Published on MAPNews (https://www.mapnews.ma/am)

Accueil > ⴰⵏⵎⵓⵇⵇⴰⵔ ⵏ "ⵍⴰⵎⴰⴱ" ⵔⴰⴷ ⵉⵙⵏⵓⴱⴳ ⴳ ⵓⵢⵏⴰⵙ  ⴰⴷ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ

ⴰⵏⵎⵓⵇⵇⴰⵔ ⵏ "ⵍⴰⵎⴰⴱ" ⵔⴰⴷ ⵉⵙⵏⵓⴱⴳ ⴳ ⵓⵢⵏⴰⵙ  ⴰⴷ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ

03 ⵢⵓⵏⵢⵓ 2022 Version Imprimable
ⵕⵕⴱⴰⵟ -  ⵔⴰⴷ ⵉⵙⵏⵓⴱⴳ ⵓⵏⵎⵓⵇⵇⴰⵔ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵙⵏⵖⵎⵙ ⴰⵙⵙ ⵏ ⵓⵢⵏⴰⵙ ⴷ ⵉⴷⴷⴰⵏ, ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⵏⵏⴰ ⵉⴳⴰⵏ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⴰⴼⴰⴷ ⴰⴷ ⴷⵉⵙ ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⵓⵙⵏⵜⵍ ⵅⴼ ⵜⵎⴰⵎⴰⴽⵉⵏ ⵏ ⵓⵙⵙⵍⵎⴷ ⴳ ⵜⵉⵏⵎⵍ ⵜⵉⵎⴰⵜⴰⵢⵉⵏ ⴷ ⵓⵖⵓⴷⵓ ⵏⵏⵙ .

ⵉⴳⴰ ⵓⵏⵎⵓⵇⵇⴰⵔ ⴷⴷⵅ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵡⴰⵏⵙⴰ ⵏ ⵜⵙⵏⵓⵔⴰⵢⵜ ⴳ ⵜⵖⵔⵎⵜ ⵏ ⵕⵕⴱⴰⵟ ⵙⴳ ⵜⵉⵣⵉ ⵜⵉⵙⵙ ⵜⵜⵥⴰ ⵏ ⵣⵉⴽⴽ, ⴰⴼⴰⴷ ⴰⴷ ⴳⵉⵙ ⵉⵜⵜⵓⵙⵎⵔⴰⵔⴰ ⵡⴰⵡⴰⵍ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ ⵉⵣⴷⵉⵏ ⴷ ⵓⵙⴳⴳⴷ ⴷ ⵓⵙⴱⵓⵖⵍⵓ ⵏ ⵜⵡⵡⵓⵔⵉⵡⵉⵏ ⵏ ⵜⵉⵏⵎⵍ ⵜⴰⵏⴰⵎⵓⵏⵜ ⵜⴰⵎⵖⵔⵉⴱⵉⵜ ⴷ ⵉⵜⴳⴰⵔⵏ ⵏ ⵓⵙⵖⵓⴷⵓ ⵏⵏⵙ ⴷ ⵓⵙⵖⵓⴷⵓ ⴰⵡⴷ ⵏ ⵓⵏⵎⴰⵍⵍⵓ ⵏ ⵓⵙⴳⵎⵉ ⴰⵏⴰⵎⵓⵔ .

ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴳ ⵓⵏⵎⵓⵇⵇⴰⵔ ⴷⴷⵅ ⵅⴼ ⴽⵉⴳⴰⵏ ⵏ ⵉⵙⵏⵜⴰⵍ ⵉⵏⴰⵎⵓⵔⵏ ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵙⴼⵍⴷ ⵉ ⵉⵏⵎⵎⴰⵙⵙⵓⵜⵏ ⴳ ⵉⴳⵔ ⵏ ⵓⵙⴳⵎⵉ ⴷ ⵓⵙⵙⵍⵎⴷ, ⵙⴳ ⴳⵉⵙⵏ ⵉⵙⵍⵎⴰⴷⵏ ⴷ ⵉⵏⵍⵎⴰⴷⵏ, ⴰⴼⴰⴷ ⴰⴷ ⴱⴹⵓⵏ ⵜⴰⵏⵏⴰⵢⵉⵏ ⵎⵢⴰⵡⴰⵙⵏ ⴰⴼⴰⴷ ⴰⴷ ⵙⴽⵓⵏ ⵢⴰⵜ ⵜⵉⵏⵎⵍ ⵏⵏⴰ ⵉⵖⵓⴷⴰⵏ ⵏⵏⴰ ⴳ ⵍⵍⴰⵏ ⵉⵏⵎⵎⴰⵙⵓⵜⵏ ⵉⴷⵓⵙⵏ ⴳ ⵉⴳⵔ ⴰⴷ .

ⵔⴰⴷ ⵉⵣⵔⵉ ⵓⵏⵎⵓⵇⵇⴰⵔ ⴷⴷⵅ ⴳ ⵜⴱⴰⴷⵓⵜ ⵏ ⵜⵙⵏⵓⵔⴰⵢⵜ ⵏ ⵉⵖⵎⵎⵉⵙⵏ ⵏ ⵍⵎⵖⵔⵉⴱ ⴷ ⵜⵏⵣⵡⴰⵢⵉⵏ ⵏⵏⵙ -ⵔⵉⵎ ⵕⴰⴷⵢⵓ- ⴷ ⵎⴰⴱ ⵓⵙⵔⵉⴷ, ⵓⵍⴰ ⴰⵏⵙⴰ ⵓⵏⵚⵉⴱ ⵏ ⵉⴽⵙⴱⵕⵉⵙ ⵎⴰⴱ ⵔⴰⴷ ⵜⵜⵓⴱⴹⵓ ⴰⵡⴷ ⴳ ⵜⴰⵙⵏⴰ ⵏ ⵜⵙⵏⵓⵔⴰⵢⵜ ⴳ ⵓⴼⴰⵢⵙⴱⵓⴽ .

ⴳ ⵜⵙⴳⴰ ⵢⴰⴹⵏ ⵉⴳⴰ ⵓⵏⵎⵓⵇⵇⴰⵔ ⴰⴷ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵡⴰⵏⵙⴰ ⵏ ⵜⵙⵏⵓⵔⴰⵢⵜ ⵏ ⵉⵖⵎⵎⵉⵙⵏ ⵏ ⵍⵎⵖⵔⵉⴱ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵡⵡⵓⵔⵉⵡⵉⵏ ⵏ ⵓⵙⵙⵍⵎⴷ ⴷ ⵓⵙⴳⵎⵉ ⴰⵏⴰⵎⵓⵔ ⴷ ⵉⵙⵏⵜⴰⵍ ⵏ ⵖⵉⵍⴰⴷ ⵏⵏⴰ ⵉⵣⴷⵉⵏ ⴷ ⵜⵙⵔⵜⵉⵜ ⴷ ⵜⴷⵎⵙⴰ ⴷ ⵜⴷⵍⵙⴰ, ⵔⴰⴷ ⴳⵉⵙ ⴰⵎⵓⵏ ⵉⵎⵙⵜⴳⴳⴰⵔⵏ ⵓⵏⴱⵉⴹⵏ ⴷ ⵉⵡⵔⵉⴽⵏ ⵢⴰⴹⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⵣⴷⵉⵏⵉⵏ ⴷ ⵓⵙⵏⵜⵍ ⵏⵏⴰ ⵅⴼ ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ .

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%8D%E2%B4%B0%E2%B5%8E%E2%B4%B0%E2%B4%B1-%E2%B5%94%E2%B4%B0%E2%B4%B7-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B3-%E2%B5%93%E2%B5%A2%E2%B5%8F%E2%B4%B0%E2%B5%99%C2%A0-%E2%B4%B0%E2%B4%B7-%E2%B5%8E%E2%B4%B0%E2%B5%99%E2%B5%99-%E2%B5%9B%E2%B4%B0%E2%B4%BD%E2%B5%89%E2%B4%B1-%E2%B4%B1%E2%B5%8F%E2%B5%8E%E2%B5%93%E2%B5%99%E2%B4%B0