ⴳⵯⵔⵙⵉⴼ: ⴰⵏⵎⵓⴳⴳⴰⵔ ⵏ ⵉⴳⵕⴹⵏ ⵉⵎⴰⵣⵉⵖⵏ, ⵙⴳ 26 ⴰⵔ 28 ⵢⵓⵍⵢⵓⵣ

18 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⵔⴰⴷ ⵜⵙⵎⵏⵉⴷ ⵜⵎⵙⵎⵓⵏⵜ ⴰⴷⵔⴰⵔ, ⵙⴳ 26 ⴰⵔ 28 ⵢⵓⵍⵢⵓⵣ, ⵜⴰⵡⴰⵍⴰ ⵜⵉⵙⵙ 14 ⵏ ⵓⵏⵎⵓⴳⴳⴰⵔ ⵏ ⵉⴳⵕⴹⵏ ⵉⵎⴰⵣⵉⵖⵏ, ⴷⴷⵓ ⵏ ⵜⵎⴰⵜⴰⵔⵜ ⵏ ⵓⴱⵓⵔⵣ "ⴰⵣⵔⴼ ⴰⴷⵍⵙⴰⵏ ⴳ ⵓⵏⴰⵡ ⵏ ⵜⴳⵎⵉ ⵉⵜⵜⵓⵔⴰⵏ".

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵎⵓⵏⵜ ⵎⴰⵙ ⵔⴰⴷ ⵉⵜⵜⵓⵙⵎⵏⴰⴷ ⵓⵏⵎⵓⴳⴳⴰⵔ ⴰⴷ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⴷ ⵙ ⵓⵏⴰⵍ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵓⵎⵢⴰⵡⴰⴹ, ⴷ ⵜⴳⵔⴰⵡⵜ ⵏ ⴳⵯⵔⵙⵉⴼ.

ⵉⵔⴰ ⵡⵏⵎⵓⴳⴳⴰⵔ, ⵙⵍⴰⵡⴰⵏ ⴰⴽⴽⵯ, ⴰⴷ ⵉⴷⵔⵓ ⴳ ⵓⵙⵎⵓⵙⵙⵓ ⵏ ⵜⵎⵓⵖⵍⵉⵜ ⵜⴰⴷⵍⵙⴰⵏⵜ ⴷ ⵜⵏⴰⵥⵓⵕⵜ ⴳ ⴳⵯⵔⵙⵉⴼ ⴷ ⴳ ⵜⵙⴳⴰ ⵏⵏⵙ, ⵓⵍⴰ ⴰⴷ ⵉⴼⵔⵓ ⴰⵏⴼⵍⵓⵍ ⴰⴷⵍⵙⴰⵏ ⵙ ⵓⵎⴰⵜⴰⵢ, ⴷ ⴰⵎⴰⵣⵉⵖ ⵙⵍⴰⵡⴰⵏ ⴰⴽⴽⵯ.

ⵔⴰⴷ ⵢⵉⵍⵉ ⴳ ⵜⵡⴰⵍⴰ ⵜⵉⵙⵙ 14 ⵏ ⵓⵏⵎⵓⴳⴳⴰⵔ ⴰⴷ ⵜⵉⵎⴷⴷⵉⵜⵉⵏ ⵜⵉⵏⴰⵥⵓⵕⵏ ⵍⵍⵉ ⵔⴰⴷ ⴳⵉⵜⵏ ⵣⵔⵉⵏ ⵜⵔⴰⴱⴱⵓⵜⵉⵏ ⵜⵉⵥⵥⵓⴳⵏⴰⵏⵉⵏ ⵜⵎⴰⵣⵉⵖⵏ, ⴷ ⵜⵖⵔⵉ ⵏ ⵜⵎⴷⵢⴰⵣⵜ, ⴷ ⵎⵏⵏⴰⵡ ⵏ ⵉⵙⴼⵔⴰⵔⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B3%E2%B5%AF%E2%B5%94%E2%B5%99%E2%B5%89%E2%B4%BC-%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%B5%89%E2%B4%B3%E2%B5%95%E2%B4%B9%E2%B5%8F-%E2%B5%89%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%8F-%E2%B5%99%E2%B4%B3-26-%E2%B4%B0%E2%B5%94-28-%E2%B5%A2%E2%B5%93%E2%B5%8D%E2%B5%A2%E2%B5%93%E2%B5%A3