Published on MAPNews (https://www.mapnews.ma/am)

Accueil > ⴰⵏⵎⵓⴳⴳⴰⵔ ⵏ -ⴽⴰⵏ- ⴰⵙⴰⵔⵓ ⴰⵎⵖⵔⵉⴱⵉ -ⴰⵣⵔⴰⵇ ⵍⵇⴼⵟⴰⵏ- ⵢⵉⵡⵉ ⵜⴰⵙⵎⵖⵓⵔⵜ ⵏ ⵓⴼⵔⴰⵏ ⴰⵎⴰⴹⵍⴰⵏ

ⴰⵏⵎⵓⴳⴳⴰⵔ ⵏ -ⴽⴰⵏ- ⴰⵙⴰⵔⵓ ⴰⵎⵖⵔⵉⴱⵉ -ⴰⵣⵔⴰⵇ ⵍⵇⴼⵟⴰⵏ- ⵢⵉⵡⵉ ⵜⴰⵙⵎⵖⵓⵔⵜ ⵏ ⵓⴼⵔⴰⵏ ⴰⵎⴰⴹⵍⴰⵏ

30 ⵎⴰⵢⵢⵓ 2022 Version Imprimable
ⴱⴰⵔⵉⵣ - ⵜⴼⴽⴰ ⵜⴼⵉⴹⵉⵕⴰⵍⵉⵜ ⵜⴰⵎⴰⴹⵍⴰⵏⵜ ⵏ ⵜⵏⴰⵖⵎⴰⵙⵜ ⵜⴰⵙⵉⵏⵉⵎⴰⵢⵉⵜ, ⴰⵙⵙ ⵏ ⵓⵙⵉⴹⵢⴰⵙ ⵜⴰⵙⵎⵖⵓⵔⵜ ⵏ ⵓⴼⵔⴰⵏ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵖⵣⵣⴰⴼ -ⴰⵣⵔⴰⵇ ⵍⵇⴼⵟⴰⵏ - ⵏ ⵜⵎⵙⵙⵓⴼⵖⵜ ⵏⵏⵙ ⵎⵔⵢⴰⵎ ⵜⵜⵓⵣⴰⵏⵉ, ⴹⴰⵕⵜ ⵏ ⴽⵔⴰ ⵏ ⵜⵙⵔⴰⴳⵉⵏ ⵏ ⵓⵍⵖⵓ ⵏ ⵡⵉⵏⵏⴰ ⵉⵡⵉⵏⵉⵏ ⵜⴰⵙⵎⵖⵓⵔⵜ ⴳ ⵜⵙⵙⵓⵜⵍⵜ ⵜⵉⵙⵙ 75 ⵏ ⵓⵏⵎⵓⴳⴳⴰⵔ ⵏ -ⴽⴰⵏ- ⵏ ⵙⵙⵉⵏⵉⵎⴰ .

ⵜⴳ ⵜⵡⴰⵍⴰ ⴰⴷ ⵜⴰⴽⴽⵍⵉⵜ ⵜⴰⵎⵣⵡⴰⵔⵓⵜ ⴰⴷ ⵢⵉⵡⵉ ⵍⵎⵖⵔⵉⴱ ⵜⴰⵙⵎⵖⵓⵔⵜ ⴰⴷ ⵜⴰⵎⴰⴹⵍⴰⵏⵜ ⴳ ⵓⵏⵎⵓⴳⴳⴰⵔ ⵏ -ⴽⴰⵏ- .

ⵉⵜⵜⵓⴼⵙⴰⵔ ⵓⵙⴰⵔⵓ ⴷⴷⵅ ⵜⴰⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⵏⵎⵓⴳⴳⴰⵔ ⴰⴷ ⴰⵙⵙ ⵏ ⵓⴽⵡⴰⵙ ⴰⴷ ⵉⵣⵔⵉⵏ ⴳ ⵓⵙⵡⵉⵔ ⴰⵎⴰⴷⴷⵓⴷ ⵎⵏⵉⴷ ⵏ 18 ⵏ ⵓⵙⴰⵔⵓ ⵢⴰⴹⵏ ⴰⵎⴰⴹⵍⴰⵏ, ⵉⵜⵜⵓⵙⴱⵔⵔⴽ ⵙ ⴽⵉⴳⴰⵏ ⵏ ⵜⵣⵎⵎⴰⵔ ⵏⵏⴰ ⵉⴳⴰⵏ ⵓⴳⴳⴰⵔ ⵏ 15 ⵏ ⵜⵓⵙⴷⴰⴷⵜ .

ⵜⴳⴰ ⵜⵙⵎⵖⵓⵔⵜ ⵏ ⵜⴼⵉⴹⵉⵕⴰⵍⵉⵜ ⵜⴰⵎⴰⴹⵍⴰⵏⵜ ⵏ ⵜⵏⵖⵎⴰⵙⵜ ⵏ ⵙⵙⵉⵏⵉⵎⴰ ⵜⴰⵏⵏⴰ ⵉⵜⵜⵓⴼⴽⴰⵏ ⵙⴳ ⵓⵙⴳⴳⵯⴰⵙ ⵏ 1946 ⴳ ⵓⵏⵎⵓⴳⴳⴰⵔ ⵏ - ⴽⴰⵏ -

ⵜⴰⵢⵎⵓⵏⵜ ⵏ ⵓⵙⵏⵎⵉⵍⵉ ⴳⵉⵙ ⵉⵏⴼⵔⴰⵏⵏ ⵏ ⵙⵙⵉⵏⵉⵎⴰ ⵣⵓⵏⴷ ⵃⵎⴰⴷ ⵛⴰⵡⵇⵉ ⵙⴳ ⵜⵎⴰⵣⵉⵔⵜ ⵏ ⵎⵉⵚⵕ, ⵎⴰⵕⵢⵓⵍⴰ ⵡⵉⴽⵜⵓⵔ ⴳ ⴱⵓⵍⴰⵏⴹⴰ,, ⵏⴰⵜⴰⵍⵉ  ⵛⵉⴼⵍⵉ ⴳ ⵜⵎⴰⵣⵉⵔⵜ ⵏ ⴼⵕⴰⵏⵚⴰ,ⵉⵎⴰⵏⵡⵉⵍ ⵍⵉⴼⵉ ⴳ ⵜⵎⵜⵜⴰ ⵉⵎⵓⵏⵏ, ⵙⵉⵎⵓⵏ ⵙⵓⵕⴰⵏⴰ ⴳ ⵉⵟⴰⵍⵢⴰ,ⵊⵉⵀⴰⵏ ⴱⵓⴳⵔⵉⵏ ⴳ ⵍⵎⵖⵔⵉⴱ,ⵎⴰⵖⴰⵍⵉ ⴼⴰⵏ ⵔⵉⵜ ⴳ ⴼⵕⴰⵏⵚⴰ,ⴱⵉⴷⴰⵏ ⵔⵉⴱⵉⵔⵓ ⴳ ⵜⵎⴰⵣⵉⵔⵜ ⵏ ⴱⴰⵏⴳⵍⴰⴹⵉⵛ,ⴷ ⵢⵓⵙⴼ ⵀⴰⵍⵉⴷⵓ ⵀⴰⵕⵓⵏⴰ ⴳ ⵏⵏⵉⵊⵉⵔ .

ⵉⴳⴰ ⵓⵙⴰⵔⵓ ⴰⴷ - ⴰⵣⵔⴰⵇ ⵍⵇⴼⵟⴰⵏ- ⵢⴰⵏ ⵓⵙⴰⵔⵓ ⴰⵖⵣⵣⴰⴼ  ⵏⵏⴰ ⵉⵙⴰⵡⴰⵍⵏ ⴼ ⵓⵙⵏⴼⵍ ⴷ ⵜⵎⵢⵓⵔⵉⵏ ⴷ ⵜⴰⵢⵔⵉ ⵙ ⵓⵏⴰⵎⴽ ⵏⵏⵙ ⵢⵓⵙⵄⴰⵏ, ⵉⴳ ⵢⴰⵏ ⵓⴼⴰⵔⵙ ⵉⵛⵛⴰⵔⵏ ⴳⵔ ⵏⴰⴱⵉⵍ ⵄⵢⵢⵓⵛ ⴷ ⴰⵎⵉⵏ ⴱⵏⵊⵍⵍⵓⵏ .

ⵉⵡⵔⵉⴽⵏ ⵏⵏⵙ ⵉⵎⴰⴷⴷⵓⴷⵏ - ⵃⴰⵍⵉⵎ ⴷ ⵎⵉⵏⴰ - ⵏⵏⴰ ⵜⴰⵀⵍⵏⵉⵏ ⴷⴰⵔⵙⵏ ⵢⴰⵏ ⵡⴰⵏⵙⴰ ⵏ ⵓⵣⵣⵏⵣ ⵏ ⵍⵇⵇⴼⵟⴰⵏ ⴳ ⵜⵖⵔⵎⵜ ⵏ ⵙⵍⴰ, ⴷ ⵉⵡⵔⵉⴽⵏ ⵢⴰⴹⵏ -ⵢⵓⵙⴼ- ⵏⵏⴰ ⵉⴳⴰⵏ ⴰⵣⵣⴰⵏ ⵏⵏⴰ ⵉⵜⵜⵉⵔⵉⵏ ⵜⴰⵣⵣⵓⵍⵜ ⵏ ⵜⴳⵏⵉ .

ⵉⴳⴰ ⵓⵙⴽⴱⴰⵕ ⵚⴰⵍⵃ ⵍⴱⴽⵔⵉ ⵡⴰⵏⵏⴰ ⵢⵉⵡⵙⵏ ⴳ ⵓⵙⴰⵔⵓ ⴰⴷ, ⴷ ⵎⴰⵙⵙⴰ ⵍⵓⴱⵏⴰ ⴰⵣⴰⴱⴰⵍ, ⴷ ⴰⵢⵢⵓⴱ ⵎⵉⵙⵉⵡⵉ, ⴷ ⵎⵓⵏⵢⴰ ⵍⵎⴽⵉⵎⵉⵍ ,ⴷ ⵃⴰⵎⵉⴷ ⵣⵣⵓⵇⵉ, ⴷ ⴽⵉⴳⴰⵏ ⵏ ⵉⵙⴽⴱⴰⵕⵏ ⴷ ⵉⵏⴰⵥⵓⵕⵏ ⴷ ⵜⵏⴰⵥⵓⵕⵉⵏ ⵜⵉⵎⵖⵔⵉⴱⵉⵢⵉⵏ .

 

 

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%8F-%E2%B4%BD%E2%B4%B0%E2%B5%8F-%E2%B4%B0%E2%B5%99%E2%B4%B0%E2%B5%94%E2%B5%93-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%B0%E2%B5%A3%E2%B5%94%E2%B4%B0%E2%B5%87-%E2%B5%8D%E2%B5%87%E2%B4%BC%E2%B5%9F%E2%B4%B0%E2%B5%8F-%E2%B5%A2%E2%B5%89%E2%B5%A1%E2%B5%89-%E2%B5%9C%E2%B4%B0%E2%B5%99%E2%B5%8E%E2%B5%96%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%BC%E2%B5%94%E2%B4%B0%E2%B5%8F-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F