵙⵙⵏ ⵙ ⵉⵜⴳⴰⵔⵏ ⴷ ⵡⴰⵜⵉⴳⵏ ⵏ ⵜⵎⴰⴳⵉⵜ ⴷ ⵜⴷⵍⵙⴰ ⵏ ⵉⵎⴰⵏ ⵜⴰⵎⵖⵔⵉⴱⵉⵜ ⴰⴼⴰⴷ ⴰⴷ ⵜⴼⴰⵡ ⵉ ⵓⴳⴷⵓⴷ ⵙⴳ ⵓⵙⵎⴰⵍ ⵏⵏⵙ ⵙⴳ ⵉⵥⵓⵕⴰⵏ ⵏ ⵓⵎⵣⵔⵓⵢ .

ⵉⵣⴰⵢⴷ ⵓⵙⴰⴳⵯⵎ ⴰⴷ ⵏ ⵉⵏⵖⵎⵉⵙⵏ ⵉⵏⵏⴰ, ⵎⴰⵙⴷ ⴰⵀⵉⵍ ⵏ ⵜⵙⵙⵓⵜⵍⵜ ⴰⴷ ⵜⵍⵍⴰ ⴳⵉⵙ ⵢⴰⵜ ⵜⵉⵏⴰⵡⵜ ⵜⴰⵎⴰⴹⵍⴰⵏⵜ ⵅⴼ ⵜⵎⴽⵜⵉⵜ ⵏ ⵜⴰⵢⵙⵉ ⵏ ⵜⵓⵙⴽⵉⵡⵜ ⴷ ⵜⵖⵔⵎⵉⵏ, ⴰⴼⴰⴷ ⴰⴷ ⵜⵔⴰⵔ ⵅⴼ ⵉⵙⵇⵇⵙⵉⵜⵏ ⵏ ⵜⵖⵔⵎⵉⵏ ⵜⵉⵣⴰⵢⴽⵓⵜⵉⵏ ⵉⵙ ⵔⴰⴷ ⵜⴹⴼⵔ ⵜⴰⵏⴼⵍⵉⵜ ⵏ ⵖⵉⵍⴰⴷ ⵙ ⵜⵡⵉⵙⵉ ⵏ ⴽⵉⴳⴰⵏ ⵏ ⵉⵎⵙⴷⴰⴳⵏ ⴷ ⵓⵥⵍⴰⵢⵏ ⴳ ⵍⵎⵖⵔⵉⴱ ⴷ ⵓⵎⴰⴹⴰⵍ ⴰⴽⴽⵯ .

ⴳ ⵎⴰⴷ ⵉⵥⵍⵉⵏ ⵙ ⵓⵙⵍⵡⴰⵢ ⵏ ⵜⵉⵏⴰⵡⵜ ⵔⴰⴷ ⵙⵜⵜ ⵉⵙⴽⵔ ⵓⵎⵙⴷⴰⴳ ⵏ ⵜⵓⵙⴽⵉⵡⵜ ⵙⵉⵔⵊ ⵙⴰⵏⵜⵉⵍⵉ, ⵏⵏⴰ ⵜⵜ ⵉⵏⵏ ⵉⴽⴽⴰⵏ ⵉⴳⴰ ⴰⵙⵍⵎⴰⴷ ⴳ ⵜⵉⵏⵎⵍ ⵏ ⵜⵎⵙⴷⴰⴳⵜ ⵏ ⵜⵓⵙⴽⵉⵡⵜ ⴳ ⴱⴰⵔⵉⵣ ⵎⴰⴷ ⵉⵜⵜⴳⴳⴰⵏ ⴽⵕⴰⵎⵔⴰⵡ ⵏ ⵓⵙⴳⴳⵯⴰⵙ , ⵉⴳ ⴰⵎⵙⵜⴳⴳⴰⵔ ⴼ ⴽⵉⴳⴰⵏ ⵏ ⵉⵔⵣⵣⵓⵜⵏ ⵏ ⵜⵖⵔⵎⵉⵏ .

ⵉⴹⴼⵕ ⵓⵙⴰⴳⵯⵎ ⴰⴷ , ⵎⴰⵙⴷ ⵜⴰⵎⵍⴷⴰ ⴰⴷ ⵜⴳⴰ ⵜⵉⵏ ⵓⴱⵟⵟⵓ ⵏ ⵜⵉⵔⵎⵉⵜⵉⵏ , ⴼ ⵎⴰⴷ ⵉⵣⵍⵉⵏ ⵙ ⵜⵎⴽⵜⵉⵜ ⵏ ⵍⵎⵖⵔⵉⴱ , ⴰⴼⴰⴷ ⴰⴷ ⴼⵙⵔⵏ ⵢⴰⵏ ⵓⵏⵎⴰⵍⵍⵓ ⴷ ⵜⵉⵍⴰⵍ ⵏ ⵡⴰⵎⵓⵏ ⴰⵎⴰⴷⴰⵏ ⴰⴼⴰⴷ ⴰⴷ ⵉⴼⵔⴽ ⵙ ⵓⵃⵟⵟⵓ ⵏ ⵜⴰⵢⵙⵉ ⵜⴰⵎⴰⵜⵜⵉⵡⵜ ⴷ ⵜⵔⴽⵎⴰⵎⵜ ⵏ ⵍⵎⵖⵔⵉⴱ, , ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⵉⵡⵡⵓⵔⵉⵡⵉⵏ ⵏ ⵜⵉⵏⴰⵡⵜ ⵔⴰⴷ ⴳⵉⵙ ⵉⵍⵉⵏ ⴰⵡⴷ ⵉⵎⵓⵙⵙⵓⵜⵏ ⵏ ⵓⵥⴰⵡⴰⵏ ⴰⵚⵓⴼⵉ ⵙⴳ ⴷⴰⵔ ⵜⵔⵓⴱⴱⴰ ⵜⵉⵏⴰⵎⵓⵔⵉⵏ ⴷ ⵜⵉⵏ ⵍⴰⵏⴷⴰⵍⵓⵙ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%8F%E2%B5%8E%E2%B4%B0%E2%B5%8D%E2%B4%B0-%E2%B5%8F-%E2%B5%9C%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-11-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%99%E2%B4%B0%E2%B5%8E%E2%B4%B0%E2%B5%84-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B-%E2%B4%B3-%E2%B4%BD%E2%B5%9C%E2%B5%93%E2%B4%B1%E2%B5%95-%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F