ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⴰⴼ ⴰⴷ ⵉⵕⵥⵎ "ⵙⵓⵇ ⵚⵚⴰⵍⵃⵉⵏ" ⴳ ⵙⵍⴰ, ⵎⴰ ⵢⴰ ⵉⴳⴰⵏ ⵢⴰⵏ ⵓⵙⵏⵜⵉ ⵉⵙⵎⴰⵏⵏ 361 ⴰⵎⵍⵢⵓⵏ ⵏ ⴷⴷⵔⵀⵎ ⵉⵜⵜⵓⵙⴽⴰⵔⵏ ⵙ ⵉⵏⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ

15 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⴰⴼ ⴰⴷ ⵉⵕⵥⵎ "ⵙⵓⵇ ⵚⵚⴰⵍⵃⵉⵏ", ⴳ ⵜⵙⵓⵏⴹⵜ ⵏ ⵜⴰⴱⵕⵉⴽⵜ ⴳ ⵙⵍⴰ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵙⵏⵜⵉ ⵉⵎⵇⵇⵓⵕⵏ ⵍⵍⵉ ⵢⴰⴷ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⵜⵡⵡⵓⵔⵉⵡⵉⵏ ⵏⵏⵙⵏ ⴰⵙⵙ ⵏ 24 ⴽⵜⵓⴱⵕ 2017.

ⴰⵏⵙⵜⵉ ⵢⴰⴷ, ⵍⵍⵉ ⵢⵜⵜⵓⵙⴽⴰⵔⵏ ⵙ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵙⵎⴰⵏ 361 ⴰⵎⵍⵢⵓⵏ ⵏ ⴷⴷⵔⵀⵎ ⵏ ⵓⵙⵙⴰⵔⵓ, ⴷ ⵉⴳⴰ ⵉ ⵜⵏⴽⵔⴰ ⵙ ⵜⵎⵙⵓⵜⴰⵍ ⵜⵉⴷⵎⵙⴰⵏⵉⵏ ⴷ ⵜⵉⵏⴰⵎⵓⵏⵉⵏ ⵏ ⵓⴼⴹⴰⵏ ⵏ ⵉⵎⵣⴷⴰⵖⵏ ⵏ ⵜⵖⵔⵎⵜ ⴰⴷ.

ⵉⵙⵎⴰⵏ ⵓⵙⵏⵜⵉ ⵢⴰⴷ 1.483 ⵏ ⵜⵃⵓⵏⴰ, ⴷ ⵉⵙⵏⴼⵍ ⵢⴰⵏ ⵙⵙⵓⵇ ⴰⵇⴱⵓⵕ ⵙ ⵢⴰⵜ ⵜⵓⵚⴽⵉⵡⵜ ⵜⴰⵏⵙⴱⴰⴱⵜ ⵜⴰⵜⵔⴰⵔⵜ. ⴼ ⵖⵉⴽ ⴰⵏⵏ, ⵉⵙⵙⴽⵛⵎ ⵓⵙⵏⵜⵉ ⵢⴰⴷ ⴰⵙⵖⵏⵣⵉ ⵓⵔ ⵉⵚⴽⵉⵡⵏ ⴰⵎⵎⴰⵙ ⵏ ⵜⵓⵥⴹⵉⵜ ⵜⴰⴷⴰⵎⵙⴰⵏⵜ ⵉⵜⵜⵓⵙⴷⵓⵙⵏ ⵍⵍⵉⵖ ⵢⵓⵊⵊⴰ ⵉⵎⵉⵏⴹⵏ ⴷ ⵉⵙⴱⴱⴰⴱⵏ ⴰⴷ ⵙⵙⴱⵖⵔⵏ ⵙⴳ ⵓⵏⴱⵉⴹ ⵏ ⵓⵙⵍⴼⵙ ⵓⵛⵛⵉⵍ ⵏ ⵜⵎⴰⴹⵓⵏⵜ.

ⵢⵓⵎⵥ ⵓⵙⵏⵜⵉ ⵢⴰⴷ ⴰⴽⴰⵍ ⵏ 23 ⴰⵀⵉⴽⵜⴰⵕ, ⴷ ⵉⵍⵍⴰ ⴳⵉⵙ ⵢⴰⵏ ⵓⴷⴷⵉⵙ ⴰⵏⵙⴱⴰⴱ ⵉⵙⵎⴰⵏⵏ 1.070 ⵜⵃⴰⵏⵓⵜ, ⴷ ⵢⴰⵏ ⵙⵙⵓⵇ ⴰⵏⴰⵎⵎⴰⵙ ⵉⵙⵎⴰⵏⵏ 413 ⵜⵃⴰⵏⵓⵜ.

ⵉⵜⵜⵓⵙⵥⵕⴼ ⵓⵙⵏⵜⵉ ⵢⴰⴷ ⵙ ⵢⴰⵜ ⵜⵎⴷⵔⴰⵡⵜ ⴳⵔ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ (301 ⴰⵎⵍⵢⵓⵏ ⵏ ⴷⴷⵔⵀⵎ), ⴷ ⵓⵙⵇⵇⵉⵎ ⵏ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ (30 ⴰⵎⵍⵢⵓⵏ ⵏ ⴷⴷⵔⵀⵎ), ⴷ ⵜⵎⵏⴱⴰⴹⵜ ⵏ ⵙⵍⴰ (10 ⴰⵎⵍⵢⵓⵏ ⵏ ⴷⴷⵔⵀⵎ), ⴷ ⵜⴳⵔⴰⵡⵜ ⵏ ⵙⵍⴰ ⴷ ⵓⵏⴱⴰⴹ ⵏ ⵜⵎⵓⵔⴰⵢⵜ (20 ⴰⵎⵍⵢⵓⵏ ⵏ ⴷⴷⵔⵀⵎ).

Dernière modification : 15 ⵢⵓⵍⵢⵓⵣ 2022

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%8F%E2%B4%B9%E2%B5%8F-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%8F%E2%B5%8F%E2%B5%99-%E2%B4%B0%E2%B4%BC-%E2%B4%B0%E2%B4%B7-%E2%B5%89%E2%B5%95%E2%B5%A5%E2%B5%8E-%E2%B5%99%E2%B5%93%E2%B5%87-%E2%B5%9A%E2%B5%9A%E2%B4%B0%E2%B5%8D%E2%B5%83%E2%B5%89%E2%B5%8F-%E2%B4%B3-%E2%B5%99%E2%B5%8D%E2%B4%B0-%E2%B5%8E%E2%B4%B0-%E2%B5%A2%E2%B4%B0-%E2%B5%89%E2%B4%B3%E2%B4%B0%E2%B5%8F