Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ ⵙⴰ ⵏ ⵍⵢⵓⵏⵉⵙⴽⵓ ⵏ ⵓⵙⵍⵎⴰⴷ ⵏ ⵉⵎⵇⵇⵕⴰⵏ 
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⴱⵔⴰⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ ⵙⴰ ⵏ ⵍⵢⵓⵏⵉⵙⴽⵓ ⵏ ⵓⵙⵍⵎⴰⴷ ⵏ ⵉⵎⵇⵇⵕⴰⵏ 

15 ⵢⵓⵏⵢⵓ 2022 Version Imprimable
ⵎⵕⵕⴰⴽⵯⵛ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⵕⴱⵉ ⵢⴰⵜ ⵜⴱⵔⴰⵜ ⵉ ⵢⵎⴷⵔⴰⵡⵏ ⴳ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ ⵙⴰ ⵏ ⵓⵙⵙⵍⵎⴰⴷ ⵏ ⵉⵎⵇⵇⵕⴰⵏ (CONFINTEA VII) ⵍⵍⵉ ⴱⴷⴰⵏⵜ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⵏ ⵓⴽⵕⵚ ⴳ ⵎⵕⵕⴰⴽⵯⵛ ⴷⵓ ⵏ ⵓⴱⵓⵔⵣ " ⴰⵙⵍⵎⴰⴷ ⵏ ⵉⵎⵇⵇⵕⴰⵏ ⴷ ⵓⵙⵍⵎⴰⴷ ⵏⵙⵙⵏ ⴰⴼⴰⴷ ⵏ ⵜⴳⵎⵉ ⵜⴰⵙⵓⵍⴰⵏⵜ : ⴰⵊⵏⴷⴰ ⵉⵜⵜⵓⵙⵏⴼⴰⵍⵏ".

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵓⵣⵎⵎⵣⵓ ⵏ ⵓⵙⴽⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ ⵙⴰⵏ ⵍⵢⵓⵏⵉⵙⴽⵓ ⵏ ⵓⵙⵍⵎⴰⴷ ⵏ ⵉⵎⵇⵇⵕⴰⵏ CONFINTEA VII ⵍⵍⵉ ⵜⵙⵏⵓⴱⴳ ⵜⵖⵔⵎⵜ ⵏ ⵎⵕⵕⴰⴽⵯⵛ ⴰⴼⴰⴷ ⵏ ⵓⵙⵙⵓⴼⵖ ⵏ "ⴰⵙⵉⵏⴰⴳ ⴰⴼⵔⵉⵇⵉ ⵏ ⵓⵙⵍⵎⴰⴷ ⴳ ⵜⵓⴷⵔⵜ ⴽⵓⵍⵓ".

ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵙ ⵏ ⵓⴽⵕⴰⵙ ⴳ ⵢⴰⵜ ⵜⴱⵔⴰⵜ ⵍⵍⵉ ⵢⵓⵣⵏ ⵉ ⵢⵎⴷⵔⴰⵡⵏ ⵏ ⵓⴳⵔⴰⵡ ⴰⴷ ⴷⴷⵓⵏ ⵏ ⵜⵎⵜⴰⵔⵜ "ⴰⵙⵍⵎⴷ ⵏ ⵉⵎⵇⵇⵕⴰⵏ ⴷ ⵓⵙⵍⵎⴰⴷ ⵏⵏⵙ ⴰⴼⴰⴷ ⵏ ⵜⴳⵎⵉ ⵜⴰⵙⵓⵍⴰⵏⵜ : ⴰⵊⵊⵏⴷⴰ ⵉⵜⵜⵓⵙⵏⴼⴰⵍⵏ" ⵎⴰⵙ ⵜⵙⵏⵜⴰⵢⵜ ⴰⴷ ⵖⵓⵔⵙ ⴰⵎⵏⵉⴷ ⴰⴼⵔⵉⵇⵉ "ⵡⵜⵜⴰⵙ ⵏ ⵓⵙⴷⵓⵙ ⵏ ⵓⵣⴷⵓⵢ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ-ⴳ ⵉⴳⵔ ⵏ ⵓⵙⵍⵎⴰⴷ ⵏ ⵉⵎⵇⵇⵕⴰⵏ ⴷ ⵓⵙⵍⵎⴰⴷ ⴽⵓⵍⵓ ⵏ ⵜⵓⴷⵔⵜ .

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ ⵍⵍⵉ ⵢⵖⵕⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰⵙ ⵓⵙⵉⵏⴰⴳ ⴰⴷ ⵔⴰⴷ ⵉⴳ ⵓⵎⵎⴰⵙ ⴰⵙⴳⵡⴰⵏ ⵏ ⵓⵙⴷⵓⵙ ⵏ ⵜⵉⵥⴹⵕ ⵏ ⵜⵎⵏⴰⴹⵉⵏ ⵉⵎⵙⴽⴰⵔⵏ ⴷ ⵜⵎⵔⵙⴰⵍⵉⵏ ⴷ ⵜⵏⵎⵍⴰⵢⵉⵏ ⵜⵙⴳⴰⵡⵉⵏ ⴳ ⵉⴳⵔ ⵏ ⵓⵙⵍⵎⴰⴷ ⴳ ⵜⵓⴷⵔⵜ ⴽⵓⵍⵓ .

ⵉⴼⵔⴰ ⵢⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵔⴰⴷ ⵉⵥⴹⴰⵕ ⵓⵙⵉⵏⴰⴳ ⵏ ⵉⵙⵏⴼⴰⵍⵏ ⵏ ⵉⵔⵎⵉⵏ ⵉⵎⵓⵔⵙⵏ ⴷ ⴰⵙⵙⴰⵢ ⵏ ⵜⵓⵙⵙⵏⴰ ⴷ ⵉⵛⵛⴰⵔⵏ ⵏ ⵉⵔⵉⵎⵏ ⵎⴰⴷ ⵉⵣⵍⵉⵏ ⵙ ⵓⵙⵍⵎⴰⴷ ⵏ ⵉⵎⵇⵇⵕⴰⵏ ⵙⴰⵍⵡⴰⵏ ⴰⴽⴽⵯ ⴳ ⵓⵙⵡⵉⵔ ⵜⵖⵔⵎⵉⵏ ⵏ ⵓⵙⵍⵎⴰⴷ ⵜⵉⴼⵔⵉⵇⵢⵉⵏ.

ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵡⵜⵜⴰⵙ ⵏ ⵜⵎⵔⵙⴰⵍⵜ ⴰⴷ ⵉⵎⵙⴽⴰⵔⵏ ⵉⴷⵖⵔⴰⵏⵏ ⴷ ⵉⵎⴳⵓⵔⵉⵏ ⵏ ⵜⵖⵜⴰⵙⵜ ⵜⵙⵔⴰⵜⵏⵜ ⵓⵍⴰ ⵉⵎⵙⴽⴰⵔⵏ ⴷ ⵉⵏⵙⵙⵉⵅⴼⵏ ⵏ ⵉⵏⴳⵔⴰⵡ ⵓⵔ ⵉⵏⴱⵉⴹⵏ ⴷ ⵉⵔⵣⵣⵓⵏ ⵏ ⵓⵙⵜⵓⴳ ⵏ ⵜⵙⵔⵜⴰⵏⵉⵏ ⵜⵉⴳⴷⵓⴷⴰⵏⵉⵏ ⵏ ⵓⵙⵍⵎⴰⴷ ⵏ ⵜⵓⴷⵔⵜ ⴽⵓⵍⵓ ⴳ ⵓⵙⵡⵉⵔ ⴰⵎⵏⵣⴰⵡ ⴷⴷⵓ ⵏ ⵜⵎⴷⵢⴰⵙⵜ ⵍⵍⵉ ⵜⵙⵔⵙ ⵜⵉⵏⵍⵎⴰⴷⵏ ⴷ ⵉⵏⵍⵎⴰⴷⵏ ⴷ ⵉⴼⵔⴷⵉⵙⵏ ⴷ ⵉⵙⵎⵎⵓⵜⴳⵏ ⴳ ⵉⵣⵡⵓⵔⴰ.

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵙⴳⴰ ⵢⴰⴹⵏⵉⵏ ⵓⵎⵎⴰⵣ ⵏ ⵓⵙⵜⴰⵢ ⵏ ⵜⵡⵓⵔⵉ ⵜⴰⵎⴰⵢⵏⵓⵜ ⴷⵓ ⵏ ⵉⵙⵎ "ⴰⵙⵜⴰⵢ ⵏ ⵜⵡⵓⵔⵉ ⵏ ⵎⵕⵕⴽⵯⵛ" ⴳ ⵓⴹⴼⴰⵕ ⴳ ⵜⵖⵔⵎⵜ ⵍⵍⵉ ⵜⵙⵏⵓⴱⴳ ⵓⴳⵔⴰⵡ ⴰⴷ ⵏ ⵓⵙⵡⴰⵍⵏ  ⴷ ⵉⵏⴽⵔⵙ ⵏ ⵓⵙⵍⵎⴰⴷ ⵏ ⵉⵎⵇⵇⵕⴰⵏ ⴷ ⵓⵙⵍⵎⴰⴷ ⴳ ⵜⵙⵓⵜ ⵢⵓⵛⵛⴽⴰⵏ 

Dernière modification : 15 ⵢⵓⵏⵢⵓ 2022
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%9C-%E2%B5%9C%E2%B4%B1%E2%B5%94%E2%B4%B0%E2%B5%9C-%E2%B5%89-%E2%B5%A2%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%A1%E2%B5%89%E2%B5%99%E2%B5%99-%E2%B5%99%E2%B4%B0-%E2%B5%8F-%E2%B5%8D%E2%B5%A2%E2%B5%93%E2%B5%8F%E2%B5%89%E2%B5%99%E2%B4%BD%E2%B5%93-%E2%B5%8F