ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⴷⴰⴱⵓ ⵉⵟⵟⴰⴼ ⵏ ⵢⴰⵏ ⵓⵎⵏⵉⴷ ⴰⵏⴰⵎⵓⵏ ⵉⴷⵓⵙⴰⵏ (ⴰⵔⵣⵣⵓ ⴰⵕⵡⴰⵏⴹⵉ)

02 ⵖⵓⵛⵜ 2022 Version Imprimable

ⵏⴰⵢⵔⵓⴱⵉ - ⵉⵏⵏⴰ ⵓⵔⵣⵣⵓ ⴰⵕⵡⴰⵏⴹⵉ ⴰⵏⴷⵔⵉ ⵖⴰⴽⵡⴰⵢⴰ ⵎⴰⵙ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⴷⴰⴱⵓ ⵉⵟⵟⴰⴼ ⵏ ⵢⴰⵏ ⵓⵎⵏⵉⴷ ⴰⵏⴰⵎⵓⵏ ⵉⴷⵓⵙⴰⵏ ⴷ ⵉⴼⴽⴰ ⴰⴷⴷⵓⵔ ⴰⵎⵇⵇⵕⴰⵏ ⵉ ⵡⴰⴷⴷⴰⴷ ⵏ ⵜⵎⵖⵔⵜ ⵜⴰⵎⴰⵖⵔⵉⴱⵉⵜ .

ⵉⴼⵔⴰ ⵢⵉⵏⵏⴰ ⵓⵔⵣⵣⵓ ⴰⵕⵡⴰⵏⴹⵉ ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⴰⵎⴰⵖⵔⴱⵉⵜ ⵏ ⵉⵏⵖⵎⵉⵙⵏ ⵎⴰⵙ ⵉⵡⵙⴰⵡⵍ ⵉⵏⴰⵡ ⴰⴳⵍⴷⴰⵏ ⵅⴼ ⵙⵙⵉⴽⵙⵉⵍ ⴳⵔ ⴰⵔⵢⴰⵣ ⴷ ⵜⵎⵖⵔⵜ ⴷ ⵖⵉⴽⴰⵏ ⵅⴼ ⵉⵚⵚⵍⴰⵃ ⵏ ⵉⵙⵍⴳⵏ ⵉⵙⵏⵎⴰⵍⴰⵏ ⵜⴰⴼⵓⵍⵜ ⴰⴷ .

ⴳ ⵎⴰⴷ ⵉⵣⵍⵉⵏ ⵙ ⵓⵙⵡⵓⴷⴷⵓ ⵏ ⵜⵙⵙⴰⵜ ⵜⴰⴷⵓⵙⴰⵏⵜ ⵉⵙⴽⴽⵯⵜⵉ ⵓⵔⵣⵣⵓ ⴰⵕⵡⴰⵏⴹⵉ ⵎⴰⵙ ⵉⵙⴽⵔ ⵓⵡⴰⵏⴽ ⴰⵎⵖⵔⵉⴱⵉ ⵜⵓⴳⴳⴰⵣ ⵉⵅⴰⵜⵔⵏ ⴰⴼⴰⴷ ⵢⴰⵙⵉ ⵏ ⵓⵜⵉⴳ ⵏ ⵓⵙⴱⵉⴷⴷ ⵏ ⵓⴱⴰⵢⵢⵓⵕ ⴽⵓⵔⵓⵏⴰ ⵉⵙⵓⵍ ⵉⵏⵏⴰ ⴳ ⵓⵙⴰⵜⵉ ⴷⵖ ⵜⵉⵡⵙⵉⵏ ⵉⵙⵔⴷⵏ ⵜⵜⵓⵙⵎⵏⵉⴷ ⴳ ⵓⵎⵎⴰⵙ ⵏ ⵜⵙⵙⴰⵙⵜ ⵉ ⵜⵡⵊⴰⵏ ⵉⵥⵍⴰⴹⵏ ⴷ ⵜⵉⴽⴽⵉ ⵏ ⵎⵏⵏⴰⵡⵜ ⵏ ⵜⵎⵏⴰⴹⵉⵏ ⵏ ⵜⵎⵜⵜⴰ ⵉⴷⵍⵙⴰⵏⵏ ⴷ ⵜⵉⴽⴽⵉ ⵏ ⵜⴳⵣⵣⴰⵢⵉⵏ ⴳ ⵎⵛⵜⴰ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ ⴷ ⵜⵢⴰⴽⴽⴰ ⵉ ⵉⴱⵕⵕⴰⵏⵢⵉⵏ ⴰⵙⴱⵖⵓⵔ ⵓⵍⴰ ⴳⵉⵙⵏ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%8F%E2%B4%B0%E2%B5%A1-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B4%B7%E2%B4%B0%E2%B4%B1%E2%B5%93-%E2%B5%89%E2%B5%9F%E2%B5%9F%E2%B4%B0%E2%B4%BC-%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B5%8F%E2%B5%89%E2%B4%B7-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B5%89%E2%B4%B7%E2%B5%93%E2%B5%99%E2%B4%B0%E2%B5%8F-%E2%B4%B0%E2%B5%94%E2%B5%A3%E2%B5%A3%E2%B5%93