ⵜⵕⵥⵎ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⴰⵏⵣⵡⴰⵢ ⵏⵏⵙ ⵏ ⵓⵥⴰⵡⴰⵏ ⴰⵎⴰⵢⵏⵓ ⴳ ⵍⴰⵏⵜⵉⵔⵏⵉⵜ ⵉⵥⵍⵉⵏ ⵙ ⵜⵥⵓⵔⵉ ⵏ ⴳⵏⴰⵡⴰ ⴷⴷⵓ ⵉⵙⵎ "ⵙⵙⴰⵎⴰⵡⵉ"

06 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⵜⵕⵥⵎ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⴰⵏⵣⵡⴰⵢ ⵏⵏⵙ ⵏ ⵓⵥⴰⵡⴰⵏ ⴰⵎⴰⵢⵏⵓ ⴳ ⵍⴰⵏⵜⵉⵔⵏⵉⵜ ⵉⵥⵍⵉⵏ ⵙ ⵜⵥⵓⵔⵉ ⵏ ⴳⵏⴰⵡⴰ ⴷⴷⵓ ⵉⵙⵎ "ⵙⵙⴰⵎⴰⵡⵉ", ⵎⴰⵢⴰⴷ ⴰⵔ ⵉⵎⵎⴰⵍ ⴰⴱⵔⵉⴷ ⵉⵖⵓⴷⴰⵏ ⵍⵍⵉ ⵜⵓⵎⵥ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵍⵍⵉ ⵉⵔⴰⵏ ⴰⴷ ⵜⵙⵙⵉⴳⵓⵜ ⵜⵉⵢⴰⴼⵓⵜⵉⵏ ⵏⵏⵙ ⵜⵉⴷⵍⵙⴰⵏⵉⵏ.

ⴰⵏⵣⵡⴰⵢ ⴰⴷ ⵉⵥⴹⴰⵕ ⵓⵎⵙⵙⴼⵍⵉⴷ ⴰⴷ ⴰⵙ ⵉⴽⵛⵎ ⵙ ⵓⵣⴷⴰⵢ ⴰⵍⵉⴽⵜⵔⵓⵏⵉ "https://www.radiognaoua.ma" ⵙⴳ ⵜⵉⵍⵉⴼⵓⵏⴰⵜ ⵙ ⵜⵉⵙⵏⵙⵉ ⵍⵍⵉ ⵉⵜⵜⵢⴰⵡⵥⴹⴰⵕ ⴰⴷ ⵉⵜⵜⵔⵙ ⴳ "ⴱⵍⴰⵢ ⵙⵜⵓⵔ" ⴷ "ⴰⴱⵍ ⵙⵜⵓⵔ".

ⵜⵍⵍⴰ ⴷⴰⵔ ⵜⴰⴳⵏⴰⵡⵉⵜ ⴳ ⵉⵙⴳⴳⴰⵙⵏ ⵉⴳⵔⴰⵏ ⵢⴰⵏ ⵡⴰⴷⴷⵓⵔ ⴷ ⵓⴳⴷⵓⴷ ⴳ ⵓⵎⴰⴹⴰⵍ ⵙ ⵜⵉⵡⵉⵣⵉ ⵏ ⵓⵏⵎⵓⴳⴳⴰⵔ ⵏ ⴳⵏⴰⵡⴰ ⵏ ⵚⵚⵡⵉⵕⴰ ⵙⵍⴰⵡⴰⵏ ⴰⴽⴽⵯ.

ⵙ ⵓⵏⵣⵡⴰⵢⴰ ⴰⴷ ⴰⵎⴰⵢⵏⵓ ⵜⵙⵙⴼⵓⴳⵍⴰ ⵜⵙⵏⵓⵔⴰⵢⵜ ⵜⴰⵎ,ⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵙ ⵓⵥⴰⵡⴰⵏ ⴰⴷ ⵍⵍⵉⵜ ⵉⴽⴽⴰⵏ ⴰⵔⴰ ⵜⵉⴷⵔⴼⵉ ⵏ ⵉⵏⴰⵡ ⵏ ⵉⵙⵎⴳⴰⵏ ⵍⵍⵉ ⵉⵍⵍⴰⵏ ⴳ ⵜⴰⵙⴳⴰ ⵏ ⵉⴼⴼⵓⵙ ⵏ ⵚⵚⵃⵕⴰ ⵜⴰⵎⵇⵕⴰⵏⵜ ⵍⵍⵉ ⵉⴽⵛⵎⵏ ⵍⵉⵙⵍⴰⵎ ⴳ ⵡⴰⴽⴰⵍ ⵏ ⵍⵎⵖⵔⵉⴱ.

ⴰⵙⵙⴰ ⵜⵙⵙⵏ ⵜⴷⵍⵙⴰ ⵢⴰⴷ ⵍⵍⵉ ⵉⵖⵍⵉⵏ ⵙ ⵓⴼⵍⵍⴰ ⴰⵛⴽⵓ ⵜⵜⵢⴰⵡⵔⴰⵎ ⵅⴼ ⵓⵎⴰⴹⴰⵍ ⵜⴳⴰ ⵙⵖⵎⴽⴰⴷ ⵜⴰⴳⵔⴰⵖⵍⴰⵏⵜ ⵜⵉⵡⵉⴷ ⵉⵏⴰⵥⵓⵕⵏ ⵉⴳⴳⵓⵜⵏ ⵙⵍⴰⵡⴰ, ⴰⴽⴽ ⵎⵉⵔⵉⴽⴰⵏⵉⵏ ⵍⵍⵉ ⴷⴰⵔ ⵉⵥⵓⵕⴰⵏ ⵏ ⵉⴼⵔⵉⵇⵢⴰ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%95%E2%B5%A5%E2%B5%8E-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%9C-%E2%B5%8F-%E2%B5%89%E2%B5%8F%E2%B5%96%E2%B5%8E%E2%B5%89%E2%B5%99%E2%B5%8F-%E2%B4%B0%E2%B5%8F%E2%B5%A3%E2%B5%A1%E2%B4%B0%E2%B5%A2-%E2%B5%8F%E2%B5%8F%E2%B5%99-%E2%B5%8F-%E2%B5%93%E2%B5%A5%E2%B4%B0%E2%B5%A1%E2%B4%B0%E2%B5%8F-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B4%B3-%E2%B5%8D%E2%B4%B0%E2%B5%8F%E2%B5%9C%E2%B5%89%E2%B5%94%E2%B5%8F%E2%B5%89%E2%B5%9C-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99