ⴳ ⵓⵎⵏⵉⴷ ⵏⵏⵙ , ⵉⵏⵏⴰ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ ⴳ ⵜⵣⵡⴰⵔⵜ ⵏ ⵓⵟⵟⵓⵏ ⴰⵎⴳⴳⴰⵔⵓ ⵏ ⵜⵙⵖⵓⵏⵜ ⴱⴰⴱ ⵜⴰⵙⵖⵓⵏⵜ ⵜⵉⵎⵉⵖⵉⵙⵜ ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵎⴰⵙⴷ ⵜⴰⵣⵣⵉⴹⵕⴰ ⵏ ⵍⵎⵖⵔⵉⴱ ⵜⵙⴽⴰ ⵍⵍⵉⵖ ⵉⵍⵍⴰ ⵎⵏⵉⴷ ⵏ ⵉⵎⵓⴽⵔⵉⵙⵏ ⵉⴷⵎⵙⴰⵏⵏ ⴷ ⵡⵉⵏ ⵜⴷⵓⵙⵉ ⵙ ⵓⵏⵣⴰⵖ ⵅⴼ ⵓⴱⴰⵢⵢⵓⵕ ⵏ ⴽⵓⵕⵓⵏⴰⴷ ⵍⵍⵉⵖ ⴰⴽⴽⵯ ⵜⵏⴼⵍ ⵜⴷⵎⵙⴰ ⵏ ⵍⵎⵖⵔⵉⴱ ⵓⵍⴰ ⵜⵉⵏ ⵓⵎⴰⴹⴰⵍ .
ⴳ ⵜⵣⵡⴰⵔⵜ ⴰⴷ ⵏⵏⴰ ⵉⵍⵍⴰⵏ ⴷⴷⵓ ⵏ ⵓⵣⵡⵍ ⵜⴰⵣⵣⵉⴹⵕⴰ ⴷ ⵓⴱⵓⵖⵍⵓ ⵉⵏⵏⴰ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵓⵓⵙⵏⵖⵎⵙ ⴰⵎⵖⵔⵉⴱⵉ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ ⵎⴰⵙⴷ ⵙⵏⴰⵜ ⵜⴳⵓⵔⵉⵡⵉⵏ ⴰⴷ ⵜⵉⴷⵙⵍⴰⵏⵉⵏ ⵖⵉⵏⵜ ⴰⴷ ⵣⵣⴳⵣⵍⵏⵜ ⵉⵎⵉⵔ ⵏ ⵓⵙⴳⴳⵯⴰⵙ ⵏ 2022 ⵉⵏⵏⴰ ⴳ ⵉⴳⵔ ⴰⴷ ⵎⴰⵙⴷ ⵜⴰⴳⵍⴷⵉⵜ ⵜⵣⵣⵉⴹⵕ ⴰⵡⴷ ⵉ ⵉⵎⵓⴽⵔⵉⵙⵏ ⵏⵏⴰ ⵉⵜⵜⵉⵍⵉⵏ ⴳ ⵡⴰⵎⵓⵏⴷ ⵉⵙⴳⴳⴷⵏ ⵏⵏⴰ ⴰⴽⴽⵯ ⵜⵙⴽⵔ ⴳ ⵉⴳⵔ ⴰⴷ .
ⵍⵍⵉⵖ ⵉⴳⴰ ⵓⴱⵓⵖⵍⵓ ⵜⴰⵎⴰⵜⴰⵔⵜ ⵏ ⵓⵙⴳⴳⵯⴰⵙ ⴰⴷ , ⵉⵏⵏⴰ ⵎⴰⵙⵙ ⵀⴰⵛⵉⵎⵉ ⵎⴰⵙⴷ ⵍⵍⵉⵖ ⵉⵙⵙⵏⵜⵉ ⵍⵎⵖⵔⵉⴱ ⴳ ⵉⴳⵔ ⴰⴷ ⵏ ⵉⵙⴳⴳⴷⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⴰⴷ ⵏⵉⵜ ⵉⴱⵓⵖⵍⴰ ⵙ ⵜⴷⵓⵙⵉ ⴰⵢⵏⵏⴰ ⵉⵎⵎⴰⵍⴰⵏ ⵎⴰⵙⴷ ⵉⵜⴳⴰⵔⵏ ⵏ ⵜⴷⵎⵙⴰ ⵜⴰⵎⵖⵔⵉⴱⵉⵜ ⵜⴷⵓⵙ ⵛⵉⴳⴰⵏ, ⴷⴷⵓ ⵏ ⵓⵜⵓⵢ ⴷ ⵓⵙⵏⴱⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴷⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ .
ⴳ ⵉⴳⵔ ⴰⴷ, ⵉⵙⴰⵡⵍ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ ⴼ ⵓⵙⵏⴼⴰⵕ ⵏ ⵓⵣⵓⵣⵣⵔ ⵏ ⵡⴰⵔⴰⵢ ⴰⵏⴰⵎⵓⵏ ⵏⵏⴰ ⵉⴳⴰⵏ ⵢⴰⵏ ⵓⵙⵏⴼⴰⵕ ⴰⴳⵍⴷⴰⵏ ⵏⵏⴰ ⵉⵙⵙⵏⵜⴰⵏ ⴳ ⵓⵙⴰⵜⵉ ⵏ ⵉⵜⴳⴰⵔⵏ ⵏ ⵓⵏⵣⴰⵖ ⵅⴼ ⵜⵎⴰⴹⵓⵏⵜ ⵏ ⴽⵓⵕⵓⵏⴰ
ⵉⵙⵎⴷ ⵓⵎⴰⵔⴰ ⵏ ⵜⵣⵡⴰⵔⵜ ⵉⵏⵏⴰ ⵎⴰⵙ ⵔⴰⴷ ⴷⴰⵔⵏⵖ ⵜⵉⵍⵉ ⵢⴰⵜ ⵜⴷⵎⵙⴰ ⵜⴰⵎⴰⴹⵍⴰⵏⵜ ⵏⵏⴰ ⵔⴰⴷ ⵉⵜⵜⵓⵙⴳⵎⴰⴷ ⴳ ⵜⵙⵙⵓⵜⴰⵍ ⵏ ⵜⴷⵔⵉⵎⵜ ⵜⴰⵎⴰⴹⵍⴰⵏⵜ
ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⵉⵍⴰⵍ ⴰⴷ ⵏ ⵓⵡⴰⵏⴽ ⵜⴳⴰ ⵢⴰⵜ ⵜⵎⴰⵜⴰⵔⵜ ⵉⵣⴷⴷⵉⴳⵏ ⴰⴼⴰⴷ ⴰⴷ ⵉⵜⵜⵓⵔⵎⴰⵙ ⵎⴰⴷ ⴰⴽⴽⵯ ⵉⵣⴷⵉⵏ ⴷ ⵓⵔⵎⴰⵙ ⵏ ⵓⴳⴰⴷⴰⵣ .
ⵢⵓⵔⴰ ⴰⵡⴷ ⵎⴰⵙⵙ ⵀⴰⵛⵉⵎⵉ ⴼ ⵓⵏⵎⴰⵍⵍⵓ ⴰⴷⵉⵎⵓⵇⵔⴰⵜⵉ ⵏ ⵓⵙⴳⴳⵯⴰⵙ ⵏ 2022 ⴳ ⵎⴰⴷ ⵉⵥⵍⵉⵏ ⵙ ⵓⵙⵡⵉⵔ ⵓⵏⴱⵉⴹ ⵉⵙⴰⵡⵍⵏ ⴰⵡⴷ ⴼ ⵉⵙⵜⴰⵢⵏ ⵏⵏⴰ ⴷ ⵉⵙⵙⴼⴰⵖⵏ ⴰⴽⴰⴱⴰⵕ ⵏⵏⴰ ⵅⴼ ⵉⵍⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ.
ⴳ ⵓⵙⵡⵉⵔ ⵏ ⵜⵙⵔⵜⵉⵜ ⵜⴰⴱⵕⵕⴰⵏⵜ,ⵉⴱⴷⵔ ⵓⵎⴰⵔⴰ ⵜⵉⵣⴷⴰⵢⵉⵏ ⵏⵏⴰ ⵉⵜⵜⵓⵙⴽⴰⵏ ⴳⵔ ⵍⵎⵖⵔⵉⴱ ⴷ ⵉⵙⵕⴰⵢⵉⵍ, ⵉⵏⵏⴰ ⵎⴰⵙⴷ ⵇⵇⴰⵏⵏⴻⵏⵜ ⴽⵉⴳⴰⵏ ⵏ ⵜⵣⵎⵎⴰⵔ ⴳ ⵎⴰⴷ ⵉⵣⴷⵉⵏ ⴷ ⵜⵙⵔⵜⵉⵜⵉⵏ ⵏ ⴱⵕⵕⴰ .
ⵉⵏⵏⴰ ⵎⴰⵙ ⴷ ⵓⵔ ⵢⵓⵙⵉ ⴰⴷ ⵓⵔ ⵏⵙⵙⵖⵥⵏ ⵙ ⵢⴰⵜ ⵜⵎⴰⵣⵉⵔⵜ ⵏⵏⴰⵖ ⵍⵍⴰⵏ ⵓⴳⴳⴰⵔ ⵏ ⵙⵉⵏ ⵉⴷ ⵎⵍⵢⵓⵏ ⵏ ⵉⵡⴷⴰⵏ.
ⵉⵣⴰⵢⴷ ⵓⵎⴰⵔⴰ ⵏ ⵜⵣⵡⴰⵔⵜ ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵏⵙⵙⴷⵓⵙ ⴰⴽⴽⵯ ⵉⵜⴳⴰⵔⵏ ⵏ ⵜⵏⴼⵔⵓⵜ ⴷ ⵓⵎⵢⴰⴷⴰⵙ ⴷ ⵜⵙⵔⵜⵉⵜⵉⵏ ⵜⵉⵙⵜⵕⴰⵜⵉⵊⵉⵢⵢⵉⵏ ⴰⴼⴰⴷ ⴰⴷ ⵏⵥⵥⵓ ⴳ ⵉⵎⵓⴽⵔⵉⵙⵏ ⵏⵏⴰ ⵉⵣⴷⵉⵏ ⴷ ⵉⵙⵕⴰⵢⵉⵍ ⴷ ⴼⵉⵍⵉⵙⵟⵉⵏ ,ⵎⴰ ⴰⵏⵏ ⴰⴼ ⵉⴳⴰ ⵍⵎⵖⵔⵉⴱ ⴰⵎⵙⵜⴳⴳⴰⵔ ⴳ ⵉⴳⵔ ⴰⴷ ⴳ ⵓⵙⵡⵉⵔ ⴰⵎⴰⴹⵍⴰⵏ .
ⵉⵣⴰⵢⴷ ⵎⴰⵙⵙ ⵀⴰⵛⵉⵎⵉ ⵉⵏⵏⴰ ⵎⴰⵙ ⵏⴼⵍⵏⵜ ⵜⵎⴰⵎⴽⵉⵏ ⵏ ⵜⵙⵔⵜⵉⵜ ⴳ ⵉⴳⵔ ⵏ ⵓⵙⴷⴰⵡ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵎⴰ ⴰⵏⵏ ⴰⴷ ⵉⴼⴽⴰⵏ ⵉ ⵍⵎⵖⵔⵉⴱ ⴰⴷⴷⵓⵔ ⴷ ⵓⵙⵙⵖⴹⵏ ⴷ ⵡⴰⵏⵏⴰⵍ ⴰⵎⴰⴹⵍⴰⵏ ⴰⴼⴰⴷ ⴰⴷ ⵉⵙⵙⴷⵓⵙ ⵜⴰⵏⵏⴰⵢⵜ ⵏ ⵡⴰⴽⴰⵍ ⵏⵏⵙ ⵏ ⵜⵏⵣⵔⵓⴼⵜ .
ⵉⵏⵏⴰ ⵎⴰⵙⴷ ⴹⵕⵜ ⵏ ⵜⵎⵜⵜⴰ ⵉⵎⵓⵏⵏ , ⵜⵙⵏⵉⵍ ⵜⵎⴰⵣⵉⵔⵜ ⵏ ⵙⴱⴱⴰⵏⵢⴰ ⴷ ⵀⵓⵍⴰⵏⴹⴰ ⴷ ⴰⵍⵎⴰⵏⵢⴰ ⴰⵡⵏⵏⵉ ⵏ ⵜⵙⵜⴳⴳⴰⵔⵜ ⵏ ⵍⵎⵖⵔⵉⴱ ⴳ ⵓⵏⵎⴰⵍⴰ ⵏ ⵓⵙⵏⴱⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ; ⵎⴰ ⴰⴷ ⴰⴷ ⵉⴳⴰⵏ ⵢⴰⵏ ⵓⴱⵓⵖⵍⵓ ⴳ ⵓⵙⵡⵉⵔ ⵏ ⵓⵏⵅⵉⴱⴱⵍ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴳⵔ ⵍⵎⵖⵔⵉⴱ ⴷ ⵉⵊⵉⵏⵉⵕⴰⵍⵏ ⵏ ⴱⵓⵍⵉⵣⴰⵕⵢⵓ .
ⵎⴰ ⴰⵏⵏ ⴰⴼ ⵉⵙⴰⵡⵍ ⴰⵡⴷ ⴼ ⵜⵓⵎⴰⵏⵜ ⵏ ⵓⵙⴼⵙⵔ ⴷ ⵓⵎⵓⵔⵙ ⵏⵏⵙ ⴳ ⴽⵉⴳⴰⵏ ⵏ ⵉⵎⵏⴰⴷⵏ , ⵉⵏⵏⴰ ⴰⵡⴷ ⵎⴰⵙⴷ ⴰⵎⵓⵔⵙ ⴰⴷ ⵉⵙⴽⵔ ⵢⴰⵏ ⵓⴱⵓⵖⵍⵓ ⴰⴷⵍⵙⴰⵏ ⵉⴷⵓⵙⵏ , ⵉⵏⵏⴰ ⴰⵡⴷ ⵎⴰⵙⴷ ⵉⵇⵇⴰⵏ ⴼ ⵜⵖⵉⵡⴰⵏⵉⵏ ⴷ ⵜⴳⵔⴰⵡⵉⵏ ⴰⴷ ⵏⵉⵍⵏⵜ ⵜⵓⵎⴰⵏⵜ ⵏ ⵜⴷⵍⵙⴰⵜⴽⴽ ⵎⵏⵉⴷ ⵏ ⵉⵎⵓⴽⵔⵉⵙⵏ ⵏⵏⴰ ⵔⴰⴷ ⵉⵙⵏⵏⵅⵉⴱⴱⵍ ⵜⴰⴷⵍⵙⴰ ⴳ ⵜⵎⴰⵣⵉⵔⵜ ⵏⵏⵖ.
ⵉⴱⴷⵔ ⵎⴰⵙ ⵙ ⵀⴰⵛⵉⵎⵉ ⴰⵡⴷ ⵉⴳⵔ ⵏ ⵜⵓⵏⵏⵓⵏⵜ ⴷ ⵜⵡⵡⵓⵔⵉⵡⵉⵏ ⵏ ⵉⵄⵔⵔⵉⵎⵏ ⵏⵏⴰ ⵉⵙⴽⵔⵏ ⴽⵔⴰ ⵏ ⵉⵎⵓⵔⵙⵏ ⴷⵓⵙⵏⵉⵏ ⴳ ⵉⴳⵔ ⴰⴷ ,ⵉⵏⵏⴰ ⵎⴰⵙ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵙⵜⵕⴰⵜⵉⵊⵉⵢⵉⵏ ⴳ ⵉⴳⵔ ⵏ ⵜⵓⵏⵏⵓⵏⵜ ⴳ ⵓⵙⵡⵉⵔ ⵢⴰⵜⵜⵓⵢⵏ .
ⵉⵣⴰⵢⴷ ⵉⵙⴰⵡⵍ ⴼ ⵓⵎⵓⵔⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⵉⴳⵔ ⵏ ⵜⵡⵊⵊⴰ ⵏ ⵓⴹⴰⵕ, ⴷ ⵜⵉⵍⵉⵜ ⵏ ⵜⵔⵓⴱⴱⴰ ⵏ ⵜⵓⵏⵏⵓⵏⵜ ⴰⴷ ⴳ ⵉⵡⵙⵉⵔⵏ ⵉⵎⴰⴷⵍⴰⵏⵏ,ⴰⵡⴷ ⵜⵓⵏⵏⵓⵏⵜ ⵏ ⵜⵓⵜⵎⵉⵏ ⵏ ⵜⵡⵊⵊⴰ ⵏ ⵓⴹⴰⵕ ⵏⵏⴰ ⵉⵎⵓⵔⵙⵏ ⴽⵉⴳⴰⵏ .
ⴳ ⵜⴳⵉⵔⴰ ⵏ ⵡⴰⵡⴰⵍ ⵏⵏⵙ , ⵉⵏⵏⴰ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵏ ⵍⵎⵖⵔⵉⴱ,ⵎⴰⵙⴷ ⵉⵖ ⵉⵍⵍⴰ ⵓⵙⵏⴱⴹ ⵉⴷⵓⵙⵏ ⵉⵇⵇⴰⵏⴷ ⴰⴷ ⵉⵍⵉⵏⵜ ⵜⵢⴰⴼⵓⵜⵉⵏ ⵉⴱⵓⵖⵍⴰⵏ ⵛⵉⴳⴰⵏ .