Published on MAPNews (https://www.mapnews.ma/am)

Accueil > ⵜⴰⵏⵣⵔⵓⴼⵜ: ⴰⵙⵇⵇⵉⵎ ⵏ ⵜⵏⴼⵔⵓⵜ ⴰⴳⵔⴰⵖⵍⴰⵏ ⵉⴼⵙⵔ ⵜⴰⵎⵔⴰⵔⵓⵜ ⵏ ⵓⵎⴰⵣⴰⵏ ⵄⵓⵎⴰⵕ ⵀⵉⵍⴰⵍ ⵅⴼ ⴷⴷⵣⴰⵢⵔ

ⵜⴰⵏⵣⵔⵓⴼⵜ: ⴰⵙⵇⵇⵉⵎ ⵏ ⵜⵏⴼⵔⵓⵜ ⴰⴳⵔⴰⵖⵍⴰⵏ ⵉⴼⵙⵔ ⵜⴰⵎⵔⴰⵔⵓⵜ ⵏ ⵓⵎⴰⵣⴰⵏ ⵄⵓⵎⴰⵕ ⵀⵉⵍⴰⵍ ⵅⴼ ⴷⴷⵣⴰⵢⵔ

04 ⵢⵓⵍⵢⵓⵣ 2022 Version Imprimable
ⵏⵢⵓⵢⵓⵕⴽ - ⵉⵣⵓⵣⵣⵔ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ, ⵜⴰⵏⴼⵓⵍⵜ ⵜⵓⵏⵚⵉⴱⵜ, ⵍⵍⵉ ⵢⴳⴰⵏ ⵜⴰⵎⵔⴰⵔⵓⵜ ⵖ ⵍⵍⴰⵏ ⴽⴽⵓⵥ ⵉⴼⵔⴷⵉⵙⵏ ⵉⵙⵉⵍⴰⵏⵏ ⵉ ⵓⵎⴰⵣⴰⵏ ⵄⵓⵎⴰⵕ ⵀⵉⵍⴰⵍ, ⴰⵙⴳⴱⴰⵔ ⴰⵙⵓⵍⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵔ ⵜⵎⵜⵜⵉⵏ ⵎⵓⵏⵏⵉⵏ ⵖ ⵏⵢⵓⵢⵓⵕⴽ, ⵍⵍⵉ ⵉⵙⵙⴼⵔⴰ ⵜⴰⴱⵔⴰⵜ ⵏ ⵜⴽⵔⴽⴰⵙ ⵏ ⵓⵎⴰⵣⴰⵏ ⵏ ⴷⴷⵣⴰⵢⵔ ⴷⴰⵔ ⵜⵎⵜⵜⵉⵜⵏ ⵎⵓⵏⵏⵉⵏ, ⵏⴰⴷⵉⵔ ⵍⵄⵕⴱⴰⵡⵉ, ⵖ 09 ⵢⵓⵏⵢⵓ 2022.

ⵢⴰⵏ ⵉⴼⵙⵙⵉ ⴰⵎⴽⵏⴰⴷ ⵏ ⵓⵎⴰⵣⴰⵏ ⴰⴷⵣⴰⵢⵔⵉ

ⵉⵙⴽⵔ ⵎⴰⵙⵙ ⵀⵉⵍⴰⵍ ⴳ ⵜⴱⵔⴰⵜⵜ ⵏⵏⵙ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⵢⴰⵏ ⵓⴳⵓⵢ ⵉ ⵉⴼⵙⵜⵉ ⵏ ⵓⵎⴰⵣⴰⵏ ⵏ ⴷⴷⵣⴰⵢⵔ ⵅⴼ ⴽⵉⴳⴰⵏ ⵏ ⵜⵓⵎⵍⴰⵢⵉⵏ ⵓⵔ ⵉⴳⵉⵏ ⵜⵉⴷⵜ ⵏⵏⴰ ⵉⵣⴷⵉⵏ ⴷ ⵓⵍⵓⴼ ⴷ ⵜⵖⵡⵡⴰⵖⵜ ⴷ ⵉⵜⴳⴰⵔⵏ ⵏⵏⵙ ⴷⴰⵔ ⴰⵢⵜ ⴱⵓⵍⵓⵣⴰⵕⵢⵓ, ⵓⵍⴰ ⴰⵏⵏⴰⵍ ⵍⵍⵉ ⵜⴼⴽⴰ ⴷⴷⵣⴰⵢⵔ ⵉ ⵚⵍⵟⴰⵏⴰ ⵅⵢⵢⴰ ⴷ ⵎⵏⵏⴰⵡ ⵏ ⵜⵉⴷⴷⴰⵜⵉⵏ ⵉⵎⵍⴰⵏ ⵜⴰⵎⵙⵜⴳⴳⴰⵔⵜ ⵜⵓⵙⵔⵉⴷⵜ ⵏ ⴷⴷⵣⴰⵢⵔ ⴳ ⵜⵖⴰⵡⵙⵉⵡⵉⵏ ⵍⵍⵉ ⴰⵔ ⵜⵙⴽⴰⵔ ⵜⴰⵎⵏⴳⵉⵔⵉⵜ ⴰⴷ.

 

ⵜⴳⴰ ⴷⴷⵣⴰⵢⵔ ⵜⴰⴼⵓⵍⵜ ⴳ ⵓⵎⵏⵣⴰⵖ ⴰⴷ

ⵜⴳⴰ ⵜⵎⵔⴰⵔⵓⵜ ⵏ ⵓⵎⴰⵣⴰⵏ ⴰⵎⵖⵔⵉⴱⵉ ⵅⴼ ⵎⴰⴷ ⵉⵣⵍⵉⵏ ⵙ ⵉⵡⵏⵏⴰⵏ ⵏ ⵓⵎⴰⵣⴰⵏ ⵏ ⴷⴷⵣⴰⵢⵔ, ⴼ ⵜⵎⴰⵙⴰⵢⵜ ⵏ ⵓⵏⵙⵙⵉⵅⴼ ⵏ ⴷⴷⵣⴰⵢⵔ ⴳ ⵉⵎⵓⴽⵔⵉⵙⵏ ⵏⵏⴰ ⵉⵍⵍⴰⵏ ⴳ ⵜⵏⴰⴹⵜ ⴰⵏⵏ ⵙⴳ ⵓⵙⴳⴳⵯⴰⵙ ⵏ 1975 ⴰⵔ ⴰⵙⵙ ⴰⴷ, ⵍⵍⵉⵖ ⵉⴼⴽⴰ ⴽⵔⴰ ⵏ ⵜⵎⵔⴰⵔⵓⵜⵉⵏ ⵙ ⵉⵙⵔⴰⴳⵏ ⵏⵏⴰ ⴳⴰⵏⵉⵏ ⵡⵉⵏ ⵜⵉⴷⵜ ⵅⴼ ⵡⴰⴷⴷⴰⴷ ⵏⵏⴰ ⵜⵜⵉⴷⵉⵔ ⵜⵎⵏⴰⴷⵜ ⴰⴷ.

 

ⴰⵏⵅⵉⴱⴱⵍ ⵏ ⵜⵣⴷⴰⵢⵉⵏ ⵏ ⴷⴷⵣⴰⵢⵔ ⵎⵏⵉⴷ ⵏ ⵜⵙⵔⵜⵉⵜⵉⵏ

ⵎⴽⵍⵍⵉ ⵉⵙⴽⵔ ⵎⴰⵙⵙ ⵍⵀⵉⵍⴰⵍ ⵢⴰⵏ ⵓⴼⵙⴰⵔ ⵏ ⵓⵏⵇⵇⵉⵙ ⵏ ⵜⵉⴷⵜ ⴷ ⵜⴰⵍⵍⵉ ⵉⴳⴰⵏ ⵎⴳⴰⵍ ⵏ ⵉⵡⵏⵏⴰⵏ ⵏ ⵓⵎⴰⵣⴰⵏ ⵏ ⴷⴷⵣⴰⵢⵔ ⴳ ⵎⴰⴷ ⵉⵣⵍⵉⵏ ⵙ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.

 

ⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⴷⴷⵣⴰⵢⵔ ⵓⵔ ⵖⵉⵏ ⴰⴷ ⵜⵜⵓⵙⵎⵣⴰⵣⴰⵍⵏ ⴳ ⵎⴰⴷ ⵉⵥⵍⵉⵏ ⵙ ⵡⵉⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ

ⴳ ⵎⴰⴷ ⵉⵣⵍⵉⵏ ⵙ ⵜⵖⵡⵡⴰⵖⵜ ⵎⵏⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵡⵏⵏⴰⵏ ⵏⵏⴰ ⵉⴼⵙⵔ ⵓⵎⴰⵣⴰⵏ ⵏ ⴷⴷⵣⴰⵢⵔ ⴳ ⵎⴰⴷ ⵉⵣⵍⵉⵏ ⵙ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵍⵍⵉⵖ ⵉⵖⵔⴰ ⵉ ⵜⵎⴰⴳⵔⴰⵡⵜ ⵏ -ⵍⵎⵉⵏⵓⵕⵙⵓ- ⴰⴼⴰⴷ ⴰⴷ ⵜⵙⴽⵔ ⴰⵏⵇⵇⵉⵙ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵢⴷⴰ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ , ⴷⴼⴼⵉⵔ ⵍⵍⵉⵖ ⵉⵙⴽⵔ ⵎⴰⵙⵙ ⵀⵉⵍⴰⵍ ⵢⴰⵜ ⵜⴽⵛⵛⵓⵎⵜ ⵏⵏⵙ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⴳ ⵜⵎⵜⵜⴰ ⵉⵎⵓⵏⵏ, , ⵉⵏⵏⴰ ⵎⴰⵙⴷ ⴰⵙⵇⵇⵉⵎ ⵉⵙⴽⵔ ⵙ ⵜⵓⵎⵍⴰⵢⵉⵏ ⵏ ⵓⵏⵇⵇⵉⵙ ⵏ 2011, ⵉⵙⵏⵓⴱⴳ ⴰⵡⴷ ⵙ ⵜⵙⵏⵜⴰⵢⵉⵏ ⵏⵏⴰ ⵉⵙⴽⵔ ⵍⵎⵖⵔⵉⴱ, ⴷ ⵜⵉⵍⴰⵍ ⵏ ⵓⵙⵇⵇⵉⵎ ⴳ ⵜⵖⵔⵎⵉⵏ ⵏ ⴷⴷⴰⵅⵍⴰ ⴷ ⵍⵄⵢⵓⵏ ⴳ ⵎⴰⴷ ⴰⴽⴽⵯ ⵉⵣⴷⵉⵏ ⴷ ⵉⵜⴳⴰⵔⵏ ⵏ ⵓⵙⴽⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B4%B0%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%89%E2%B4%BC%E2%B5%99%E2%B5%94-%E2%B5%9C%E2%B4%B0%E2%B5%8E%E2%B5%94%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%8E%E2%B4%B0%E2%B5%A3%E2%B4%B0%E2%B5%8F-%E2%B5%84%E2%B5%93%E2%B5%8E%E2%B4%B0%E2%B5%95-%E2%B5%80%E2%B5%89%E2%B5%8D%E2%B4%B0%E2%B5%8D-%E2%B5%85%E2%B4%BC-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94