ⵜⴰⴱⵔⴰⵜⵜ ⵏ ⵓⴼⵛⵛⴰⴷ ⵏ ⴱⴰⴱ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⵏⵙⵙⵉⵅⴼ ⴰⵎⵉⵚⵕⵉ ⴷⴼⴼⵉⵔ ⵏ ⴰⴼⴰ ⵏⵏⴰ ⵉⵊⵕⴰⵏ ⴳ ⵜⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ ⴳ ⵜⴰⴳⵓⵜ ⵍⵇⴰⵀⵉⵕⴰ

15 ⵖⵓⵛⵜ 2022 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵜⴰⴱⵔⴰⵜ ⵏ ⵓⴼⵛⵛⴰⴷ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵎⵉⵙⵕ ⵄⴱⴷⵍⴼⵜⵜⴰⵃ ⵙⵙⵉⵙⵉ, ⴷⴼⴼⵉⵔ ⵏ ⴰⴼⴰ ⵏⵏⴰ ⵔⵖ ⴳ ⵢⴰⵜ ⵜⴰⵎⵥⵥⴰⵍⵓⵜ ⵏ ⵉⵔⵓⵎⵉⵢⵏ ⴳ ⵜⴰⴳⵓⵜ ⵍⵇⴰⵀⵉⵕⴰ.

ⵉⴷⴷⴰⴷ ⴳ ⵜⴱⵔⴰⵜⵜ ⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵢⵓⵎⵣ ⴱⴰⴱ ⵏ ⵡⴰⴷⴷⵓⵔ ⴰⵏⵖⵎⵉⵙ ⵏ ⵓⴽⵎⴰⴹ ⵏⵏⴰ ⵉⵊⵕⴰⵏ ⴳ ⵜⵎⴰⵥⵓⵏⵜ ⵍⵇⴰⵀⵉⵔⴰ ⴰⵙⵙ ⴰⴷ ⴰⴽⵎⴰⴹ ⴰⴷ ⵏⵏⴰ ⵉⵙⴽⵔⵏ ⴽⵉⴳⴰⵏ ⵏ ⵉⵎⵏⴳⴰⵙⵏ .

ⵉⵙⵎⴷ ⴱⴰⴱ ⵏ ⵡⴰⴷⴷⵓⵔ ⴰⵡⴰⵍ ⵏⵏⵙ ⴳ ⵜⴱⵔⴰⵜⵜ ⴷⴷⵅ, ⵎⴰⵙ ⵉⵍⵍⴰ ⵙ ⵓⵎⵢⴰⵡⴰⵙ ⵏⵏⵙ ⴷ ⵜⴰⵡⵊⵉⵡⵉⵏ ⵏⵏⴰ ⵜⵜⵓⴹⵕⵕⴰⵏⵉⵏ ⴳ ⵓⴽⵎⴰⴹ ⴰⴷ,ⵎⴽⵍⵍⵉ ⵉⴷⵄⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⵎⵏⴳⴰⵙⵏ ⵙ ⵕⵕⵃⵎⵜ ⴷ ⵜⵍⵉⵍⴰ ⵏ ⵕⴱⴱⵉ , ⵉⵙⵙⵓⵜⵔ ⴰⵡⴷ ⵉ ⵉⵎⵏⴳⴰⵙⵏ ⴰⴼⴰⴷ ⴰⴷ ⵊⵊⵉⵏ ⵉⵍⵉⵏ ⵙ ⵜⴷⵓⵙⵉ ⵏⵏⵙⵏ .

ⵙⴳ ⴰⵢⵏⵏⴰ ⴷ ⵉⴷⴷⴰⵏ ⴳ ⵜⴱⵔⴰⵜⵜ ⴷⴷⵅ , ⵎⴰⵙ ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵉ ⵜⵎⴰⵣⵉⵔⵜ ⵏ ⵎⵉⵙⵕ ⵏⵏⴰ ⵉⴳⴰⵏ ⵜⴰⴷⴷⵊⴰⵕⵜ ⴳ ⵜⵣⴷⴰⵢⵉⵏ ⴳⵔⴰⵙ ⴷ ⵍⵎⵖⵔⵉⴱ ⴰⴼⴰⴷ ⴰⴷ ⴳⵉⵙ ⵜⵓⵣⵣⵜ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⵏⵏⴰ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵓⵖⵔⴼ ⴰⴽⴽⵯ ⵏ ⵎⵉⵙⵕ .

Dernière modification : 15 ⵖⵓⵛⵜ 2022

Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C%E2%B5%9C-%E2%B5%8F-%E2%B5%93%E2%B4%BC%E2%B5%9B%E2%B5%9B%E2%B4%B0%E2%B4%B7-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B0%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%89-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B5%8E%E2%B5%89%E2%B5%9A%E2%B5%95%E2%B5%89-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F-%E2%B4%B0%E2%B4%BC%E2%B4%B0-%E2%B5%8F%E2%B5%8F%E2%B4%B0