ⵎⴰⵙⵙ ⴱⵓⵕⵉⵟⴰ ⵉⵎⵔⴰⵔⴰ ⴰⵡⴰⵍ ⴷ ⵓⵎⴰⵣⴰⵏ ⴰⵏⵉⵎⴰⵏ ⵏ ⵜⵎⵜⵜⴰ ⵉⵎⵓⵏⵏ ⵉ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ

07 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⵉⵙⴽⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⴰⵣⴰⵏ ⴰⵏⵉⵎⴰⵏ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⵎⴰⵙⵙ ⵙⵜⴰⴼⴰⵏ ⴷⵉ ⵎⵉⵙⵜⵓⵔⴰ.

ⵉⵏⵏⴰ ⵓⵙⵉⵡⴹ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵣⴷⵖⵏⵉⵏ ⴳ ⴱⵕⵕⴰ ⵎⴰⵙⴷ ⴰⵎⵔⴰⵔⴰ ⴷⴷⵅ ⵏ ⵡⴰⵡⴰⵍ ⵏⵏⴰ ⵉⵜⵜⵓⴳⴰⵏ ⵙ ⵜⵉⵍⵉⵜ ⵏ ⵓⵎⴰⵣⴰⵍ ⵉⵙⵓⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵔ ⵜⵎⵜⵜⴰ ⵉⵎⵓⵏⵏ ⵎⴰⵙⵙ ⵄⵓⵎⴰⵕ ⵀⵉⵍⴰⵍ.

ⵙ ⵜⵎⵍⴷⴰ ⵢⴰⴷ, ⵉⵙⵙⴽⵯⵜⵉ ⵓⴷⵡⴰⵍ ⴰⵎⵖⵔⵉⴱⵉ ⴰⵡⵏⵏⵉ ⵏ ⵍⵎⵖⵔⵉⴱ, ⵎⴽⵍⵍⵉ ⵉⵙⵎⴰⵢⵏⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵅⴼ ⵓⵙⵙⵖⵥⵏ ⴳ ⵉⵏⴰⵡ ⴰⴳⵍⴷⴰⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 46 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⴳ 6 ⵏⵓⵡⴰⵏⴱⵉⵔ 2021 ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴼ ⵜⵙⵏⵜⴰⵢⵜ ⵏ ⵓⵙⵏⴱⴹ ⴰⵏⵉⵎⴰⵏ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⴰⵜⵜⵓⵢⵜ ⵜⴰⵏⴰⵎⵓⵔⵜ ⵉ ⵜⴰⵎⵓⵏⵜ ⵜⴰⵔⴰⴽⴰⵍⵜ ⵏ ⵜⴳⵍⴷⵉⵜ.

ⵎⴽⵍⵍⵉ ⵉⵏⵏⴰ ⵓⵙⵉⵡⴹ ⵎⴰⵙⴷ ⵍⵎⵖⵔⵉⴱ ⵉⵎⵢⴰⵎⴰⵥ ⵙⵓⵍ ⴷ ⵓⴼⵙⵙⴰⵢ ⴰⵙⵔⵜⴰⵏ ⵙⴳ ⵓⵙⵍⴳⵏ 2602, ⵏⵏⴰ ⵉⵙⴽⴰⵏ ⵅⴼ ⵓⵎⵙⴰⵙⴰ ⵏⵏⴰ ⵉⵍⵍⴰⵏ ⴳ ⵎⴰⴷ ⵉⵥⵍⵉⵏ ⵙ ⵜⵓⵎⴰⵏⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%8E%E2%B4%B0%E2%B5%99%E2%B5%99-%E2%B4%B1%E2%B5%93%E2%B5%95%E2%B5%89%E2%B5%9F%E2%B4%B0-%E2%B5%89%E2%B5%8E%E2%B5%94%E2%B4%B0%E2%B5%94%E2%B4%B0-%E2%B4%B0%E2%B5%A1%E2%B4%B0%E2%B5%8D-%E2%B4%B7-%E2%B5%93%E2%B5%8E%E2%B4%B0%E2%B5%A3%E2%B4%B0%E2%B5%8F-%E2%B4%B0%E2%B5%8F%E2%B5%89%E2%B5%8E%E2%B4%B0%E2%B5%8F-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%89-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C