Published on MAPNews (https://www.mapnews.ma/am)

Accueil > ⴰⵙⵎⵏⵉⴷ ⵏ ⵓⴷⵍⵉⵙ -ⵜⴰⵊⵕⵕⵓⵎⵜ ⵜⵓⵚⴽⵉⵡⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ- ⵏ ⵍⵃⵓⵙⴰⵢⵏ ⵍⵎⵓⵊⴰⵀⵉⴷ .

ⴰⵙⵎⵏⵉⴷ ⵏ ⵓⴷⵍⵉⵙ -ⵜⴰⵊⵕⵕⵓⵎⵜ ⵜⵓⵚⴽⵉⵡⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ- ⵏ ⵍⵃⵓⵙⴰⵢⵏ ⵍⵎⵓⵊⴰⵀⵉⴷ .

16 ⵢⵓⵏⵢⵓ 2022 Version Imprimable
ⵕⵕⴱⴰⵟ - ⵉⵜⵜⵓⵙⵎⵏⴰⴷ ⵓⴷⵍⵉⵙ ⴰⵎⴰⵢⵏⵓ ⵏ ⵎⴰⵙ ⵍⵃⵓⵙⴰⵢ ⵍⵎⵓⵊⴰⵀⵉⴷ ⴰⵙⵙ ⵏ ⴰⴽⵕⴰⵙ ⴰⴷ ⵉⵣⵔⵉⵏ ⴳ ⵜⵖⵔⵎⵜ ⵏ ⵕⵔⴱⴰⵟ ⵙⴳ ⵓⵏⵎⵓⵇⵇⴰⵔ ⵏⵏⴰ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵎⴰⵣⵉⵖⵜ ⵏⵏⴰ ⵉⵡⴰⵍⴰⵏ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ .

ⴰⴷⵍⵉⵙ ⴷⴷⵅ ⴳⵉⵙ 324 ⵏ ⵜⴰⵙⵏⴰ ⴳ ⵓⵙⵡⵉⵔ ⴰⵏⴰⵎⵎⴰⵙ ⵉⴳ ⵙⴳ ⵜⵥⵕⵉⴳⵉⵏ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⴳ ⵢⴰⵜ ⵜⵡⵡⵓⵔⵉ ⵏ ⵓⵙⴱⵓⵖⵍⵓ ⵏ ⵜⵊⵕⵔⵓⵎⵜ ⵜⴰⵎⴰⵣⵉⵖⵜ, ⵉⴳ ⴰⵡⴷ ⵢⴰⵏ ⵓⵙⵏⵜⵍ ⵏ ⴷⴷⵓⴽⵜⵓⵕⴰ ⵏⵏⴰ ⵉⵍⴰⵏ ⴰⵙⵏⵜⵍ ⵏ ⵡⴰⵙⵙⴰⵖ ⴳ ⵜⵎⴰⵣⵉⵖⵜ .

ⴰⴷⵍⵉⵙ ⴷⴷⵅ ⵉⵙⴽⵔ ⴽⵉⴳⴰⵏ ⵏ ⵉⵔⵣⵣⵓⵜⵏ ⵉⵎⵓⵕⴼⵓⵍⵓⵊⵉⵢⵢⵏ ⴷ ⵡⵉⵏ ⵓⵙⵏⵎⴰⵔⵔⴰ ⴷ ⵜⵡⵉⵏⵙⵜ ⵜⵓⴷⴷⵉⵙⵜ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⵎⵔⴰⵡ ⵉⴳⵯⵣⵎⴰⵏ ⴰⴷ ⵉⵍⵍⴰⵏ ⴳ ⵓⴷⵍⵉⵙ ⴷⴷⵅ, ⴽⵓ ⴰⴳⵣⵣⵓⵎ ⴳⵉⵙ ⴰⵙⵏⵜⵍ ⵉⵣⴷⵉⵏ ⴷ ⵡⴰⵙⵙⴰⵖ ⵙⴳ ⵜⵎⵓⵕⴼⵓⵍⵓⵊⵉⵜ ⵏⵏⵙ ⴷ ⵜⵡⵉⵏⵙⵜ ⵜⵓⴷⴷⵉⵙⵜ .

ⴳ ⵜⴰⵣⵡⴰⵔⵜ ⵏ ⵓⴷⵍⵉⵙ, ⵉⵙⴰⵡⵍ ⵓⵎⴰⵔⴰ ⴼ ⵓⵔⵣⵣⵓ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ,ⵉⵏⵏⴰ ⵓⵎⵔⵣⵓ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵍⵃⵓⵙⴰⵢ ⴰⵎⵓⵥⴰⵢ ⵎⴰⵙ ⵜⵍⵍⴰ ⵜⵉⵍⴰⵍⵜ ⵜⴰⵎⵇⵔⴰⵏⵜ ⴷⴰⵔ ⵓⴷⵍⵉⵙ ⴰⴷ ⵏⵏⴰⴳ ⵉⵍⵍⴰ ⴽⵓⵍⵍ ⵎⴰⵙ ⵉⵙⵖⴰⵡⵙⴰ ⵓⵎⵔⵣⵓ ⴳ ⵜⵊⵕⵕⵓⵎⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⵉⵣⴰⵢⴷ ⵎⴰⵙⵙ ⴰⵎⵓⵥⴰⵢ ⵉⵏⵏⴰ ⵎⴰⵙⴷ ⴰⴷⵍⵉⵙ ⴰⴷ ⵉⵙⵜⴰⵡⵀⵎⵎⴰ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵜⵣⵔⴰⵡⵜ ⴳ ⵜⵙⴷⴰⵡⵉⵜⵉⵏ ⵜⵉⵎⵖⵔⵉⴱⵉⵢⵉⵏ , ⴷ ⵔⴰⴷ ⵉⴳ ⵢⴰⵏ ⵓⵙⴰⴳⵯⵎ ⵏ ⵜⵙⵏⵉⵍⵙⵜ ⵉ ⵉⵎⵔⵣⵓⵜⵏ ⴳ ⵉⴳⵔ ⵏ ⵜⵙⵏⵉⵍⵙⵜ ⵜⴰⵎⴰⵣⵉⵖⵜ .

ⴳ ⵜⵙⴳⴰ ⵏⵏⵙ , ⵉⵏⵏⴰ ⵎⴰⵙⵙ ⵃⴰⵙⴰⵏ ⴰⴽⵢⵓⴹ,ⵎⴰⵙⴷ ⴰⴷⵍⵉⵙ ⴷⴷⵅ ⴰⵔ ⵉⵙⵎⵣⵣⴰⵍ ⴳⵔ ⵉⵙⵎ ⴷ ⵜⵉⵍⴰⵍ ⵏⵏⵙ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⵏⵏⴰ ⵎⴰⵙ ⴷⴰⵔⵙ ⵜⵉⵍⴰⵍ ⴳ ⵉⴳⵔ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ .

ⵉⵏⵏⴰ ⵎⴰⵙⴷ ⴰⴷⵍⵉⵙ ⴷⴷⵅ ⵢⵓⵎⴰ ⴰⴽⴽⵯ ⵜⴰⵊⵕⵕⵓⵎⵜ ⴳ ⵜⵎⴰⵣⵉⵖⵜ, ⴷ ⵔⴰⴷ ⵉⴳ ⵢⴰⵏ ⵓⵖⴱⴰⵍⵓ ⴰⵅⴰⵜⴰⵔ ⵏ ⵉⵎⵔⵣⵓⵜⵏ ⵅⴼ ⵡⴰⵙⵙⴰⵖ ⴷ ⵜⵙⵏⵉⵍⵙⵜ ⵜⴰⵎⴰⵣⵉⵖⵜ .

ⴷ ⵎⴰⵙⵙ ⵍⵃⵓⵙⴰⵢⵏ ⵎⵓⵊⴰⵀⵉⴷ, ⵏⵏⴰ ⴷ ⴷⴰⵔ ⵜⵓⴳⴳⴰ ⵏ ⴷⴷⵓⴽⵜⵓⵕⴰ ⴳ ⵜⵙⴽⵍⴰ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴳ ⵜⵖⵔⵎⵜ ⵏ ⵕⵕⴱⴰⵟ, ⵉⴽⴽⴰ ⵜⵜ ⵉⵏⵏ ⵉⴳⴰ ⴰⵙⵍⵎⴰⴷ ⴷ ⵓⵎⵔⵣⵓ ⴳ ⵜⵙⵏⵉⵍⵙⵜ ⴳ ⵜⵙⴷⴰⵡⵉⵜ ⴷⴷⵅ ⵏⵉⵜ ⴰⵔ ⴰⵙⴳⴳⵯⴰⵙ ⵏ 2002, ⴰⵢⵍⵍⵉⵖ ⵉⴳⴰ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ .

ⵉⴷⵔⴰ ⴳ ⵓⵏⵎⵓⵇⵇⴰⵔ ⴷⴷⵅ ⵓⵏⵙⵙⵉⵅⴼ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙⵙ ⵃⵎⴰⴷ ⴱⵓⴽⵓⵙⴷ ⵉⵜⵙⵏ ⵏ ⵉⵙⵍⵎⴰⴷⵏ ⵉⵎⵔⵣⵓⵜⵏ ⴷ ⵡⵉⵏⵏⴰ ⴰⴽⴽⵯ ⵉⵙⵜⴰⵡⵀⵎⵎⴰⵏ ⵙ ⵜⴷⵍⵙⴰ ⵜⴰⵎⴰⵣⵉⵖⵜ

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B4%B7%E2%B5%8D%E2%B5%89%E2%B5%99-%E2%B5%9C%E2%B4%B0%E2%B5%8A%E2%B5%95%E2%B5%95%E2%B5%93%E2%B5%8E%E2%B5%9C-%E2%B5%9C%E2%B5%93%E2%B5%9A%E2%B4%BD%E2%B5%89%E2%B5%A1%E2%B5%9C-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%8F-%E2%B5%8D%E2%B5%83%E2%B5%93%E2%B5%99%E2%B4%B0%E2%B5%A2%E2%B5%8F-%E2%B5%8D%E2%B5%8E%E2%B5%93%E2%B5%8A%E2%B4%B0%E2%B5%80%E2%B5%89%E2%B4%B7