Published on MAPNews (https://www.mapnews.ma/am)

Accueil > ⵜⴰⴷⵉⴽⵜⴰⵜⵓⵔⵉⵜ ⵜⴰⵙⵔⴷⴰⵙⵜ,ⵡⴰⵔ ⵉⵎⵙⴰⵙⴰⵏ, ⴰⴷ ⵉⴳⴰⵏ ⵉⵙⵔⴰⴳⵏ ⵏ ⵜⴰⵙⵙⴰⵙⵜ ⵏ ⴷⴷⵣⴰⵢⵔ ( ⵜⴰⵣⵡⴰⵔⵜ )

ⵜⴰⴷⵉⴽⵜⴰⵜⵓⵔⵉⵜ ⵜⴰⵙⵔⴷⴰⵙⵜ,ⵡⴰⵔ ⵉⵎⵙⴰⵙⴰⵏ, ⴰⴷ ⵉⴳⴰⵏ ⵉⵙⵔⴰⴳⵏ ⵏ ⵜⴰⵙⵙⴰⵙⵜ ⵏ ⴷⴷⵣⴰⵢⵔ ( ⵜⴰⵣⵡⴰⵔⵜ )

23 ⵢⵓⵏⵢⵓ 2022 Version Imprimable
ⵕⵕⴱⴰⵟ -  ⵉⵏⵏⴰ ⵓⵎⴰⵔⴰ ⵏ ⵜⵣⵡⴰⵔⵜ ⵏ ⵜⵙⵖⵓⵏⵜ-ⴱⴰⴱ- ⵎⴰⵙⴷ ⵜⴰⴷⵉⴽⵜⴰⵜⵓⵔⵉⵜ ⵜⴰⵙⵔⴷⴰⵙⵜ ⵡⴰⵔ ⵉⵎⵙⴰⵙⴰⵏ ⵏⵜⵜⴰⵜ ⴰⴷ ⵉⴳⴰⵏ ⵉⵙⵔⴰⴳⵏ ⵏ ⵜⴰⵙⵙⴰⵙⵜ ⵎⵓ ⵎⵢⴰⵏⴰⵡⵏ ⵓⴷⵎⴰⵡⵏ ⵏⵏⴰⵖ ⵜⴷⴷⵔ ⵜⵎⴰⵣⵉⵔⵜ ⵏ ⴷⴷⵣⴰⵢⵔ .

ⵢⵓⵔⴰ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵍⵉⴷⵔⵉⵙⵉ, ⵏⵏⴰ ⵉⴳⴰⵏ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵏ ⵍⵎⵖⵔⵉⴱ, ⴳ ⵜⵣⵡⴰⵔⵜ ⵏ ⵜⵖⵎⵎⵎⵉⵙⵜ-ⴱⴰⴱ- ⵎⴰⵙⴷ ⵓⴽⵓⵢ ⵏ ⵓⵙⵡⵉⵔ ⵏ ⵜⵙⵔⵜⵉⵜ ⵏ ⴷⴷⵣⴰⵢⵔ ⴷ ⵜⵙⵃⴹⴰⵡⵜ ⵜⴰⴱⵓⵍⵉⵙⵉⵜ ⴷ ⵓⵏⵀⵉⴱⴱⵔ ⵏ ⵡⴰⵎⵓⵏ ⵜⵜⵓⴳⴰ ⵙ ⵉⵙⵔⴰⴳⵏ ⵏⵜⴷⵉⴽⵜⴰⵜⵓⵔⵉⵜ ⵜⴰⵙⵔⴷⴰⵜ ⵏⵏⴰ ⵉⴳⴰⵏ ⵉⵙⵔⴰⴳⵏ ⵏ ⵜⴰⵙⵙⴰⵙⵜ ⴷⴷⵅ ⵏⵏⴰⵖ ⵜⵜⵉⴷⵉⵜ ⵜⵎⴰⵣⵉⵔⵜ ⵏ ⴷⴷⵣⴰⵢⵔ .

ⵙⴳ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ,ⵎⴰⵙⴷ ⵉⵡⵏⵏⴰⵏ ⵓⵔ ⵣⴷⴷⵉⴳⵏⵉⵏ ⵏ ⵓⵏⵙⵙⵉⵅⴼ ⵏ ⵉⵙⵔⴷⴰⵙ ⴷ ⵍⵊⵉⵏⵉⵕⴰⵍⴰⵜ ⴰⴷ ⵉⵙⵔⴳⵏ ⵉ ⵡⴰⴷⴷⴰⴷ ⵉⵀⵔⵛⵏ ⵏⵏⴰⴳ ⵜⵜⵉⴷⵉⵜ ⵜⵎⴰⵣⵉⵔⵜ ⴰⴷ ⵏ ⴷⴷⵣⴰⵢⵔ .

ⴰⴷⴷⴰⴷ ⴰⴷ ⵉⵀⵊⵔⵛⵏ ⴰⵎⵙⵜⴳⴳⴰⵔ ⴰⵎⵣⵡⴰⵔⵓ ⴳⴰⵏⵜ ⵉⵙⵔⴷⴰⵙ ⵏⵏⴰ ⵉⵏⴱⴱⴹⵏ ⴳ ⵓⵡⴰⵏⴽ,ⵉⵣⴰⵢⴷ ⵎⴰⵙⵙ ⵀⴰⵛⵉⵎⵉ ⵉⵏⵏⴰ ⵎⴰⵙⴷ ⵜⴰⴽⵏⴷⴰⵡⵜ ⵏ ⵓⵡⴰⵏⴽ ⵏ ⴷⴷⵣⴰⵢⵔ ⴰⴷ ⵉⴳⴰⵏ ⴰⵙⵔⴰⴳ ⵏ ⵡⴰⴷⴷⴰⴷ ⴰⴷ ⵏⵏⴰⴳ ⵜⵍⵍⴰ .

ⵢⵓⵔⴰ ⵎⴰⵙⵙ ⵉⴷⵔⵉⵙⵉ ⴳ ⵓⵎⵏⵉⴷ ⴰⴷ, ⴳ ⵜⵉⵣⵉ ⵏⵏⴰ ⵖ ⵉⵙⵙⵏⵜⴰ ⵉⵎⵉⵖ ⴳⵔ ⵓⴽⵕⴰⵏⵢⴰ ⴷ ⵔⵓⵙⵢⴰ ⵏⵏⴰ ⵉⵙⵔⴳⵏ ⵉ ⴽⵉⴳⴰⵏ ⵉ ⵉⵎⵅⵓⵎⴱⴰⵕ ⴳ ⵓⵎⴰⴹⴰⵍ ⴰⴽⴽⵯ,ⵉⵙⵜⵉ ⵓⵡⴰⵏⴽ ⵏ ⴷⴷⵣⴰⵢⵔ ⴰⴷ ⵉⵕⵥⵎ ⵢⴰⵏ ⵓⵏⵎⴰⵍⵍⵓ ⴳ ⵜⴰⵎⵓⵏⵜ ⵜⵓⵕⵓⴱⴱⵉⵜ ⵍⵍⵉⵖ ⵉⵙⴽⵔ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴳ ⵜⵓⵏⵙ ⴷ ⵍⵉⴱⵢⴰ ⴷ ⵎⴰⵍⵉ . ⵜⵙⴽⵔ ⴰⵡⴷ ⵜⴰⵏⴰⴱⴱⴰⵢⵜ ⴳ ⵎⴰⴷ ⵉⵥⵍⵉⵏ ⵙ ⵜⵣⴷⴰⵢⵉⵏ ⵏⵏⴰ ⵉⵍⵍⴰⵏ ⴳⵔⴰⵙ ⴷ ⵓⵡⴰⵏⴽ ⵏ ⵙⴱⴱⴰⵏⵢⴰ .

ⴳ ⵓⵙⴰⵜⵉ ⵏ ⵜⵣⴷⴰⵢⵜ ⴰⴷ, ⵉⵏⵏⴰ ⵎⴰⵙⵙ ⵀⴰⵛⵉⵎⵉ ⵉⴷⵔⵉⵙⵉ ⵎⴰⵙⴷ ⵙⴱⴱⴰⵏⵢⴰ ⵜⵙⴽⵔ ⴰⵏⵏⴰⵍ ⴰⵡⴷ ⵉ ⵜⵣⵎⵔⵜ ⵏ ⵍⵎⵖⵔⵉⴱ ⴷ ⵓⵏⴱⴱⴹ ⵏⵏⵙ ⵅⴼ ⵉⴽⴰⵍⵉⵡⵏ ⵏ ⵜⵏⵣⵔⵓⴼⵜ ⵏⵏⴰ ⵉⴳⴰⵏ ⵜⵉⵏⵏⵙ . ⴰⵡⵏⵏⵉ ⴰⴷ ⴰⴷ ⵓⵔ ⵉⵙⵙⵓⵙⵎⵏ ⵉⵎⵙⵜⴳⴳⴰⵔⵏ ⴷ ⵉⵏⴱⴱⴰⴷⵏ ⵏ ⵓⵙⵔⵙ ⴰⴷⵣⴰⵢⵔⵉ .

ⵉⵙⴼⴰⵙⴽⴰ ⵓⵡⴰⵏⴽ ⵏ ⴷⴷⵣⴰⵢⵔ ⵙ ⴽⵉⴳⴰⵏ ⵏ ⵉⵜⴳⴰⵔⵏ ⴰⴼⴰⴷ ⴰⴷ ⵢⴰⵙⵉ ⴰⵏⴱⴱⴹ ⵏⵏⵙ, ⵎⴰ ⴰⵏⵏ ⴰⴷ ⵉⵙⵔⴳⵏ ⵉ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⵉⵙⵔⵜⴰⵏⵏ ⵏⵏⴰ ⵜⵜⵓⵣⵣⵔⵏⵉⵏ ⴳⵔ ⵡⴰⵎⵓⵏ ⴷ ⵓⵜⴳⴰⵔ ⴰⵙⵔⵜⴰⵏ ⵏ ⵓⵡⴰⵏⴽ ⵏ ⴷⴷⵣⴰⵢⵔ, ⵉⵣⴰⵢⴷ ⵎⴰⵙⵙ ⵍⵉⴷⵔⵉⵙⵉ ⵉⵏⵏⴰ ⵎⴰⵙⴷ ⵉⵇⵇⴰⵏ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵓⵏⵥⵉⵥⵏ ⴰⴼⴰⴷ ⴰⴷ ⵔⴰⵔⵏ ⴰⴷⴷⴰⴷ ⵏⵏⴰ ⵜⵜ ⵉⵏⵏ ⵉⴽⴽⴰⵏ, ⴱⵍⴰ ⴰⵡⵏⵏⵉ ⵏ ⵉⵎⵉⵖ ⵏⵏⴰ ⵙ ⴰⵔ ⵓⴽⴰⵏ ⵜⵜⵔⵡⴰⵍ ⵜⵎⴰⵣⵉⵔⵜ ⵏ ⴷⴷⵣⴰⵢⵔ .

 

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B4%B7%E2%B5%89%E2%B4%BD%E2%B5%9C%E2%B4%B0%E2%B5%9C%E2%B5%93%E2%B5%94%E2%B5%89%E2%B5%9C-%E2%B5%9C%E2%B4%B0%E2%B5%99%E2%B5%94%E2%B4%B7%E2%B4%B0%E2%B5%99%E2%B5%9C%E2%B5%A1%E2%B4%B0%E2%B5%94-%E2%B5%89%E2%B5%8E%E2%B5%99%E2%B4%B0%E2%B5%99%E2%B4%B0%E2%B5%8F-%E2%B4%B0%E2%B4%B7-%E2%B5%89%E2%B4%B3%E2%B4%B0%E2%B5%8F-%E2%B5%89%E2%B5%99%E2%B5%94%E2%B4%B0%E2%B4%B3%E2%B5%8F-%E2%B5%8F-%E2%B5%9C%E2%B4%B0%E2%B5%99%E2%B5%99%E2%B4%B0%E2%B5%99%E2%B5%9C-%E2%B5%8F-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B5%9C%E2%B4%B0%E2%B5%A3%E2%B5%A1%E2%B4%B0%E2%B5%94%E2%B5%9C