ⴰⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴷⴷⵅ ⵏⵏⴰ ⵉⵙⵙⴳⵎⴹ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ, ⵏⵏⴰⵄⵉⵎ ⵎⵢⵢⴰⵕⴰ ⴷ ⵓⵙⵍⵡⴰⵢ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙⵙ ⵃⵎⴰⴷ ⴱⵓⴽⵓⵙ, ⴰⴼⴰⴷ ⴰⴷ ⵙⴽⵔⵏ ⵢⴰⵏ ⵓⵏⵎⴰⵍⴰ ⵏ ⵓⵎⵢⴰⵡⴰⵙ ⴰⵎⴰⵜⴰⵢ ⴳⵔ ⵜⵎⵔⵙⴰⵍ ⴷⴷⵅ ⵙ ⵙⵏⴰⵜ ⴰⴼⴰⴷ ⴰⴷ ⵙⵙⵉⴷⵔⵏ ⴰⵙⵏⵚⴱ ⵏ ⵓⵙⵎⵔⵙ ⵏ ⵜⵓⵜⵍⵎⴰⵢⵜ ⵜⴰⵎⴰⵣⵉⵖⵜ ⴷ ⵓⴹⴼⵓⵕ ⵏ ⵓⵙⵎⵔⵙ ⵏⵏⵙ ⴳ ⴽⵉⴳⴰⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵓⵙⵡⵓⴷⴷⵓ ⵏⵏⵙ ⴳ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ, ⵉⴳ ⵎⴰ ⴰⴷ ⵢⴰⵏ ⵓⵎⵢⴰⵡⴰⵙ ⵅⴼ ⵓⵙⴱⵓⵖⵍⵓ ⴷ ⵓⵙⵙⵉⴷⵔ ⵏ ⵓⵙⵏⴼⴰⵕ ⴰⵎⴰⴷⴷⵓⴷ ⵏ ⵓⵙⵏⵚⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴹⴰⵡⵜ ⵜⴰⵎⵖⵔⵉⴱⵉⵜ .
ⴳ ⵢⴰⵏ ⵓⵡⵏⵏⵉ ⴰⵏⴰⵖⵎⴰⵙ,ⵉⵏⵏⴰ ⵎⴰⵙⵙ ⵎⵢⵢⴰⵕⴰ ⵎⴰⵙⴷ ⵜⴰⵎⵢⴰⵇⵇⴰⵏⵜ ⴷⴷⵅ ⵜⴳⴰ ⵢⴰⵜ ⵜⵢⴰⴼⵓⵜ ⵏ ⵓⵎⵛⵛⵉⵡⵕ ⴳⵔ ⴰⵙ ⴷ ⵓⵙⵍⵡⴰⵢ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉ ⵓⵣⵣⵓⴳⵣ ⴰⵡⵡⵓⵔⴰⵏ ⵏ ⵉⵜⴳⴰⵔⵏ ⵏ ⵓⴷⵓⵙⵜⵓⵔ ⴷ ⵜⵎⵏⴹⴰⵡⵜ ⵜⴰⵎⵖⵔⵉⴱⵉⵜ ⴳ ⵓⴳⵟⵜⵓⵎ ⵏⵏⵙ ⵉⵣⴷⵉⵏ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏ 2011, ⴷ ⵓⵙⵍⴳⵏ ⴰⵙⵏⵎⴰⵍⴰⵢ ⵏⵏⴰ ⵉⵣⴷⵉⵏ ⴷ ⵓⵙⵏⵚⴱ ⴰⵎⴰⴷⴷⵓⴷ ⵏ ⵜⵎⵢⴰⵇⵇⴰⵏⵜ ⴳ ⵉⵎⴰⵍ ⵏ ⵓⵙⴳⴳⵯⴰⵙ ⵏ 2024 .
ⵉⵏⵏⴰ ⵎⴰⵙⴷ ⵉⵇⵇⴰⵏ ⴼ ⵓⵖⵔⴼ ⴰⵎⵖⵔⵉⴱⵉ ⴰⴽⴽⵯ ⴰⴷ ⵉⴹⴼⵓⵕ ⵜⵉⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ,ⵉⵣⴰⵢⴷ ⵉⵏⵏⴰ ⵎⴰⵙ ⵉⵜⵜⵓⵙⵏⵜⴰ ⵓⵙⵏⴼⴰⵕ ⴷⴼⴼⵉⵔ ⵏ ⵜⵎⵢⴰⵇⵇⴰⵏⵜ ⴷⴷⵅ ⴳ ⵉⴳⵔ ⵏ ⵓⵙⵓⵖⵍ ⵓⵙⵔⵉⴷ ⵏ ⵉⵙⵇⵇⵉⵎⵏ ⴷ ⵓⵎⵢⴰⵡⴰⴹ ⵙ ⵓⵙⵎⵔⵙ ⵏ ⵜⵣⵎⴰⵔ ⵏ ⵓⵙⴳⵓⴷⵉ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵣⵎⵎⴰⵔ ⵢⴰⴹⵏⵉⵏ ⴳ ⵉⴳⵔ ⴷⴷⵅ .