ⵉⵙⵙⵔⵖⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵏⵙⵙⵉⵅⴼ ⵏ ⵎⵉⵔⵉⴽⴰⵏ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵜⴰⵏⴰⵎⵓⵔⵜ ⵏ ⵜⵎⴰⵣⵉⵔⵜ ⵏⵏⵙ

04 ⵢⵓⵍⵢⵓⵣ 2022 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴱⵔⴰⵜⵜ ⵏ ⵓⵙⵔⵖⵓⴷ ⵉ ⵎⴰⵙⵙ ⵊⵓⵥⵉⴼ ⵕⵓⴱⵉⵏⵉⵜ ⴱⴰⵢⴹⵏ, ⴰⵏⵙⵙⵉⵅⴼ ⵏ ⵜⵎⴰⵣⵉⵔⵜ ⵏ ⵉⵡⴰⵏⴽⵏ ⵉⵎⵉⵔⵉⴽⴰⵏⵉⵢⵏ ⵉⵎⴰⵏⵏ, ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵏ ⵜⵎⴰⵣⵉⵔⵜ ⵏⵏⵙ ⵙ ⵜⴼⵓⴳⵍⴰ ⵏⵏⵙ ⵜⴰⵏⴰⵎⵓⵔⵜ.

ⴳ ⵓⵎⵏⵉⴷ ⴰⴷ ⵉⵣⴷⵉⵏ ⴷ ⵜⴱⵔⴰⵜ ⴰⴷ, ⵉⵙⵔⵖⴷ ⴱⴰⴱ ⵏ ⵡⴰⴷⴷⵓⵔ ⵙ ⵉⵙⵎ ⵏⵏⵙ ⴷ ⵉⵙⵎ ⵏ ⵓⵖⵔⴼ ⴰⵎⵖⵔⵉⴱⵉ ⵙ ⵉⵙⵔⵖⵓⴷⵏ ⵉⴷⵓⵙⵏ ⵙ ⵜⵎⵍⴷⴰ ⴰⴷ ⵏ ⵜⴼⵓⴳⵍⴰ ⵜⴰⵏⴰⵎⵓⵔⵜ ⵏ ⵜⵎⵜⵜⴰ ⵉⵎⵓⵏⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜⵜ ⴰⴷ ⵎⴰⵙ ⵍⵍⴰⵏⵜ ⴽⵉⴳⴰⵏ ⵏ ⵜⵣⴷⴰⵢⵉⵏ ⵏⵏⴰ ⵢⵙⵎⴰⵏⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ, ⵜⵉⵣⴷⴰⵢⵉⵏ ⴰⴷ ⵏⵏⴰ ⵉⴳⴰⵏ ⵜⵉⵎⵣⵔⵓⵢⴰⵏⵉⵏ, ⴷ ⵓⵎⵢⴰⵡⴰⵙ ⵏⵏⴰ ⵉⵙⴽⴰⵏ ⴳⵔ ⵜⵎⵉⵣⴰⵔ ⴰⴷ ⵙ ⵙⵏⴰⵜ ⵓⵍⴰ ⵜⵉⵙⵜⵕⴰⵜⵉⵊⵉⵢⵢⵉⵏ ⵏⵏⴰ ⵉⵍⵍⴰⵏ ⴳ ⵓⵙⵡⵉⵔ ⵏ ⵉⵙⵙⵓⵜⵓⵔⵏ ⵏ ⵜⵎⵉⵣⴰⵔ ⴰⴷ ⵙ ⵙⵏⴰⵜ.

ⵎⴽⵍⵍⵉ ⵉⵙⵎⴰⵢⵏⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵜⴰⵣⵎⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵜⵎⵢⴰⵡⴰⴷ ⵜⵎⵢⴰⵡⴰⵙ ⴷ ⵜⵎⴰⵣⵉⵔⵜ ⵏ ⵜⵎⵜⵜⴰ ⵉⵎⵓⵏⵏ ⴳ ⴽⵉⴳⴰⵏ ⵏ ⵜⵎⵍⴷⵉⵡⵉⵏ ⵢⵉⵔⵉ ⴰⵡⴷ ⴰⴷ ⵉⵙⵙⴷⵓⵙ ⵉⵣⴰⵢⴷ ⴳ ⵜⵣⴷⴰⵢⵉⵏ ⴳⵔⴰⵜⵙⵏ ⴰⴼⴰⴷ ⴰⴷ ⵉⴷⵓⵙ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ ⴰⴽⴽⵯ.

Dernière modification : 04 ⵢⵓⵍⵢⵓⵣ 2022

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%94%E2%B5%96%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%99-%E2%B5%9C%E2%B5%8E%E2%B5%8D%E2%B4%B7%E2%B4%B0-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94%E2%B5%9C-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C