ⴰⵎⴰⵔⴰ ⴷ ⵓⵏⴰⵖⵎⴰⵙ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ ⵉⵙⵙⴳⵎⴹ ⵜⴰⴷⵍⴰ ⵏ ⵜⵎⴷⵢⴰⵣⵜ ⵏⵏⵙ ⵅⴼ ⵜⴰⵏⵟⵓⵍⵓⵊⵉⵜ ⵜⴰⵎⵏⴼⴰⵍⵜ ⴳ ⵕⵕⴱⴰⵟ

10 ⵢⵓⵏⵢⵓ 2022 Version Imprimable

ⵕⵕⴱⴰⵟ - ⵉⵙⵙⴳⵎⴹ ⵓⵎⴰⵔⴰ ⴷ ⵓⵏⴰⵖⵎⴰⵙ , ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ, ⴰⵙⵙ ⵏ ⵓⴽⵡⴰⵙ ⴰⴷ ⴳ ⵕⵔⴱⴰⵟⵜⴰⴷⵍⴰ ⵏ ⵜⵎⴷⵢⴰⵣⵉⵏ ⵏⵏⵙ Anthologie erratique ⵏⵏⴰ ⴷ ⵉⴼⴼⴰⵖⵏ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ ⴳ ⵓⵙⴰⵜⵉ ⵏ ⵜⵙⵙⵓⵜⵍⵜ ⵜⵉⵙⵙ 27 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ .

ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴱⴰⴷⵓⵜ M24 ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⵏ ⵍⵎⵖⵔⵉⴱ ( ⵎⴰⴱ) ⵙ ⵜⵎⵍⴷⴰ ⵏ ⵓⵙⴳⵎⴷ ⵏ ⵓⴷⵍⵉⵙ ⴷⴷⵅ ⴷⵔⴰⵏ ⴳⵉⵙ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴷ ⵉⵎⴰⵔⴰⵜⵏ ⵏ ⵉⴳⵔ ⵏ ⵜⴷⵍⵙⴰ ⴷ ⵓⵙⵏⵖⵎⵙ ⴷ ⵜⵙⵔⵜⵉⵜ, ⵉⵏⵏⴰ ⵓⵏⵎⵀⴰⵍ ⵏ -ⴼⴰⵚⵉⵍⴰ- ⵎⴰⵙ ⵃⵎⴰⴷ ⵄⴱⴱⵓ ⵎⴰⵙ ⵉⵎⵎⵔ ⵍⵍⵉⵖ ⵉⴷⵔⴰ ⴳ ⵓⵙⴳⵎⴷ ⵏ ⵓⴷⵍⵉⵙ ⴷⴷⵅ ⵏ ⵜⵎⴷⵢⴰⵣⵉⵏ .

ⵉⵣⴰⵢⴷ ⵎⴰⵙⵙ ⵄⴱⴱⵓ, ⵉⵏⵏⴰ ⵎⴰⵙⴷ ⴰⵎⴷⵢⴰⵣ ⴷ ⵓⵎⴰⵔⴰ ⵏⵏⴰ ⵉⵜⵜⵓⵙⵎⵖⵕⵏ ⴰⵙⵙ ⴷⴷⵅ ⴳ ⵓⵙⴼⵙⵔ ⵉⴳⴰ ⴰⵡⴷ ⴰⵎⴷⴷⴰⴽⴽⵯⵍ ⵏⵏⵙ , ⵢⵉⵏⵉ ⵎⴰⵙ ⴷⴰⵔⵙ ⵜⵉⵔⵎⵉⵜ ⵉⴷⵓⵙⵏ ⴳ ⵉⴳⵔ ⵏ ⵜⵎⴷⵢⴰⵣⵜ .

ⴳ ⵜⴰⵣⵡⴰⵔⵜ ⵏ ⵓⴷⵍⵉⵙ ⵏⵏⵙ , ⵏⵏⴰ ⴳ ⵍⵍⴰⵏⵜ 156 ⵏ ⵜⴰⵙⵏⴰ, ⵉⵏⵏⴰ ⵎⴰⵙⵙ ⴰⵎⴰⵔⴰ ⴰⵎⵇⵔⴰⵏ ⵄⵎⵉ ⵎⴰⵙⴷ ⴳ ⵜⴰⵏⵟⵓⵍⵓⵊⵉⵜ ⴷⴷⵅ ⵉⵏⴼⴰⵍⴰⵍⵏ,ⵍⵍⴰⵏⵜ ⵜⴼⵔⴰⵙ ⵏ ⵓⵖⵉⵍⵓⴼ ⴷ ⵓⵙⵢⴰⴼⴰ ⵉⴷⵓⵙⵏ, ⵉⵎⵓⵏⵏ ⴷ ⵜⵓⵏⵥⵉⵥⵜ ⵙ ⵜⵣⵎⵎⴰⵔ ⵏ ⵜⵉⵖⵉⵜ ⵏ ⵜⵓⴷⵔⵜ ⵜⴰⵎⴰⵙⵙⴰⵔⵜ ⴳ ⵓⵙⴰⵜⵉ ⵏ ⵜⴼⴳⴰⵏⵉⵢⵜ ⵜⴰⵎⴰⵢⵏⵓⵜ .

ⴳ ⵉⴳⵔ ⵢⴰⴹⵏ, ⵉⵣⴹⴰⵕ ⴰⴷ ⵏⵉⵏⵉ ⵎⴰⵙⴷ ⴰⵎⴰⵔⴰ ⵎⴰⵙⵙ ⵅⴰⵍⵉⵍ ⵍⵀⴰⵛⵉⵎⵉ ⵍⵉⴷⵔⵉⵙⵉ ⴷⴰⵔⵙ ⴽⵉⴳⴰⵏ ⵏ ⵜⵥⵕⵉⴳⵉⵏ ⴷ ⵉⴷⵍⵉⵙⵏ ⵢⴰⴹⵏⵉⵏ ⵣⵓⵏⴷ -ⵜⵉⵏⴼⵓⵍⵉⵏ ⵜⵉⵥⵕⵡⴰⵍⵉⵏ ... ⵜⵉⴽⵓⵢⴰⵙⵉⵏ ⵜⵉⵎⵖⵔⵉⴱⵉⵢⵢⵉⵏ 1994-2000 ⵙⴳ ⵜⴰⴷⴷⴰⵔⵜ ⵏ ⵜⵥⵔⵉⴳⵉⵏ ⴳ ⵓⵙⴳⴳⵯⴰⵙ ⵏ 2005 ⴷ ⴽⵉⴳⴰⵏ ⵏ ⵉⴷⵍⵉⵙⵏ ⵢⴰⴹⵏⵉⵏ ⵎⵢⴰⵏⴰⵡⵏⵉⵏ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8E%E2%B4%B0%E2%B5%94%E2%B4%B0-%E2%B4%B7-%E2%B5%93%E2%B5%8F%E2%B4%B0%E2%B5%96%E2%B5%8E%E2%B4%B0%E2%B5%99-%E2%B5%85%E2%B4%B0%E2%B5%8D%E2%B5%89%E2%B5%8D-%E2%B5%8D%E2%B5%80%E2%B4%B0%E2%B5%9B%E2%B5%89%E2%B5%8E%E2%B5%89-%E2%B5%8D%E2%B5%89%E2%B4%B7%E2%B5%94%E2%B5%89%E2%B5%99%E2%B5%89-%E2%B5%89%E2%B5%99%E2%B5%99%E2%B4%B3%E2%B5%8E%E2%B4%B9-%E2%B5%9C%E2%B4%B0%E2%B4%B7%E2%B5%8D%E2%B4%B0-%E2%B5%8F-%E2%B5%9C%E2%B5%8E%E2%B4%B7%E2%B5%A2%E2%B4%B0%E2%B5%A3%E2%B5%9C-%E2%B5%8F%E2%B5%8F%E2%B5%99-%E2%B5%85%E2%B4%BC-%E2%B5%9C%E2%B4%B0%E2%B5%8F%E2%B5%9F%E2%B5%93%E2%B5%8D%E2%B5%93%E2%B5%8A%E2%B5%89%E2%B5%9C