Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵇⵇⵉⵎ ⵏ ⵉⵎⴰⵡⵙⴰⵙⵏ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵙⵇⵇⵉⵎ ⵏ ⵉⵎⴰⵡⵙⴰⵙⵏ

14 ⵢⵓⵍⵢⵓⵣ 2022 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⵢⴰⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵍⵍⵉⵖ ⵜⵜⵓⴹⴼⴰⵕⵏ ⵙⵉⵏ ⵉⵙⵏⵜⵉⵏ ⵏ ⵓⵙⵍⴳⵏ ⴰⵙⴰⵜⵉ, ⴷ ⵢⴰⵏ ⵓⵙⵏⵜⵉ ⵏ ⵓⵙⵍⴳⵏ, ⴷ ⵙⵉⵏ ⵉⵙⵏⵜⵉⵏ ⵏ ⵓⵎⵕⵚⵓⵎ ⴷ ⵎⵏⵏⴰⵡ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵎⴰ ⵢⴰⵏ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵎⵙⵉⵡⵍ ⵙ ⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ, ⵎⴰⵙⵙ ⵄⴱⴷⵍⵃⵇⵇ ⵍⵎⵔⵉⵏⵉ.

ⴳ ⵓⵙⵏⵜⵉ ⵏ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ,ⵉⵙⵎⵏⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⴼⴹ ⵕⴱⴱⵉ, ⵢⴰⵏ ⵓⴼⵙⴰⵔ ⵅⴼ ⵓⵙⵍⴳⵏ ⵏⵏⴰ ⵉⵣⴷⵉⵏ ⴷ ⵜⴷⵓⵙⵉ ⴳ ⵜⵎⴰⵣⵉⵔⵜ ⵏⵏⵖ ⵏⵏⴰ ⵉⵜⵜⵓⵙⵎⴰⵔⵏ ⵙ ⵜⵓⵎⵍⴰⵢⵉⵏ ⵜⵉⴳⵍⴷⴰⵏⵉⵏ ⴰⴼⴰⴷ ⴰⴷ ⵜⵜⵓⵔⴰⵔ ⵜⵖⴹⴼⵜ ⵉ ⵉⴳⵔ ⵏ ⵜⴷⵓⵙⵉ ⵜⴰⵏ, ⴰⵎⵓⵔⵜ ⴳ ⵓⵙⴰⵜⵉ ⵏ ⵓⵙⵏⴼⴰⵕ ⵏ ⵓⵣⵓⵣⵣⵔ ⵏ ⵡⴰⵔⴰⵢ ⴰⵏⴰⵎⵓⵏ ⵏⵏⴰ ⵅⴼ ⵉⴱⵉⴷⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

- ⵜⴰⵙⴰⵙⴽⵓⵜ ⵜⴰⵎⵣⵡⴰⵔⵓⵜ : ⴰⵙⵉⵣⴷⵉⴳ ⵏ ⵜⵎⵙⵜⴳⴳⴰⵔⵜ ⵜⴰⵎⴰⵜⴰⵢⵜ ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⴽⵓ ⵏ ⵜⵣⵎⵎⴰⵔ ⵏ ⵉⵎⵙⵜⴳⴳⴰⵔⵏ ⴷ ⵓⵙⴷⵓⵙ ⵏ ⵓⵏⴱⴱⵕ ⴰⵔⴰⴽⴰⵍ ⵏ ⵉⴳⵔ ⵏ ⵜⴷⵓⵙⵉ ⴳ ⴽⵉⴳⴰⵏ ⵏ ⵉⵙⵡⵉⵔⵏ.

- ⵜⵉⵙⵙ ⵙⵏⴰⵜ : ⵜⵙⴽⴰ ⵅⴼ ⵓⵙⴷⵓⵙ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ, ⵙⵍⴰⵡⴰⵏ ⴰⴽⴽⵯ ⴰⵙⴽⴽⵉⵔ ⵏ ⵓⵙⵍⴳⵏ ⵏ ⵓⵙⵡⵡⵓⵔⵉ ⴳ ⵉⴳⵔ ⵏ ⵜⴷⵓⵙⵉ ⴰⴼⴰⴷ ⴰⴷ ⵉⴱⵓⵖⵍⵓ ⴽⵉⴳⴰⵏ ⴷ ⵓⵙⴷⴷⵉⴷ ⵏ ⵉⵙⵙⵓⵜⵓⵔⵏ ⵏⵏⴰ ⵉⵍⵍⴰⵏ ⵖⵉⵍⴰⴷ ⴳ ⵉⴳⵔ ⴰⴷ ⵏⵏⴰ ⵉⵣⴷⵉⵏ ⴷ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵓⵙⵎⵓⵜⵜⴳ ⴷ ⵓⵏⵏⵓⵥⵎ ⵅⴼ ⵜⵣⵎⵎⴰⵔ ⵏ ⵉⵎⵙⴰⵙⴼⴰⵔⵏ ⵏ ⴱⵕⵕⴰ ⴷ ⴰⴼⴰⴷ ⴰⴷ ⴷ ⴰⵖⵓⵍⵏ ⵉⵎⵙⴳⵏⴰⴼⵏ ⵏ ⴱⵕⵕⴰ ⵙ ⵜⵎⴰⵣⵉⵔⵜ ⵏⵏⵖ.

- ⵜⵉⵙⵙ ⴽⵕⴰⴹⵜ : ⵜⵙⴽⴰ ⵅⴼ ⵓⵙⴰⵜⵜⵓⵢ ⵏ ⵉⴳⵔ ⴰⴷⵓⵙⴰⵏ, ⵙⴳ ⵉⵙⵙⵓⵜⵓⵔⵏ ⵏ ⵡⴰⵎⵓⵏ ⴰⵎⵖⵔⵉⴱⵉ,ⴰⴼⴰⴷ ⴰⴷ ⵜⵏⵢⵓⴷⴷⵓ ⵜⵏⴰⴼⵓⵜ ⵜⴰⴷⵓⵙⴰⵏⵜ ⴳ ⵡⴰⵎⵓⵏ ⵏⵏⵖ ⴰⴽⴽⵯ.

- ⵜⵉⵙⵙ ⴽⴽⵓⵚⵟ : ⵜⵙⴽⴰ ⵅⴼ ⵜⵉⵟⵟⴰⵏⵜ ⵏ ⵉⴳⵔ ⴰⴷⵓⵙⴰⵏ ⵙⴳ ⵓⵙⴽⴽⵉⵔ ⵏ ⵉⵏⵎⴰⵍⴰⵜⵏ ⵏ ⵜⵙⵏⵎⴰⵍⴰⵢⵜ ⴷ ⵓⵙⵎⵓⵏ ⵏ ⵜⵓⵎⵍⴰⵢⵉⵏ ⴰⴽⴽⵯ ⴳ ⵉⵏⵎⴰⵍⴰⵜⵏ ⵉⵍⵉⴽⵜⵕⵓⵏⵉⵏ.

ⴳ ⵓⵙⴰⵜⵉ ⵢⴰⴷ, ⵉⵙⵙⵎⵏⵉⴷ ⵓⵎⴰⵡⵅⵙⴰⵙ ⴰⵎⵙⵜⴳⴳⴰⵔ ⵙⴳ ⴷⴰⵔ ⵓⵏⵙⵙⵉⵅⴼ ⵏ ⵜⵎⵏⴹⴰⵡⵜ ⴰⵙⵙⴰⵜⵉⴳ ⵏ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ ⵙⴳ ⵓⵙⵎⵏⵉⴷ ⵏ ⵓⵙⵍⴳⵏ ⵏⵏⴰ ⵉⴳⴰⵏ ⵢⴰⵜ ⵜⵏⵜⵜⴰⵎⵜ ⵏ ⵓⵙⵙⵔⵏⵓ.

ⴰⵡⵜⵜⴰⵙ ⵏ ⵓⵙⵏⴼⴰⵔ ⴰⴷ ⴰⴷ ⵉⵙⴰⵜⵜⵓⵢ ⴰⵙⵡⵉⵔ ⵏ ⵓⵙⵙⵔⵏⵓ , ⵙⵍⴰⵡⴰⵏ ⴰⴽⴽⵯ ⴰⵢⵏⵏⴰ ⵉⵣⴷⵉⵏ ⴷ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⴳⵔ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ ⴰⴽⴽⵯ ⴷ ⵓⵙⴱⵓⵖⵍⵓ ⵏ ⵓⵙⵙⵔⵏⵓ ⴳ ⵉⴳⵔ ⴰⴷ.

ⴰⴼⴰⴷ ⴰⴷ ⵜⵜⵓⵙⴽⴰⵔⵏ ⵉⵡⵜⵜⴰⵙⵏ ⴰⴷ, ⵜⵜⵓⵙⵔⴰⵙ ⵢⴰⵜ ⵜⵎⴰⵎⴽⵜ ⵏ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⴷ ⵜⵙⵜⵕⴰⵜⵉⵊⵉⵢⵉⵏ ⵏⵏⵙⵏ, ⴷ ⵉⵏⵎⴰⵍⴰⵜⵏ ⵏ ⵡⴰⵏⵏⴰⵍ ⵏ ⵉⵙⵏⴼⴰⵕⵏ ⵉⵎⵥⵢⴰⵏⵏ ⴷ ⵉⵏⴰⵎⵎⴰⵙⵏ ⴷ ⵡⴰⵏⵏⴰⵍ ⵏ ⵜⵙⵏⵜⵓⵜⵉⵏ ⵜⵉⵎⵖⵔⵉⴱⵉⵢⵢⵉⵏ ⴰⴼⴰⴷ ⴰⴷ ⵉⴱⵓⵖⵍⵓ ⵉⴳⵔ ⴰⴷ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ.

ⵉⵙⵙⴳⵎⴹ ⵓⵙⵇⵇⵉⵎ ⴰⵏⵖⵍⴰⴼ ⴼ ⵉⵙⵏⴼⴰⵕⵏ ⴰⴷ ⵏⵏⴰ ⵉⵣⴷⵉⵏ ⴷ ⵓⵏⵎⴰⵍⴰ ⴰⴷⵓⵙⴰⵏ ⴰⵏⴰⵎⵓⵔ ⴷ ⵡⴰⵍⵍⵉ ⵉⴳⴰⵏ ⴰⵎ ⵜⴰⵏⵜⵜⴰⵎⵜ ⵏ ⵓⵙⵙⵔⵏⵓ.

ⵎⴽⵍⵍⵉ ⵉⵙⵙⴳⵎⴹ ⵅⴼ ⵙⵉⵏ ⵉⵙⵏⴼⴰⵕⵏ ⵢⴰⴹⵏⵉⵏ ⵎⵎⴷⴼⴰⵕⵏⵉⵏ :

- ⴰⵙⵏⴼⴰⵔ ⵉⵥⵍⵉⵏ ⵙ ⵓⵍⵓⴼⵏ ⴷ ⵉⴳⵯⵣⵎⴰⵏ ⵏⵏⵙⵏ ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵖⵓⴷⵓ ⵏ ⵓⵏⵎⴰⵍⴰ ⵏ ⵉⵙⵍⴳⴰⵏⵏ ⵉⵣⴷⵉⵏ ⴷ ⵓⵙⵎⵔⵙ ⴰⵎⴰⴷⴰⵏ ⵏ ⵓⵍⵓⴼⵏ.

- ⴰⵙⵏⴼⴰⵕ ⵢⴰⴹⵏ ⵉⵣⴷⵉ ⴷ ⵓⵙⵍⴳⵏ ⵏ ⵓⴳⴳⵉⵡⵙ ⵏ ⵜⵖⴰⵡⵙⵉⵡⵉⵏ ⵏⵏⴰ ⵜⵜⵓⵙⵎⵔⴰⵙⵏⵉⵏ ⵙⴳ ⴷⴰⵔ ⵡⴰⵎⵓⵏ ⴷ ⵉⵙⵔⴷⴰⵙ ⴷ ⵜⵏⴰⴼⵓⵜⵉⵏ ⴷⵉⵙⵏ ⵉⵣⴷⵉⵏ.

- ⴰⵙⵏⴼⴰⵕ ⵏⵏⴰ ⵉⵣⴷⵉⵏ ⵙ ⵉⵎⵙⵜⴳⴳⴰⵔⵏ ⵉⵙⵔⴷⴰⵙ ⴷ ⵉⵎⴰⵡⴰⵙⵏ ⵏⵏⵙⵏ ⵏⵏⴰ ⴷⴰⵔⵙⵏ ⵉⵙⵡⵡⵓⵔⵉⵏ, ⴰⵡⵜⵜⴰⵙ ⵏⵏⵙ ⵉⴳⴰⵜ ⵓⵙⴽⴽⵉⵔ ⵏ ⵜⵎⵍⴷⴰ ⵏ ⵢⴰⵏ ⵓⵎⵙⵜⵜⴳⴳⴰⵔ ⴰⵙⵔⴷⴰⵙ ⵙⴳ ⴷⴰⵔ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵍⵀⵉⵏⴷ ⴷ ⵜⵎⴰⵣⵉⵔⵜ ⵏ ⵜⵓⵕⴽⵢⴰ.

ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵔⴰⵜⵙⴰ ⵏ ⵓⵎⵢⴰⵡⴰⵙ ⴷ ⵜⴷⵔⴰⵡⵉⵏ ⵏⵏⴰ ⵉⵙⵎⵓⵏⵏ ⵍⵎⵖⵔⵉⴱ ⴷ ⵜⵎⵉⵣⴰⵔ ⵢⴰⴹⵏ,ⵉⵙⵙⴳⵎⴹ ⵓⵙⵇⵇⵉⵎ ⵓⵏⴱⵉⴹ ⵅⴼ ⵙⴹⵉⵙ ⴷ ⵎⵔⴰⵡ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ, ⵙⴳ ⴳⵉⵙⵏⵜ ⵜⵥⴰⵜ ⵜⵓⵙⵍⵉⴳⵉⵏ ⴷ ⵙⴰⵜ ⵎⵓ ⵎⵢⴰⵏⴰⵡⵏ ⵉⵎⵏⴰⴷⵏ.

ⵖⵉⴽ ⵍⵍⵉ ⵢⵏⵏⴰ ⴰⵎⴰⵔⵉ ⵡⵉⵙⵙ 49 ⵏ ⵓⴷⵓⵙⵜⵓⵔ, ⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, 

ⴷ ⵙ ⵜⵙⵏⵜⴰⵢⵜ ⵏ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ:

- ⵎⴰⵙⵙ ⵅⴰⵍⵉⴷ ⵙⴰⴼⵉⵔ, ⴰⴷ ⵉⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵇⵇⵉⵎⵜ ⵏ ⵓⵙⵔⵔⵓⵙ ⴷ ⵓⵙⵡⵓⴷⴷⵓ

- ⵎⴰⵙⵙ ⵄⴱⴷⵍⵍⵟⵉⴼ ⵣⵖⵏⵓⵏ, ⴰⴷ ⵉⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵔⴰⵜⵉⵊⵉ ⵏ ⵉⴼⵕⵕⵓⵏ ⵏ ⵓⵡⴰⵏⴽ ⴷ ⵓⴹⴼⵕ ⵏ ⵜⵕⵡⵉ ⵏ ⵜⵖⴰⵡⵙⴰ ⵏ ⵜⵎⵔⵙⵍⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⴳⴷⵓⴷⴰⵏⵉⵏ

ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵏⴼⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵡⵉⵏ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ:

- ⵎⴰⵙⵙ ⵏⵓⵕⴷⴷⵉⵏ ⴱⵓⵟⵢⵢⴱ, ⴰⴷ ⵉⴳⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵜⴰⵎⴳⵔⵓⵜ ⵏ ⵓⵕⵟⵟⴰⵍ ⴰⵏⴼⵍⴰⵃ ⵏ ⵍⵎⵖⵔⵉⴱ

- ⵎⴰⵙⵙ ⵄⴱⴷⵕⵕⴰⵃⵉⵎ ⵀⵓⵎⵉ, ⴰⴷ ⵉⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵎⴰⵏ ⵏ ⵜⴳⴰⵏⵉⵡⵉⵏ

ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⴰⴳⴳⴰⵔⵜ ⴷ ⵓⵙⵜⴰⵍ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵄⵍⵉ ⵙⴷⴷⵉⵇⵉ ⴰⴷ ⵉⴳ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵜⴳⵎⵉ ⵏ ⵉⵙⵙⴰⵔⵓⵏ ⴷ ⵉⵙⵉⴼⴰⴹ.

ⵍⵍⵉⵖ ⵉⵜⵜⵎⵎⴰ ⵡⵙⵇⵇⵉⵎ, ⵉⵙⴽⵔ ⵓⵎⴰⵡⵙⴰⵙ ⵏ ⵓⴳⵏⵙⵓ ⵢⴰⵜ ⵜⵏⴽⴷⴰ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵣⴷⵉⵏ ⴷ ⵉⵙⵡⵓⴷⴷⵓⵏ ⵍⵍⵉ ⵢⵜⵜⵓⵙⴽⴰⵔⵏ ⵙ ⵓⵣⵣⴳⵉⵔ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉⴳⴳⵔⵏ ⵉ ⵓⵙⵏⵎⴰⵍⴰ ⵏ ⵜⴳⵔⴰⵡⵜ ⵜⵓⴷⴰⵢⵜ ⵜⵎⵖⵔⴰⴱⵉⵜ.

ⵉⴳⴰ ⵍⵃⴰⵍ ⴰⵙⵇⵇⵉⵎ ⴰⵏⴰⵎⵓⵔ ⵏ ⵜⴳⵔⴰⵡⵜ ⵜⵓⴷⴰⵢⵜ ⵜⵎⵖⵔⴰⴱⵉⵜ, ⴷ ⵓⴳⵔⴰⵡ ⵏ ⵓⴷⴰⵢⵏ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⴷ ⵜⵎⵔⵙⵍⵜ ⵏ ⵓⵙⴳⴷ ⵓⴷⴰⵢ ⴰⵎⵖⵔⴰⴱⵉ.

 

Dernière modification : 15 ⵢⵓⵍⵢⵓⵣ 2022
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%8F