ⵕⵕⴱⴰⵟ..ⴰⵙⵎⵏⵉⴷ ⵏ ⵓⴷⵍⵉⵙ " ⵜⴰⵎⴰⵣⵉⵖⵜ ⴳ ⵓⵙⵙⵍⵎⴰⴷ ⴰⵏⵎⵍⴰⵏ ⴳ ⵍⵎⵖⵔⵉⴱ " ⵏ ⴼⴰⵟⵉⵎⴰ ⴰⴳⵏⴰⵡ

19 ⵎⴰⵢⵢⵓ 2022 Version Imprimable

ⵕⵕⴱⴰⵟ - ⵉⵜⵜⵓⵙⴽⴰⵔ ⴰⵙⵙ ⵏ ⵓⴽⵡⴰⵙ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵖ ⵕⵕⴱⴰⵟ ⴰⵙⵎⵏⵉⴷ ⵏ ⵓⴷⵍⵉⵙ ⵙ ⵓⵣⵡⵍ " ⵜⴰⵎⴰⵣⵉⵖⵜ ⴳ ⵓⵙⵙⵍⵎⴰⴷ ⴰⵏⵎⵍⴰⵏ ⴳ ⵍⵎⵖⵔⵉⴱ " ⵏ ⴼⴰⵟⵉⵎⴰ ⴰⴳⵏⴰⵡ.

ⵢⵓⵛⴽⴰⵏ ⴳ ⵜⵉⴳⵔⴰ ⵏ ⵓⴷⵍⵉⵙ ⵎⴰⵢⴰⴷ ⵉⵍⵍⴰ ⴳ 270 ⵜⵙⵏⴰ ⵙⴳ ⵓⴳⵣⵣⵓⵎ ⴰⵏⴰⵎⴰⵙ ⵎⴰⵙ ⵣⵣⵖ ⵎⴰ ⵜⵍⵍⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴹⴰⵡⵜ ⵏ 2011 ⴷ ⵙⴳ ⵎⴰ ⵖⵓⵔⵙ ⵍⵍⴰⵏ ⵉⵣⵔⴼⴰⵏ ⵉⵎⴰⴷⴷⴰⵙⵏ ⵏⵏⵙ ⵜⵣⵔⵉ ⵖⵔ ⵢⴰⵏ ⵡⴰⴷⴷⴰⴷ ⴰⵎⵢⵏⵓ .ⴰⵡⵜⵜⴰⵙ ⵏ ⵓⴷⵍⵉⵙ ⴰⴷ ⵓⴷⵔⴰⵡ ⴳ ⵓⵙⵡⵉⵏⴳⵎ ⴰⵏⵔⵎⵓⵙ ⴷ ⵓⵙⵙⵕⵚⵓ ⵏ ⵜⵉⴳⴰⵡⵜ ⵜⴰⴷⵉⴷⴰⴽⵜⵉⵜ ⴰⴼⴰⴷ ⴰⴷ ⵉⴱⵓⵖⵍⵓ ⵓⵙⵍⵎⴷ ⴷ ⵓⵏⵎⵎⵓⴷ ⵏ ⵜⵎⴰⵣⵉⵖⵜ .

ⵉⴱⴷⴷ ⵓⵔⵣⵣⵓ ⵏⵏⵖ ⵅⴼ ⵜⵎⵢⴰⴷⴰⵙⵜ ⵜⴰⵎⵢⴰⵏⴰⵡⵜ ⵉⵙⵎⵓⵏⵏ ⵢⵉⵏⵉⴳ ⴷ ⵓⵙⵏⵓⵎⵎⵍ .ⵉⴱⴷⴷ ⴰⵡⴷ ⵅⴼ ⵓⵙⴼⵙⵉ ⴷ ⵓⵙⵙⴼⵔⵓ ⵏ ⵉⵙⴼⴽⴰ ⴷ ⵉⴼⴼⵖⵏ ⵙⴳ ⵜⵏⵜⴰⵎⵉⵏ ⴷ ⵡⴰⵔⵔⴰⵜⵏ ⴷ ⵓⴱⴰⵔⴰⵣ ⵏ ⵓⵙⵍⵎⴷ ⵓⵍⵎⵎⵓⴷ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%95%E2%B5%95%E2%B4%B1%E2%B4%B0%E2%B5%9F%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B4%B7%E2%B5%8D%E2%B5%89%E2%B5%99-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B3-%E2%B5%93%E2%B5%99%E2%B5%99%E2%B5%8D%E2%B5%8E%E2%B4%B0%E2%B4%B7-%E2%B4%B0%E2%B5%8F%E2%B5%8E%E2%B5%8D%E2%B4%B0%E2%B5%8F-%E2%B4%B3-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%8F-%E2%B4%BC%E2%B4%B0%E2%B5%9F%E2%B5%89%E2%B5%8E%E2%B4%B0-%E2%B4%B0%E2%B4%B3%E2%B5%8F%E2%B4%B0%E2%B5%A1