Published on MAPNews (https://www.mapnews.ma/am)

Accueil > ⵜⴰⴱⵔⵣⴰ ⵜⴰⵏⴰⵎⵓⵔⵜ ⵜⴰⵡⵡⵓⵔⴰⵏⵜ ⵉⵏⵡⵉ ( ⵉⵎⵉⵔ ⵏ 2022/2023) ⴰⵙⵙ ⵏ 02 ⵛⵓⵜⴰⵏⴱⵉⵔ ⴷ ⵢⵓⵛⴽⴰⵏ ⴰⴷ ⵉⴳⴰⵏ ⴰⵙⵏⵜⵉ ⵏ ⵜⵖⵏⵏⴰⵏⵜ

ⵜⴰⴱⵔⵣⴰ ⵜⴰⵏⴰⵎⵓⵔⵜ ⵜⴰⵡⵡⵓⵔⴰⵏⵜ ⵉⵏⵡⵉ ( ⵉⵎⵉⵔ ⵏ 2022/2023) ⴰⵙⵙ ⵏ 02 ⵛⵓⵜⴰⵏⴱⵉⵔ ⴷ ⵢⵓⵛⴽⴰⵏ ⴰⴷ ⵉⴳⴰⵏ ⴰⵙⵏⵜⵉ ⵏ ⵜⵖⵏⵏⴰⵏⵜ

03 ⵖⵓⵛⵜ 2022 Version Imprimable
ⵜⵉⴳⵎⵎⵉ ⵜⵓⵎⵍⵉⵍⵜ : -   ⵉⵏⵏⴰ ⵓⵏⵙⵙⵉⵅⴼ ⵏ ⵜⵙⵎⵉⵔⵉⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵡⵡⵓⵔⴰⵏⵜ ⵎⴰⵙⵙ ⵄⴱⴷⵙⵙⵍⴰⵎ ⴱⵍⵇⵛⵓⵔ, ⴰⵙⵙ ⵏ ⵓⵙⵉⵏⴰⵙ ⵎⴰⵙ ⵉⵜⵜⵓⵙⵜⴰⵢ ⵡⴰⵙⵙ ⵡⵉⵙⵙ ⵙⵉⵏ ⵏ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ ⴷ ⵢⵓⵛⴽⴰⵏ ⴰⴼⴰⴷ ⴰⴷ ⵉⴳ ⴰⵙⵏⵜⵉ ⵏ ⵜⴱⵔⵣⴰ ⵏ ⵜⵖⵏⵏⴰⵏⵜ ⵜⴰⵏⴰⵎⵓⵔⵜ ⵜⴰⵡⵡⵓⵔⴰⵏⵜ ⵉⵏⵡⵉ ⵏ ⵉⵎⵉⵔ ⵏ ⵜⵓⵏⵏⵓⵏⵜ 2022/2023 .

ⵉⵣⴰⵢⴷ ⵎⴰⵙⵙ ⴱⵍⵇⵛⵓⵔ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴱⴰⴷⵓⵜ (ⵎ24) ⵏ ⵉⵏⵖⵎⵉⵙⵏ ⵏⵏⴰ ⵉⵡⴰⵍⴰⵏ ⵏⵉⵜ ⵉ ⵜⵔⴰⴱⴱⵓⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⴳ ⵢⴰⵏ ⵓⴳⵔⴰⵡ ⵏ ⵓⵎⴰⵔⵉⵙ ⴰⵎⵀⵍⴰⵏ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵖⵔⵎⵜ ⵏ ⵕⵕⴱⴰⵟ, ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⵡⴰⴷⴷⴰⴷ ⵏ ⵜⴷⵔⴰⵡⵉⵏ ⵏ ⵜⴱⵔⵣⴰ ⵜⴰⵏⴰⵎⵓⵔⵜ ⵜⴰⵡⵡⵓⵔⴰⵏⵜ ⵉⵏⵡⵉ ⴳ ⵓⴳⵟⵟⵓⵎ ⵏⵏⵙ ⵡⵉⵙⵙ ⵙⵉⵏ ⴷ ⵓⵎⵣⵡⴰⵔⵓ, ⴳ ⵓⵙⴰⵜⵉ ⵏⵉⵜ ⵏ ⵜⵙⴰⵡⵓⵔⵜ ⵏ ⵜⵡⵡⵓⵔⵉ ⵏⵏⴰ ⵉⵙⵏⵎⴰⵍⴰ ⵓⵏⵎⴰⵍⵍⵓ ⴳ ⵜⴳⵉⵔⴰ ⴰⴷ .

ⵉⵜⵜⵓⵏⵏⴰ ⵎⴰⵙ ⵉⵍⵍⴰ ⵓⵎⵙⴰⵙⴰ ⵅⴼ ⵉⵜⴳⴰⵔⵏ ⵏ ⵜⴷⵔⴰⵡⵉⵏ ,ⴳ ⵎⴰⴷ ⵉⵥⵍⵉⵏ ⵙ ⵓⵙⵏⴼⵍ ⵏ ⵜⵎⵢⴰⵇⵇⴰⵏⵉⵏ ⵏ ⵜⵎⵙⵎⵓⵏⵉⵏ ⵙ ⵜⵉⵏ ⵜⴷⵔⴰⵡⵉⵏ, ⵙⴳ ⴷⴰⵔ ⵉⵙⵉⵔⴰⵜⵏ ⴷ ⵔⴰⴷ ⴷⴰⵔⵙⵏ ⵉⵍⵉⵏⵜ ⵜⵓⵔⴰⴳⵉⵏ ⵏ ⵓⵙⵎⵔⴰⵔⴰ .

ⴳ ⵜⵙⴳⴰ ⵏⵏⵙ , ⵉⵏⵏⴰ ⵎⴰⵙⵙ ⵎⵓⵃⵎⵎⴰⴷ ⵎⵇⵔⵓⴼ ⵏⵏⴰ ⵉⴳⴰⵏ ⴰⵎⵛⵛⵉⵡⵕ ⵏ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⵏⵏⴰ ⵉⴳⴰⵏ ⴰⵎⵙⵜⴳⴳⴰⵔ ⵅⴼ ⵓⵎⵙⴰⵡⴰⴹ, ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴱⴰⴷⵓⵜ, ⵎⴰⵙⴷ ⵎⴰⵙⵙ ⴼⴰⵡⵣⵉ ⵍⵇⵊⵄ ⵏⵏⴰ ⵉⴳⴰⵏ ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵉⵙⵙⵎⵖⵕ ⵙ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵓⴳⵏⵙ ⵏ ⵜⴷⴰⵍⴰ ⴷⴼⴼⵉⵔ ⵍⵍⵉⵖ ⵉⵔⵏⴰ ⵜⴰⴱⵔⵣⴰ ⵉⴳⴳⴳⵔⴰⵏ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⴳⵍⴷⵉⵜ ⵏ ⵙⵙⴰⵄⵓⴷⵉⵢⵢⴰ, ⴷ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⵏ ⵜⵓⵜⵎⵉⵏ ⵍⵍⵉⵖ ⵓⵍⵉⵏⵜ ⵙ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵏⵏⴰ ⵉⵜⵜⵓⴳⴰⵏ ⴳ ⵓⵙⵜⵕⴰⵍⵢⴰ ⴷ ⵏⵢⵓⵣⵉⵍⴰⵏⴹⴰ, ⴷ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵔ ⵏ ⵜⵓⵜⵎⵉⵏ ⵉⵣⴷⴰⵔ ⵏ 17 ⵏ ⵓⵙⴳⴳⵯⴰⵙ ⵍⵍⵉⵖ ⵓⵍⵉⵏⵜ ⵙ ⵜⵇⴱⴱⵓⵛⵜ ⵏ ⵓⵎⴰⴹⴰⵍ ⵏⵏⴰ ⵔⴰⴷ ⵜⵙⵏⵎⴰⵍⴰ ⵍⵀⵉⵏⴷ .

ⵉⵣⴰⵢⴷ ⵎⴰⵙⵙ ⵎⵇⵔⵓⴼ ⵉⵏⵏⴰ ⵎⴰⵙⴷ ⵎⴰⵙⵙ ⵍⵇⵊⵄ ⵉⵙⵙⵔⵖⵓⴷ ⵜⴰⵔⴰⴱⴱⵓⵜ ⵏ ⵍⵡⵉⴷⴰⴷ ⵏ ⵜⵓⵏⵏⵓⵏⵜ ⵙ ⵓⵎⵓⵔⵙ ⵏⵏⵙ ⴳ ⵓⵏⵎⴰⵍⵍⵓ ⵏ ⵉⵎⵔⵏⴰ ⵉⴼⵔⵉⵇⵉⵏ ⴷ ⵏⵀⴹⴰⵜ ⴱⵔⴽⴰⵏ ⵍⵍⵉⵖ ⵢⵉⵡⵉ ⵜⴰⵇⴱⴱⵓⵛⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵜⵡⵊⵊⴰ ⵏ ⵓⴹⴰⵕ .

ⴳ ⵜⵙⴳⴰ ⵢⴰⴹⵏ,ⵉⵏⵏⴰ ⵎⴰⵙ ⵔⴰⴷ ⵜⵀⵉⵢⵢⵓ ⵜⵙⴷⴰⵡⵉⵜ ⴽⵉⴳⴰⵏ ⵏ ⵉⵎⴰⵙⵙⵏ ⴷ ⵜⵎⴰⵎⴽⵉⵏ ⴰⴼⴰⴷ ⴰⴷ ⵜⴳ ⴰⴷⴷⵓⵔ ⵉ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵜ ⴳ ⵜⵏⴳⵉⵔⴰ ⵏ ⵜⵇⴱⴱⵓⵛⵜ ⵏ ⵓⵎⴰµⴹⴰⵍ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵉⵙⴰⵢⵔⴰⵔⵏ ⵏ ⵇⴰⵟⴰⵕ ⴳⵔ 21 ⵏⵓⵡⴰⵏⴱⵉⵔ ⴷ 18 ⴷⵓⵊⴰⵏⴱⵉⵔ ⴷ ⵢⵓⵛⴽⴰⵏ .

 ⵉⵏⵏⴰ ⴰⵡⴷ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⵡⵉⵙⵉ ⴷ ⵓⵏⵎⵀⴰⵍ ⴰⵎⴰⵢⵏⵓ ⵎⴰⵙⵙ ⴼⴰⵏ ⴱⵉⴼⵉⵍⴷ ⴰⴼⴰⴷ ⴰⴷ ⵉⵙⵏⵎⴰⵍⴰ ⴽⵉⴳⴰⵏ ⵏ ⵉⵙⵎⵓⵜⵜⴳⵏ ⵉ ⵓⵙⵡⵉⵔ ⵏ ⵜⵓⵜⵎⵉⵏ ⴷⴷⴰⵡ 15 ⵏ ⵓⵙⴳⴳⵯⴰⵙ .

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B4%B1%E2%B5%94%E2%B5%A3%E2%B4%B0-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%9C%E2%B4%B0%E2%B5%A1%E2%B5%A1%E2%B5%93%E2%B5%94%E2%B4%B0%E2%B5%8F%E2%B5%9C-%E2%B5%89%E2%B5%8F%E2%B5%A1%E2%B5%89-%E2%B5%89%E2%B5%8E%E2%B5%89%E2%B5%94-%E2%B5%8F-20222023-%E2%B4%B0%E2%B5%99%E2%B5%99-%E2%B5%8F-02-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-%E2%B4%B0%E2%B4%B7-%E2%B5%89%E2%B4%B3%E2%B4%B0%E2%B5%8F