Published on MAPNews (https://www.mapnews.ma/am)

Accueil > ⴰⵎⵓⵙⵙⵓ ⵏ ⵓⵎⵎⵓⵜⵜⵉ ⴷⴰⵔ ⵉⵎⵙⵜⴳⴳⴰⵔⵏ ⵏ ⵜⵏⴼⵔⵓⵜ ⵜⵓⵏⴱⵉⴹⵜ ⵜⵓⵎⴰ 1819 ⴳⵉⵙⵏ( ⴰⵙⵉⵡⴹ ⵏ ⵜⵏⵖⵍⴰⴼⵜ ⵏ ⵓⴳⵏⵙ)

ⴰⵎⵓⵙⵙⵓ ⵏ ⵓⵎⵎⵓⵜⵜⵉ ⴷⴰⵔ ⵉⵎⵙⵜⴳⴳⴰⵔⵏ ⵏ ⵜⵏⴼⵔⵓⵜ ⵜⵓⵏⴱⵉⴹⵜ ⵜⵓⵎⴰ 1819 ⴳⵉⵙⵏ( ⴰⵙⵉⵡⴹ ⵏ ⵜⵏⵖⵍⴰⴼⵜ ⵏ ⵓⴳⵏⵙ)

17 ⵖⵓⵛⵜ 2022 Version Imprimable
ⵕⵕⴱⴰⵟ - ⵙ ⵓⵙⴽⴽⵉⵔ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴳ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴷ ⵜ ⵉⵏⵚⵕ ⴱⴰⴱ ⵏ ⵉⴳⵏⵡⴰⵏ,ⵏⵏⴰ ⵉⴷⴷⴰⵏ ⵙ ⵓⵙⵖⵓⴷⵓ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴳ ⵓⵏⵎⴰⵍⵍⵓ ⵏ ⴰⵢⵜ ⵜⵏⴼⵔⵓⵜ ⵙ ⵓⵙⴱⵔⵣ ⵏ ⵜⵣⵎⵎⴰⵔ ⴷⵓⵙⵏⵉⵏ ⴷ ⵓⵙⵖⵓⴷⵓ ⵏ ⵉⴷⵖⴰⵔⵏ ⵏ ⵜⵎⴰⵙⴰⵢⵜ ⵜⴰⵎⴰⵜⴰⵢⵜ, ⵜⵙⴽⵔ ⵜⵏⵖⵍⴰⴼⵜ ⵏ ⵓⴳⵏⵙ ⵢⴰⵏ ⵓⵎⵓⵙⵙⵓ ⵏ ⵓⵙⵎⴰⵜⵜⵉ ⴳ ⵎⴰⴷ ⵉⵜⵜⴳⴳⴰⵏ 1819 ⵏ ⴰⵢⵜ ⵜⵏⴼⵔⵓⵜ ⵜⵓⵏⴱⵉⴹⵜ, ⵏⵏⴰ ⵉⴳⴰⵏ 43 ⴳ ⵜⵎⵉⴹⵉ ⵏ ⵓⵜⵓⵢ ⵏ ⵉⵎⵙⵡⵡⵓⵔⵉⵏ ⴳ ⵓⵏⵎⴰⵍⵍⵓ ⴷⴷⵅ ⴳ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵔⵉⵏ .

ⵉⵏⵏⴰ ⵓⵙⵉⵡⴹ ⵏ ⵜⵏⵖⵍⴰⴼⵜ ⵏ ⵓⴳⵏⵙ ⵎⴰⵙ ⵉⵍⵍⴰ ⵓⴹⴼⵓⵕ ⵏ ⵓⵎⵓⵙⵙⵓ ⴰⴷ ⵙ ⵜⵖⴰⵔⴰⵙⵜ ⵜⴰⵎⴰⵜⴰⵢⵜ ⵙ 360 ⵏ ⵜⵙⴽⴼⵍⵜ,ⴰⴼⴰⴷ ⴰⴷ ⵉⴳ ⵓⵏⵎⵓⵔⵉ ⵢⴰⵏ ⵓⵙⴰⵜⵓⵔ ⴰⴷⵙⵍⴰⵏ  ⴳ ⵓⵙⵙⴰⵜⵉⴳ ⵏ ⵉⵜⴳⴰⵔⵏ ⵉⵏⴰⵎⵓⵔⵏ .

ⴰⵎⵓⵙⵙⵓ ⴷⴷⵅ ⵔⴰⴷ ⵉⵙⴷⵓⵙ ⵜⵓⵙⴽⵉⵡⵜ ⵏ ⵉⴷⵖⴰⵔⵏ ⵏ ⵜⵡⵡⵓⵔⵉ ⵏ ⴰⵢⵜ ⵜⵏⴼⵔⵓⵜ ⵜⵓⵏⴱⵉⴹⵜ, ⵙ ⵜⵣⵎⵎⴰⵔ ⵏ ⵜⴰⵢⵎⵓⵏⵜ ⵏⵏⴰ ⵉⵙⴽⴰⵔⵏ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴷ ⵉⵏⵎⵓⴳⴳⴰⵔⵏ ⵉⵎⵉⵡⴰⵏⵏ ⴷ ⴰⵢⵜ ⵜⵏⴼⵔⵓⵜ ⴷ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⴰⴽⴽⵯ , ⵉⵏⵎⵓⵇⵇⴰⵔⵏ ⵏ ⵜⴰⵢⵎⵓⵏⵜ ⴷⴷⵅ ⴰⵔ ⵜⵜⵓⴳⴰⵏ ⴰⵡⴷ ⴷ ⵉⵏⵎⵎⴰⵙⵙⵓⵜⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵙⵎⵓⵏⵉⵏ ⴷ ⵉⵎⵙⵜⴳⴳⴰⵔⵏ ⵉⴷⵎⵙⴰⵏⵏ ⴷ ⵉⵙⵔⵜⴰⵏⵏ,ⴰⵏⵎⴰⵍⵍⵓ ⴷⴷⵅ ⵔⴰⴷ ⵉⵜⵜⵓⴳ ⴳ ⵜⵖⵉⵡⴰⵏⵉⵏ ⴰⴽⴽⵯ ⵏ ⵜⴳⵍⴷⵉⵜ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ .

ⴳ ⵓⵙⴰⵜⵉ ⵏ ⵓⵙⵎⴰⵢⵏⵓ ⴷ ⵓⵙⵏⴼⵍ ⵏ ⵜⵣⵎⵎⴰⵔ,ⵉⵏⵏⴰ ⵓⵙⵉⵡⴹ ⵎⴰⵙ ⵉⵙⵔⴳ ⵓⵎⵓⵙⵙⵓ ⴰⴷ ⵉ ⵓⵎⵎⵓⵜⵜⵉ ⵉ ⵎⴰⴷ ⵉⵜⵜⴳⴳⴰⵏ 315 ⵏ ⵉⵎⵙⵜⴳⴳⴰⵔⵏ ⴷ ⵜⴳⵎⴰⵎⵉⵏ ⵏ ⴰⵢⵜ ⵜⵏⴼⵔⵓⵜ ⵜⵓⵏⴱⵉⴹⵜ ⵙ ⵜⵎⵙⵙⵓⴳⵓⵔⵜ ⵜⴰⵏⴰⵎⵓⵔⵜ ⴷ ⵜⵎⵙⵙⵓⴳⵓⵔⵜ ⵜⴰⵏⴰⵎⵎⴰⵙⵜ, ⴳ ⵓⵙⴰⵜⵉ ⵏ ⵓⵙⴱⵓⵖⵍⵓ ⵏ ⵜⵎⵙⵙⵓⴳⵓⵔⵉⵏ ⴰⴷ ⵙ ⵉⵏⵎⵎⴰⵙⵙⵓⵜⵏ ⵏⵏⴰ ⴷⴰⵔ ⵜⵉⵣⵎⵎⴰⵔ ⴷⵓⵙⵏⵉⵏ ⵏⵏⴰ ⴳⴰⵏⵉⵏ ⵉⵏⴰⴼⵓⵖⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵔⵉⵏ  ⵏⵏⴰ ⵉⵍⴽⵎⵏ 339 ⵏ ⵓⵏⴰⴼⵓⵖ ⴷ ⵜⵏⴰⴼⵓⵖⵜ .

ⵉⵣⴰⵢⴷ ⵓⵙⴰⴳⵯⵎ ⴰⴷ ⵏ ⵉⵏⵖⵎⵉⵙⵏ, ⵉⵏⵏⴰ ⵎⴰⵙⴷ ⵜⴰⵏⵖⵍⴰⴼⵜ ⵏ ⵓⴳⵏⵙ ⴳ ⵉⵡⵜⵜⴰⵙⵏ ⵏⵏⵙ ⵏⵏⴰ ⵍⵍⴰⵏⵉⵏ ⵙ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵏⴱⴱⵕ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵙ ⵓⵙⵎⵔⵙ ⵏ ⵉⵜⴳⴰⵔⵏ ⵏ ⵜⵣⵎⵎⴰⵔ ⴷⵓⵙⵏⵉⵏ ⵉ ⵉⴳⵎⴰⵎⵏ ⵓⵏⴱⵉⴹⵏ, ⴰⴼⴰⴷ ⴰⴷ ⵜⵉⵍⵉ ⵜⵎⵙⵙⵓⴳⵓⵔⵜ ⴳ ⵜⵏⴰⴼⵓⵜ ⵏ ⵉⵏⵎⵓⵔⵉⵏ ⴰⴽⴽⵯ ⴰⵔ ⵜⵙⴽⴰⵔ ⵙ ⵉⵙⵙⵓⵜⵓⵔⵏ ⵏⵏⵙⵏ ⴰⴽⴽⵯ, ⵏⵏⴰ ⵅⴼ ⵉⴱⵉⴷⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴰⴷ ⵜ ⵉⵏⵙⵕ ⵕⴱⴱⵉ . 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8E%E2%B5%93%E2%B5%99%E2%B5%99%E2%B5%93-%E2%B5%8F-%E2%B5%93%E2%B5%8E%E2%B5%8E%E2%B5%93%E2%B5%9C%E2%B5%9C%E2%B5%89-%E2%B4%B7%E2%B4%B0%E2%B5%94-%E2%B5%89%E2%B5%8E%E2%B5%99%E2%B5%9C%E2%B4%B3%E2%B4%B3%E2%B4%B0%E2%B5%94%E2%B5%8F-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B5%9C%E2%B5%93%E2%B5%8F%E2%B4%B1%E2%B5%89%E2%B4%B9%E2%B5%9C-%E2%B5%9C%E2%B5%93%E2%B5%8E%E2%B4%B0-1819-%E2%B4%B3%E2%B5%89%E2%B5%99%E2%B5%8F-%E2%B4%B0%E2%B5%99%E2%B5%89%E2%B5%A1%E2%B4%B9-%E2%B5%8F-%E2%B5%9C%E2%B5%8F%E2%B5%96%E2%B5%8D%E2%B4%B0%E2%B4%BC%E2%B5%9C-%E2%B5%8F