Published on MAPNews (https://www.mapnews.ma/am)

Accueil > ⴰⵙⵙⵥⵕⴼ ⵏ 87 ⵓⵎⵍⵢⵓⵏ ⵓⵕⵓ ⵙⴳ ⴷⴰⵔ ⵍⴱⴰⵏⴽ ⵏ ⵉⴼⵔⵉⵇⵉⴰ ⵉ ⵜⵏⴼⵍⵉⵜ ⴳ ⵍⵎⵖⵔⵉⴱ ⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵓⵙⵎⴰⵜⴰ ⵏ ⵡⴰⵔⴰⵢ ⴰⵏⴰⵎⵓⵏ ⴷ ⵜⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ

ⴰⵙⵙⵥⵕⴼ ⵏ 87 ⵓⵎⵍⵢⵓⵏ ⵓⵕⵓ ⵙⴳ ⴷⴰⵔ ⵍⴱⴰⵏⴽ ⵏ ⵉⴼⵔⵉⵇⵉⴰ ⵉ ⵜⵏⴼⵍⵉⵜ ⴳ ⵍⵎⵖⵔⵉⴱ ⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵓⵙⵎⴰⵜⴰ ⵏ ⵡⴰⵔⴰⵢ ⴰⵏⴰⵎⵓⵏ ⴷ ⵜⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ

14 ⵢⵓⵍⵢⵓⵣ 2022 Version Imprimable
ⴰⴱⵉⴷⵊⴰⵏ - ⵉⵎⵙⴰⵙⴰ ⴷ ⵓⵙⵇⵇⵉⵎ ⴰⵏⵎⵀⴰⵍ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵉⴼⵔⵉⵇⵢⴰ ⵅⴼ ⵢⴰⵏ ⵓⵙⵙⵥⵕⴼ ⵉ ⵍⵎⵖⵔⵉⴱ ⵉⵍⴽⵎ 87 ⵎⵍⵢⵓⵏ ⵓⵕⵓ ⵉ ⵓⵖⴰⵡⴰⵙ ⵏ ⵓⵙⴷⵓⵙ ⵏ ⵓⵙⵎⴰⵜⴰ ⵏ ⵡⴰⵔⴰⵢ ⴰⵏⴰⵎⵓⵏ ⴷ ⵜⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ.

ⵢⵉⵡⵉ ⴷⵓⵙⵎⴰⵍ ⵏ ⵍⴱⴰⵏⴽ ⵉⵙⴷ ⴰⵡⵜⵜⴰⵙ ⴰⵎⵣⵙⴰⵔⵓ ⵏ ⵜⵡⵓⵔⵉ ⴰⴷ ⵉⴳⴰ ⵜ ⵓⵙⴷⵓⵙ ⵏ ⵜⵔⵙⴰⵍ ⵏ ⵢⴰⵏ ⵓⵖⴰⵡⴰⵙ ⴰⵙⵓⵍⴰⵏ ⵏ ⵡⴰⵔⴰⵢ ⴰⵏⴰⵎⵓⵏ ⵉⵙⵓⵔⵏ ⴼ ⵢⴰⵜ ⵜⵖⴰⵔⴰⵙⵜ ⵉⴳⴰⵏ ⵜⴰⵏⵎⵏⴰⴹⵜ, ⵎⴽⵍⵍⵉ ⵔⴰⴷ ⵢⴰⵡⵙ ⵓⵖⴰⵡⴰⵙ ⴰⴷ ⵖ ⵓⵙⵉⴳⵜ ⵏ ⵡⴰⵔⴰⵢ ⴰⵏⴰⵎⵓⵏ, ⵙⵍⴰⵡⴰⵏ ⴰⴽⴽⵯ ⵎⴰ ⵉⵥⵍⵉⵏ ⵙ ⵡⴰⵣⵣⴰⵏ ⴷ ⵜⵄⵓⵔⵎⴰ ⴷ ⵡⵉⵍⵍⵉ ⵉⵙⵡⵓⵔⵉⵢⵏ ⵉ ⵉⵅⴼⴰⵡⵏ ⵏⵏⵙⵏ.

ⴰⵡⵜⵜⴰⵙ ⵡⵉⵙⵙ ⵙⵉⵏ ⵏ ⵓⵙⵙⵥⵕⴼ ⴰⴷ ⵉⴳⴰ ⵜ ⴰⴷ ⵉⵍⵉⵏ ⵉⵙⵖⴰⵡⵙⴰⵜⵏ ⵏ ⵜⵓⵜⵜⵔⵉⵡⵉⵏ ⴳⴳⵓⵜⵏⵉⵏ ⵏ ⵜⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ ⵙ ⵓⵙⵖⵉⵡⵙ ⴷ ⵓⵙⵡⵓⴷⴷⵓ ⵏ ⵉⵙⵎⵏⵉⴷⵏ ⵏ ⵓⵙⵊⵊⵉ ⴷ ⵓⵙⵉⵜⵜⴳ ⵏ ⵜⵣⵎⵎⴰⵔ ⵜⵉⵏⴼⴳⴰⵏⵉⵏ, ⴼⴰⴷ ⴰⴷ ⵉⵍⵉⵏ ⵉⵙⵙⴰⵔⵓⵜⵏ ⵉⵎⴰⵢⵏⵓⵜⵏ ⵖ ⵜⵓⵙⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵜⴷⵓⵙⵉ, ⴷ ⵓⵙⵖⵓⴷⵓ ⵏ ⵡⴰⴷⴷⴰⴷ ⵏ ⵜⵡⵓⵔⵉⵡⵉⵏ ⴷ ⵓⵙⵙⵔⴱⵉ ⵏ ⵓⴱⵓⵖⵍⵓ ⴰⴷⵎⵙⴰⵏ.

ⵉⵙⴱⵔⵔⴽ ⵓⵙⴳⴱⴰⵔ ⵏ ⵍⴱⴰⵏⴽ ⵏ ⵍⵎⵖⵔⵉⴱ, ⴰⵛⵕⴰⴼ ⵃⴰⵙⴰⵏ ⵜⴰⵔⵙⵉⵎ ⵙ ⵓⵙⵙⵥⵕⴼ ⴰⴷ ⵢⵉⵏⵉ: "ⵏⴽⴽⵏⵯⵉ ⵖⵉⵍ ⴰⴷ ⴰⵔ ⵏⵜⵜⵃⵉⵢⵢⴰⵍ ⵉ ⵢⴰⵏ ⵡⴰⵔⴰⵢ ⵢⵓⵎⴰⵏ, ⵙ ⵓⵎⴷⵢⴰ, ⵔⴰⴷ ⵉⵙⵢⴰⴼⵓ ⵖ ⵓⵖⴰⵡⴰⵙ ⴰⴷ ⵢⴰⵏ ⴷ ⵎⵔⴰⵡ ⵏ ⵉⴷ ⵎⵍⵢⵓⵏ ⵏ ⵓⵎⴽⵔⴰⵣ, ⵖ ⴳⴰⵏ ⵉⴷ ⴱⴰⴱ ⵏ ⵉⵣⵔⴼⴰⵏ, ⵎⴽⵍⵍⵉ ⵔⴰⴷ ⵢⵉⵍⵉ ⵡⴰⵔⴰⵢ ⵏ ⵙⴰ ⵏ ⵉⴷ ⵎⵍⵢⵓⵏ ⵏ ⵡⴰⵣⵣⴰⵏ ⴷ ⵓⵄⵔⵔⵉⵎ. ⵎⴽⵍⵍⵉ ⵔⴰⴷ ⵢⴰⵡⵙ ⵓⵙⵙⵥⵕⴼ ⴰⴷ ⴳ ⵓⵙⴼⵍⵙ ⵏ ⵙⵎⵎⵓⵙ ⵉⴷ ⵎⵍⵢⵓⵏ ⵏ ⵓⵎⵙⵡⵓⵔⵉ ⵡⴰⵔ ⵜⵉⵖⵔⴰⴷ, ⵢⴰⵡⵙ ⵉ 20 % ⵏ ⵉⵎⵙⵡⵡⵢⵔⵉⵏ ⴳ ⵉⴳⵔⴰⵏ ⵍⵍⵉ ⵓⵔ ⵉⴳⵉⵏ ⵓⵏⵚⵉⴱⵏ ⴼⴰⴷ ⴰⴷ ⵎⴰⵜⵜⵉⵏ ⵙ ⵎⵎⵖⵔ ⵜⴰⵣⵣⵓⵍⵉⵏ ⵜⵓⵏⵚⵉⴱⵉⵏ ⴷ ⵜⵙⵓⵍⴰⵏⵉⵏ ⴷ ⵜⵉⵍⵍⵉ ⵖ ⵔⴰⴷ ⵖⴰⵎⴰⵏ". ⵙ ⵓⴹⴼⵕ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵏⴼⴳⴰⵏⵜ ⵖ ⵜⴳⵍⴷⵉⵜ, ⵉⴳⴰ ⵓⵚⵏⴼⴰⵕ ⴰⴷ ⵢⴰⵏ ⵖ ⵙⵎⵎⵓⵙ ⵉⵡⵜⵜⴰⵙⵏ ⵉⵙⵜⵔⴰⵜⵉⵊⵉⵢⵏ ⵏ ⵍⴱⴰⵏⴽ ⵎ, ⵡⵉⵍⵍⵉ ⵉⵡⴰⵜⵜⵙⵏ ⴰⴷ ⵙⵎⵙⴰⵙⴰⵏ ⴰⴷⴷⴰⴷⵏ ⵏ ⵓⴱⵓⵖⵍⵓ ⴰⵙⵓⵍⴰⵏ ⴷ ⵡⴰⴷ ⵢⵓⵎⴰⵏ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%99%E2%B5%99%E2%B5%A5%E2%B5%95%E2%B4%BC-%E2%B5%8F-87-%E2%B5%93%E2%B5%8E%E2%B5%8D%E2%B5%A2%E2%B5%93%E2%B5%8F-%E2%B5%93%E2%B5%95%E2%B5%93-%E2%B5%99%E2%B4%B3-%E2%B4%B7%E2%B4%B0%E2%B5%94-%E2%B5%8D%E2%B4%B1%E2%B4%B0%E2%B5%8F%E2%B4%BD-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%89%E2%B4%B0-%E2%B5%89-%E2%B5%9C%E2%B5%8F%E2%B4%BC%E2%B5%8D%E2%B5%89%E2%B5%9C-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%93%E2%B5%99%E2%B4%B7%E2%B5%93%E2%B5%99